اهدي لاخواني قصيدة دغيّم الظلماوي .......
ياكليب شب النار ياكليب شبه . . . . . عليك شبه والحطب لك يجابي
وعلي انا ياكليب هيله وحبه .... . . . وعليك تقليط الدلال العذابي
وادغثلها ياكليب من سمر جبّه . . . . وشبّه الى منه غفا كل هابي
باغي الى صبيتها ثم قبـّــه . . . . .. تجلب لنا ربع سريات غيابي
بنسريت(ن) ياكليب صلف مهبه . . . . لاهب نسناسه تقل سم دابي
سرات(ن)بليل وناطحينن مهبه . . . . متكنفين وسوقهم بالعذابي
الوالمه ياكليب عجّل بصبّه . . . . . . والرزق عند اللي ينّشا السحابي
صبّه لقرم" صرفته ماحسبّه . .. . . . يوم البخيل مكنهب الوجه هابي
وصبّه لمنعورا" الى جاه نبّه . . . . يرخص بعمره والدخل له ضبابي
وعدّه عن اللي مايدار المسبّه . . . . اللي يدور بالقصير الغيابي
عن الطيب عدّه نازل" له بغبّه . . . . يضرب على درب الخطا مايهابي
لاباطن الهلباج خطوا الجلبّه . . . . . ياحلوا خبط عصيّهم بالركابي
أطمر لهم وابدي سلام المحبّه. . . . لاجوا على هجنا" يديهم خرابي
سلام" احلى من شخاليل جبّه . . . . واحلى من السمن الجديد العرابي
مع كبش مصالحا" راسه نجبّه . . . . لا ادبر الهيّن متين العلابي
خطوا الولد يوم الملاقى نكبّه . . . . ياتي علينا حساب الزهابي
وحتيش لو يلبس يبنن وجبّه . . . . . . معيرة" على غضير الشبابي
أنا لقيت الصبر يازين غبّه . . . . . يرقيك روس مشمرخات الهضابي
من لاصبر ياكليب في حكم ربّه . . .هذاك يوم البعث ماله ثوابي
يقولها اللي ماحكا بالمسبّه . . . . ولاعرقل الاجواد بعض الاهلابي
هذا هوا بالي وهذا مطبّه . . . . . من قبل مايكفح علينا الترابي