الى متى يا ضيقة الخاطر على مجـرى الوريـد
ما عاد باقي من دمـي قطـره مهـي مستوجعـه
انا دخيلك يا وفا قلبـي .. تسافـر بـي بعييييـد
طموحك الربان .. وجروحـك بقلبـي لامتعـه !!
وجه الزمن ما عاد يغري .. وانقفل بـاب البريـد
وانته وفاي اللي لو اخدع دنيتـي .. مـا اخدعـه
لا صارت الدعوى مصالح والوفا ؟ كم فالرصيد !!
انو السفر يم الامل .. وافرد جميـع الاشرعـه !!
بس البلا لا صارت بحـور التعاسـه مـن جليـد
وان صاح جرحك ما لقيت اللـي يحـن ويسمعـه
من لا يقدر خوتيّ .. فأبرك سنه .. فرقاه عيد ؟؟
ِأما الرفيق الغالي اليا غاب .. خذ قلبـي معـه ؟؟
البارحه هبت هواجيسي .. فصدري مـن جديـد
سوالفٍ تشره علـى قلبـي .. بحلـم ٍ ضيعـه !!
لا هنت يا جرح الزمن .. حقق مرادك مـا يريـد
اهديت للخافق جروح .. وهو رفع لـك قبعـه !!
يا ويل حالي من شقا اللوعه ويـا قطـع الوريـد
على آخر جروح الصداقه .. والطعون الموجعـه
قلبي مصفي نيته / لو كـل مـن حولـه ضديـد
يبقى الجبل مهما وطته الريح ماهي تزعزعـه !!
ومن طاح من عيني .. ما عاد يهم ينقص أو يزيد
( اللي ينزل قدره بنفسه .. هـو اللـي يرفعـه )
ريحت قلبي من عنا الدنيا .. وانا اللـي مستفيـد
ما دام قلبي ما لقـى .. فالوقـت شـي يقنعـه !!
الا رفيق ٍ يجبر الكسر .. وعلى الشـده عضيـد
هذا منى قلبي على الدنيـا وهـذا .. مطمعـه !!
اضحك لو ان الضيقـه اللـي فالحنايـا تستزيـد
لين اقهر الضيقه .. وأخليهـا تفـارق فالسعـه !!
لا خانك الوقت الردي : مـا للحديـد إلا الحديـد
إللي شراك أهده وفا .. وإللى خذل عهـدك بعـه
تمشي المقادير .. بهوى الراضي وتلعـب بالعنيـد
صدق للي قال ان طاعك الوقت الردي ولا طعـه
العمر بأيامـه قطـار .. وراكبـا" سكـة حديـد
وتمـر لحظاتـه مابيـن المحـزنـه والممتـعـه
كل الحيـاه دروس والدنيـا عبـر والمستفيـد !!
اللي خذا مـن ( جملـة الدنيـا ) دروس تنفعـه
مما رااق لي
الأمـــــــــــــــتـــــــــــعـــــــهــــ!!
العرض العادي
