الشاعر شداد بن محمد
شاعر الألم
النديم
يحكي شعرا نابعا من قلبه صافيا سهل وراقي
اليكم بعض قصائده اتمنى ان تنال اعجابكم ولو بالشيء القليل
مادام حزني
مادام حزني يرضي الناس والخلق..
من الطبيعي .. اليوم حالي حزينه..
***
مير البلا تطلق لي احقادها طلق..
يارب سترك لـشوف الغبينه..
***
كم صحت مره ياعرب ...ناشف الحلق
والكل ينكر ماسمعنا ونينه
***
وعلّقت روحي بين ناب الدهر علق
ياكيف برضى هالحياة المهينه
***
مشتاق والله شوفة احجاجي الطلق
مشتاق اطلق عبرتي هالرهينه
***
وين انت ياللي سالقٍ خافقي سلق
الحق حبيبك قبل تطفى سنينه
***
واليوم ادري انك بحالتي قلق
وانتي بعد تدرين انك ثمينه
***
تزلق دموعي من على وجنتي زلق
وارجوك دمعي احذري تجهلينه
***
وان كان قلتي ياهوى مالنا خلق
ببصم على العشره حياتي حزينه....
***
النديم
جيتك ولك مشتاق
جيتكـ ولكـ مشتاق مشتاق مشتاق
جيتكـ وكلي شوق اسامر لياليكـ...
****
جيتكـ وكلي ود في لحظة اعناق
ودي اذوب خافقي بين اياديكـ...
****
شوفي وقولي كيف هالحال ينطاق..؟
مسكين انا ضايع وتايه بأراضيكـ...
****
ياوردتي,,من جور الايام منعاق..
انتي فرح عمري وروحي تناديكـ
****
بكتاب عمري كم تبعثر من اوراق..؟
ياوردتي صفحات عمري تحاكيكـ..!
****
ماضي حياتي بين خاين وسرّاق
واليوم انا عندكـ ولبيكـ لبيكـ...
****
لك مابقا لي من احاسيس واشواق
بس اطلبكـ كل مافتحتي الشبابيكـ..؟
****
واليا نظرتي لمعة النجم براق
وشفتي القمر من نظرته لك يعاديكـ..!!!
****
قولي تعال بنجلس اليوم عشاق..
وانا بلبي لك وبسعى بمفاليك,,
****
واليوم جيتكـ يا اكحل العين مشتاق..
جيتكـ وكلي شوق اسامر لياليكـ.
****
ياغايبهـ
ياغايبه غبتي,,بقى الدمع وياي,
دمعة الم فرقاك,,,اللي بكيته
***
ليتك خذيتي,,كل شيٍ بدنياي,,
ليتك خذيتي,,,شوقي اللي خفيته
***
بان الالم والحزن,,,فـ مبسم اشفاي
ليت البكى يشافي الهم ليته
***
جيت البحر,,,اشكيه من كبر بلواي
هاج البحر,,من مدمعي يوم جيته
***
اخاف ابين ضيقتي عند اعداي...
اخاف احطم حبي اللي بنيته,,
***
كنت الدوى وشلون اصبحت لي داي
ارجوك ارحم قلبي اللي غزيته
***
ياغايبه... عودي ماعاد انا اياي
ماهي غريبه يوم حزني اعتليته
***
تدرين ,, قولي كيفها بحت احكاي؟
ولا اساليني وش هو اللي هويته؟
***
واقول انتي اللي عشقته من اصباي
واقول انتي عمري اللي بديته
***
لاتسأليني..وش حياتك بلياي..
اقول,,,قلبي فدوتك لابغيته....
صوت للشاعر خالد الوبير الشمري
ياخالد احذر هالزمن كشر الناب
ياخالد اسمع قصتي لاتحاكيت
***
وشلون صارت ...؟ اقرب الناس اغراب!
اجساد حيه والقلوب ابتوابيت
***
سود الليالي شيبت بي وانا شاب
من غدرها ياصاحبي ماتهنيت
***
ول ياضيم غدينا له اسباب
ول ياضيق اشهد انك تماديت
***
سرابي الهاجس وشرّعت له باب
باب الفكر شرِع وانا اللي تغنيت
***
لي مع الماضي مشاريه وحساب
الله ياوقت مضى كم تفانيت
***
نمشي بهالدنيا على سهول وهضاب
كم واحدٍ افنى منتظر عل وياليت
***
صكات بقعا والغدر مثل الاحزاب
تحالفو ضدي وانا اللي تشاقيت
***
اعوام مرة ماهتني بحلو الاشراب
الريق يابس قالو عني توفيت
***
وشلون اهاب الوقت وانا للي مهاب
ابطيت مكسور وتوي تعافيت
***
من يوم شفت الزين ابو رمش واهداب
اقول هذا اللي في حلمي تمنيت
***
ذاب الخفوق بشوفته مبطي ماذاب
اجر صوتي كل ما اصبحت وامسيت
***
فيها براءة طفل مابين الالعاب
واليا مشت تاقف جميع التواقيت
***
واليوم حالي اشكي الدمع سكاب
الله يروف الحال ياصاحبي ليت
***
غابت نظر عيني مع اللذي غاب
من يوم غابت انطفى نور هالبيت
***
ياصاحبي كل شي وله اسباب
افنيت عمري بالرجا ليت مافنيت
***
قسوة زماني كنها عظة الداب
اضحك شوي واليا طرا السم تباكيت
شداد بن محمد
ـــــــــــــــــــــــــــــــــــــــــــــــــ
قصيدهـ كتبها أخي عبدالله وهو في الاسر ..
الله يفك اسره
عقب البطا والبعد ياخوي ماجور
ماجور يامن قدره اليوم عالي
**
لابد عقب الليل مايظهر النور
وتسفر لنا الدنيا على كل حالي
**
عزالله اني عقبك اليوم مبتور
شداد يامن لازهمته سعا لي
**
يفرح وانا فرحٍ بشوفه ومسرور
نديم صدقٍ في الليالي الخوالي
**
هات القلم مادامني فيه مجبور
وسطر على الصفحات شي طرا لي
**
الله وعدنا بسورة الرعد والطور
لاهل الصبر منا اجور جزالي
**
صبرٍ ترا الايام حوله وبدّور
لا بد ماللعسر ياخوي تالي
**
طور ابكتبك وطور اببكيك
ابكيك يامكسبي ويا راس مالي
**
ماني فالايام بجاهل ومغرور
كم باعدت مابين غالي وغالي
**
الصبر زين وكل مطرود مقدور
عسى الفرج ياخوي فالك وفالي
وهذا ردي ...
ابدا بذكر اللي حكمنا بدستور
ابدا بذكره هو عظيم الجلالي
**
من بعد ذكره بحكم الراي والشور
واقول شيٍ واجبٍ لك يقالي
**
جاني جوابك ياعضيدي ومعذور
البعد هذا شف دروبه طوالي
**
كم واحدٍ امسى على هم مقهور
واصبح على يوم جديدٍ وسالي
**
اصبر على الضيم ونهايتك مأجور
الله يجيرك من صدوف الليالي
**
ياخوي بعدك بيتنا صار مهجور
متى الفرج ياتي واشوفك اقبالي
**
والحال ما من حال لو قلت مستور
في غيبتك ضاق الفضا والمجالي
**
ياخوي وجهك دايم ساطع النور
بكره بتشرب صافي الما زلالي
**
ودي بشوفك تضحك العين بسرور
اقبل جبينك واهتني بالليالي
**
انا السجين اللي شكى ضيق هالسور
بيطلق سراحك مع قروم الرجالي
شداد بن محمد
الحزن خيم
الحزن خيـــَم طاولتني همومي
ياشيب عيني كلما شان يومي
***
وشلون ابرضى هالزمان المعقد
والجرح دمه يمتلي في هدومي
***
تدور الليالي والجروح اتجدَد
وطير الندم يبكي عليا ويحومي
***
الا ياطير قلي وشهي علومك
والا علومك دوم تشبهـ علومي
***
ياطير يابختك تطير وتعدا
وتبدل الاوطان بليلٍ ويومي
***
وانا ياطير حيلتي لا تضايقت
اكثر الونــــَات وكلن يلومي
***
على حبيب كلما سال دمعهـ
اشوف الموت يتِجه لي ويومي
***
ياطير مالي في المحبين غيرهـ
وعالمٍ في الحب ربٍ رحومي
***
ياطير والله اني ما ارضى بديلهـ
ومحدٍ في حبي لي بيشري ويسومي
***
هذا كلام اللي يريح ضميري
ولي مع العشاق عرف وسلومي
***
شداد بن محمد الهاجري
النديم
العرض العادي
