الشاعر:محمد بن مريبد العازمي ...
عليك اتكالي يالله العفو والغفران , , تفرّج لقلبي سبة الهم والضيقه
حمدتك على ماانزلت من نعمة النسيان ,, وانا عبدك اللي خايف ذنوبه تعيقه
حصل ماحصل للعبد قد قالها سلطان , , وانا اللي حصل من صاحبي شي مااطيقه
لو اني مسامح واتحمل بعض الاحيان , , واطّوف خطا الصاحب ولااحب تدقيقه
مااحب الخطا الجارح ولا الذل والحقران ,, وانا شارب(ن) من دلة العز وابريقه
هبوب الندا هزت بقلبي غصين البان , , عسى خير ياحلم(ن) تمنيت تحقيقه
لكن الزمن سكّر على دربه البيبان ,, وانا مالي اللي الا ارضى بعذره وتصديقه
هجرني وانا توي صغير(ن) على الاحزان ,, وتوكل وانا ادعي له من الله توفيقه
رحل والله انه مادرى عن غلاه انسان ,, ولايمكن الايام تكشف مواثيقه
رحل ماذخر عن وجهي الاالدموع الوان ,, وانا ناشف(ن) ريقي وهو ناشف(ن) ريقه
ا لشاعر ابن فطيس ..
سولفـوا تكفـون لاعـاد تسكـتـون
قبـل لا اهوجـس وياتيـنـي بــلاي
السـكـات يـزيـد طعـونـي طـعــون
وتنكسر لاجا على راسي عصـاي
سولفـوا لـو مابغيتـوا اتسولـفـون
قبل لا اقعد في الحزن رايح وجاي
واضحكوا لـو بالعمالـه تضحكـون
وجاملونـي لــو يضايقـكـم حـكـاي
لــي ولـيـف ٍراح جعـلـه مايـهـون
هـــو دواي وداي أو داي ودواي
راح لكن طيف زولـه فـي العيـون
مــــرةٍ قــدامــي ومـــــرة ٍ وراي
وان سكتوا جا وهـو طيفـه يمـون
رحت أهوجس له وأبين لـه ولاي
مكسب عيوني من الفرقا مـزوون
تمطـر لطاريـه والبـرق اصـدقـاي
كـل مـاطـروه لــو هــم يمـزحـون
احرموني من غداي ومن عشـاي
ادري انـه ماتنـاسـى الــود كــون
تسمع اذنه في قفاي السن عـداي
وكانـهـم قـالـوا نسيـتـه يـكـذبـون
والا انـا فيـه أمتلـك نـظـرة وراي
كان حبه لي على خبـري مصـون
والله ان كـنـي بـقـدري وبـغــلاي
ذي بقايـا الحـب وأطـلال الجنـون
والله أعلم في ضميـره وش بقـاي
غيـر طيعونـي ولاعــاد تسكـتـون
والا والله ان اسـمـعـكــم بــكـــاي
الشاعر فهد القثامي..
يابداية كل خيرٍ يجـي مـن كـل صـوب= يارضى بعـد الشقـا يادعـاي المستجـاب
يانهاية سود الأيـام فـي الوجـه الشحـوب= يارياض العشب الأخضر ورشاش السحاب*
ياشذا ريـح الخزامـى ونسـاس الهبـوب= يا أختصار لكل مالـذ مـن نعمـه وطـاب
(انخلقت أنته وانا من جسـد واحـد وثـوب= منت لايق لبس غيري ولا غيـرك ثيـاب؟)
مير جالك في سفينة بحر غيري ركـوب= وأخذتك منا المقاديـر وأهلـك القـراب
وانتحوبك صوب ديره وأنا في دار صـوب= ولا هنانـي بعدهـا لاطعـام ولاشــراب
والمعرفـه بينـا كلهـا أحسـاس القلـوب= أنت ماتعرف جنابي ولا اعرفلك جنـاب!!!
لكن الـوان التشابـه ملـت كـل الجيـوب= كل ماعنيت عانا ومـا قـد طبـت طـاب
((واتعبتني حاف الأقدام واتعبـت الـدروب= قبل لايفتح لطآريـك عنـد النـاس بـاب))
والشمال يردني نوب فـي وجـه الجنـوب= واقصرت طول المسافات واذهبت الركاب*
**من بعد ماتطلع الشمس لا وقت الغـروب= والعيون تمد الأبصـار واهدافـي سـراب!
(((كنت اقصر خطوةٍ تحمل اوزار الذنـوب= وأتذكر رهبت الخوف في يـوم الحسـاب)))
يوم تجزى كـل نفـسٍ بماكانـت كسـوب= ويتجرع كل مجرم من الـوان العـذاب!!!!
يـوم ماتقبـل معاذيـر مـن عبـدٍ يتـوب= كان ماهو قبل موتـه ذكـر ربـه وتـاب!
(كنت اعيش براية الصدق في الوقت الكذوب= واعتذر عن بعض الأسفار في الجو الضباب)
**اعرف أن اقدار الأنسان ماعنها هـروب= لكن ادفع نازل السوء بايـات الكتـاب**!!!
ياالله انك ترحـم الحـال وتغفـر الذنـوب= وتبـدل السيـات عنـا بحسنـات وثـواب
كانـت امالـي كبيـره وعزمـي مايـذوب= ميقنن في صالح الحال من بعـد الخـراب!؟
الله اكبر مال ينبوع صبري مـن نضـوب= والظروف تحطني بين ضرس وبين ناب؟؟
(وبعد مسقتني الليالي مـن الأمـرار كـوب= احمد الله اشرب اليوم من عـذب الشـراب
والباقي بالطريق>>>>>>>>تشكورات
دمتم بود..فزوو
العرض العادي
