كريم ياقلبي مع الناس إلاّ أنت
دايم تشحّ ابفرحتك لاجل غيرك
لاشفت فرحٍ يسكنك لاتبسَّمت
من كثرهمك تبْتسم وشْ يضيرك
شايل همومٍ ياخفوقي ولالنت
مادام تنبض ماتراجع مسيرك
ولاقلتلك ياقلب وشْ لي تعلَّمت
من كل لحظات الألم من عسيرك
من ناس ماترحمك لامن تألمت
وماتمسحٍ ادموعك ولحدٍ يجيرك
جاوبتني بدموع عينك وسلَّمت
آمنت ياقلبي وهذا مصيرك
خلَّك على خيرك وخلَك كماكنت
مبداك ياقلبي على الغير خيرك