[poet font="Simplified Arabic,4,black,normal,normal" bkcolor="transparent" bkimage="backgrounds/7.gif" border="none,4,gray" type=0 line=200% align=center use=ex length=0 char="" num="0,black" filter=""]
قــالوا مكتـم قلت وش يشـرح البال =مايستريح اللي تعاقب هجوسه
العين عافت نومها والسهر طال =والراس فيه من المواضيع هوسه
حاديك ياعيني عن النوم غربال=كنك عن النوم اللذيذ محروسه
احس في صدري من الحزن موال =كن الشباري بالخفوق مغروسه
الله من هم بالاضلاع يجتال=شرياني التــاجي يحزه بموسه
ياحن قلبي حن من بعض الاحوال =حنين مور شطب المشي رووسه
النار فيه ومقتفيه اشهب اللال =حمــله ثقيل ويدفعنه تروسه
زالت جبال وهمنامابعد زال=المشكله متنبهه ومحسوسه
قامت على رووس الرجاجيل الاذيــال=شفت اللحــى متنتفه ومهلوسه
هذا على ماقيل في ماضي الامثال=دور رقد ذيبه وقامت تيوسه
فيه الشريف لخايب الجد مرسال =يتبع تعاليمه ويسمع دروسه
يبي يعيش وضايمه بيت واطفال=دمعات عينه بالنظير محبوسه
من شــان هذا قال في غــبن وذلال =ياخشم خذلك من ورى الخشم بوسه
وفيه الرجال اللي بها الضيم ينجال=تبيع بالشارع بطاطا وكوسه
وهذا زمان فيه تبلش وتهتال=رومه غزونـــا واذهبونامجوسه
دنيـا بهـا غير النواياوالاهوال= ايامها صارت علينا عبوسه
يقلــط بها الشبعــان لو كـان دجال=تفتل دواليب الزمـان وتدوسه
دورك مظــى ياطيب العم والخال=الذيب يضلع والحصاني فروسه
لاتنطــح التيار ياطيـب الفال=الوقت شين وبلغتنا عسوسه
والله ليصفق راسك الوقت بالجال=والله لتنطحن مابقى مابقا بك ضروسه
والله فــلا تشريـك مباديــك بريال=كل المبادي يالحبيب معكوسه
اصبر على ميــلة زمــانك ليامال=يجب عليك انك بعقلك تسوسه
واصبر على عالة رفيقك لياعال=لاتاخذ اسمه من حفيضه نفوسه
والشمس منهــا حالك الليـل ينجال=دوراتها لازم تعود وتحوسه
الوقت هذا يابن الاجواد للمال=ماينفع الرجال رمحه وقوسه
يالله لاتسقــي ثرى كل محتال= اقطع نمى غرسه ويبس غروسه
محــد جنى حـلو الرطـب عند الانذال=شكـله عجيـب وداخـل التمر سوسه
[/poet]
العرض العادي
