السلام عليكم
( الموضوع منقول بس حبيت أوريكم كيف أن العقل نعمة ، الله لا يفضحنا )
هذا اللي يطول باعماركم صحيفة (ذا صن) البريطانية نشرت خبر قبل امس عن شيخ قطري شحن سيارته اللمبرقيني (اللي بالصورة تحت) من قطر الى لندن ورجعها على طول لقطر مرة ثانية بقصد تغيير الزيت فقط .. تغيير زيت اللمبرقيني هذي يكلف 3552 باوند (يعني 26 الف ريال) .. الا ان خوينا الله يكبر عقله من النوع اللي ما يثق الا بالخواجات فشحن لهم السيارة في طيارة شحن خاصة فيها سيارته بروحها على الخطوط القطرية الى لندن وكلفته قيمة الشحن هذي ست اضعاف قيمة تغيير الزيت وكانت تكلفة الشحن بروحها 20 الف باوند (تقريبا 150 الف ريال) وبهذا كلفته العملية كلها 23552 باوند اي ما يعادل 46664 دولار يعني 175 الف ريال سعودي وكل هذا بس علشان يغير زيت اللمبرقيني بدون اي اعمال صيانة اخرى ..
وقامت مجموعة من انصار البيئة بانتقاد الشيخ القطري واصفة فعله بهدر للطاقة بدون اي فائدة وقالت جيني ايفانس (مدري شتطلع بس هي من حقين البيئة) ان هذا مثال يوضح كيف الاشخاص البطرانين يلوثون البيئة بفلوسهم ورغباتهم الدائمة بالخدمات الخاصة ..
اما ديفيد برايس مدير نادي عشاق لمبرقيني ببريطانيا قال انه مايشوف انه في اي مشكلة بالسالفة اذا كان الزبون يبي سيارته تتصلح كذا فهذا شي راجع له وهو حر بامواله ..
المتحدثة الرسمية باسم شركة لمبرقيني (والله كبروا الشغلة) قالت : ان طلب الشيخ القطري راح يعامل بكل الاحترام مضيفة ان الشركة الايطالية للسيارات الرياضية الفاهرة عندها وكلاء في كل انحاء العالم ولكن بعض الناس يحبون يصلحون السيارات في الديرة اللي جات منها وقالت هالمتحدثة ان مثل هذا التصرف مو اول مرة يصير وهو شي عادي بالنسبة لشركة لمبورقيني
وكانوا الموظفين في المطار الاكبر بلندن هيثيرو يتحلطمون على القطري وحركته اللي مالها داعي على حد تعبيرهم خاصة بعد ماشافوا الاستقبال الكبير للسيارة من مركز صيانة لمبرقيني وعنايتهم بالسيارة وكأنها طن من الالماس وصل حديثا للبلد ..
وعلق احد الملاقيف البريطانيين من موظفين المطار مستهزءا ومتعيبطا وقال ما ناقص الا يطبعون اثار اقدام السيارة في صلصال كتذكار يوضع باحد متاحف لندن ( تعبيرا لما يحصل عادة عندما يأتي مسؤول كبير او ملك وخلافه وقصده ان هذا الاستقبال للسيارة يشابه استقبال الملوك والشخصيات الكبيرة) ..
اما خويه اللي جنبه فكان اعقل منه وقال انها راح تكون اوفر لو شغل الشيخ مخه شوي وخلا التقنيين حقين لمبرقيني يجونه مع الزيت ومعداتهم الين قطر بدال ما يرسل سيارته المصونة بهالطريقة البذخة ..
يذكر ان هذي النوعية من لمبورقيني اشتهرت عقب مااشتراها لاعب الكورة البريطاني ديفيد بيكهام اللي ما يعرف يلعب بس فالح تمثيل دعايات ..
صورة اللمبرقيني LP640 اللي يبلغ سعرها مليون ونص ، و هي طالعة للطيارة
وهذي صورتها وهي بشارع لندن
ابي اعرف متى صارت اللمبورغيني بريطانية ، أخبرها إيطالية شكله دلخ راعيها
الله لا يبلانا
العرض الشجري
