هذي بقايا الامس عبره وتذكار=صفحه من الماضي عيوني بكتها
وقفت فيها غيبه الشمس محتار=اسائل الاطلال عن ساكنتها
واسئل عن ايام (ن)مضت بحلو الاسرار=راحت بناس (ن) شغلها ما قضتها
ومشيت في منزال من كان لي جار =يوم الهوى في قلوبنا شايلتها
ما باقي (ن)غير الزرانيق وجدار=وطول النخيل جذوعها ما قوتها
وباقي نقوش (ن) في مصابيح ووجار=يد الزمن في وجهها جرحتها
واقفيت اهل الدمع واقول يا دار =في سكه (ن) كل الملا ماشيتها
الزرانيق /جدارين متقابلين على فم البئر
المصابيح /اماكن داخليه مفتوحه على الحوش للجلوس في الصيف
العرض العادي
