السلام وصادق الود وأحترام
لكم جميعا"
قد تكون الأخيرة ,,, وأتمنى أن تنال إستحسانكم
والسموووووحة مجددا" قد يطول غيااابي
قلت:-
صحيح إن ما بقى لي شي أكتب شي من شانه
ولكن الصحيح إن بالقصايد سحر يجذبني
أحب الشعر وأطرب للقصيد الجزل والحانه
واحلّق في سماه ولا بغيت أكتبه يكتبني
وعلى ذكرى غرام ٍ عذب مبطي فاتت ازمانه
بنات الفكر في ليل السهر للوجد تندبني
وأصوّر بالحروف أبيات بالأحساس مليانه
أدوزنها على آهات من صدري تعذبني
مضى لي بالغلا ماضي ولا حاولت نسيانه
معاي بصحوتي في غفوتي دايم مصاحبني
بنيت أحلام من وهم الخيال وهد بنيانه
حقايق ليتني فكّرت بس أشوي قبل أبني
وسلام الله سلام ٍ راجح ٍ بالود ميزانه
على من ذاب فيني ذوب ملح بماي وذوّبني
وأنا ادري ما لمقعادي عقب ما روّحت خانه
عسى الله لا يواثمها وعسى الله ما يعاقبني 0
,,, وبس خلاااااص
متاابع