الله على جور الزمان ان كان ردك لأولك= للماضي اللي تجهلين وماقدرت اتجاهله
عند الحقيقه مادريت اجهلك والا استقبلك= هذا سؤال حوله استفهام ومية فاصله
يمكن على ذكر الغلا بضحك معك واجاملك= لكن جرح بالخفا ماظني اقوى اجامله
لاتحسبين اني بعد طول الغياب اشتقت لك=ولاتحسبين ان امسنا واليوم مثل القابله
ذاك امس وامس اللي مضاصعبٍ عليه يعود لك=صعبٍ على بدر السماء يشرق بوسط القايله
صعبٍ على قلبي بعد بخلك عليه يجود لك=لاتطرقين ابوابه اللي من اسنين قافله
دامك جهلتي موقفه وشلون مايتجاهلك =هذي حقيقه بينه هذي حقيقه عادله
اما قولي راسي كبر والا قلي ماستاهلك=حبٍ ينقص قيمتي ياعلني لا استاهله
اما اكرهي من ظاهرك والا احقدي في داخلك=لكن في قطع الوصل تكفين كوني صامله
هذي حقيقة وضعنا واللي زرعتي عاد لك=وايامنا المقبله فيها الدواهي حافله
شوفي قتلتك حينها والا زمانك قاتلك =والا يكون انا قتيل الحب وانتي قاتله !!
)
العرض العادي
