العودة   منتديات الـــود > +:::::[ الأقسام الثقافية والأدبية ]:::::+ > المكتبة الأدبية
موضوع مغلق
   
 
أدوات الموضوع تقييم الموضوع انواع عرض الموضوع
قديم 10-12-2009, 09:15 PM   رقم المشاركة : 1
تحدوهااا البشر
( مشرفة الصور والديكور)
قصيدة لشاب فقير خطب بنت عمه المليونير ؛ حلووة


قصيده رهيبه مرررره


سبحان من يرزق بتوع الملاييـن*** الرازق اللي ما يخيب الرجـا بـه

لي عم عنده معـرضٍ للصواليـن ***أموت واعرف بس من وين جابـه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابـه

قال أرحب أرحب عدّد ورد البساتين***يا مرحبا باللـي لفـا يـا هلا بـه

قلت البقا عـدّ النفـل والرياحيـن ***يا شيخ شمل أهل الكرم والذرابـه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابـه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابـة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابـه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى بـه

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابـه

قلت اذكر الله يا عـدو المساكيـن***واستغفـره لا يبتلـيـك بعـذابـه

الظاهر إنك منت عارف أنا ميـن ***أنا لو أرقى فـوق متـن السحابـه

ما جبت حتى نص درزن مواعيـن***واضحك بكيفك واعتبرهـا دعابـة

شروطكم هذي شـروط المجانيـن***شروطكم شغـل ابتـزاز ونهابـه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابـه

وين الصفات اللي أمرنا بها الديـن **وين اختفى نهج النبي والصحابـة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابـة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيـت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيـب الذيابـه

تراك شايب رأس مالـك رياليـن ***والبنت ما تسوى جنـاح الذبابـة<<< خربت الأخلاق

قال انقلع مالت على وجهك الشين****لا عاد أشوفـك عندنـا يالزلابـه

قلت ابشر أبشر لكن الباب من وين**وأقفيت من عنده على صوت بابـه



وسلامــتــكـــم ،






التوقيع :
كايده واتعب على شان المقام الكايد
واترك الهين مع صفق الهبوب يعدّي

بنت واحب الطناخه والشموخ الزايد
والطناخه والشموخ اسلوم ابوي وجدي

قديم 10-12-2009, 09:57 PM   رقم المشاركة : 2
العـ راعي ـليا
( وِد ذهبي )
 
الصورة الرمزية العـ راعي ـليا

يعطيك العافيه

ولا هنتي ..

ودّي وتقديري .







التوقيع :
خذني معـك .. متقبّلـن تطبيعـك=أهم شي م / أبقى وحيد لحالـي
ارضى بحكمك .. وامشي بتشريعك=ويبقى مقامك في خفوقي عالي
ما غير رهن إشارتك وامطيعك=واقرط لعينك .. غترتي وعقالي

قديم 10-12-2009, 10:01 PM   رقم المشاركة : 3
<<حنين>>
( ود متميز )
 
الصورة الرمزية <<حنين>>
 






<<حنين>> غير متصل

هههههههههههه قصيده روووووعه وطريفه


اقول ياولدعمها انحش عن ذاالعم الاقشر والله يعوضك باحسن منهم هذاطماع




والله لوعندك ملك قارون مادفعت ذالمهر والمصاريف ذي كلها>>>>ياوجه الله هههههههه





تقبلي مروري ياالغلا







التوقيع :
من تجااهلني ثقتي بنفسي تغنيني عن معرفة اسباب


تجاااهله لي

قديم 10-12-2009, 11:24 PM   رقم المشاركة : 4
راقئ باخلاقي
Band
 
الصورة الرمزية راقئ باخلاقي
 






راقئ باخلاقي غير متصل

بصراحة ماالوم عمة مابقى الا يجوز هالفقري
هاي وين وهاي وين ههههههههههههههه
تحياتي لك







قديم 11-12-2009, 12:24 AM   رقم المشاركة : 5
ملكة الخواطر
( شاعرة )
 
الصورة الرمزية ملكة الخواطر

وإذا سألته قـال بعـت الدكاكيـن***ما يدري إني ما هضمت الإجابـة

ما يمكن الفقير افضل من الغني

على الاقل الفقير يحترم بنت عمه ههههههههههه

صح السانك

تقبل مروري







التوقيع :
اضغط على الصورة لفتحها بصفحة مستقلة

قديم 18-12-2009, 07:01 AM   رقم المشاركة : 6
العسجديھ
( مشرفة همس القوافي)
 
الصورة الرمزية العسجديھ



تَملكيْنَ من الجمال مالا حصر له
لله درّكِ كم أنتِ رائعهْ
.
.

تَحِيَّتِيْ


تُنْقَلْ إِلَى مكآنهآ المُنآسِبْ






قديم 18-12-2009, 08:20 AM   رقم المشاركة : 7
عاشق الأحساس
Band
 
الصورة الرمزية عاشق الأحساس

يعطيك العافيه واصلي :)


الله يوفقك كلمات مشاعر وأحساس واختيارك دليل انك ذوق


مودتي







قديم 19-12-2009, 09:55 PM   رقم المشاركة : 8
mmn.z
( ود جديد )
 






mmn.z غير متصل

أتوقع انه ما يبي يزوج الولد بس بطريقة حضارية

والظاهر ان الولد مو عاسق البنت الا والله ليبكي بدل انه يرد

ادعولي اتزوج الي في بالي وانشاء الله ابوها مايكون زي كذا







موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:47 PM.




 


    مجمموعة ترايدنت العربية