بسم الله الرحمن الرحيم
السلام عليكم ورحمه الله وبركاته
تحياتي لكم جميعا وانا صراحه ودي اطرح موضوع نعانيه وخاصه عندنا بالسعوديه وانتو شوفوا الموضوع واعطوني رايكم .
هناك برى السعوديه اذا جات حفله او سهره تلقى كل اثنين بزاويه ويتكلمون براحتهم والاكل بيديهم ولا احلى من كذا
هنا لا
تعزم 11 يجونك 24 لا وكل جايب ولد عمه ولا صديقه اوووه لا انسى ايضا بالخارج ويمكن قلنا يمكن يعزمون بعض المره الجايه يمكن تكون برا البيت او تكون عند فلان بالبيت هنا بالسعوديه لا بعد العشى او الغداء يجلسون يحلفون ويطلقون ان اليوم بالليل العشى عندي ؟
يا ابن الحلال توني ماكل مفطح وش باقي اكل بالليل .
ويجلس يحلف عليك ساعه لين توافق غصبا عنك وحتى لو برا البيت ما راح يخليك ويطلعك في امها انه اصيل وما ادري ايش
قبل فتره ليست بالقصيره رحت سوق حراء الدولي بجده عندنا مع كم واحدن من اخوياي .المهم لقيت شخص لي فتره عنه اول ما شافني سلم ورحب وهلل لما كرهني نفسي واخوياي بعيد من الزهق كل شوي يدقون بالجوال دقه وحده يعني حس وصرف اللي معك وتعال بس المشكله اللي معي نشبه وجالس يسحبني ويقول على بالحرام انت تجي البيت الحين ونقوم بواجبك يا ابن الناس اقلب وجهك بس اي بيت واي واجب بس قال انا حلفت يالله (ارواح) البيت
وجالسن يسحبني بيدي وانا متمسك بقوه بالارض وهو يسحب واقوله يا ابن الحلال اقلب وجهك تراك زهقتني وفضحتني بخلق الله فكنا يا هووووو ه
يقول لا لالا لا لا ما يصير انا اوليت وش اوليت بس خلها وقت ثاني وهو طايح سحب فيني مدري وش في امه ذا هههههههههههههههه.
وتحياتي لكم وهذا هو زاتوووو الموضوع فأيش رايكم << اخص يا زول
اخوكم / ابو فــــــــهـــــ 99 ــد
لا واسمعوا بعد تعالوا يا كثر الفوارق ان غصنا بالغويط وربي حاله << اركد بس
هناك فروق او فرق بيننا نحن الخليجين وبين بقية الدول العربيه باشياء كثيره ومتعدده منها العادات التي تحكمنا ماذا نفعل نحن وماذا يفعلون هم ؟؟؟
من هذه الاشياء امورنا اليوميه ومانصادف بها من احداث ومشاهد
لاتمر بهم الا نادرا ان لم تكن معدومه لديهم خذوا من هالامور اشياء قليله من بعض الفروق بيننا وبينهم /
بالنسبه لليوم لديهم من اول ماتصحى من النوم تصحى بهدوء وتصحى وانت رايق 1000 ويمكن يكون استريو شغال على موسيقى هادئه جدا ايضا الماما هناك تجي جنبك عالسرير وتعطيك كلمتين حلوه وبوسه خفيفه تخليك ترّوق مرره ايضا << امحق .
مش مثلنا يجونك برفس ويطفّون المكيف ويفتحون الشباك تصلخ امك الشمس والحراره لما تقوم غصبا عنك عندهم تلقى فطور رايق وجلسه رايقه مع الاهل مع الصباح تخليك تنفتح نفسك لبداية يوم جديد اما عندنا << افلقني
تصحى والخشه كانها خشة جنّي وتقول وين الفطور يردون عليك مافيه فطور << تعرفها يا وجهه ابن فهره .
هذا اللي ناقص اقطع نومي عشان وجهك واروح ازين لك فطور روح مر لك بوفيه ولا مخبز وافطر ولا جعلك ما فطرت .
وتلقى واحد من اخوانك او جيرانك جنبك مشغّل سامري من صباح الله خير وخذ رقص وهز الحمد لله والشكر بس هذا اذا صحيت ولقيت احد صاحي في البيت بعد لوووووول.
ايضا المدراس عندهم رايقه وروعه وفيها تلاميذ اولاد وبنات ( مختلط )
تداوم الصبح مرتب ونظيف تلقى ناس مفتحه وحلوه قدامك تلتفت عالطالب اللي يمينك بالصف تلقى رولا تلتفت يسارك تلقى رانيا تقولك يسعدلي هالصباح ما اجمله تخليك تنفتح نفسك لكل شئ حتى لو ماكنت منتبه لشرح الاستاذ راح تجاوب وتشارك وتكون الاول بالحضور مو هنا من تدخل الصف عندنا تلتفت يمين تلاقي واحد ( خال ) اسمه مرزوق ويسارك واحد دب ريحة فمه لو يشمها الكلب ( الله يكرمكم ) مات
وثوب هالدب هذا وصخ واهله كانوا حاطين ثوبه سفره للعشى حق امس ومن تلتفت عليه تقوله صباح الورد يابو هاجوس يرد عليك ويقولك اقول خذ دفتري بس وحللي الواجب حق امس تراني مافتحت الكتب من يومها هذا اذا ماكان مخبي كتبه ودفاتره فوق المكيف حق الفصل ولا بالطاوله ايه بالنسبه للطاولات حقت الفصول
طاولاتهم هم بلاستيك وجديده مرره وملوّنه لا هنا خشب وكل طاوله اكل وشرب عليه الدهر ومكتوب عليها ذكريات فلان او ابو فلان والفريق الفلاني طز والفريق الفلاني عز وكل طاولات المدرسه محفّره
بفرجال علبة الهندسه .
ايضا مدرسينهم اكثرهم بنات واتيكيت في فن التعامل لو شافتك فهيّت شوي يمين او يسار تجي يمك وتقول شو حبيبي في شي شاغل بالك ؟ هذا اذا ما رحت معها لغرفتها وجلست تهديك وتسولف معك هنا يدخل المدرس متأخر وداق اللطمه وياخذ اقرب طبشوره طايحه بالارض من سنه ويكتب على السبوره اقرا من ص 17 الى ص2400 عشان اسالكم بعدها واشوف من مراجع فيكم ومن مافتح الكتاب امس واذا شافك سولفت مع واحد منا ولا منا ولا فهيت شوي خذى اقرب شئ جنبه طبشوره مساحه برايه كانت بطاولة الطالب الاول بالصف وحذفك فيها بكل قوته على راسك وقال انتبه ياولد وخلك معنا وهو اول الطلاب نايم وشكله دايخ ولا ادري وين كان سهران امس والى الساعه كم وهو برى البيت << افلقني اذا نجح احد بس هههه .
ايضا بالنسبه للغزل عندهم حلو مره وتتعرف على البنت اللي تبي باي وقت بس تشوف الل يعجبك تكلمها وبنفس اللحظه توديك لاهلها بالبيت وتقول هيدي صديئي الجديد بعرفكن عليه وشوي توديك لغرفتها وتوريك وتفرجك على اشيائها الخاصه من صور وتحف واشياء هيك وهيك . هنا تجلس تطارد ساعتين بكل شوارع المدينه تبي تتعرف على هالملثمه وتدفع نص عمرك ويمكن تتعرف عليها بس طلعه انسى جوال استقبل دقه وتقفيله هع ومايمديك تقول لها كلمه حلوه بالجوال << اسمع عاد . والله ياحبيبتي احبك وانتي الدنيا وانتي اهلي كلهم امي وابوي طاااااااخ ؟ وشبنا ؟ تقفل الجوال ؟ بعدين تقولك اسفه عيوني قفلت لاني حسيت ان واحد كان ورى باب غرفتي يتسمع ولا امي نادتني وانا فوق وهي تحت وخفت تجي لغرفتي فوق وتشك فيني او تصيدني لا ومن حلاة الوجه هبلت فيك العيون من ورى اللثمه بس يوم شفت خشتها قلت ليتها جلست ملثمه احسن من اني شفت هالخشه هههه
هناك لما تشوف بنت تمشي بالشارع وحبيت توصلها يانها بتركب معك يابتقول لك مرسيه عيوني انا بستنى الميكرو او بستنى رفيئي حيجي هلأ ياخدني تروح وانت راضي وتضحك يا حبي لها <<كش عليك .
بس هنا لاشفت وحده تمشي وحبيت توصلها تفتح الدريشه بس وتقول مساء الورد ممكن اوصلك لاي محل تبينه ماتدري الا هي ماخذه اقرب حجر من الارض وتسب وتقول ابو ابو ابو ابو ابو ابو وانت دعست كل الدعسه ومن قوة الدعسه رجلك وصلت للصدام حق السياره ووصلت لاخر الشارع وهي لسه تسب وتلعن << ول ول وش ذا الخوف يمممممممه
أأبو أأبو أأبو أأبو أأأأبووووك ومواصله بعد زين اذا ماجابت العيد بسيارتك وصفقت لك قزازه ولا باب حفرت امه لك هههه .
بالنسبه للأكل بعد /
اكلهم حلو ورايق وكله فن واتيكيت مش هنا يوم لحم ويوم دجاج واذا قفلت مع الاهل من الطبخ قالوا اتصل الله مكثر المطاعم وكلها توصيل طلبات باسرع وقت .
هناك الكبه والعجه والتبووووله والسلطات قبل الاكل وكل شئ مرتب ومهضوووم وظريف يعني ( شئ زريف ) << اخص يا ذا مانتب صاحي .
وتحياتي لكم جميعا وعسى يعجبكم الموضوع انشاء الله .
اخـــــــوكم / ابــو فـــــــهـــ 99 ــــد
هههههههههههههههههههههههههههه
هههههههههههههههههههههههههه
هههههههههههههههه
الله ياخذ بليسك اجل الذنبة كبيرة ؟
ههههههههههههههههههههههههه
موضوع حلووو مرة بصراحة وتعجبني طريقتك في طرح المواضيع
مع اني اختلف معك في بعض نقاط الموضوع ولكن عموما يوجد بعض السلبيات وبعض الايجابياتـــــــــــ زي ما تقول اختى القصمنجيه
فوراق من ناحيه العزائم والحفـلات بالسعوديه
ــــــ
يسلمووو أخوي على الموضوع المصرقع 
العرض العادي
