قصه مره روعه (بدر سامحني) للكاتبه بائعة الزهور - الصفحة 5

قلب الزهـــور · 25-03-2009, 05:10 PM

[blink][/blink]

الفصل التامن

7
7
7

في هاللحظات .. تعيش الحب وهي الحب وهو الحب .. طيفه يمر عندها كل شوي .. وهي تركض على الدريشه تنطره يطلع من البيت تشوفه ولو نظره .. تمت تفكر فيه .. وليش حبته ؟! .. من يوم ماطاحت وشافها .. وطاحت عينها بعينه .. وهي مب ناسيته .. حست ان هالانسان غير عن الكل .. حست وكأنها تعرفه من فتره .. اااه ياخالد ليتك تحس فيني .. والله اخاف انصدم وتطلع تحب غيري .. لاافاول على عمري .. خالد ان شاء الله يبادلني الشعور ..

...............................

التفتت عليه الا هو في سابع نومه ولا يدري باللي حواليه .. كانت تدري انه يطالعها .. وقررت انها تقهره .. قربت من بدر وتمت تتأمل ويهه .. باسته على خده وحطت راسها جنب راسه وهي ماسكه يده وتلعب فيها .. هو يطالعها ونيران تشتعل داخله ميت من القهر .. يحق لها .. حبيب قلبها الاخ بدر .. عض على شفايفه وضغط على يده بقوو .. مايبي يسوي شي .. يبي يكون هااادي معاها .. مرت 5 سااعات على هلحاله .. وهو يتوعد في شهد .. اللي مافكرت فيه .. لانها راحت في سابع نومه بعد ..

...............................

فتح عيونه .. بصعوبه واشعة الشمس ودها تدخل في عيينه .. تم يتلفت المكان غريب عليه .. التفت على يمينه والا يشوف وحده نايمه .. انصدم .. شنو ذي .. قام بسرعه وهو يقول استغفر الله .. وقف لحظه ولقطات امس تمر في باله .. فتح عيونه من هول الصدمه .. معقوله ؟! انا سويت جي ؟!!! .. مستحيل مستحيل .. مب مصدق .. طلع بسرعه الصاله والا يشوف خمسه نايمين على الكراسي .. وتأكد انه مب حلمان .. مستحيل والله مب مصدق .. نزلت دموعه وهو يمسك يده ويطيح على ريله .. معقوله انا يقصون علي ؟! استغفر الله ياربي استغفر الله .. يارب سامحني يارب .. قام وهو ميت قهر .. راح صوب جاسم اللي نايم في العسل .. وارفسه رفسه .. نقزته من مكانه

جاسم وهو يفرك عيونه : خير يالاخو شصاير ؟! لايكون انته مباحث ؟! ترى انا ماسويت شي
صالح وهو يصارخ ويصيح من القهر : جسوم يالحمار يالكلب يالحقير انته اشلون اتطرش لي بنت امس فليل
جاسم يتثاوب ورد يتلحف : اووووه على بالي عندك سالفه
صالح عطاه طراق على ويهه : قوم يالخسيس
جاسم عصب : اشفيك انت اشفيك ؟! احترم نفسك ولاتضرب انا ما اشتغل عندك
صالح مسك الطوفه : انته شنو ؟! اذا انته وصخ تبيني اصير وصخ نفسك ؟!
جاسم : محد قالك اتيي انته تعرف ان احنا مانعيش من غير هالسوالف
صالح وهو طالع : انا غلطان يايك ..

طلع صالح وهو للحين مب مستوعب .. انا رقدت معا.. ؟! .. معقوله ؟! انااااااااااااااا .. تنهد بقو .. وحرك ودموعه تنزل غصبا عنه وكل شوي يضرب السكان .. راح سيده المسيد .. صلى الظهر .. وتم يقرا قرأن .. وهو يصيح ومتندم على اللي سواه مع ان غصبا عنه .. ماكان حاس .. ماكان مستوعب .. أي واحد تجي جدامه وحده جذيه .. بيسوي نفسه واكثر ..

................................

دخلوا الغرفه .. وكانت واسعه وحلوه .. لونها برتقالي على اصفر .. وكل شي مرتب .. حط الشنط وهي فسخت عبايتها وشيلتها .. وطاحت على السرير من التعب .. قعد جنبها وهو يتثاوب لانه تعبان وماشبع رقاد في الطياره .. التفت عليها والا هي مغمضه عيونها .. مسكينه شهد شكلها وايد تعبانه .. التفتت عليه .. وهي توها متذكره

شهد بأستغراب : بدر احنا بنقعد شهر فالفندق ؟!
بدر : لا كم يوم بس وبعدين بنروح الشقه لين يرتبونها
شهد تذكرت راكان : بدر منو اللي كان فالطياره معانا وسلمت عليه ؟!
بدر : اشدعوه ماتعرفينه هاي راكان ( زادت دقات قلبها ) ولد جيرانكم
شهد : اييي تغير وايد اتصدق ماعرفته.. الا هو ليش ياي ؟! وبروحه بعد ( تقيس النبض )
بدر : يقول سياحه عاد انا ماقصرت معاه قلت له ايي الفندق على حسابي ولد جيرانكم لازم نتيمل فيه
شهد انصدمت وبعد في نفس الفندق ؟! ماسويت خير يابدر والله انك بتيب المشاكل وانته ماتدري : اها زين سويت
بدر فصخ الكاب وتلحف : انا برقد الحين .. وترى الكورس بيبتدي اذا رحنا الشقه يعني هاليومين كله دواره
شهد : اوكي

راحت تطلع لها ملابس من الشنطه وهي تفكر وخايفه .. الله يستر منك ياراكان ومن افكارك أي طل سياحه .. التفتت على بدر والا هو في سابع نومه يابعد قلبي يابدر .. ماتدري عن راكان .. تحسبه طيب نفسك .. لو الناس كلهم فيهم ذره من اللي عندك جان احنا بخير ..بس انا بحاول قد ما اقدر اني احميك واحمي نفسي من احقر انسان .. اللي وصلت فيه النذاله انه يلحقنا لين هنيه .. تنهدت بقوو ودخلت الحمام .. تبدل _ الله يعزكم _
............................

قامت من النوم وهي تتثاوب وتطالع الساعه .. اووووووووووووف الساعه 4 .. احسن شي ان باجر اليمعه.. بدلت ملابسها وغسلت وطلعت الصاله الا امها قاعده .. استغربت ان سلمان محد

حور : يمه وين سلمان ؟! ما اشوفه اليوم ؟!
ام سلمان : راح معا خالد ولد عمج المزرعه من الظهر
حور : الله يعطيهم العافيه .. عاد يمه متى بنروووح
ام سلمان : يقول بنروح اليوم فليل مب باجر على شان نبات يومين
حور : حلاتها من العصر
ام سلمان : عطيهم فرصه يتنفسون الحين بيردون تعبانيين شوي وبيودوننا ولج بشاره ياحور
حور متشققه : شنو ؟!
ام سلمان : خالتج ام راكان معا عيالها بيون معانا كلهم كلمهم خالد فديته
حور : صججججججججججج اللللللللللله وناسه الجوري بتيي معانا

شوي والا داخل سلمان وقالهم يرتبون نفسهم ويجهزون اغراضهم .. لان بعد المغرب بيروحون .. حور على طول دقت حق امنه وراحوا السوبرماركت معا ام سلمان يشترون اكل وعصاير وهالسوالف ..

...................................

في المطبخ كانت تجهز كيكه بالفانيليا ومعاها قطع جالكسي,, << ادري سال لعابكم خخ ,, وفي اذنها السماعات تسمع اغنية // اه من قلب // لانها مره سمعت امنه تقول ان خالد يحبها عاد من ذاك اليوم وهي كله تسمعها.. وايد مشتطه حق المزرعه تعد الثواني والدقايق ,, ومن الصوب الثاني الخدامه تقطع الفراوله حق العصير ,, شوي وتدخل ام راكان وهي مستانسه ,,

ام راكان : كفوو على بنتي كفوو ,,
اميره متشققه : افا عليج يمه تربيتج ,, وغمزت لها
ام راكان : بس عاد شتسوين فعيونج عيب يمه
اميره : ههههههههههه انزين يمه منو بيودينا ؟!
ام راكان : صالح اخوج
اميره : اتصدقين يمه راكان سوى خير يوم سافر راحه وهدوء
ام راكان : بس عاد لاتقولين جي عن اخوج هذي نظر عيني راكان
اميره في خاطرها ماتدرين عن ولدج اللي بيخرب حياة البنت تنهدت الله يعينج ياشهد : الله يرجعه بالسلامه
ام راكان : ان شاء الله
.....................................

طلعوا من السوبرماركت ,, وكانت امنه اكثر وحده شاله اكياس ,, وحور ماخذه كيس واحد تقص على البنت ,, سلمان كان ينطرهم برى واول ما شاف امنه بهالحاله ,, راح بسرعه ,,

سلمان يمسك الكيس : عنج عنج
امنه تعطيه : مشكور والله انك سويت خير ,, تلتفت على حور ,, وهذي انا برويها مافيها خير كلش
سلمان مستانس لانها تتكلم معاه بجرأه : حور بسنعها انا ماعليج
حور :اححححححححححمممممم طبعا بتسنعني طبعا على شان الشيخه امنه
سلمان يحط الاغراض فالسياره : ركبي وانتي ساكته

ركبت ام سلمان جدام .. وحور وامنه مرتزين ورى ,, كانت المنظره الصغيره نازله شوي ,, وامنه تطالع سلمان ماشلت عينها ,, بعد قلبي سلمان يهبل ,, رفع عينه وطاحت في عينها ,, اثنينهم ارتبكوا ونزلوا عيونهم مره وحده ,, سلمان حس ان قلبه تحرك مادري اشلون ,, نظراتها بريئه وطفوليه ,, وهي حست برهبه ومتفشله في نفس الوقت ,, وكل هاي كان بمراقبه من حور اللي ماتت من الضحك ويسألونها اشفيج تغمز لامنه وتقول مافيني شي ,,

..................................

بعد صلاة المغرب ,, تجمع الكل في بيت بوسلمان على شان يروحون في سياره وحده ,, بعد مارتبوا اغراضهم وملابسهم حق البياته وحطوا كل شي في السياره ,, ركبوا كلهم وحور راحت تاخذ السماعات مالت الجوال ,, توها بتقفل الباب والا التلفون يررن ,, دخلت بسرعه وردت ,,

حور : الوووو
اميره : هلا والله حور شخبارج ؟!
حور : بخير وانتي ؟!
اميره : بخير الحمدلله ,, حركتوا والا للحين ؟!
حور : لاوالله تونا بنمشي
اميره : زين حور الله يخليج امي تقول اذا في مكان لنا انا وهي والجوري لان صالح تعبان ما يقدر يودينا
حور : احنا كلنا بنروح في سياره وحده وما اظن في مكان ,, بس صبري بروح اقولهم
اميره : اوكي

راحت حور واميره قلبها يطق ,, بتموت تبي تروح لانها تحس من هالروحه بتتقرب من خالد ,, رجعت حور وشالت السماعه ,,

حور : اميرووه
اميره : هلا
حور : جهزوا نفسكم خالد ولد عمي بيوديكم في سيارته واحنا بنروح معا سلمان اخوي
اميره مب مصدقه البدايه تبشر بخير ماتت من الوناسه وتشققت عدل ياااي : اوكي اوكي احنا جاهزين
حور : طلعوا يالله ترى هو شغل السياره
اميره مستانسه حدها : اوكي

..................................

ركب سيارته ,, وعطرها بعطره المفضل ,, وحط صورته في المنظره اللي فوق وهو كاشخ ,, وركبت هي جدام وراحوا صوب بيت بوراكان ,, صيحو هرن ,, واميره كانت تسمعهم داخل ,, وقلبها يطق بقووو ,, ومبتسمه غصبا عنها ,,

امنه : اشله هالكثر عطورات افتح الدريشه
خالد يعدل شنبه في المنظره : لالا جذيه احسن ,, وبعدين المكيف شغال ماينفع نفتح الدرايش
امنه : اوووف والله بختنق

طلعت اميره بسرعه معا الجوري وامها ونزل خالد يركب اغراضهم في السياره ,, وهو يطالع تحت
خالد : السلام عليكم خالتي
ام راكان : هلا هلا خالد عليكم السلام
خالد : بس هاي اغراضكم ؟!
ام راكان : أي ياوليدي
خالد فتح الباب حق ام راكان : تفضلي خالتي
ام راكان وهي تركب : زاد فضلك ,,
خالد ملتفت على البنات وكانوا ثنتينهم امغشيات ماعرف أي وحده منهم وبأبتسامه: تفضلوا
اميره بحيا : زاد فضلك

دق قلبه يوم سمع هالصوت ,, يابعد كل من لي ,, ركبت اميره ورى امنه اللي كانت قاعده جدام وفرصتها ,,

امنه : ايي ووجع
اميره : يالدبه شخبارج
امنه : هههههههههه بخيير هلا اميره

ركب خالد وعم الهدووووء ,, حرك وراح صوب المزرعه ,,افصخوا الغشوه طول الوقت اميره تشوفه وهو مرتبك ,, وحاس انها تطالعه لاكن مابين لها ,,

خالد : خالتي شتحبين اغاني
ام راكان وهي تحرك راسها : قومي ارقصي لي وارفعي البوشيه .. خليني اروي ضامي العطشاني
خالد : هههههههههههههه وين اغاني لول الحين كل شي تغير
ام راكان : أي والله مافيه الا اميره حبه جن وتخربط علي طول اليوم
الجوري : ههههههههههههه يمه مب حبه جن ,, حبه جنوني
ام راكان : ويييه اشعرفي بسوالفكم
خالد شغل اغنية ااه من قلب : سمعوها هذي زينه

اميره تسمع وذاايبه ,, ميته من الوناسه ,, فدييتك خلووود ,, طاحت عينها على الصوره اللي فالمنظره ,, وماتت عليها لانها صج كانت حلوه وكشخه ,, تمت تتأملها وتسمع الاغنيه ,,

.................................

من الصوب الثاني ,, حور قاعده بروحها معا سلمان وام سلمان ,, ومتملله حدها ,,

سلمان ملتفت عليها : اشفيج ؟!
حور : اووف مافيني شي ,, بس متملله بروحي
سلمان : هههه كلها 10 دقايق ونوصل وتروحين معا البنات ,,
شوي ورن تلفونها ,, اول ما شافت الرقم ,, رقدت على طول ,, : هلا والله وغلا
شهد : اهلييييييين شخباركم ؟!!! وحشتوني
حور : فدييت قلبج احنا بخيير وانتي شخبارج وشخبار بدر ؟!
ام سلمان : عطيني بكلمها
شهد : كلنا بخير
حور حطت سبيكر : شهوود حره هذا احنا رايحين المزرعه
شهد : ماااعلييييييه ماااااااعلييييييييييييييييه
سلمان : هههههههه هلا والله باهل لندن
شهد : هلا حبيبي سلمان شخبارك
سلمان:بخير الحمدلله
شهد : عطوني امي بكلمها ,,

سكرت من عندهم ,, وحذفت الجوال على جنب وهي تتثاوب ,, تم يطالعها شوي بعدين ضحك على شكلها ,,

بدر: ههههههههههههههههه
شهد مستغربه : اشفيك ؟!
بدر: للحين ماشبعتي رقاد ؟!
شهد تتثاوب : بلاا
بدر تثاوب : امبين
شهد : هههههههههههههههههههههههههههه عاديتك
بدر : من اشوف احد يتثاوب لازم اتثاوب مادري ليش
شهد تتثاوب :حتى انا
اثنينهم وفي وقت واحد : هههههههههههههههههههههههههههههههههههههههه

تموا يسولفون شوي ,, والا جرس الغرفه يرررن ,, راح بدر يفتح الباب ,, وشهد تطل من بعيد ,, انفجت عيونها ,, وانصدمت لما شافت منو اللي ياي ,, وحده ,, باين عليها عربيه ,, بس مو من الخليج ,, كانت حلوه مووووت وجسمها اينن .. لابسه بنطلون برمود ,, وبادي احمر معا ربطه على الرقبه .. وشنطه كبيره حمرا ,, وشعرها ,, اشقر طويل فاتحته ,, ومرول ,, تمت تتنفس بقو من القهر ,, منو هذي واشتبي ,, والمشكله ان بدر طول معاها ,, تمت تتأفف .. شوي وما استحملت ,, شافت بدر سكر الباب ردت مكانها بسرعه ,,

شهد تسوي نفسها عادي : من اللي طاق الباب ؟!
بدر قعد على الكرسي : هذي وحده مغلطه
شهد : اهااا ,,

قعدت تسولف معاه ,, ونست السالفه ,, ارتاح قلبها لانها امغلطه ,, وبدر مايعرفها جان صج دبت الغيره في قلبها ,, وممكن تستوي مشاكل لها اول مالها تالي ,,

...............................

نزلت تحت فاللوبي والا هو قاعد ,, يشرب قهوه ويطالع الرايح والياي ,, واول ماشافها ابتسم واشر عليها ,, ياته وهي تتمخطر وتمشي بدلع ,,

لينا : هاااي
راكان بنظره خبيثه ويطالعها من فوق لين تحت : هلا والله بلينا هلا ها بشري
لينا : كل شي تماااام ,, وغمزت له ,,
راكان : كفووووووو كفوووووو هذا اللي اتوقعه منج ,, ابتسم وحط ايده في مخباه وهي تطالع يده ومتواكله على اللي بيعطيها اياه ,, قط عليها الفلوس
لينا تبوسهم : شكرااااااااااااااااا بس متأكد انون 10 الالاف ؟!
راكان : افاا عليج ,, بنطرج لين الصبح تعدينهم ,,
لينا قامت : طيب بستأزن
راكان : بيننا اتصال وابتسم
لينا : اوكي

طلعت من الفندق وهو يضحك ,, هين ياشهد تفضلين بدر علي ؟ اذا ماعذبت قلبج وخليتج تتحسفين عالكلام اللي قلتيه ,, عيل راكان يتحسف ؟! ,, انا برويج من اللي بيتحسف ,, ياحبيبت قلبي ههههههههههههههههه ,, تم ساعه كامله ,, وافكاره تروح واتيي ,, ويخطط لجدام ,, وش ممكن يسوي رنت في باله خطه ,, ممكن تفتح له اللعب ,, وفجأه قام ,, وراح للفت متوجه صوب غرفة بدر ,,
.................................

وقف سيارته ونزل البحر ,, وهو يتنفس بقوو ,, وحاس بالندم من اللي سواه ,, عض على شفايفه بقوو من القهر ,,و طاح على ريله وهو يصرخ بأعلى صووته " سااااااااااااامحني ياربي سامحني " غطى ويهه بيده وتم يصيح بصوت مسموع ,, ااااااااااه ياربي سامحني ,, طول عمري محافظ على نفسي وفي يوم خربت كل شي سامحني سامحني انا غلطت غصبا عني غصبا عني ,, وهو في هالحاله من الحزن والالام والكأبه ,, سمع صوت من وراه ,, وبكل هدوء ,, " السلام عليكم "

[blink]نتاااااااااابع الفصل التاسع[/blink]

قلب الزهـــور · 25-03-2009, 05:18 PM

[blink][/blink]

الفصل التاسع

7
7
7

التفت بويه حزين وماليته الدموع ,, ومستغرب لانه شاف واحد متلثم : نعم ؟!
قعد جنبه وضم ركبتيه ,, وهو مشاهد البحر : اشحالك يالاخو
صالح : بخير الحمدلله ,, التفت الصوب الثاني وقعد يمسح الدموع ,,
طالعه وابتسم : خلها هذي دموع التوبه لاتمسحها لان لذتها غير انته الحين تتلذذ بتوبتك الى ربك ماتتصور ربك اشلون بيفرح ,, ضربه على كتفه بالخفيف ,, ربك هداك وحاول انك ماترجع للمعصيه مره ثانيه ,,
صالح منصدم هاي اشسالفته ؟! : انته منو ؟! واشدراك ؟؟!!
فتح اللثام : اشلون ما ادري وانا تايب على يدك يا صالح

انصدم صالح لما شاف الويه القمري ,, واللي مليان دموع ,, معقوله ؟!! محمد ؟!! محمد اكبر ,,,,,,,, استغفر الله ,, من هول الصدمه ما عرف شيسوي غير انه يطالعه وهو يبتسم له ,, مب مصدق للحين ,, محمد له لحيه طويله ,, بس مستغرب ليش يصيح ؟!!!

صالح بصوت متقطع من الصدمه : محـ محــمد ؟!
محمد يطالع البحر ودموعه تنزل : أي محمد ,, ياصالح انا عرفت ان لجوئي حق ربي وقربي منه بيسعدني في حياتي ومماتي ,, وانا كنت اسمع نصايحك صج كنت اطنش جدامك ,, بس صدقني كنت من وراك افكر في كل كلمه تقولها ,, ولما فتحت القران ولاول مره يدي ترتجف ,, وانا اقرا احس الكلام موجه لي ,, ولما سمعت هاي الايه صحت صياح ,, وندمت قد شعر راسي ,, على اللي كنت اسويه ,,
صالح والفضول ذابحه : أي ايه ؟!!!
محمد وهو يرتل وبخشوع : بسم الله الرحمن الرحيم (ومن أعرض عن ذكري فإن له معيشة ضنكاً ونحشره يوم القيامة أعمى. قال رب لم حشرتني أعمي وقد كنت بصيراً. قال كذلك أتتك آياتنا فنسيتها وكذلك اليوم تنسى )صدق الله العظيم
صالح متعجب ,, يرتل ما شاء الله : الله يحفظك ان شاء الله ويثبت قلبك
محمد حضن صالح وهو يصيح : انا ودي ارجع ايام قبل معاك ياصالح طلعات البحر والبر,, والله اني ايقنت انك ذهب ذهب ,, ونعم الصديق ,, لولاك جان ما كنت الحين انا جذيه ,, جان الحين انا معا ,,,, استغفر الله ياربي توب علي
صالح : انا ربي عطاني اغلى هديه افتخر فيها ,, وهي توبتك يامحمد ,, والحمدلله اني حصلت الرفيج اللي ممكن يتفهمني ,, ومايتطنز لو صليت او قريت اواواو ,,

وتاب محمد بعد العنا والضيق اللي كان عايشه ,, بعد الخرابيط اللي كانت شاغله باله وتفكيره ,, ماكان يعرف قدر التوبه ,, واش ممكن يصير له لو تاب ,, حصل الحياه بجمالها الحقيقي ولذتها الحقيقيه ,, صلاه ,, طاعه ,, حب الله ,, وحب الناس في الله ,, والخير ,, وووو ,, وصالح حصل الشخص اللي ممكن يرافقه طول حياته وهو متطمن ومرتاح

...........................

تررررررررررررررن

شهد : اوووففففففف جرسهم يعور الراس
بدر وهو قايم : هههههههههههه

راح بدر وشهد قلبها مب متطمن تحس انه راكان ,, الله ياخذه حتى في لندن لاحقني انا وريلي ,, ان شاء الله مب هو ,, شوي وتسمع صوت ضحكات بصوت عالي ,, وكان بدر وراكان يسولفون ,, شهد وقلبها يرقع ,, انا قلت قلت اكيد راكانوه الخايس ,, الله ياخذك اشتبي بعد اشناويه عليه ؟!!! ,, اكثر من اللي سويته ما اظن فيه ,, ثواني والا بدر يايها ,, يقولها ان راكان عازمهم على العشا برى ,,

شهد : مابي
بدر مستغرب : افاا ,, ليش ماتبين حبيبتي ؟!
شهد : هاااي اشيبي ؟! انا يايه معا ريلي استانس ,, اشيبي يرز ويهه يعزمنا اعتذر منه قوله انا مريضه
بدر : يه ؟! شهد حبيبتي عيب الريال عزمني وانا قلت له اوكي يالله قومي بدلي
شهد هي قايمه : اوووووووووففففف ,, وفي خاطرها ,, انا ارويك يالخايس

...........................

وصلوا المزرعه ,, والبنات تيمعوا من عقب الفراق ,, من زمان ماقعدوا معا بعض ,, اميره طول الوقت تطالع خالد ,, وخالد يطالعها ,, ويتبسم لها ,, وهي مستحيه ,, وحور ميته من الضحك عليها ,,

الجوري:بس بس عيونج طاحت
حور مستغربه : ليش اشفيها من قاعده اتطالع ؟!
الجوري : الحنطاوي اللي ذابحها ,,
امنه منصدمه : هااا ؟!!! خالد ؟!!
اميره حطت يدها على حلجها : اوووووووووش
امنه : تحبه ؟!
الجوري : تمووووووووووت فيه
اميره تضرب الجوري على كتفها : جب العبيطه
امنه : واااااااااو يحبون اخوي ؟!!!
اميره مستحيه وخدودها حمرت : بس عاد
امنه : بس المشكله انه خطب

حلت الصدمه على اميره ,, وتم قلبها يدق بقوو ,, خاطب ؟!!! مستحيييل خالد انا احبه ماياخذ غيري , خااااالد ,, مب مصدقه ,, حست بدوره ,, احلامها كلها ضاعت ,, اللي تفكر فيه كله سراااااااااااااااااااااااب ,,, معقوله ,, نزلت دمعة قهر من عيونها ,, واول ماشافوها البنات انصدموا ,, معقوله اميره تحبه هالكثر ؟!

امنه : اميرووه اقص عليج خالد مب خاطب ولاشي
اميره قامت وراحت عند امها ,, ولحقتها الجوري : هييي انتي هييي فشلتينا ,,
اميره وهي تمشي بسرعه والدموع تنزل بغزاره : قومي عني قومي
الجوري مسكتها من يدها : قالت لج اقص عليج اشفيج انتي ؟!
اميره تطالع تحت : بغيت اموت ,, اول تجربه لي فالحب ,, اخاف تفشل
ااالجوري يرتها من يدها ورجعتها عند البنات : تعالي الحمدلله والشكر تعالي

راحت اميره معا الجوري وهي تمسح دموعها ,, حست ان حياتها انتهت ,, مع ان امنه قالت لها انه ماخطب ولاشي ,, بس في هاللحظه ,, النقطه الايجابيه ,, انها تأكدت من حبها تجاهه ,,

هاي كله كان جدام عيون خالد اللي قلبه احترق ,, ااه اشفيها تصيح ؟! من مزعلها ,,

دخلت اميره وهي شبه متفشله من البنات ,, تحس ان الحركه اللي سوتها سخيفه ومالها داعي ,, قعدت وامنه وحور ساكتييين ,, شوي والاتلفون اميره يرن ,, صرخت مره وحده لما شافت الرقم ,, شهوووووووووود ,, انقزوا كلهم

اميره : هلا والله يالدبه ,,
شهد تصيح : اميره الله يخليج ساعديني الله يخليج ,,
اميره طلعت وراحت تكلمها بعيد : اشفيج شهود ؟!
شهد : الحقي علي اميره ,, اخوج اخوج راكان بيعطي بدر مقطع امصوره لما كنت في بيتكم وهو يعتدي علي
اميره منصدمه ومب امصدقه شهد : جذابه شهود راكانوا مستحيل يسوي جي
شهد ميته من الصياح : والله اميره والله تكفيين تصرفي تكفييييييييييين
اميره :لاحول الله زين الحين بتصرف يالله باي ,,
شهد : انطرج ردي علي لاتتأخرين بدر الحين بيي ومابي يشوفني في هالحاله على شان مايحس بشي
اميره : اوكي اوكي

سكرت من عند شهد ,, وتمت واقفه تفكر ياربي شسوي حق من اقول ؟! اشلون اتصرف في هالمصيبه ,, الله ياخذك ياراكانواا وانا اقول ليش رايح حق المصايب ,,
تمت تحوس في الجوال تدور اسم احد ينقذ شهد من هالسالفه ,, وطاحت عيونها على اسم صالح ,, ودقت على طووووول ,,مافي غيره وهو يعرف السالفه كلها وبيساعدنا اكيد

صالح منصدم : شنووووووووووووووووووو
اميره : الله يخليك صالح البنت متصله تصييح بتموت فشلنا فيها الله ياخذه
صالح : هذيي مايفكر ؟!!!! مب صاحي ؟!!!! نسى ان عنده خوات
اميره : مادري مادري صالح تكفى تصرف قبل لايهدم حياة البنت
صالح : هو رايح لندن صح ؟؟!
اميره : أي ايييييي
صالح : يالله زين انا بروح ادور حجز على اقرب طياره بس اميره اتصلي حق رفيجتج شوفي هم في أي فندق وابي رقم غرفة راكان
اميره : ان شاء الله الحين بتصل لها وبطرش لك مسج
صالح : يالله بسرعه
اميره : باي
سكرت واتصلت حق شهد اللي حالتها حاله ,, وميته من الخوف ترتجف وهي تكلمها ,, عطتها المعلومات اللي تبيها وقالت لها تتصل او تطرش مسج لو صار شي,, وطرشت مسج حق صالح ,,

من الصوب الثاني ,, راح يدو حجز ,, بس للاسف مافيه ,, دور دور مااااااافيه اووف مافيه الا اتصل حق راكان واكلمه يمكن يقتنع ,, وين اللي ندمان ذاك اليوم ؟! يقص علي وانا خبر خير ,,

دخلت اميره عليهم ويهها ,, احمر وشكلها خايفه ومتوتره وكل شوي تدور في الجوال الكل لاحظ بس تموا ساكتين ,, اشفيها اميره ؟! من كلمتها شهد وهي راده ويهها منقلب ,,

دخل حصلها قاعده على السرير تطالع تحت وتصيح ,, قرب منها وضمها

بدر : اشفيج حبيبتي ليش تصيحين ؟!
شهد في خاطرها رووح عني لاتعور قلبي زياده : مافيني شي
بدر يمسح دموعها : وهالدموع ؟!!!!
شهد : اووووف مشتاقه حق هلي بدر الله يخليك فج عني لايعه جبدي من نفسي
بدر انصدم ,, لاشهد لاترجعين حق معاملتج الاوليه : اشفيج ؟!
شهد تصارخ : قلت لك فج عني انته ماتفهم ؟! ,, وراحت على كرسي جنب البلكونه

بدر ماقدر يتكلم ولاكلمه اشفيها انقلبت علي ؟! .. ما اخبر اني مزعلها حز في خاطره انها تكلمه جذيه وهو متوقع انها تبيه لو تضايقت ,, لحول الله ,, بدل ملابسه ,, وانسدح على السرير يطالع التلفزيون ,,

طالعته ,, حست بالذنب هو شيدخله ,, مابيه يعاملني جذيه احس اني حقيره حقيرره ,, بدر الله يخليك سامحني انا تعبانه تعبانه ,, قامت وقربت منه وهو مايطلعها ,, عرفت انه زعل ,,

شهد : بدر
بدر يطالع التلفزيون : نعم
شهد قعدت جنبه : بدر حبيبي سامحني انا اسفه
بدر : اوكي
شهد مسكت يده وباستها بنعومه ورقه خلته غصبا عنه يسامحها : اسفه
بدر قام وتم يطالعها وهو مبتسم : لاتعيدينها لاني زعلت
شهد : ان شاء الله ولايهمك
بدر : دبه
الكل : ههههههههههههههههههههههههههههههه

ياترى هالضحكه تدوم ؟!!! هاللي يدور في راس شهد .. راكان مابيخليها في حالها
.......................

واخيــــــرا,,

راكان : الووو
صالح : انته وينك ؟! من مساعه اتصل مشغول هلكت
راكان : كنت اكلم رفيجي اشفيك خير ؟! صاير شي في الشركه والا البيت ؟!
صالح : راكان ؟! انته صاحي ؟!
راكان مستغرب : صالح الله يهداك شتقول انته ؟! لايكون تحسبني احد ثاني
صالح بحزم : لا اكلمك انت ,, انته ماعندك مخ ماتفكر ؟!!!!! ,, اشلون تقول حق البنت بعطي ريلج المقطع ؟! انته مينون ؟! هذي شرف بنت تعرف يعني شرف بنت ؟!
راكان منصدم الخايسه قالت لهم : تتكلم عن شنو انته ؟!
صالح : راكاااااااااان انته عندك خوات والله بيرويك فيهم ,, اسمعني والله ان سويت شي حق البنت بتشوف شي ماشفته في حياتك
راكان معصب : انته هيييي نسيت اني اكبر منك وولي نعمتك ؟!
صالح : انته اخوي ,, والفلوس فلوسناا كلنا ,, وانا ما ارضى انك تسوي جذيه لان خواتي ابيهم واخاف عليهم
راكان : خصوصياتي محد يتدخل فيها
صالح : هاي اخر كلامك ؟!
راكان : أي نعم
صالح : عيل خل سلمان يتفاهم وياك
راكان تخسبق من سمع اسم سلمان : صالح الله يهداك انته تحسبني مينون اسوي جذيه ؟! هذي جذابه انا ياي استانس تبي تتلزق طلعت سالفه
صالح فيه الضحكه لانه عرف ان راكان خايف : اهااا يعني مافي شي ؟!
راكان :لا مافي شي
صالح : طمنتني خلاص عيل بسكر ,, انا قلت راكان مايسوي جذيه
راكان : لاوييين حرام عليك انا اخاف على خواتي
صالح : أي عيل فمان الله
راكان : الله يحفظك ,,

سكر صالح وقلبه مب متطمن ,, مبين على راكان انه يبي يصرفه ,, اووف مابليد حيله ,, شسوي لا اقدر اروح ولاشي ,, مسكينه ياشهد ,, اتصل حق اميره وقالها تطمن شهد ان راكان مابسوي شي ان شاء الله ,,

................................

طلعوا يتمشون الجو كان صج رووعه ,, نسمات هوا بارده تمر عليهم والزرع فيه جميع انواع الفواكه والخضار ,, ومن بعيد الارانب ,, والحمام يطيرون منظرهم روعه ,, وهم في قمة السعاده ,, ويسولفون عن ايام المدرسه ,,

اميره : ههههههههههههههههههه مسكينه والله
امنه : صج صج تفشلت ,,
حور تطالع الصوب الثاني ,, وهي تصارخ : يممممممه حرريييقه ( وهي تأشر ) حرييييييييقه

توجهت نظراتهم كلهم صوووب الحريقه وكانت داخل الكبينه اللي فيها خالد وسلمان وام راكان وام سلمان وشافوا سلمان وخالد هناك حالتهم حاله والنيران تشتعل وتتزايد جدام عيونهم ,, اميره مااتت يوم شافت خالد شوي ويحترق ,, كان يبي يطلع ام سلمان وام راكان ,, وتشوف سلمان وهو يرفس الباب ويحاول يفتحه لاكن مايفتح ,, تمت تتنفس بقوو تحس ماتقدر تسوي شي ,, تتنافض وريلها ماتشيلها ,, تفكر في امها المسكينه ,, وحبيبها خالد ,, راحت تركض صوبهم وهي تصـارخ بأعلى صوت
,, يمه خــــــــــــــــــــــالد ,,
البنات شافوها وكانوا خايفين ماسكين قلوبهم ,, اول مره يصير معاهم هالموقف ,, مايعرفون اشلون يتصرفون ,, حور راحت وراها تركض ,, امنه طاحت على ريلها وتمت تصيح لما شافت خالد يحاول يفتح باب الكبينه وهو مقفول والنار شوي وتقرب منهم وفي ازدياد ,, الجوري شافت الدريول من بعيد راحت له تركض ,, لعله يسوي شي

[blink]نتاااااابع غدآآآآآآآآآآآ الفصل العاشر[/blink]

الجذااابة · 26-03-2009, 11:34 AM

يعطيكـ العافية

وبنتظار التكملة

قلب الزهـــور · 27-03-2009, 12:09 AM

قلب الزهـــور · 27-03-2009, 12:43 AM

[blink][/blink]

الفصل العاشر

7
7
7

اميره تضرب وترفس الباب : يمممه خاااااااااااااااالد

الحور واقفه وراها ومتسبهه ,, سلمان يكلمها ويأشر من داخل لاكن ماينسمع شي ,, بس تشوف حركاته وعلامات الغضب على ويهه ,, التفتت الا امنه والجوري ياين يركضون وجدامهم الدريول ,, قال حق البنات يباعدون ,, اميره طاحت على ريلها تصيح وتدعي وهي تشوف النيران تقرب منهم خالد عنده غرشة ماي وحده صبها لاكن مافي فايده ,,
بعد الدريول شوي من الباب واشر على خالد وسلمان يباعدون عن الباب ,, طبعا هو كانت بنية جسمه قويه وايد ,, ركض وعيون البنات تترقب اشبيصير ونظراتهم ممزوجه خوف وامل ,, و طراااااااااااااااااااااااااااااااااااااااااااااااا اااااخ ,,

انفتح الباب بقوووو وضرب من قوته بالكبينه من داخل ,, سلمان شال امه وطلعها بسرعه ,, وخالد ماحس الا وهو يار ام راكان من يدها ومطلعها برى ,, وباعدوا بسرعه ,, البنات تموا قاعدين مب مصدقين ,, خلاص طلعوا محد صار فيه شي ,, راح الدريول يطفي الحريقه بهوز الماي ,, وتطفت وتلاشت شوي شوي ,, وكل هاي جدام عيونهم ,, ام راكان وام سلمان حضنوا بعض وتموا يصيحون ,, وخالد تنفس بقووو وهو يطالع اميره ويبتسم بالخفيف وويهه فيه اثار تعب وسواد خفيف ,, ردت له الابتسامه وهي تطالعه بعيون مليانه دمووع وماحس الا امنه طابه في حضنه وهي تصيح .. خااالد فديتك ياخوي الله لايحرمني منك ,, حضنها بقووو وهو مب حاس بعمره ,, طبعا على الساعه 11 ,, راحوا كلهم يرقدون ,, بعد الموقف الصعب اللي مروا فيه سلمان اكثر واحد تم متأثر وهو يحمد ربه لانهم صاروا بخير النار كانت مب طبيعيه كانت ممكن تلتهمهم لو تأخر الدريول 5 دقايق ,,

..........................

طلعت الشمس ,, وشهد ماغمضت عيونها من امس عيونها كانت متورمه من الصياح الصامت طبعا ماتبي بدر يحس فيها ,, تفكر في راكان بيخليها في حالها والا لا ؟!! ,, شوي وتحس بيد تضربها بالخفيف ,, التفتت الا تشوف جدامها ارق واعذب ابتسامه بعيون شبه مغمضه ,,

شهد : هههههه مارقدت ؟!
بدر قعد : بلا بس انتي شكلج مارقدتي من امس
شهد : بلا رقدت من شوي قاعده
بدر يفرك عيونه : الساعه كم الحين ؟!
شهد : الساعه 6 بتوقيت قطر
بدر يطالع فوق : تدرين اشلون ؟! قومي بدلي بننزل نتمشى
شهد:هه اشعندك ؟!
بدر : خاطري اطلع هالوقت
شهد تنفست بعمق : يالله ,,

صلوا ,, وبدر دخل يتسبح وشهد تتلبس ,, تمت تطالع ويهها في المنظره اشلون شاحب والسواد محوط عيونها تنهدت ,, انت السبب ياراكان ,, لبست تنوره سودا وقميص اخضر ,, وفوقه جاكيت لين الركبه ..<< اوامر بدر ,, كحلت عيونها لانها كانت متنفخه من الصياح ,, طلع بدر وبدل على السريع ,, وطلعوا ,,
وهم يمشون في الطريج ,, شهد قررت انها تقوله اللي في خاطرها ,, يمكن تفتك من راكان ,, بس ما اظن بدر يوافق اووووووف يالله خل اقول وان شاء الله مايردني ,, رفعت عينها وهي كلها امل انه مايرفض طلبها ,,

بصوت حنون ورقيق : بدر
بدر : امري
شهد : بدر بقولك شي بس خايفه تردني
بدر : افاااا انا اردج ؟! ماعاش من يردج امري
شهد : بصراحه بدر انا برجع قطر
بدر مستغرب : ترجعين قطر ليش ؟؟!!!
شهد : ضاق خلقي ,, وابي اشوف هلي
بدر : والكورس ؟!!
شهد : بدر ممكن انته تقعد وانا اروح
بدر : لا والله ؟!!!!!!!!!!!!!!! شنو الدنيا سايبه ؟!
شهد : بدر ارجوك مابي اقعد هنيه ولادقيقه
بدر رافع حاجب : شهد ؟!!! اشفيج ؟! اشصاير ؟! ليش جب مصره ؟!
شهد تتهرب : بدر انا برجع مالي شغل
بدر تنهد بقووووو : خلاص ان شاء الله بنرجع مب لازم اخذ الكورس
شهد : بدر زعلت ؟!
بدر :لا ليش ازعل ؟!! خلاص ولايهمج بنرجع فأقرب وقت

سكتوا وكملوا طريجهم ,,, وشهد مستانسه حدها ,, بترجع وراكان بيتم ,, ويحسبها موجوده فكه ,, واصلن في قطر مايقدر يسوي شي ,, لانه يخاف ,,

.................................

قعد من الرقاد ,, غسل ولبس ثوب وكان شعره طايح على ويهه ,, مسك بطنه اللي كان يغروج ,, ااخ والله يوعان ,, نزل والا الصاله خاليه ,, مافيها احد ,, طلع وراح على طول المطبخ وهو يطالع الزرع ويبتسم من روعته ,, ويناظر فالسما طيف اميره ,, يابعد عمري يا ااميره امس كانت خايفه علي ,, ضاق صدره وهو يقول في خاطره ,, وانا بعد يا اميره خفت افقدج ,,,,,,,,,,,,,,,,,,,,,,,, دخل المطبخ وانصدم من اللي شافه ,,

تعال والمس احساسي ,,
وهدي ثورة انفاسي,,
دخيلك حس ياقاسي,,
ترى قلبي يشقيني ,,
بشوقي يانظر عيني ,,

كانت ماعطته ظهرها وشعرها منثور على شيلتها اللي لافتها على رقبتها ,, ومركبه سماعات الجوال تسمع وتغني ,, سكرته وهي تتنهد من الخاطر ,, وطالعت فوق ,, تعال ياخالد تعال ,,,,,,,,,,,,,,,,,, تيبس في مكانه شتقول اشقاعد يسمع تقول خالد والله قالت خالد ,, اميره قالت خالد ,, اميره تبيني ؟! تحبني ؟! اييي كل شي يدل على هالشي ,, تم يتأملها وهي ماتدري ,, وبدون مايحس ,, اميره احبج ,, قالها في قلبه اللي مليان حب لها ,, قلبه اللي محد سكنه غير اميره ,, ومحد بيسكنه غيرها ,, خلاااص ارتاح تأكد من حبها له ,, فرحان طاير فالسما تحبني البنت تحبني تتمناني خلاص انا بحسم الموضوع خلاص بعترف بتكلم لين متى بسكت ,, التفتت وحلت الصدمه عليها تمت ترتجف من الفشله سمعها وهي تغني ؟! وهي تقول خالد تعال حمرت خدودها وتمنت لو مايات المزرعه ,,,,,,,, لبست شيلتها ومشت بسرعه صوب الباب ,,,,,,,,,,

خالد سد الطريج : اميره
اميره تطالع تحت : نعم ؟!
خالد بحزم : اميره ابي اكلمج في موضوع
اميره منحرجه شقاعد يقول ؟!:نعم ؟!
خالد : ممكن تين نتكلم في الصاله ؟! على شان محد يقول شي صدقيني اميره لو الموضوع مب مهم جان ماطلبت هالشي وانا ادري انه صعب على وحده مثلج
اميره ماتعرف شتقول : اوكي
خالد يمد يده صوب الباب : تفضلي

راحت بخطوات سريعه وهو وراها قلبه يطق بقوو بيعترف لها بيقولها ابيج ,, دخلت الصاله وقعدت وهو قعد جدامها بالضبط بس بعيد شوي تمت منزله راسها ,, وهو متخسبق مايعرف شيقول حط نفسه في موقف صعب ,, ماتوقع ان الاعتراف صعب هالكثر بس يبي يقولها يبيها تحس فيه يبيها تعرف انه بعد يبيها ويحبها

خالد وهو يلعب في يده ومنزل راسه : اميره
اميره قلبها انتفض مره وحده لايكون بيقولي لاتتعلقين بأوهام وانا مابيج : نعم ؟!
خالد : اميره انا بتكلم من الاخر ادري ان الكلام اللي بقوله ممكن يزعلج والايضايقج بس انا ما اقدر اسكت اكثر من جذيه
اميره ماااتت خلاص اكيد يحب غيري شوي وتصيح : تفضل قول
خالد وبرجفه خفيفه لاكن تماسك وتكلم : اميره انا انااا

وفي هالحظه كانت نازله من الدري ,, ووقفت فجأه لانها سمعت خالد يتكلم ويقول اميره ,, تمت ساكته وتسمع

خالد : اميره انا انا ابيج على سنة الله ورسوله وانا قلت لج ابي اشوف رايج انتي ابي اعرف انتي تبيني والا لا ؟!!
اميره من الفرحه تمت ساكته وتطالع الارض ماتبي تبين له شي : ,,,,,,,
خالد : اميره انا عمري ماشفت بنات ولاعمري فكرت اني بتعلق في وحده كثرج اميره انا من شفتج ذاك اليوم وانا منقلب حالي دايما افكر فيج واحس اني ابيج و ... سكت لانه حس انه زودها
اميره بشجاعه : خالد انا بقولك شي
خالد خايف : تفضلي
اميره : خالد اتوقع انك كنت في المطبخ قبل شوي وسمعتني شقول وعرفت اني ,,,,
خالد حس بأرتباكها : تبادليني المشاعر قصدج ؟!
اميره : ااي
خالد : يعني اكلم صالح ؟!!!!!
اميره قامت بتروح : كيفك
خالد وقف : اميره ابي اعرف رايج انتي موافقه والا لا

وماحسوا الا بصوت صوب الدري وصوت خطوات سريعه ,, نزلت وخذت نفس قوي وهي تطالعهم بأبتسامه خلتهم يرتبكون شكلها سمعت

امنه : خالد اميره تحبك خالد وتبيك وانا امس لما قلت لها انك خطبت نزلت دموعها .. وهي تطالعها وتبتسم ,, خالد اميره ,, انتوا تحبون بعض وتبون بعض ليش تكابرون ؟!!!
خالد : امنه
امنه : خالد ادري انك تبيها وميت فيها ترى انته مفضوخ والله خلاص اشتنطر خل نفرح فيكم ,,

اميره ماتت من الحيا ,, وراحت على طول فوق ,, امنه تمت تضحك على حالهم ,, وخالد ميت من الوناسه وفي نفس الوقت منحرج من اخته ,,,

..........................

رجعوا الفندق بعد 4 ساعات من المشي ,, دخلوا الغرفه وطاحت شهد على السرير من التعب ,, وهو طاح على الكرسي ,, وقلبه ينغزه شهد فيها شي ,, هالايام مب طبيعيه ,, تصيح وكله متضايقه ,, وتقولي برجع قطر ,, اشفيها ؟! لايكون ماتبيني ؟! ,, اووف بعد انا ماتبيني بتوافق علي ؟! ,,

بدر : اشفيج حبيبتي تعبانه ؟!
شهد بأبتسامه وهي ماسكه راسها : صداع
بدر قرب منها ومسك راسها : سلامتج حبيبتي تبين اطلب لج كابوتشينو ؟!
شهد : لالا ماله داعي باخذ بندول ههه كابوتشينو يعدل راسك انته انا لا
بدر : هههههههههههههه انزين وين البندول انا بيبه
شهد : في شنطتي الصغيره ,,

فتح بدر الشنطه ,, واول ماحط يده رن تلفون شهد ودق قلبها حست بشي غريب ,, خايفه ,, خذ التلفون والا يشوف رقم مب مسيف عندها ,,

بدر : رقم غريب
شهد بخوف : معليه بدر خله يولي وعطني البندول بسرعه
بدر : يمكن امج والا شي هاج ردي
شهد مالقت جدامها الا ترد وبصوت مشحوح : الو
راكان: هلا والله بشهد هلا حبيبتي

تصبب العرق في جسمها الله لايوفقك اشتبي شمطلعك حبتك القراده يالخايس,, شهد بخوف : باي وسكرت
بدر حس بشي : شهد من هاي ؟!
شهد : واحد امغلط
بدر سوى نفس مصدق : اوكي

راح يطلع البندول ورن التلفون مره ثانيه ونفس الرقم راح بدر بسرعه وخذ الجوال ,,
بدر :عطيني انا برد
شهد بخوف والرجفه باينه عليها : لا بدر الله يخليك لاترد
بدر شك فالامر شفيها ؟!:ليش خل ارد وحط يده بيضغط
شهد نزلت دموعها : لابدر تكفى لاترد تكفى
بدر : شهد اشفيج ليش خايفه ؟!

وسكر ,, خذته شهد وقفلته ,, بدر عصب اشفيها ؟! ليش خايفه ؟! وبعدين امغلطين ليش ماتبيني ارد عليهم ؟! وامغلطين يتصلون مرتين ,,

بدر بحزم : شهد منو هاي !؟
شهد تمسح دموعها حست ان الدنيا تدور فيها : بدر والله مادري منو بدر (تدزه ) اطلع روح احجز خل نرجع قطر ,, وهي تطيح على ريوله من القهر ,, بدر برجع قطر الحين الحين والله مابتم روح احجز
بدر بصراخ وهو ماسك يدها وضاغط عليها بالقو : منو اللي متصل هاا ؟! تكلمي الحين تحجي
شهد انهارت من الصياح حست ان حياتها انتهت خلاص : بدر محد قلت لك امغلطين ليش تشك ؟!!!
بدر رفسها من القهر وزادت شكوكه : تحسبيني حمار تلعبين من وراي ؟!! انا سمعته وهو يتكلم الصوت كان واضح
شهد نزلت عند ريله : لابدر والله ما اكلم انا لاتشك فيني بدر انا احبك ابيك بدر الله يخليك لاتخليني
بدر عض على شفايفه من الندم وهو طالع من الغرفه : وخري عني مابي اشوف ويهج لو انتي صاجه جان خليتيني ارد والا ليش خفتي
شهد تصارخ وتشاهق : بدر لاتروح تعال تعااااال بدر حبيبي عمري مافكرت

ماسمعت الا صوت باب الغرفه ينرضخ بقووو ,, خلاص بدر بدت شكوكه في شهد الغيره بدت تشتعل في قلبه ,, طاحت على الارض من الصياح ,, حياتها بتنقلب جحيم ,, مافي ثقه خلاص ,, بدر يشك فيني ؟!! ,, حرام والله حرام بدر انا احبك وابيك بدر ,, ماعرفت شتسوي من القهر وهي تضرب بيدها على الارض وميته من الصياح ,, الله ياخذك الله ياخذك ياركان يالكلب ياللي مافيك ذرة رجوله يعلك تموت الحين ,, وتمت طايحه على الارض وهي بتطلع روحها من الصياح والصراخ ,, اللي يعور القلب ,, شهد مظلومه ومافي يدها شي ماتقدر تتصرف ,, بدر بدا يشك فيها ,, مع انه يتنفس هواها ,, ويحبها موت

طلعوا يتمشون ,, وكل وحده ماسكه جوالها وتسمع اغنيه ,, اميره تمت فوق وتفكر في خالد وكلامه اليوم ,, مستانسه حيل حيل ,, وتستحي تطلع جدامه ,,

رن تلفون الجوري وكانت النغمه ,,

عشان الحب ,, واللي بيني وبينك ,,
عشان الحب عشان ايامي وسنينك ,,

بانت عليها الرجفه وحور مستغربه : ردي
الجوري : انا بروح اشرب ماي ,,

راحت وردت بسرعه

الجوري : سعود ؟! انا ماقلت لك لاتتصل
سعود :شسوي حبيبتي والله وحشني صوتج ,,
الجوري : على الاقل طرش مسج موتتصل
سعود مسوي نفسه زعلان : افااا خلاص يالله فمان الله
الجوري:سعووووووووووووود تعال
سعود : نعم ؟!!
الجوري : انا فكرت فالموضوع ولقيت ان معاك حق
سعود متشقق : صج ؟!!!!!!!!!!!!!!
الجوري : بس سعود انا وايد وايد خايفه وايد
سعود : ليش حبيبتي ؟!!! انتي ماتبين تقعدين معا حبيبج؟!!! ماتبين تشوفيني ؟! والا الصور كفايه ؟!
الجوري : ادري ان الصور ماتكفي بس
سعود : بس شنو ؟!!! انا ابي اشوفج نفس ما انتي شفتيني كل يوم افتح لج كام واصور لج بالهبل والحين اقولج ابي اشوفج تبخلين علي ؟!!!
الجوري عور قلبها : خلاص خلاص ان شاء الله بس اشلون ؟!
سعود مرتب الموضوع : قولي حق هلج انج بتروحين معهد ,, وخل الخدامه والدريول يوصلونج واذا راحوا تعالي لي اانا بكون انطرج
الجوري :هااااااااااااااا جدام الناس ايك ؟!!! وبعدين يمكن اخوي يوصلني والا المعهد يدقون بيتنا
سعود : يالذكيه من قالج سجلي ؟! عند الباب بس وتعالي بنقعد معا بعض كل يوم ساعتين نستانس واشوفج وتشوفيني
الجوري : كل يوم ؟! وساعتين ؟!! انزين وين بنروح ؟!
سعود : ناخذ لفه ,,
الجوري : لالالالالالالالالالالالالالالالالالالالالالالالالا لالا على شان الكل يشوفنا ؟!
سعود انفتح له المجال : تبين نروح مكان محد يشوفنا يعني ؟!
الجوري :أي
سعود : خلاص ولايهمج بس تكفييين اول ماترجعين البيت تكلمين امج فالموضوع وتردين علي
الجوري : سعود انا خايفه وايد احس ان بيصير شي
سعود : افااااا تخافين مني ؟! خايفه اسوي لج شي ؟!
الجوري : لاحبيبي انا خايفه ان احد يشوفني من اخواني والا معارفي
سعود:ولايهمج حبيبتي ولايهمج انا عندي مكان عجيب محد يشوفنا بروحنا نستانس ونفرفش
الجوري : انزين وشبنسوي كل يوم ؟!!! كله سوالف ؟!!
سعود : كفايه شوفتج يالغاليه كفايه والله
الجوري تسمع حور تناديها : خلاص اكلمك بعدين
سعود : لاتنسين تكلمين امج اوكي قلبي ؟!
الجوري : اوكي

سكرت وهي مب متطمنه بس ماتقدر تقوله لا ,,ماتبي ترده ,, تحبه تموت فيه ماتبي تزعله ,, هو استانس وايد لما قالت له اوكي ,, بس ياترى شبيصير في حال الجوري ؟!

.........................

دخله الميلس ,, وتموا يسولفون ,, في امور الحياه ,, تعلقوا في بعض وايد وصاروا احلى متحابين في الله ,, مرتاحين معا بعض ,, وكل واحد قلبه على الثاني ,, فتح صالح موضوع كان يفكر انه ينفذه من زمان

محمد : تفضل
صالح : اقول يامحمد اشرايك نبني مسيد ؟!
محمد مبتسم : ماشاء الله عليك ياصالح فكره حلوه وانا اقدر اوفر لك مبلغ حلو
صالح : انا يامحمد اتمناه مسيد كبير نلقي فيه خطب انا وانته ونأذن فيه ونصلي فالناس يوم اليمعه
محمد مسك يد صالح : من الحين انباشر وابشر بالخير والتوفيق من الله دام نيتنا صافيه
صالح : مشكور يامحمد مشكور والله ان اللي مثلك يفتخر فيه
محمد : ياصالح تأكد اني بكون معاك دام قلبك على دينك وحرصك عليه كبير وتأكد اكثر اني اول واحد بيوقف معاك وبيساعدك اذا نيتك الخير والصلاح

وبجذيه بدت فكرة بناء المسيد العود اللي بيكون مأوى الخير للناس كلهم ,, محمد وصالح يد وحده ,, فالخير ,, الله لايفرقهم ,, ولايباعدهم عن بعض ,,

...............................

مرت 6 ساعات ,, وبدر مارجع للحين ,, زاد خوفها ,,دقات قلبها ماتوقف ,, وين راح ؟!!! لايكون مب راجع نزلت دموعها ,, بدر ارجوك ارجع ,, تمت 10 دقايق وهي تترقب وصول بدر ,, لاكن اظلم الليل وساد الصمت فالبلاد وبدر ماله طاري ولاحس ,,,,,, مالقت غير طريقه وحده ,, لبست شيلتها وعبايتها وطلعت من غرفتها تمشي بخطوات سريعه وبجنون صوب اللفت

[blink]نتااااااااااابع الفصل الحادي عشرالجزء الاول[/blink]

قلب الزهـــور · 27-03-2009, 12:56 AM

[blink][/blink]

الفصل الحادي عشرالجزء الاول

7
7
7

رجع بدر الغرفه بعد ماتعبت وهي تدوره في الفندق كامل ,, كان رايح يحجز على شان باجر يردون على اقرب طياره ,, حصلها راقده ,, رقد وهو متضايق حده ,, حتى الكوابيس شاركته رقاده ,, معقوله شهد تخونني ؟! كان شكله تعبان وايد وايد ,,

,,

بعد مرور شهر ,, رجعوا بدر وشهد قطر ,, ومشت حياتهم بس بجفاف من بدر ,, شهد دايما تتحمل كلامه الجارح وتسكت طبعا استقروا في بيت بدر معا ريم وامه ,, وصارت ريم وايد قريبه من شهد ,, دايما يطلعون السوق معا بعض ,, الجوري ,, وهمت امها انها تروح المعهد ,, ولاكنها تطلع معا سعود يوميا ,, اول يوم وثاني يوم كانت تخاف بس الحين صار عادي وتنطر الوقت الي تطلع فيه معاه ,, سعود ,, يستدرجها شوي شوي ,, مايبي يخسرها مره وحده ,, اول شي هي مسكينه وماتدري بحقيقة مشاعره تجاهها ,, وثاني شي ,, اخوانها مب سهلين ,, ,, ,, اميره كلمتها امنه بموضوع الخطوبه ,, ,, راكان رجع من لندن بعد ماعرف ان رجعوا شهد وبدر بأسبوع ,, وتفكيره ومخططاته ماخلصت ,, ,, ,, اما امنه وسلمان ماصار بينهم شي لحد الحين ,, امنه في صوب وسلمان في صوب

,,

يوم السبت ,, صباحا الساعه الـ ,, 9
وتحديدا في غرفة بدر ,, كان قاعد على النت وهي قاعده تطالعه وتشرب عصير ,, وهو مايعيرها أي اهتمام ,, اسلوب الجفاف تعودت عليه شهد ,, لاكن اللي يقهرها انها مظلومه ودايما تقوله انه فاهم غلط والمفروض مايشك قبل لا يتأكد وهو مب مصدقها ,, لانه سمع بنفسه ,, وقال اسمها بعد ,, قال شهد ,,,,!!!
شهد بصوت مسموع : بدر ,,
بدر وهو عيونه في الاب توب ومومعطيها ويه : ........................
شهد قامت وقربت منه : بدر لو سمحت خل الاب توب وتعال اقعد معاي
بدر التفت عليها بنظرات حاده : اشتبين ؟!
شهد : بدر اقعد معاي انا زهقت كله مشاهد هاي وانا مخليني ؟! انا زوجتك لي حق عليك
بدر وهو يكتب : قومي عني الزوجه اللي تحترم زوجها وتحفظه لها حق لاكن اللي ... استغفر الله قومي عني قوومي
شهد نزلت دموعها : بدر حرام عليك والله انك ظالمني والله
بدر : شهد انا شبعت من هالكلام وارجوج فارجي مب متفيج لج

خذ الاب توب وطلع الحديقه ,, تنهدت بقووو ونزلت دموعها بصمت ,, راحت غرفتها بخطوات سريعه وهي راصه على يدها بقووو ,, دخلت وسكرت الباب بقوو وقفلته ,, طاحت على السرير وهي ميته من الصياح ,, وقلبها متقطع من معاملة بدر لها ,, وانه مب راضي يصدقها ,, يعني خلاص بنتم جذيه ؟!

.................................

اميره منزله راسها : كيفك ياخوي اللي تشوفه
صالح ابتسم : يعني اقوله انج موافقه خلاص ؟!
الجوري : ههههههههههه
صالح مستغرب : ليش تضحكين ؟!!!
اميره:ماعليك منها صالح
صالح وقف : مبروك اميره خالد خوش ريال
اميره مستحيه حدها : الله يبارك فيك
ام راكان : كلللللللللللللللللللللللللوووووووش ,, نزلت دموعها وهي تحضن بنتها ,, مبروك يمه اميره الف مبروك
اميره نزل دموعها: الله يبارك فيج يمه ,,

اليوم اسعد يوم بالنسبه,, لخالد ,, ردوا عليه بالموافقه والملجه بعد يومين ,, خالد مستعيل حده ,, ينن امنه ,, يسألها ويكلمها عن العرس يبيه اسطوري وبسرعه ,, وامنه مستانسه لان اميره بتيي عندها ,, تحبها وايد ,, ولمست فيها الحب والحنان ,,

..............................

طلعت من غرفتها وكان شكلها تعبان وايد ,, كانت لابسه بدله ,, حمرا ,, كاات ,, ورافعه شعرها عشوائي , وعيونها متورمه من الصياح ,, دخلت المطبخ الصغير ,, وصبت لها ماي ,, شوي وتسمع صوت من وراها

بدر :سويلي كيك بالنسكافيه
شهد التفتت عليه ودموعها تتغارق بعيونها : اسفه انا مب خدامه لاحد
توها بتطلع ومسك ذراعها : لو انا طلبت منج شي تسوينه فاهمه
شهد بحزم : لو انت تحترمني وتقدرني جان حطيتك على راسي لاكن تطلعني جذابه وانا احاول اكلمك وتصد فالعنه ,, سحبت يدها بقوو

طلعت من المطبخ وهو واقف مكانه على حركته من الصدمه ,, اشلون تتجرأ وتكلمني جذيه خلاص مافي احترام ,, مافي حشيمه للزوج ؟!!! ,, بدر ماقدر يتمالك اعصابه وراح بسرعه الغرفه
فتح الباب بقووو ,, هي خافت بس مابينت له شي ,, كانت تسمع جلمود ,, لراشد الماجد في جوالها ,, عض شفايفه,, وقرب منها ,,

بدر : انتي اشلون تكلميني بهذي الطريقه ؟! وين احترامج حق زوجج ؟! ها؟! والا الخيانه بعد تفقدج الاحترام
شهد ولاول مره توقف في ويهه : جاااااااااااب ولاكلمه الخيانه لك ولاشكالك انا بنت ناس وشريفه ما اسمح لك تتكلم عني جذيه
بدر منصدم اكثر : لاتخليني افقد اعصابي والله بتشوفين شي ماشفتيه في حياتج
شهد متكتفه وبتطنز: لاحبيبي افقد اعصابك خلاص انا مليت من هالعيشه الخايسه
بدر يرص على اسنانه بقوووو وهو ماسك نفسه لاخر لحظه : شهود والله العظيم وصلت حدي لاتخليني اتبع معاج اسلوب مايرضيج ,, احمدي ربج ان مخليج عندي للحين لان اللي نفسج مطلقين لانهم مايستاهلون يكونون متزوجاات هذيلاا مصيرهم الهاويه
شهد : احترم نفسك يال ,, مابي اغلط ,, بس اقول على الاقل انا ماتطلقت من قبل والا انت ناسي انهم لما عرفوا انك عاجز قالوا مانبيك ها ؟!!!
بدر بتردد : تعالجت تعالجت على شانج لاكن
شهد : لاكن شنو ؟!!!ها ,, ترى بقولك انا مب ميته عليك والله متحملتك لان الطلاق مب سهل ,, والا لو بيدي جان من زمان قلت لك طلقني معا هالمعامله اللي الحيوانات مايتحملونها

بدون مايحس رفع يده ,, وصفعت خد شهد بقووو طيحتها على السرير ,, من هول الصدمه تم ساكت ويطالع يده اللي ماتحركت من مكانها , وهي ماسكه خدها وميته من الصياح وتشاهق ,,
قرب منها بهدوء ,,

بدر ماسك راسها يبي يقومها : قومي شهد قومي حبيبتي
شهد بصراخ : قوم عني قوم مابي اشوفك قوم
بدر حضنها لصدره وهي استسلمت لانها بأمس الحاجه لحد يضمها : حبيبتي سامحيني والله مب حاس في عمري اسف انتي قلبي وروحي شهد انا احبج والله احبج ومستحيل اخليج لو مسويه شنو
شهد تشاهق : بس انا ماخنتك والله ماخنتك حرام عليك
بدر ضمها بقووووو لدرجة انها حست انها تيبست : ادري شهد خلاص ادري هدي شوي هدي

.......................

ركبت السياره ,, واتصلت على طول حصلته مغلق ,, شسالفه ؟! هاي بيوهقني ,, وتمت تتصل وتتصل لين رن ,,

الجوري : وينك انته ؟!
سعود : واقف انطرج اسف نسيته مغلق
الجوري بدلع : يلاا يايتك ,,
سعود : انطرج

وصلوها المعهد ,, واول ما اختفى الدريول عن انظارها ,, جدم سعود وركبت على طول ,, السياره كانت بارده ,, وريحتها روووعه ,,

سعود : هلا والله ,, بمرتي ,, مسك يدها ,,
الجوري مغطيه ويهها : هلا فيك وبعدين شنو مرتي تو الناس
سعود : لا شنو تو الناس بالعكس انا قريب بايي اخطبج ,, بس عمي مريض انطره يصحى وايي بيتكم على طول
الجوري : واشدخل عمك ؟!
سعود:الله يسلمج احنا عندنا اللي يروح يخطب لازم كباريه العايله معاه
الجوري بغباء : اهاا
سعود مسك نفسه عن الضحك صج غبيه : اقول قلبي اشرايج نغير المكان ؟! زهقنا من البر ,,
الجوري : كيفك ,,

مشى سعود صوب المكان اليديد ,, والجوري ماتدري وين الله قطها ,, حبه معميها ,, وين مايروح وين مايجي تكون معاه وبس ,,

........................

وقفوا بالسياره ,,

صالح : انزل يلاا ,,
محمد وهو نازل : ماشاء الله خلصوه مابقى شي ,,
صالح مستانس : أي والله الله يبلغنا ونأذن فيه ,,
محمد : امين
صالح : محمد من فتره سيطه شاغل بالي موضوع
محمد:عساه خير
صالح : لاخير ان شاء الله ,, بس دايما افكر في جاسم والبقي وفي حالهم اقول محمد اشرايك نحاول معاهم ؟!!!!!
محمد:صالح هذيلا مافيهم فايده ,, لو تكلمهم من اليوم لين باجر وصخ الدنيا عاميه عيونهم
صالح : اشبنخسر احنا ؟! لو جهز المسيد نناديهم يشوفونه ان نرويهم ,, ونكلمهم وانته تدري المسيد بيت الله ,, يمكن يحسون او تتحرك قلوبهم
محمد:معليه يصير خير ,, ويمكن حصل طريقه احسن بعد ,, لان يبي لهم قلب
صالح : هههه الله بيعين

دخلواالمسيد وشافوه خلاص مابقى فيه شي ,, كبير وحلو ومرتب ,, كانوا فرحانين وايد لان بالنسبه لهم هاي انجاز وبداية الدعوه للخير ,,

...........................

دخل الصاله والا كلهم قاعدين ,, وفوق الطاوله كيكه ,, لا اشصاير ؟! ,, تم يطالعهم بأستغراب ويبتسم ,, خالد كان منحرج لاكن حور بطت البرمه

حور : سلمان بارك حق خالد خطب
سلمان منصدم : لالا ,, التفت على خالد ,, بووليد ولاتعلم ها
خالد : السموحه منك سلمان كل شي صار بسرعه
سلمان قعد على الكرسي : ومنو سعيدة الحظ
حور : اميره بنت جيراننا
سلمان قام ووقف لخالد وضمه بقووووو : مبروك بووليد الف مبروك اميره خوش بنت وكفايه ان اخوانها راكان وصالح
خالد:الله يبارك فيك عقبالك يالغالي
سلمان يطالع امنه : امين يارب

ابتسمت ونزلت راسها ,, وغرقت في بحر الاحلام ,,

....

وقفوا على الكوشه وهو ماسك يدها ومتلهف وهي بعد التفت عليها وهو يبتسم ,, يالله نروح ؟! ,, بادلته الابتسامه وبخجل يلاا ,, وطلعوامن بين الناس احلى عصفورين الحب ,,

حور وبصرخه وحده قطعت افكارها وبعثرت احلامها : امووووون وين رحتي ؟!
امنه انقزت : اشفيج بسم الله الرحمن الرحيم خرعتيني
حور :وين رحتي يالدبه ؟!!! بالج مع منو كان ؟!
امنه تتلفت محد موجود غيرها هي وحور : وينهم ؟!
حور : طلعوا كلهم ,, وقومي بنروح بيت بوراكان نبارك حق اميرووه مرت اخوج امي سبقتنا
امنه وهي قايمه : يالله

كشخوا حدهم ,, وطلعوا رايحين بيت بوراكان ,,

........................

في الستي سنتر وتحديدا ستاربكس ,, كان قاعد بنظارته الشمسيه ويقز بنات الناس ,, 5 دقايق بالضبط ,, وشافه ياي من بعيد عدل قعدته وطلب له كابوتشينوا ,, دخل ستاربكس وهو مرر نظراته الحاده ,, لين طاحت بعين راكان ,, مشى بخطوات هاديه ,, لين وصل عنده

سعود:السلام عليكم
راكان : عليكم السلام ياهلا تفضل سعود
سعود وهو يقعد : مشكور
راكان : اشحالك
سعود : الحمدلله بخير وانت ؟!
راكان : الله يسلمك الحمدلله
سعود:عسى فكرت فالموضوع عدل ؟!!!!!!
راكان : أي فكرت وانا اسف ياسعود انتوا مالكم حق عندي كلش
سعود ثار : بس انا عندي اوراق تثبت هالشي وانت تدري علاقة ابوي في ابوك وتعرف اشلون كانوا معا بعض وانت اكثر واحد يعرف ان ابوي شريك ابوك في الحلال
راكان ببرود : ادري بس ياحبيبي ابوي كان رفيج ابوك ,, مب انا والحين ابوي مات وابوك بعد مات الله يرحمهم ,, وخلاص مالكم شي عندنا
سعود ضرب الطاوله بقوو : راكان لاتخليني اتصرف بشي مايعجبك
راكان : اسف يسعود ماعندي شي لكم ,,
سعود قام وداخله جمره تتفجر : هين ياراكان ان ماخليتك تندم
راكان : ههه اللي ماتطوله بيدك واصله بريولك يايبه
سعود : بتعرف منو سعود والله لاسوي شي اخليك ماتسوى واشرشحك
راكان : انطر اشب قهوتك
سعود: مابي شي

,, رد بسرعه للواقع ,, وهو يتذكر هالموقف ويتوعد في راكان ,, هين ياراكان ,, والله لاطعنك في شرفك واسويلك اكبر فضيحه بين الناس ,, شكلك ماعرفت منو سعود للحين ,, التفت الصوب الثاني ,, وهو يتذكر الجوري ,, ضحك بصوت عالي .. هههههههههههههه كلكم اغبياء كلكم هههههههههههههههههه من صغركم لكبيركم ,, هههههههههه ,, سكت مه وحده وهو يعض على شفايفه ,, ان ماخليتك تعض اصابع الندم ياراكان ماكون سعود ,,

............................

ومن الصوب الثاني ,,, غارقه في الاحلام ,, وتتفدى سعود حبيب قلبها ,, مادرت انها ضحيه لعمايل اخوها راكان ,, مادرت ان سعود عمره مافكر فيها ,, ولاحبها ,, وانه يطلع معاها ويكلمها على شان يبرد حرته ويقهر اخوها ,, طرت ليوم العرس وهي تتخيل شكلها وشكل راكان ,, وقطع حبل افكارها صوت اميره

اميره : الجوري قومي بسرعه معاي
الجوري : اووف اشفيج ؟!
اميره : بروح اشتري بدله حق الملجه ماعندي شي ,, امنه قالت انه بيدخل يشوفني قومي
الجوري تبتسم وتتخيل نفسها مكان اميره : اوكي عطيني ثواني ابدل بس
اميره : اوكي ببدل وبركب السياره

..........................

بدلت ملابسها ,, وقعدت على السرير ,, تفكر في حياتها اشلون صارت ,, وايد تغير عليها ,, صارت تشوف الدنيا سوده فعيونها كل ماتلتفت لمكان في الغرفه تكون له ذكرى اليمه في هالمكان قالي هالكلام هنيه ضربني هنيه وهنيه ,, ليش بدر ؟؟ اشلون ترضى على نفسك تاكل وترقد وتروح وتيي ظالم ؟؟ ,, انفتح الباب بهدوء والا هو واقف بابتسامه تذوب الصخر ,, ابتسمت بدون نفس ,, قرب منها ولصق فيها

بدر يطالعها كانه اول مره يطالعها : شهد
شهد كسر عيونها وطالعت تحت : امر يالغالي
بدر : قومي بدلي بنطلع نتعشى برى ,,
شهد : لابدر مالي خلق
بدر مسوي نفسه زعلان :افاا تردين عزيمتي ؟؟ قومي قلبي ابي افتح معاج صفحه ييده نبي نرجع نفس قبل واحسن
شع وهي قايمه : ان شاء الله

خذت ملابسها وراحت تبدل بدون ماتتكلم ولاكلمه بدون ماتلتفت عليه حتى ,, تنهد بقوو وراح الصاله ينطرها ,, وهو يتذكر المواقف اللي صارت بينهم واشلون كان قاسي عليها ,, شهد حساسه ماتستحمل هالاسلوب ,, بعد قلبي اليوم بنرجع شهد وبدر ,, من عقب ماكنت ارقد في الصاله وانتي في الغرفه ,, ومن عقب ماكنت اصدج وما ارد عليج ,, ومن عقب ماظلمتج ,, برجع لج بدر حبيبج ,, بدر اللي يموت فيج ومايبي يفارقج ثواني

وش راح يصير للجوري هذا إلي راح تعرفونه

[blink]في الفصل الحادي عشر الجزء التاني[/blink]

مع تحياااااااااااات قلب الزهور

ومتم سالمين يارب

بااااااااااااااااي

الجذااابة · 28-03-2009, 11:58 AM

واااااااااااااااو

الاحداث قوية

سعود يينتقم وراح يعرف ركان ان بنات الناس مولعبة

بنتظار التكملة :)

قلب الزهـــور · 28-03-2009, 06:52 PM

اقتباس

المشاركة الأصلية كتبت بواسطة ؛؛ الجـذابـة ؛؛


	واااااااااااااااو الاحداث قوية سعود يينتقم وراح يعرف ركان ان بنات الناس مولعبة بنتظار التكملة :)

قلب الزهـــور · 28-03-2009, 07:20 PM

[blink][/blink]

الفصل الحادي عشر الجزء التاني

7
7
7

مشت بخطوات بطيئه صوب الدري ,, وهي تفكر قي الموضوع ,, هاي من صجه ؟! لاويقول فكري في الموضووووع !!!!!!!!!!!! يحسب هالشي عادي ؟!!! ,, يبيني افقد اغلى ما املك ,, على شان يستانس ؟!! ويبيني اروح معاه ,,,,,,,,,,, لالالالالالا مستحيل ,, مستحيل اوصل لهالمرحله ,, عمري ماتخيلت اني ادخل هالاماكن ,, كنت اضحك على هالاشياء واقول الحمدلله والشكر ,, واعيب على البنات ,, الحين اروح هالاماكن بريلي ؟!!!! ,, بس سعود ,, بيزعل اكيد بيزعل ,, شسوي ياربي شسوي ,, وهي تركب على كل عتبه من الدري ,, تحس انها تتألم ,, يقول بيتركني ,, كل ربعه يروحون معا حبايبهم هناك ,, الا هو ,, واذا طلعوا البنات اعرفهم ؟! ,, لالالا مستحيل سعود ليش جذيه تسوي فيني ,, ليش ترضاها على حبيبتك وزوجتك تروح هالاماكن ,, زوجتك ؟!!! في واحد بيتزوج وحده يخليها تدخل هالاماكن ؟!!! ,, شسوي ياربي ,, شسوي ,, الجأ حق منو .. الكل لو عرفوا بشي ,, بتصير مصيبه ,, كفايه اني اكلم ,, واحد ,, تطالع فوق وبترجي ,, يارب ساعدني شسوي ؟! شسوي ؟!!!!!!!!!!!!!!!!!!!!!!! ,, دخلت غرفتها وقفلت الباب ,, وهي تفكر في الموضوع ,, حست بتعب من كثر التفكير ,, معقوله انا يصير فيني جذيه ؟!! اااااااااه والله ماعرف شسوي ,, ان وافقت الله يعلم اشبيصير ,, وان ماوافقت بيتركني ,, وبيروح حق وحده ثانيه , اووووف سعود انته ليش جذيه ليش ؟!!!! ,,حطت راسها على المخده وحست بدمعه حاره تنزل على خدها ونزلت بعدها سيلان من الدموع ماتوقف كل وحده فيها ترجي ,, وحيره ,,

.........................

دخلوا البيت ,, وكل واحد مبتسم ومستانس ,, يحسون بحياه يديده ,, كأنهم توهم متزوجين ,, كل واحد داخله مشاعر حب وكلام وايد ,, خاطره يقوله للثاني ,, كل واحد يحس بعيون الثاني شوق وحنين,, بعد الفراق القريب ,, كل واحد جدام الثاني ,, وما يحسسون بعض الاهتمام ,, عرفوا اشقد يحبون بعض , واشون متعلقين في بعض ,, بدر رجع بدر الاولي ,, وعاهد على نفسه انه ,, يكون معا شهد على طول ,, ومايفرق بينهم أي احد ,, شهد اللي يحبها ويموت فيها ومايستغني عنها ,, يحس قلبه وده ينفجر من الحب اللي فيه لها يبيها تعرف اشكثر يحبها بس مايقدر ومايعرف يعبر ,, يبي يحضنها يلمها يعوضها عن اللي راح ,, وهي نفس الشي ,, فرحت لعودة علاقتهم البريئه نفس قبل ,, ورجع اهتمام بدر لها , وحبه لها ,, وقربه منها ,,

طالعها بأبتسامه وعيونه فيها لمعان من الفرح والراحه : قلبي ,,
شهد تنهدت بقوووو : عيوني امر
بدر مسكها من يدها وهم ماشين للغرفه : بدر وشهد قلب واحد ومايفرقهم احد ,,

دخلها وسكر الباب ,, وهو قمه في السعاده ,, والليله هذي احلى ليله في حياته ,, حس ان لها طعم غير ,, وان بعد الزعل ,, يشتاق لها اكثر ويحبها اكثر ,,

............................

نزل من السياره ,, ومشى وهو يولع الزقاره ,, تم يتأمل المكان شوي ,, ظلام ,, وخالي ,, مافيه الا صوت امواج البحر ,, اللي ,, تجدم اكثر واكثر ,, قعد على الرمل ,, وهو يدخن ,, ويمسك الرمل ,, وينثره على الارض ,, ولما تذكرها ,, رص بيده على الرمل بقو ,, وقطه مره وحده في البحر ,, وهو يسوي صوت خفيف ,, الحين ,, معقوله ينتهي الامر ؟!!!! بهذي السهوله ؟!!!! ,, انا مابسكت ,, مابسكت ,, ضحك ضحكه استقواء ,, وهو يتذكر مقاطع من الفيديو ,, ههههه تحسبين السالفه تنتهي برجوعج لقطر ؟! لاياشهد ,, راكان مب سهل ,, واللي بسويه,, مب علىشان احبج ,, لا على شان تحدي اول بعدين حب ,, وهو يتكلم بحنان ,, وبعدين ياقلبي بثبت لج اني احبج وبتم احبج حتى لو تزوجتي ,, ههههههههههههههههههههههههههههههههه وزادت ضحكاته اللي تعالت وخذت حيز من المكان الهادي والمظلم ,, اللي زاد صدى ضحكة راكان فيه ,,

........................

طلعت الشمس ,, وهي سهرانه ,, عيونها جافت النوم ,, خايفه من اللي بيصير ,, ودها تموت تنتحر ,, ولايصير فيها هالشكل ,, حست بالاستسلام ,, اخليه ؟!!! ,, تسارعت نبضات قلبها , من هالكلمه ,, وكأنها تسمع صدى صوتها ,, داخلها ,, تخلين سعود ؟!!! يالجوري ؟!! تخلين حبيبج ؟!! واللي بيتزوجج ,, التفتت الصوب الثاني ,, وهي تحس انها بتنفجر ,, وكأنه عقلها يكلمها ,, الجوري ,, اتركيه ,, لا تخربين حياتج بسبته ,, مستحيل ياخذ وحده تدخل هالاماكن ,, باجر تلاقين احسن منه ,, قامت بسرعه من السرير ,, وهي تتنفس بقو وتصيح ,, شسوي الحين شسوي ؟!!! شقوله !؟!! انا مابروح هالاماكن ولا ابي اتركه ,, سعود حبيب قلبي استولى علي خلاص , انا مستحل اخليه ,, مستحيل ,, ابيك سعود احبك ,, والله احبك ,, ومابخليك ,, وتذكرت كلامه ,, " اذا مارحتي معاي هالاماكن انا ما بقدر اتم معاج " ,, لا مستحيل اروح هالاماكن هذي حق الوصخات اللي مايستحون ,, وهي تتذكر انها تطلع معاه ,, يعني انا النظيفه ,, شهقت بقوو ,, انا ليش اقول جذيه حق نفسي ,, ليش ,, انا احسن من مليون بنت ,, ايه ,, انا على الاقل ما اخربط ,, تغيرت ملامح ويهها ,, وهي تحس ان غصبا عنها بتروح يعني بتروح لانها تبي سعود وتحبه ,, وخلاص ماتقدر تخليه ,, تحس نبض داخلها ,, وانفاسه داخلها ,, واحساسه , داخلها ,,

..........................

طلعت من غرفتها وراحت الصاله وهي متملله حدهـــــــــــــا ,, حصلت امها قاعده في الصاله وتطالع التفزيون ,, قعدت جنبها ,,

حور : يمه
ام سلمان التفتت عليها : ها يمه اشفيج
حور : يمه قومي خل نروح مكان زهقانه حدي والله
ام سلمان : من بيودينا يعني ؟!
حور : كلمي سلمان ,, حطت راسها على كتف امها : يمه والله متمله بموت من الملل
ام سلمان : كلمي امنه وروحي لها ولا خل اتيج
حور : اووف كلمتها من شوي بتيي الحين ,, بس بعد هي متملله ,,
ام سلمان : معليه اذا يا اخوج بكلمه يودويكم
حور بيأس : بيي الظهر وبيقولج تعبان برقد ,, ومب مودينا يمه ارجوج
ام سلمان : اووووووووووووووووف منج حور لاتحنين ,,

سمعوا صوت احد يطق الباب ,, وكانت امنه يايه ,, سلمت على ام سلمان وحور وقعدت ,,

امنه : والله الحمدلله ,, ام خالد وداني اشتري بدله ,, اب نسيت اقولكم ان الملجه والخطوبه بعد اسبوع , مره وحده بيسويها ويبيها خالد كبيره,,
ام سلمان : الله يبارك له ويوفقه ان شاء الله اميره تستاهل كل خير والله
حور تنغز امنه : يبي يشوفها ها خخخ
امنه بصوت واطي : أي بيموت خخخخ

شوي والا الباب ينفتح بقووو بدون سابق انذرا ,, دخل والا يشوفها جدامه قاعده وجنها ملاك تطالعه ببراءه ,, افتكر في عمره ورجع بسرعه لبست شيلتها ,, ودخل ,,

سلمان ميت من الوناسه : حور روحي غطي شعرج خالد بيدخل

راحت حور وخذت شيلتها ورجعت بسرعه ,, لبستها وقعدت على الكرسي ,,

سلمان يلتفت على خالد : تفضل بووليد ,,

دخل خالد والكل انتبه انهم مستانسين وايد ,, وامبين عليهم عندهم شي ,, قرب سلمان من امه وباسها على راسها ,,

سلمان : يمه باركي لنا ,, فتحنا الشركه اليوم

انقزت حور مب مصدقه ,, ياااااااااااااااي بتصير عندنا فلوس وايد من عقب الفقر ,, تذكرت ابوها وهي تطالع تحت ,, الله يرحمك يايبه ,, راح خالد يسلم على ام سلمان ,, وحور راحت تركض تكلم شهد على شان تبشرها ,, اما امنه منزله راسها وقاعده ,, وقف سلمان جدامها

بأبتسامه : انتي مابتباركين لي ؟!
امنه وويهها احمر من الحيا : مبروك سلمان تستاهل كل خير ,,
سلمان حس بالراحه : الله يبارك فيج ,, يالغاليه ,,

ماتت من الحيا ,, وتمت منزله راسها وهي مستانسه ,, يات حور تركض وهي تصارخ ,,تقولهم ان شهد وبدر بيون الحين ,, على شان يباركون حق سلمان وخالد ,, وبالمره يتغدون عندنا ,,

سلمان بفرح : اشرايكم انتغدى برى ؟!
حور مب مصدقه : اييييييييييييييييييييييييي ياليت والله
خالد : على حسابي عاد ,, والا ان وامنه مب ياين
سلمان وهو يضرب كتفه بالخفيف : ولاتزعل على حسابك ,,
خالد : ماصدقت ها ؟! اقص عليك
الكل:ههههههههه

اتفقوا انهم يروحون مطعم شبستيان ,, يتغدون هناك ,, واتصلوا في شهد وبدر على شان ايونهم هناك ,,

سلمان كان وايد مستانس بهاي الخطوه ,, حس بقرب اكثر من خالد ,, وخالد نفس الشي ,,

...........................

قريب المغرب ,, الكل كان مجتمع ,, في بيت بوراكان ,, ويتكلمون عن ملجة وخطوبة اميره ,, ويتباحثون في الموضوع ,, اميره لاحظت ان الجوري مب على طبيعتها ,, بس ماحبت تكلمها جدامهم ,,

اميره : أي وبحجز ديجيه ,, وابي كوشه صغيرونه ,, لان الخطوبه في قاعة ,
ام راكان : انتي من يقولج ؟!
اميره : امنه اخته ,,
صالح : الله يوفقج ان شاء الله ,, بس اشله ديجيه ؟! ماله داعي والله هالخساير ,, كلها ساعتين
اميره : لالالالا الخطوبه مره وحده بس ,, خل نستانس ,, وبعدين نسيتوا اني وحد بتعرس في هالبيت ؟! المفروض تعفسون الدنيا ,,
ام راكان : ههههههههه خلاص يابنيتي ,, انا ابيج اتيبين ورقه وقلم وتكتبين المعازيم ,, على شان ماننسى احد
اميره : ان شاء الله ,,
راكان : الحين خلود هو اللي بيدفع كل شي والا انتي ؟!
اميره بأستغراب ليش يتكلم جذيه عنه ؟! : لا امنه قالت خالد بيدفع كل شي انتي بس تختارين
راكان : اهااا , وهو قايم ,
صالح : على وين ؟!
راكان : بروح ارقد تعبان
صالح : مابقى شي عن الصه ياخوي ,,
راكان : معليه اصلي في غرفتي ,,
صالح : المسيد قريب حذفت حصى ,,
راكان ثار : صالح ولي يسلمك مالي خلقك قلت لك بصلي في الغرفه خلاص لاتعور راسي
صالح وهو يحرك راسه : الله يهداك الله يهداك ان شاء الله ,,

.........................

بدر : ههههههههههههههههههه بعد قلبي والله هذي الدرجه تخافين ؟!
شهد : اييي انته ماتدري عن شي اصلن ,, اخبر مره ,,

قطع كلامها صوت تلفونها يررن ,, شافت الرقم الا خارجي ,, استغربت منو هاي ؟! ,,

بدر : اشوف انا ارد ,,

عطته الجوال بدون أي تردد ,,

بدر : الووو ,, سمع صوت بنت ,, حذف الجوال على طول حق شهد

شهد : منو هاي ؟! ,, الوووو
سمعت صوت يتألم ,, يتعذب : الوو شهد انا عنود شهد
شهد منصدمه ,, عنوود من تزوجت وانا ناسيتها : عنووود حبيبتي اشفيج ؟! انتي وين ؟!
العنود: شهد انا بموت خلاص ,, وهي تصيح بصوت مبحوح ,, باجر بيرجعوني قطر ,, ابي اموت عندكم شهد ,,
شهد منصدمه ونزلت دموعها بدون ماتحس : شقولين انتي ؟! عنود انتي مابتموتين مستحيل الووووووووووووووووووو
العنود تشاهق : احبج شهد انتي اغلى رفيجه عندي ,, باجر المغرب بكون في مستشفى حمد ابيج تيني بشوفج قبل لا اروح
شهد تصيح : لا عنوووووود انتي بتمين معانا عنوووود
العنود .. : خلاص بسكر ,, ما اقدر اتم اكثر ,, اشوفج شهد باجر تعالي تعالي
شهد وهي تسمع صوت العنود يتقطع : الو عنود الو

طووط طوووط ,, انقطع الخط ,, طاح الجوال من يد شهد وهي تطالع سيده ودموعها ,, تنزل ,, بدر خايف ,, ومب عارف اشفيها ,, بس يسمع عنود لاتموتين ,, قرب منها وهو يهزها ,, يبيها تقول شي ,, انهارت شهد بحضنه ,, وهي ميته من الصياح ,,

بدر : حبيبتي اشفيج ؟! منو الي بيموت ,,
شهد ميته من الصياح على صدر بدر مأواها الوحيد,,: عنود بتموت بدر بتموت بتخليني
بدر : منو عنود ؟!!!!! من هذي ؟!!
شهد تشاهق : رفيييييييييييييجتي رفيجت عمري فيها السرطان ,, وماقدرت تتعالج بتموووت باجر بتيي قطر ,, ابي اروح لها ابي اشوفها ,,
بدر حس بصاعقه داخله ,,: لاحول الله ,, بس حبيبتي هدي نفسج بوديج لها انا بوديج
شهد : مابيها تموت بدر مابي
بدر : ادعي لها ,, وان شاء الله بتشفى ان شاء الله

.تألمت شهد وايد للعنود , وخصوصا لما تتذكر الموقف يوم زواجها ,, ياتها وعطتها هديه ,, وراحت المطار ,, وهي مطقعه لها ومب مهتمه ,, عنود ربي لايحرمني منج ,, وان شاء الله مابتموتين عنوووود

.........................
[blink],,[/blink]

[blink][/blink]

7
7

................................

ردت على الجوال بسرعه وقلبها يطق بقوو ,, بقوله مابي بقوله مب رايحه وهو يحبني مابيقدر يخليني ,, اكيد مابيقدر ,,

سعود : ها اشقلتي ؟!
الجوري بتردد : ماقدر سعود افهمني انا اخاف والله اخاف
سعود : شنووو ؟! ليش تخافين ؟! انا معاج
الجوري : سعود اسفه والله ماقدر والله
سعود : عيل لاتزعلين لو رحت وقعدت معا غيرج
الجوري:انزين انته لاتروح
سعود :اسف ,, خلاص كيفج يالله باي
الجوري شوي وتصيح : الوووووووووو سعود كلمني , سعود انا احبك واموت فيك بس والله ماقدر
سعود:كيفج خلاص براحتج ,, مابي اضغط عليج ,,
الجوري : الو سعود ,, خلاص بفكر عطني فرصه
سعود : اشكثر بعطيج ها؟ من اسبوع انطرج تردين ,, سمعي الجوري لج يومين ,, اذا مارديتي جواب انا مضطر اقعد معا غيرج هناك ,, اذا انتي رضيه كيفج ,,

ورقع التلفون في ويهها ,, زادت صدمتها فيه ,, اشلون يكلمها جذيه ,, طاحت على السرير وهي ميته من الصياح ,, من تعرفت عليه ,, وهي كله متوتره ,, وخايفه ,, وطلباته كل شوي وتزيد ,, اااااااااااااه ياسعود ماعرف شسوي ,, معاك ,,

.............................

اليوم الثاني ,, الساعه 9 الصبح ,, طلع بدر من البيت ,, وهو مرتاح ومستانس ,, ركب السياره ,, وهو يدور في الدروج ,, شوي ويسمع احد يطق الدريشه ,, التفت والا يشوف واحد متلثم ,, وشكله غريب ,, فتح الدرشه ,,

بدر مستغرب : امر الشيخ ؟!
مد الريال يده ,, وعطاه ظرف : تفضل ,,
بدر : شنو ذيه ؟!

مارد عليه بولا كلمه ,, وراح يركض ,, استغرب وخاف بعد ,, الله يستر ,, فتح الظرف الا سيدي ,, شنو ذي ؟!!! ,, نزل البيت بسرعه متوجه صوب الغرفه يبي يفتحه ويشوف شنو ذي وشسالفه,,

هل الجــــــــــــــــــوري تطيع سعود وترووح معاه ؟

وش تتوقعون....؟

هدا ماراح0 تشوفوا في الفصل التاني عشر ,,

الجذااابة · 30-03-2009, 09:31 AM

يعطيك العافية

وبنتظار التكملة