فارسك يا مهرة العاصي عنيـد
اشهد انه واحد وينطـح عـرب
كل يوم من الفرح ثوبـه جديـد
مشرقٍ نجمه ؛ سماه ولا غرب
سيّد ؛ وبالناس سادات وعبيـد
السليم ؛ يداوي اللي به جـرب!
ذخر من ينخاه باليـوم الشديـد
كل كاسٍ للمراجـل لـه شـرب
من تجرهم هامته يصبح هميـد
قبل ما يجرأ على فعلـه خـرب
ما تجمّل لأجل يـزداد الرصيـد
ولا بطش كفّه تسائل من ضرب!
ان تحقق واقـع اربـد يالبيـد
من تجيله ما تهيّـا لـه هـرب
راعي العلياءْ
جمالك هنا فاق الحد
شموخٌ وإفتخار
برجل كان للفخر اهلاً
طربتك هنا
حتى اللاحد
كل بيت عن الاخر يطغى
وعلى هامش الردود
ياليتها يومنها غابت تغيب
يالله عساها لاتعود سليمة
غابت وقلنا فاقدين نفل طيب
كانت وكنا نشوفها مثل غيمة
من وكّل امره لإمرأه بد مايخيب
ماتشوف ياغازي النوايا سقيمه
هو يمدح الماس ولكن نسى يصيب
سرح بفكرة لاقي له غنيمه
فاتتك ولا معديه منك ياذيب
الشعر من حري توالى نظيمة
فتره تعدل ثم عود على العيب
عادت لعادتها القديمة حليمه
غازي
كنت هنا نجماً
وصالح شهادتي به وبشعره مجروحه
لاينتظر شهادة مني
كنت هنا
بجوارحي أطرب
مبداي باللي يعلم السر والغيب=الواحد المعبود ؛ منجي كليمه
بديت باسمه دون عدّ(ن) وتحسيب=واعوذ به من هرج زور ونميمه
ومن بعد ذكره خط سير المناديب=للذيب اللي فيه المراجل قديمه
الصاحب اللي ما تفوته مواجيب=عذب المعاني ساقها لي نسيمه
حر(ن) ؛ تعلاّ نايفات المراقيب=اليا رمى صاب الهدف في صميمه!
معرّب الجدين ؛ ما احتاج تعريب=على المعالي من اكفوفه وسيمه
النايف ؛ اللي يستحق التراحيب=يثور ؛ ما يرضى لغيره ظليمه!
يكرم جنابه ؛ ما تجيه العذاريب=رائد ؛ ويملك بالمكارم قسيمه
ياصاحبي ؛ لا يلحقك شكٍ وريب=صاحبك ؛ لو جار الزمن ما يضيمه
اليا نوى بطشه ؛ عطيب المضاريب=ولا هو بخير ؛ اللي يحطّه خصيمه
الوقت شاهد ؛ والليالي تجاريب=وسود النوايا ، عاقبتها وخيمه!
ودنياك ما تخفاك ؛ دوم بتقاليب=ما كل دمعه ؛ من قلوب(ن) رحيمه!
متفاوت(ن) فيها ؛ زلال المشاريب=والعلم يظهر فاهمه من غشيمه
وختامها صلّوا على طاهر الجيب=الهاشمي ؛ واعداد همّال ديمه
العرض العادي
