السلام عليكم والرحمه
هذي سالفة تطقطق بمخي منذو مبطي حبيت افضفض لكم مير محد يعطي فيس
في ليله من الليالي الرومنسيه الرايقه ... انجضعت على سريري , وحطيت رويسي على مخدتي
( مخدتي مكتوب عليها احلام سعيده و مرسوم عليها صورة طاوؤس ..
انقطعت بس ابشركم لقيتها ذاك الوقت بالجنادرية يوم نروح رحله مع هذوليك )
، سكرت عيوني فتحت خشتي و تجهزت للنوم ... و مير أتقلب يمين ... يسار
ماش مافي فايده ... ماجاني النوم قاعده بس أفكر بالسفر ... قام ابليس ماقصر طبعا ...
جا يلعب برويسي تقل كوره يشوته يمين و يسار
و أنا طبعا مخفه على طول أصدق ... المهم قامت تراودني أفكار جهنميه
(نسبة إلى جهنم الحمراء أي من فعائل ابليس )
جا قالي ابليس حسبي الله عليه قولوا آمين
قال : مــهـــــــــره
قلت : هااااااااااااااااااااااااااااه
قال : لبـــى هالصووت والله آآرووووح فــ عــبــد آآناا ..... بس ووجع قولي سم مرتن ثانيه
قلت : تخسى و تعقب احمد ربك اني رديت عليك بس .. ترى بقفل ( مكلمني على الجوال ) ...
قال طيب طيب اسمعي لا تخسريني ترى الفاتوره علي ..تحسبون بس أنتم اللي عندكم فواتير ؟؟؟؟؟
قلت : وشو ؟؟؟ وش عندك ؟؟؟ قوووووول خلصني ؟؟؟؟؟؟
قال : وجع ... وش رايتس تسكتين و تبلعين لسانتس لحظه عشان تخليني أتكلم ...
أما أنتم يا البنات ياحبكن للهذره وكثر الحتسي
قلت : وش فينـــــاااااا هاااااااه ؟؟؟
قال : لا أبد سلامتس ... يمه بسم الله علي . الله لا يحدني لتس بس
قال المهم اسمعي يا مهاري ( أوووخص يدلعني اللعين ) الحين انتي ودتس تسافرين صح ؟؟؟؟
قلت : لا <<<< من الصدمه ...... قصدي ايه والله ودي
و يطق على صدره و يقول مالها إلا رجالها.. خلاص بمرك بعد ساعتين جهزي قشتس و أنا بجيتس مع بلكونتس
... قلت طيب بس وش ذا السياره اللي بتجيني و تطمر عند بلكونتي ؟؟؟
قال :بجيتس بشي (احلف عاااد) يالله بس جهزي عفشتس و اربطي ذا القلعه اللي فوق راستس ( قصده شوشتي ) ..
فجأأأة
......... طووط طوووط ....صكها بوجهي
... أكيد ما يبي يطول ذا القعيطي ، الحين قاعد ساعه يعلمني و يلعب برويسي و متحسف يقولي مع السلامه ... صدق انه قليل حيا
المهم و جهزت عفشي و أطلع مشطي الأصفر حق أبوهنود شاريته بريال من عند محطة البنزين و أكد شعري و أربطه على جمب
... و أقعد على الكرسي أهززز أهزززز كني بيجر و بتحويله بعد ...
و بعد ساعه اسمع صوت ويشششششششيوو << صوت بساط الريح ..
وانا أشوف ذا اللي كنه جلال جدتي العنابي اللي منقط باخضر يطير بالهواء
و جا بيوقع على بلكونتي بس ما معه دفتر <<<< ققصدي قلم
قال اطمري انتي ... طمرت على ذا البساط ...
قلت : أوخس والله ما تلعب بساط و حركات ... قال ايه مشلحه من علاء الدين
...وبعد فترة من الزمن ...
قال وين بنسافر الحين ؟؟ قلت أبي ، أبي ، أبي أروح الفيصليه( آويل حالـــي )
( بزعمي الحين سفر )
قال لا مافيه كلها شباب و هيئه منيب ناقصن مشاكل
قلت يووووووووه حتى انت تخاف خخخخخخخخخخخخخخ
المهم و أقوووووووووووووول أبي فــــــــــــــــرنـــــــــــــســـــــــــــــــ ــــا
يوم انه تكرفس هو من على البساط و امد يدي له و ارجعه للبساط ..( يا زينك من سواق)
قال وجع وش بلاتس انتي ؟؟؟ قبلتس كذا مرجوجه ؟؟؟
طيب طيب خلاص أوديتس لفرنسا بس وين في فرنسا ؟؟؟؟
قلت أبي باريس و بالتحديد شارعي المفضل شارع الوزير <<<< آحم وشسمه قصدي شارع فيافانيتو (بتعلمكم انها رايحه لـ آسبانيا ) ....
آآآآآآآه يا حلو الأيام اللي قضيتها هناك ...(سقى الله ايام جون الاسباني ههههههههههههههههههههه)
و قاطعني و قال إنا لله.. خلاص خلاص درينا انتس رايحه فهمنا ...
يالله بس اربطي الحزام الحين بنوصل
و في خلال دقائق معدوده وصلنا ... و الجو كان غيم و مطر خفيف يرش ....
و وجيه سفره تناظرها و يضحكون في وجهك مهوب مثل ربعنا
لا صكيت االوحده منهم بنظره و ابتسمتي قالت لك خيـــــــــر إن شا الله من متى المعرفه ؟؟؟؟؟
والا ضايع لتس في وجهي شي ؟؟؟؟؟؟؟
المهم قالي وين تبين تروحين : قلت عندهم ملاهي مدري شسمها ووش زينهااااااااا .. وافق الأخ ورحنا لدزني واطيح<<<مدري ديزني لاند
وركبت بآول لعبه عند الباب ع اليمين ..(والله لايعيدها من لعبه )
بعد ذا اللعبه طلعنا وقلت له آبـــي اروح اللحين للقهوة ...
قال طيب بس انتبهي ترى ايطاليا كلها حراميه و عصابات مافيا واكثرهم يكونون بالقهاوي انتبهي ياحرمهـ .. والخ
قام يروعني بالحتسي و يخوفني حييل منهم...وقبل ما ادخل القهوه عطاني مسدس مويه (ايقاله تمويه يعني )
خوفا من أي هجمه غير متوقعه ( طبعا من هنا ابليس راح و تركني أكيد شايف له شوفه والا شي )
و أنا واقفه أطلب ما دريت الا بثلاث رجاجيل واقفين في المحل
واحد عند الباب معاه كلاش روسي ثلاثه و ثلاثين طلقه
و الثاني وراي بالطابور معاه آر بي جي
و الثالث عند الحمامات ( الله يكرمكم ) معاه رشاش
قال اللي وراي انبطحووووووووووووووووووا على الأرض جميعا
يوم انهم كلهم انبطحوا الا أنا مرتزه طايرتن بوهتي
قال و انتي وراتس ما انبطحتي والا على راستس ريشه ؟؟؟ و يدفني جعله اللي منيب قايله .. و يقول يالله انبطحي أشوف
عاد أنا بدت تشتغل عندي أنزيمات مايكل آنجلو ... قلت لا يا قليل الحيا
تبيني أنبطح ياللي ما تستحي مابقى الا هي ... طالت و شمخت أشوف
بعد ذا الكلمه والدنيا متغيرتن من حولــي ...!!!
صار تفجير و حركات ... اللي انقطعت رجله
و اللي راح فيها صار يزحف على بطنه تسنه ضب محرول
و اللي تقطعت أصابعه ... أنا صعقت صراحة <<<< يا زين اللي يقرا روايات
قلت بس يا مـــهـــــــــــــره هذي نهايتس ... تشهدي
و أنا أقول في خاطري لا أبوها لا أبو اللي يروح لذا الديره مافيه الا اني اجيب المساحه وامسح ذا الديره من الخريطه
ما دريت الا اللي يجي من وراي يقول مـهــــره مـهـــــــــره
و أفتح عيوني ألاقيها الشغاله تقول يالله كلو حلو ..كلو زين.. كلو نفر يركب خيل.. يقول تآلي هم هم
ترجمه : أهلتس المماليح يقولون انزلي تغدي
ذكريآأتي مع إبليس في frensh
العرض العادي
