..( خيـــــمة سوالف آعضــــاء منتدى الود ) ,,مجــــــددهـ

[ســـرآب]

ادفعوا لي على الراس الف و اجيبهم :)

[رمآدالشوق]

السلام عليكم ياعوال فيه احد حي هنا

<<<تسجيل حضور قبل تنتهي سنة 2014ياحبي لكم ياحباني

ان شاء الله انكم بخير كلكم يالزكرت والله يسقي هاك الايام الجميله

[^_^ابـو كشـه^_^]

الشششششششششششلام علاااااااااااااااااكممم



كيف الحال


الى متى ووضع المنتدي مززرري



لكم وحشششه بس مدري احد يعرفني غير مها لانها 2003 والباقي من 2009 الين وكاله 2014


حبيت اسلم عليكم


شمس القوايل بشويش على المشاركات ترا اسمعك وانتي تركضين وانا ب السعوديه وانتي بالامارات



ما غير مشمره يدينها وحاطه ثوبها فمها وتركض بين الاقسام




هههههههههههههههههههههه


هع هع هع

[مهــ(M)ــا]

وعليكم السلام ورحمة الله وبركاته

سبحان الله من شفت نكك ياأبو كشه قلت أكيد حاش فيني هههههههه

والله زماااان عن الود الجميع لهم فقده إن شاء الله يكونون بخير :)

ليت الود يرجع مثل أول بس ينقطع الواتس والبي بي والانستقرام وتويتر بيرجعون العرب ^^

[غرك زمانك@]

السلام عليكم

لكم وحشة يا اخواني الحب يبقى هنا

[مهــ(M)ــا]

وعليكم السلام ورحمة الله وبركاته

كح كح كح وش هالغبااااااار


معقوووولة غرك بشحمه ولحمه تذكر الود ورجع

أهنن أهنن وين باقي شلتك كان سحبتهم معك ورجعتهم يمكن يرجع الود مثل أول :)

[رمآدالشوق]

<<<<<<<<جغفه عظيمه لكل من يتواجد هنآ

اقتباس المشاركة الأصلية كتبت بواسطة مهــ(m)ــا وعليكم السلام ورحمة الله وبركاته كح كح كح وش هالغبااااااار معقوووولة غرك بشحمه ولحمه تذكر الود ورجع أهنن أهنن وين باقي شلتك كان سحبتهم معك ورجعتهم يمكن يرجع الود مثل أول :)

الله المستعان المنتديات من وجهت نظري انها غير صالحه للاستخدام ابدآ ..طبعآ وجهة نظر قابله للخطأ والصواب )
بس شوفي شمس لاتكل ولا تمل بلحالها بالمنتدى وتلعب بالاستراحه ماشاء الله عليها

[مهــ(M)ــا]

ههههههههههه رماد انت بووووه هنا << تماشي اللهجات ههههههه

اهنن اهننن بالقصيم كلها

اخبار الشااايب اللي نشب لك ذاك اليوووم هههههههههه

والله المنتدى حلوو وفله ووناسة ومزح واستهبال

تويتر والانستقرام تحس انك بعالم مجهوول ماتعرفهم احياناً ترد على احد يفهمك غلط وتتورط

والله حاله ههههههههههه

ولاناس يفهمون شئ ثاني مشكلة * مشكلة

ليت جوو المنتديات يرجع كان وناااسة

يحليلها شموووسه فديتها وااافية ^^


انا بس ارحب وأهلي في اللي يدخل ههههههههههه<< الله من اللقافة ^^

[رمآدالشوق]

هههههه
يامرحبا والله بست الحسن والدلال الست مهاوي حيا الله الزينه

فيه وحدتن مغير تصور مع كتكات بالاستقرام شكلها انتي شاك بوضعها انا

تويتر ما استخدمه غثيث هو وحقين قهوتي الساخنه مدري الماصله
استقرام اشوا منه اقل شي صور صدقيه مافيها زلخ ونصب
ايه يا ايام في المنتديات لا القهر فيه منتدى قفل كلش مدري وش قصته
بين الفينةٍ والاخرى امر عليه اسلم على الصفحات طبعآ للان الاعضاء في هجره بلا عوده بعد وسائل التواصل الحديثه
فجأه لقيته معزل المدير ومقفل شئ محزن سبب لي صدمه نفسيه بس حمد لله تعالجت بخلط الشاهي مع عصير جح على الريق صباحا ^^

[مهــ(M)ــا]

ههههههههههه ذكرتني كنت قبل سنة بمنتدى وحماس وكذا

وفلللله فجأة قفلوه ولاعطووونا خبر حتى البنات اللي معنا

ثلاث بتويتر وحدة معي كانت بالواتس والبقية راحو مع المنتدى ونشبنا لمدير المنتدى يفتحه قال مو فاضي له

عاد ذاك المنتدى كل شي من كتاباتهم مو نسخ ولزق حتى شبابهم يطبخون وحركات حماس وهواااش هههههههه


احلى شي لاصار مباراة النصر والهلال طقطقة على بعض في النهاية الفريق اللي ينهزم ويدخلون بالتحدي يوقفون عضويتهم يوم مايقدرون يشاركون :فيس يبكي :

ماوقفوها هي هههههههه <<الود شووي ويشوتونها مع الباب


لاتصدق انستقرامي مافيه صورة للكت كات يمكن وحدة

هات انستقرامك خلنا نشوووف صورك ههههههه

تراني مؤدبة ^^