ياويل قـلـبـي كل مأشتقت لقياه ..
وشلون ماتشتاق عيني لعينه !!
أنا أدري إني حيل أحـبــه وأهواه ..
وأنا أدري إن الـقـلـب صار بيدينه !!
أموت انا به في غيابه وأحياه ..
وشلون أجل لو صافحتني يمينه !!
حاولت أنا أكتم عبرتي يوم فرقاه ..
وألملم جــروح الزمان الطعينه !!
وأعطيه من قــلــب المعنى معناه ..
وآخذ من جروحه ولو هي دفينه !!
وأضيع به في زحمة الناس وانساه ..
وأنسى معه ذكرى السنين وحنينه !!
لقيت نفسي كل ماحل طرياه ..
عروق قــلــبــي كلها تقول وينه !!
يامر على قـلــبــي وﻻشك ينهاه ..
كلي أنا تحت اﻹشاره رهينه !!
ماكل من يضحك سعيد بدنياه ..
وماكل من يبكي دموعه حزينه !!
أحدن بكى .. والكل يدري عن بكاه ..
وحدن مع الضحكه تحس بونينه !!
ياشين فرقى الــحــب وياشين بلواه ..
والمشكله دنيا بﻼ حـــب .. شينه !!
والزين مايكمل ولو كان ماحﻼه ..
إﻻ حبيبي ماتغير بــزينه !!
ماجيت أسولف عن حﻼه ومزاياه ..
يكفي إحساسي وقـلـبــي عارفينه !!
كن الفضا في غيبته ضاق مسعاه ..
وكني غريق ينتظر له سفينه !!
شف دنيتي ياصاحبي عقب فرقاه ..
مثل الظﻼم اللي حصل بالمدينه !!
بكتبه أنا في صفحة الشعر واقراه ..
وباذبحه بزود الغﻼ دون سكينه !!
وبارسمه في لوحة الشعر وانعاه ..
وبادفنه بين الضلوع الحنينه !!
بوسط الحشا داخل الصدر مشراه ..
العرض الشجري
