(((((((((((((((((((((((((((0(الرجاء الرجاء الرجاء
ورجائي الخاص من المشرف عدم تعديل او حذف او نقل الموضوع لانو والله بصارحة حازعل لو سوا كدا
ولو انا غالي عندو لا يسوي كدا)))))))))))))))))))))))))))))))))))))
السلام عليكم
كيف حالكم
ان شاء الله طيبين
اخباركم
ان شاء الله دايما بصحة ونعمة
والله واحد اخر الليل فاضي وما عندو شيء وقال خليه يغير جو شوية
خلينا نخش في لب الموضوع
بصراحة موضوعي مو هداك اللي يستاهل انو الواحد يقراه او بس كدا يمر عليه مرور الكرام
موضوعي بصراحة يتناول شيء مرة مرة مرة مرة غريب اليومين هدي
والله هوا مو بس اليومين هدي انتشر بس من زمان لكن اليومين هدي احسو مرة صار منتشر زي انتشار البشر في الصين او الهند
الشيء هدا انو الشخص لازم يوري الخليقة مهاراتو ويثبت زاتو حتى لو كان بطريق غلط
اديكم على سبيل المسال على الشباب
(ازا انتا الان رحت الملعب طبعا ملعب كورة قصدي وشخص نرفزك من اللعيبة او الحكم مرة في المباراة ايش رايح تسوي اكيد رايح تسبو او انك رايح تسكت وتكتمها في صدرك بس لو انك سبيت وبصوت عالي تبغا توري الناس انك عندك لسان وجريء وقس على ذلك)
يعني لو لاحظتو معايا يا جماعة انو الشخص هدا الي سب مع انو عارف انو سوا شيء غلط الا انو بس يبغا يبرز زاتو
نضرب مسال تاني بس دي المرة على البنات
(هدا يا جماعة الموقف صرلي شخصيا في احد المجمعات التجارية وهدا الشيء صار امس في الليل كدا على الساعة 11 الليل :
المهم نخش في الموقف :
انا وواحد من اصحابي رحنا للمجمع ورحنا جهة المطاعم وطلبنا من المطعم المهم ولمن قاعدين نستنا الطلب (عند الرجال طبعا) جات بنتين ومعاهم اختهم الصغيرة وفجاة طالعت فيا البنت (الكبيرة طبعا) وشالت الطرحة وما بقت الا الشفاف يعني شايف وجهها كاني اخوها ولا ابوها وقاعدة مبحلقة فيا
المهم فلمن وصل الطلب حقنا جات البنتين ووقفو عند الطلب (كانهم هما اللي يبغو ياخدو الطلب مع انو الراجل قلنا انو هدا طلبنا)
المهم فلمن جيبت ابغا اخد الطلب البنتين ما بعدو ولا حتى خلوني اخد الطلب والله يا جماعة انو مديت يدي الين ما وصل للطلب والله انو كان حيطيح مني قادر اشيلو مني مرتاح يعني
ما بعدت بنت اللزينا هدا كلو وكنت حامشي ابغا افتك منها ومن بلاويها بس الا الراجل فكرني بالبيبسي حتى تصدقو البنات ضحكو عليا !!!!!!!!!!!!!!!!!!!!) (شوفو كيف قمة المسخرة وقلة الحياء)!!
والله العظيم انو كل كلمة من اللي قلتها ما بالغت فيها وربنا شاهد واللي مو مصدق هوا حر
طبعا كلكم حتقولو ايش يبغا هدا بالزبط
اقلكم الكلام باختصار
لانو خير الكلام ما قل ودل
الزبدة انو الشخص (سواء حرمة او رجال) يبغا يحاول يبرز زاتو باي طريقة حتى ولو كانت غلط وضربت مسالين على كل حالة مرة على الرجال ومرة على البنات مع انهم كلهم عارفين انو الشيءء اللي سوووه غلط
(((((((((((((((الرجاء الرجاء الرجاء
ورجائي الخاص من المشرف عدم تعديل او حذف او نقل الموضوع لانو والله بصارحة حازعل لو سوا كدا
ولو انا غالي عندو لا يسوي كدا)))))))))))))))))))
ارجو اني قدرت اوصل الفكرة الى بالكم مع انو اللهجة ما تساعد يس مشي حالكم حاولو تترجمو لوووووووووووووووووووووووووووووووووووووووول
يلا في امان الله
حتوحشونا والله مررررررررررررة
كلكم من صغيركم لكبيركم
العرض العادي
