(قم لملم الحزن وانابقطع الطاري)=وهزهزغصون العناق وهات موالك
شف دمعة البعد عقبك سيلهاجاري=وكثرالطعون الغزيره بسبة إهمالك
قم ولع الشمع وانا بكتب أشعاري=واول قصيدة غزل أكيد من فالك
وأوقف على شرفتي لاعود الساري=والعن تعاسة قدرنا لاتهيالك
وأطلق عنان الخفوق لغيمة أفكاري=ياعلي أجمع شتاتي فيك وأغتالك
وابدأ معك خطوة المليون باصراري=وأذوّقك من رحيقي كود يحلى لك
وابستظل الهوى وإن طال مشواري=وانسى غيابك وأعاتب وأجلس قبالك
وأحط راسي بصدرك واسرد أخباري=واسألك وش مشغلك عني وش أحوالك
وبوسط حلمي سمعت أصوات بجواري=وفزيت وامي تسمي تقول وش جالك
قلت العفو يالحبيبه مربي طاري=وانهيت قصة كوابيسي بموالك
العرض العادي
