رواية الحب بعد فوات الاوان ... أقوى رواية سعودية رومانسية جريئة
الجزء الخامس العشرون
عمران وقف وباعلى صوت من العصبيه:وليه انا اخر من يعلم ولا انا مو ابوه(عمران صار يشك بالكل عقب اخته)
عبيربحسره ودهشه:لا مو معقول انا مو مصدقه الي اشوفه بدال ماتفرح تتهمني بالخيانه
عمران وهو مستسلم:طيب ليش ماقلتي لي انا اسمع الخبر حالي حال فوزيه
عبير:انا امس قلت لك ان عندي مفاجئه وانت قلت مابيك انتي ولا مفجائتك واللحين سويتها بهالطريقه توقعتك بتفرح مو تقلب على
فوزيه:شفيكم هدوا شوي اعصابكم
عمران يناظرها بحقد:انتي مالك خص هذي خلافات بين زوجين ولا نسييييت ويلمس راسه انتي وش دراك لانك مو متزوجه ولا راح تتزوجين
فوزيه تاثرت من هالكلمه وطلعت بسرعه وراحت تبكي مهما كانت بنت وتتاثر بهالكلام
عبير:حرام عليك وش فيك عليها هذي مهما كانت اختك ولازم تحترمها
عمران معصب:مب انتي الي تعلميني الاحترام متى كشفتي ووين؟
عبير:كشفت اول ماجينا للرياض امي غصبتني بعد ماشافتني تعبانه
عمران يكتف يدينه وكانه محقق:طيب ليه ماخذتي موافقتي تروحين من غير استئذان اصحي انتي متزوجه ولازم تاخذين موافقتي
عبير:انت ماكنت فيه
عمران:والجوال وين راح
عبير:انا كنت شاكه اني حامل ولاأستخدمت الجوال خايفه على(وهي تلمس بطنها)الجنين
عمران:طيب ليه ماقلتيلي بعد ماجيتي
عبير:لاني ابي اخليها مفاجئه وقلت لك عندي مفاجئه قلت مابيك انتي ولا مفاجئاتك
زينب تترقب وتناظر وهي تهز راسها بأسف وتتكلم بصوت مسموع هادئ:الله يعينك عليه ياعبير بيعذبك ويعذب الي في بطنك
عمران اول ماسمع صار مثل الثعبان الي شايف له فريسه ويبي ينقض عليه بسرررررعه راح لها بسرعه يبي يطلع
حرة عبير فيها عبير بسرعه راحت له ووقفت قدامه وتناظره نظرة رجاء:الله يخليك لاتسوي لها شئ الي فيها كافيها
عمران ويحاول يبعد عبير طاحت عبير وتصارخ وهي تبكي:لاتلمسها الله يخليك لاتضربها
عمران استغرب من دفاع عبير لاخته القاسيه معها:علشانك بس هالمره
ويمسك يد عبير ويحاول يقومها تقوم عبير وتبتسم له وعيونها كلها دموع:مشكور حبيبي ويروحون لغرفتهم
زينب مستلقيه على الارض من التعب والضرب الي جاها من عمران وصارت تتكلم بتثاقل واثار الضرب زادت في كل مكان بجسدها
فوزيه تطق الباب
عمران:اكيد هالفوزيه المزعجه
عبير تحاول تسكته وبصوت خفيف:خلاص انا بروح اشوفها
فوزيه بصوت خفيف ونظرات رجاء:عبير ممكن تجين شوي
عبير راحت لها:هلا فوز بغيتي شئ
فوزيه تاخذها وتروح ورا البيت المجود في البر او صحراء :عبير عندي طلب الله يخليك سويه وساعديني فيه
عبير خافت تكون داهيه جديده او مصيببه:وشو وانشالله اساعدك فيه اذا كنت اقدر
فوزيه:خلي عمران يجيب اكل نواشف جبن وقشطه وفول ومن هالاغراض
عبير انفجرت بالضحك:ههههههههههههههههههههه والله انك داهيه يافوز جايبتني ورا البيت علشان تقولين لي اشياء العاديه
فوزيه جاده وبترجي:صدقيني زينب بتموت لها ثلاث ايام ماكلت
عبير:وشو ثلاث ايام حنا وين بافريقيا بجد والله كيف
فوزيه:البيت ناقصه اغراض واجد وماجابها ويوم قلت لعمران عاندني وحلف مايجيب
عبير:خلااااااااااص ولا يهمك اخليه يجيب اللحين بس اسمعي مو معناته انه يطيعني بسرعه تراه يالله ويالله يروح
فوزيه:مشكوووووووووووره حياتي انا مادري وين اروح عن جمايلك
عبير:يالله تعالي بنشيل زينب نوديها لغرفتها علشان اذا سالني اقوله نشيل زينب
فوزيه:عليك نور
راحوا لزينب لقوا ينزف انفها دم من جديد ارتاعوا انهبلو راحت عبير بسرررررررررعه للفريزر تجيب ثلج واخذت كلينيكس
وحطوه عليها
عبير تعرف بالاسعافات الاوليه احسن من فوزيه:ارفعي راسك يازوزو ارفعيه
زينب تحاول ترفع راسها بتثااااااااااقل وتساعدها فوزيه: وحطوا الثلج عليها الى خف النزيف وشالوها عبير تحاول تشيلها
بس ماتبي تأذي الي في بطنها
وفوزيه شالت بكل حماس وبكل قوه عندها وحطوها في السرير وكان عمران يترقب كل شئ من اول مانزفت زينب
صحيح تعاطف معها وتقطع قلبه على اخته لانها بجد تكسر الخاطر لكن عبير سوت الي هو يتمنى انه يسويه
طلع عمران ونزلت من عينه دمعه متمرده تهز رجولته ومسحها على طول علشان ماحد يشوفها لكن شافته وحده تحس في كل نبضه ينبضها وكل الآم جارح يحس فيه
عبير تمسك يده وهي مبتسمه: لاتمسح دموعك خلها شوي تلين قلبك حرام عليك رح لها راضها بكلمه وحده مسكينه الي شافت مو قليل
عمران:مو انا الي اراضي احد
عبير:مو الغلط انك تراضي!! الغلط هو انك ماتسامح الكل يخطي وربي يسامحه اذا تاب كيف انسان حنا بشر لنا احاسيس ولنا مشاعر روح سامحها حرام عليك خلها تحس
ان فيه احد يهتم فيها هي ماكلمت واحد الا لانها فاقده التعامل الزين معها اقولك( توقف عبير لانها تحس بغثيان وراحت على طول للمغسله
عمران لحقها:وش فيك سلامات تحسين في تعب
عبير:لا تعرف الوحام
عمران ابتسم وهو مكتف يدينه:يعني بتجيبن لي ولد بعد كم شهر
عبير:اها ويمكن تكون بنت
عمران:الله يعينك ياعبير على وعلى مصايبنا الي كلما تزيد ماتنقص
عبير:انا كلي فداء لك انت ومصايبك
عمران ابتسم وهو يناظر لها بحنان لكن عبير ماتحب هذي النظره لانها تشوف ان ذي النظره نظرة شفقه مو حب
عبير:جوعانه ياعمران
عمران:امري تدللي وش تبين
عبير:اممممممممممم ابي نواشف جبن وقشطه وفول وعسل وكل شئ احس اني مشتهيتها لو ماتجيبه خلال نص ساعه بتنسد نفسي
عمران:لهالدرجه وبذا الوقت اللحين الساعه 1 الصبح
عبير:ايه انا اول اكذب الي يتوحمون واقول انه وهم لكن اللحين ابي بسرعه جيب بليزززززززز
عمران يأشر على عيونه:من عيوني الثنتين لأم عقاب
عبير:مين!!!!!!!!!!
عمران:اقول ام عقاب
عبير:ههههههههههههههههههههههههههههههههههههههههههههه ه حشى قضت الاسماء
عمران:وانتي اي اسم تبين اذا ولد
عبير:اممممممممممممممممممم ابي عامر عمران
عمران:ليه وش معنى
عبير:ابيه يلعوزني مثل ابوه
عمران مو مصدق:انا بصير ابو وناااااااااسه(باس راسها وراح للبقاله علشان يجيب النواشف للعبير مايدري انها لزينب
عبير قاعده تفكر معقول سالم الي في الاستراحه هو سالم الي تعرف على زينب مو معقول بجد غريب وش ذي الصدف
الحمدلله ان عمران مانتبه والا يمكن ذبحه اقول خلني اروح لزينب احسن من الافكار الي بتموتني وتتعب ترجع على طول للمغسله
المسكينه ماتتحمل
العرض العادي
