۩ رواية "الا ليت القدر" للكاتبه بقايا شتات..

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والبارت الرائع مجهود مميز عساج ع القوه ننتظر جديدج القادم

●●●
يمرحبا بك هلااااااااااااااااوغلااااااااا
يسعدلي قلبك ويسلمووو وربي على الحضور الرائع بصفحتي
تقبلي شكري وتقديري واحترامي
مع تحياتي :قلب الزهـــور .. بباي

[قلب الزهـــور]

رواية "الا ليت القدر" للكاتبه بقايا شتات..

الجـزء التـاسع والثــلآثون..
جو التوتر كان مسيطر على الوضع..وكل وحده منهم تنتظر الجاي كيف راح يكون..
اشواق ما تدري ايش ردة فعل امها لما تعرف..والبنات على اعصابهم وينتظرون اريام ومدى يرجعون لهم..
سجى الوحيده اللي مو فاهمه شي واستغربت الوضع: اشواق..ايش قاعد يصير؟؟
الا سمعوا من وراهم خطوات كثيره وسريعه بنفس الوقت متجهه لهم..
اشواق وقفت ورجولها شااااده..لانها شافت امها في قمة العصبيه والدموع ماليه وجهها..
ام اشواق من شافت اشواق ووجها اللي صار لونه اصفر..حست بألم فضيع في قلبها ووقفت قبال بنتها وطالعت عيونها..
اشواق حست في عيون امها كلام كثير..واغلبه تأنيب او عتب..
وقطع النظرات الطويله صوت امها المخنوق: اشواق..صدق الكلام اللي قالوه لي !! تكفين يا بنتي كذبيهم..قولي لهم أي شي وخليهم يطلعون..انا عارفه..عارفه ان ما صار لك شي...اشواق ردي علي..
اشواق عمرها ما بكت..كفايه الدموع اللي خسرتها من لما كانت طفله..كفايه الألم والحزن والضعف اللي عاشتهم سنينها كلها..نزلت راسها ما تدري ايش تقول لها..
ام اشواق ما صدقت عيونها ..اشواق ما ردت عليها ولا كذبت السالفه ..قربت من بنتها اكثر ورفعت راسها بأيدها وهي ترجف..
: اشواق يمه ..جاوبيني..واللي يسلمك جاوبي..
اشواق حاولت تستجمع قواها..وقت الصمت والسكوت ولى وراح..الحين صار كل شي مكشوف وما عاد تقدر تخبي للآبد..
: طول عمرك كنتي لاهيه عني..خليتي فهد الواطي كل حياتك ونسيتي ان عندك بنات...يمكن سجى قدرت تتكيف مع الوضع الجديد..رجال غريب في حياتنا وفي يوم وليله نقوله بابا..اعتبرتيه المنقذ الوحيد لنا..وان احنا ما نقدر نعيش بدونه..لكنه يا يمه دمرني انا..انا خسرت كل شي بسببه..خسرت حياتي كلها..كلهاااااااا..
ام اشواق صرخت :: لاااا..اشواق انا سويت كل شي لمصلحتكم..
اشواق وهي تطالع عيون امها: أي مصلحه..وانا خسرت عذريتي من لما كان عمري ثمان سنين..
الكل وسجى وامها الصدمه قتلتهم..ثمان سنين !! من لما كانت بهذا العمر الصغير وهي في صراع لوحدها..ثمان سنين ضعيف الايمان استغل طفولتها..من لما كان عمرها ثمان سنين واعتبرت نفسها في عداد الاموات..!!
سجى قربت لامها: يمه..اشواق وش قاعده تقول؟؟...اشواق بليز تكلمي مثل الناس وش قاعده تخربطين..
اشواق وهي تطالع صدمتهم ضحكت بسخريه: لا تستغربين يمه..وحتى انتي يا سجى..انا من كنت صغيره اقوله لكم بس محد سمعني..يمه لا تنكرين اني في كل ليله اجيك مرعوبه واقول لك عمو فهد يلحقني واخاف منه..واقولك يمه زوجك خليه يبعد عني..واقولك نظراته غريبه..بس كل اللي قدرتيه قسمتي البيت نصين..انا ما الومك..ولا الوم نفسي ولا ألوم أي احد..بس ألوم قدري اللي جمعني مع فهد زوجك..
ام اشواق طاحت على الارض منهاره...ما تقدر تبرر موقفها ولا تقدر ترد على اشواق..ولا حتى تواسيها..
سجى تحاول تجمع دموعها: وليش ما قلتي لي...ليش يا اشواق..
اشواق: لو قلت لك ما في ايديك شي..بس راح ازيدك هم..
دانا وابتهال ومدى واريام..كانوا واقفين على جنب وحاضرين الموقف ومأثر عليهم..ودانا الوحيده اللي كانت دموعها سيل على خدها ..ما قدرت تشوف اشواق بالموقف هذا...
اشواق نزلت عند امها على الارض وبعدت أيدها على وجهها..
: يمه..الحين عرفتي كل شي...ايش راح تسوين لفهد !!
امها طالعتها شوي وعلى طول حضنتها بقوه ولا ردت عليها...وهي تبكي وتنوح حظ بنتها..تبكي نفسها وترثي حالهم الجديد...
اشواق بعدت عنها: يمه..اسمحي لي...انا بروح مع دانا لحد ما تحددين قرارك..يا انا ..يا فهد زوجك في البيت هذا ..."وتركت امها وطلعت فوق"
سجى حاولت تلحقها: اشواق لحظه...اشواق اسمعيني..
اريام قربت من ام اشواق ووقفتها وجلستها على الكنب..
: ضروري تعاقبي فهد هذا واشد عقاب..."وتركتها"
وطلع الكل برى ينتظر اشواق..
اللي نزلت وباست امها ولحقت دانا..

&&&&&&&&&&&&&&&&&

بالمـــول..

شاف نظراتها كلها خوف..وكأنها مو مصدقه بس ما اهتم لها..الحين اهم شي عنده اللي ماسكه من ملابسه..
: ولد عمها..عندك أي اعتراض...!!
اياد انصدم ووده يصدق وما وده..وحاول يبعد ايده عنه
: أي ولد عم ..اصلا هي ما عندها عم...
سلطان طالع لانا: يؤ شكلك ما حكيتي له ان صار لك عيال عم..ما ادري مفتشله ولا ما بعد فضيتي ولا خربت عليك الجو..!!
لانا ما ردت عليه الصدمه شلت لسانها..
سلطان رجع شد مسكته على اياد..حط ايده على خده..
: يا بابا...ان شفتك مع بنت عمي او مقرب لها ..صدقني نهايتك على ايدي فاهم .."ودفه بعيد"
اياد وهو يضبط ملابسه: روح انت وبنت عمك اللي فرحان فيها..وصدقني محد راحد يدفع الثمن غالي الا هي..
سلطان: روح انت وودي اشوف شطارتك..وسوي كل اللي تقدر عليه..
واخذ ايد لانا وسحبها وراه وهو قد ما يقدر يحاول يضبط اعصابه..كيف تجلس بمكان عام مع واحد غريب وشي عاااادي بالنسبه لها..
لانا اللي حست بصغر وجهها وموقفها..وكرمتها اللي انداست اكثر...ما عاد باقي لها شي تحافظ عليه..تمنت الموت بالوقت هذا..
سلطان وقفها في الشارع ولف عليها..ما قدر يسكت اكثر..
: الحين بسألك سؤال..انتي ما تخافين ربك..ما تستحين على دمك..ما فكرتي بأهلك لو عرفوا عنك..
لانا دموعها نزلت..وهي تشوف سلطان في قمة عصبيته ونظرات الاحتقار موجهه لها..
: سلطان...انت فاهم السالفه غلط..
سلطان صرخ: أي غلط !! وانا شايفك معاه بعيوني ..لا يكون هذا شي عادي عندكم وانا ما دريت..!!
لانا كرهت الموقف اللي خلاها ضعيفه ورفعت نبرة صوتها اكثر تبي تدافع عن نفسها..
: لا مو عادي...انا غلطت اول السالفه صح وما انكر..بس حاولت كذا مره ابعد عنه واتركه بس ما قدرت..
سلطان يطالع وقاحتها وحس انه يغلي على نااااار: ما قدرتي !! لهدرجه تحبيه ؟؟وتقولينها بوجهي؟؟
لانا بسرعه: لاااا..والله ما احبه...بس هو يهددني " وبدت تبكي بصوت عالي " وضاري لو عرف وربي راح يذبحني..سلطان انا تبت بس هو مو راضي يتركني في حالي..
سلطان ولع: الحقير ...الواطي..."وبعد عن لانا كم خطوه ياخذ نفس" الحين عرفت ليش مستقوي..بس لا تخافين شغله عندي.."ولف عليها" هو ايش معاه بالضبط؟؟

لانا بتردد ومنزله راسها: صـ...صور..
سلطان شد على اسنانه: شغله عندي النذل..شغله عندي..وانتي لا تحسبين انك طلعتي من السالفه ..حتى انتي شغلك عندي..
لانا سكتت...وراحت معاه بالسياره...ورجعوا للقصر..

&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

بالغرفه الخارجيه..
الكل مجتمع هناك..وجالسين يحاولون يغيرون الجو على اشواق..اللي كانت حاطه راسها على كتف دانا..
ابتهال: نبي شي اكشن...ترى انا مليت...
اشواق: اكثر من الاكشن اللي شفتيه اليوم في بيتنا!!
ابتهال تفشلت: لا...اقصد نغير جو..
جانيت اللي حست ان الوضع تأزم: صبايا معاي فيلم عـ الدي في دي.خلينا نحضره ..كتير حلو..
اريام: اوكي..انا ما عندي مانع..
مدى: اهم شي انه رومنسي..
ابتهال تسوي نفسها منصدمه: لالا...ايش التغير هذا ..وين اللي كانت تحب الرعب والاكشن ولا عشان ملكتك الاسبوع الجاي..
مدى تغير لون وجهها من طاري الملكه والزواج..لحد الان ماهي قادره تتخيل شي..ومخليه الامور تمشي مثل ما هم يبون وساكته..
اريام ضحكت: شكلك احرجتيها..
دانا بهمس: فيصل...الحين ارتحت مو!!
اشواق ايوه..من لما قلت لامي كل اللي في قلبي ارتحت..

>>>>>>>>>>>>>>>>>>>>>>>>>>

دخل سلطان القصر..وكانت لانا تمشي وراه وهي على قد ما هي حزينه ومتألمه للموقف اللي صار لها ..على قد ما تمنت ان سلطان بالذات ما شافها بالموقف هذا..
سلطان فتح باب الغرفه وشاف الانوار طافيه الا نور التلفزيون..وتوقع ان مع اخواته احد..
: احم ...احم..
ابتهال بسرعه لفت عليه: سلطون فيه بنات هنا..
سلطان سكر الباب ورجع للانا..
: السالفه من يعرف عنها؟؟
لانا ما قدرت تطالع عيونه: اختي دانا ...وابتهال..
سلطان انصدم: ابتهال؟؟؟؟؟؟
لانا طالعته : ايوه..
سلطان سكت شوي...وبعدها رد عليها: لا تطلع لآي احد ثاني سامعه..
لانا هزت راسها "وراحت داخل"
سلطان اخذ نفس عميق..وحس انه مخنوق وكأن خنقة السجن رجعت له...ورجع يطلع من جديد بالسياره اللي اشتراها له ضاري..

&&&&&&&&&&&&&&&&&&&

على اخر الليل..
راحت دانا واشواق لداخل القصر..واريام اللي كانت سابقتهم..
دخل سلطان على اخواته وجلس شوي..وكان ساكت..
مدى: انتبه سلطان ترى فيه صديقة دانا ..لا تطلع وتدخل براحتك..
سلطان متوتر وواضح عليه: طيب..
ابتهال: سلطان...ابي اروح لمشاعل من زمان ما شفتها ولا كلمتها..
سلطان طالع ابتهال ووقف: تعالي معاي برى..ابيك شوي..
ابتهال اخترعت ووقفت: ليه فيه شي !!
سلطان: لا ودي تتمشين معاي بالحديقه شوي..
مدى طالعتهم الاثنين والخوف اكل قلبها..وهي متأكده ان فيه شي..
اخذ سلطان ابتهال وجلسها على الكراسي بالحديقه..
وجلس ساكت وهو كل شوي يحاول يبدا بالكلام ويرجع يسكت..
ابتهال بخوف: سلطان..والله قلبي بيوقف تكلم بسرعه..
سلطان: ايش تعرفين عن لانا..
ابتهال بلعت ريقها: لانا !!! ايش فيها؟؟
سلطان: انا اسألك عنها..تعرفين عنها شي ولا؟؟
ابتهال تصرف: لا..ما اعرف عنها شي ...هي بعيده عني ما وحاولت تقرب مني لانها....
سلطان قاطعها: انا عارف كل شي ..بس ابي تقولين اللي عندك..
ابتهال الصدمه ملت تعابير وجهها: عارف عنها !!!...سلطان انا اللي اعرفه مو كثير..
سلطان: ابتهال !!! ايش فيك مو فاهمتني البنت في ورطه وابي اساعدها قولي اللي عندك..
ابتهال اخذت نفس: السالفه انو...انو في واحد جالس يهددها وهي تحاول تتخلص منه..بس كان مصرّ عليها...وهي على كلامها والله..تبي تفتك منه..
سلطان ضرب الطاوله بقهر : هذا سالفته عندي...


>>>>>>>>>>>>>>>>>>>>>>>>

دانا من حطت اشواق بغرفتها طلعت لاختها لانا..ماشافتها من كم يوم غير لمحات وحالها متغير..
دخلت عليها الغرفه وحصلتها جالسه وبالها بعيـــــــــد..ووجها يدل ان على راسها هموم جبال..
جلست جنبها: لانا..!!
لانا طالعتها مخترعه: متى دخلتي ؟؟
دانا مسكت ايدها: صاير لك شي جديد!!
لانا نزلت راسها : وشي كبير بعد..
دانا خافت وطالعت اختها بنظرات ترقب..تبي تعرف ايش صار معاها بس ما قدرت تسأل ..
لانا حست بخوفها: سلطان......عرف عني..
دانا حطت ايدها على فمها من الصدمه: سلطان !!! كيف؟؟؟ ومن حكى له؟؟...ابتهال ؟؟
لانا: لالا...مو ابتهال..هو شافني بالمول..وشكله كان يلحقني ..
دانا: يا ويلي...وش موقفنا قدام سلطان..وايش قلتي له..؟
لانا تنهدت: قلت له كل شي..قال بتصرف معاه "وسكتت شوي" ومعاي..
دانا بتفكير: وكيف راح يتصرف معاه..واياد الحقير معاه الصور..
لانا بحياء: والله ما اعرف عنه..بس هو قال بتصرف معاه لا تخافين على الصور..
دانا: يارب..يارب يقدر يحل السالفه ونخلص من الكابوس هذا....بس تتوقعين يقول لضاري شي..؟؟
لانا: لا...لانه هو قال لي لا تقولين لاحد شي..
دانا سكتت..وهي داخل قلبها تحمد ربها ان عندها عيال عم مثل مدى وابتهال وسلطان..

&&&&&&&&&&&&&&&&

اليوم الثاني...
جلست عند السرير على ركبها وحطت ايدها على خدها ..تتأمل ملامح وجهها..وهي مبسوطه...قدرت تحقق كل اللي في بالها واهم شي قدرت تريح حبيبتها اشواق..
اشواق فتحت عيونها بشويش لانها حست ان احد عندها..
دانا وهي تشوفها تغمض وتفتح عيونها والنور مزعجها/ صباح الخير..
اشواق ابتسمت: صباح النور..
دانا: ودك نروح المدرسه ؟؟
اشواق قعدت على حيلها وشعرها البوي صار سبايكي معفوس بس روعه: انتي ايش رايك؟
دانا: انا اقول نطلع انا وانتي وابتهال ولانا نفطر برى..خلينا نعطي انفسنا اجازه..
اشواق وهي تتحرك من السرير: وخصوصا بعد مغامرات امس اتوقع ضروري نغير جو...
دانا وهي تلحقها: انا مبسوطه انك معاي..
اشواق وقفت عند باب دورة المياه وهي فيها الضحكه بس اخفتها: ايش رايك تدخلين معاي بعد !!
دانا خافت ورجعت كم خطوه ورى: لالالا..ادخل لحالك..
اشواق ضحكت ودخلت دورة المياه..ووقفت قدام المرايه وتطالع وجهها من اليوم وطالع الحمل اللي شاله قلبها سنين انزاح..وحست انها صارت خفيفه بعكس اول اللي كانت حتى حياتها وايامها مثقله عليها..

>>>>>>>>>>>>>>>>>>>>>>>>>>>

[قلب الزهـــور]

رواية "الا ليت القدر" للكاتبه بقايا شتات..

موضي: وليه ما قلتي انها عندك من امس..
دانا: ماما...ومتى اقولك.؟؟ اصلا انتي متى رجعتي لبيت.؟
موضي: مهما كان على الاقل حطي عندي خبر..
دانا نغزت امها: خلاص مامي البنت جات..
اشواق: صباح الخير خالتي..
موضي تجامل: صباح النور...هلا والله..حياك والبيت بيتك قلبي..
اشواق.: الله يحييك ويخليك..
دانا وقفت: اوكي مامي..احنا طالعين...باي .."وطلعوا برى"


وفي الغرفه الخارجيه..
ابتهال وهي تلبس: راح اروح معاهم اوك..
مدى وهي ما نست سالفتها امس: انتبهي لنفسك..
ابتهال لفت عليها: لا تخافين علي....يله باي..
وطلعت وحصلت اشواق ودانا ينتظرون..
: صباحو...
الثنتين: صبااااحو..
ابتهال: اجل وين لانا؟؟
دانا بطفش: ما ادري عنها..قلت لها تتجهز بسرعه بس كالعاده تحب تتأخر..
ابتهال طالعت دانا وودها تعرف هي عرفت ان سلطان عرف بسالفة لانا ولا؟؟
ودانا نفس الشي ..ودها تسأل..بس ما بعد سمحت لها الفرصه..
وشافوا لانا متجهه لهم..
: صباح الخير..
الكل رد عليها: صباح النور..
لانا طالعت ابتهال وهي خجلانه منها..ولفت على دانا: دنو ما ودي اطلع..خلوني بالبيت..
دانا: لا مستحيل نخليك وخصوصا بعد ما انتظرناك كل هالوقت..
اشواق: تعالي معانا..نغير جو عن المدرسه والكآبه..
لانا متردده: لا...ما ودي..
وسمعت صوت سلطان: احم..
طبعا محد تغطا عنه..لانا ودانا من اول ما يتغطون..وحتى اشواق اصلا ما تعودت تتغطا..
سلطان طالعهم بطرف عين ولا وحده حركة ساكن..
ابتهال تحس ان ودها تضحك على اخوها اللي لحد الان ينتظر احد يتغطى عنه..
: سلطون ..خذ راحتك..مافي احد غريب..خخخخخ
اشواق: هذا سلطان اخوك!!..هلا هلا ..والله ابتهال عورت راسي فيك..
سلطان طير عيونه ..اول شي شكلها وطريقة كلامها وقصة شعرها ما تعطي انها بنت..
: هلا فيك...اقول كأني اشوفكم ناوين تطلعون..ولا شفت لبس المدرسه.؟؟
ابتهال قربت منه: يا اخوي اليوم بمناسبه سعيده..قررنا نغيب ونطلع نفطر وننبسط شويه...
سلطان طالع اخته..وهو مستغرب عاداتها كثير..صارت تطلع وتدخل ولا تحسب حساب..
: ومن راح يروح معاكم؟؟
دانا بعفويه: وليه يروح معانا احد؟؟ احنا نكفي..
سلطان طالع لانا وهو رافع حاجب: لا..ما يصلح البنات يطلعون لحالهم لان بعدين ممكن يصير اشياء محد حسب لها حساب..
لانا نزلت راسها وحست ان العبره خنقتها..
دانا فهمت قصده وحاولت تصرفها: اجل ما دام السالفه كذا من وجهة نظرك تعال معانا..
سلطان لف عنهم: اصلا هذا اللي بسويه.."وطلع موبايله وهو يمشي وكلم ضاري يبلغه انه راح يتأخر شوي"

>>>>>>>>>>>>>>>>>>>>>>>>>

نزلت تحت وشافت امها وابوها جالسين..وطالعوها وهم مستغربين ان العبايه عليها..
: على وين؟؟
اريام: عندي مشوار ضروري..
موضي: لا تنسين انتي بالعده..
اريام الكلمه هذي دايما تحسسها ان سامي تحت القبر ومو مثل ما تتخيل كل يوم ان معاها لحظه بلحظه..
: اعرف...بس مشوار ضروري مره..
حمد: روحي..وانتبهي لنفسك..
اريام: لو تأخرت شوي لا تقلقون.."وطلعت"
موضي بحسره: لو انها ما خذته من اصل..
حمد طالعها بطفش: وانتي لحد الان تتمنين..خلاص انسي اللي صار صار..
موضي: لانك مو انت اللي يتعذب..
حمد بنفسه" والله عذابي كل يوم اعيشه ما دام انتي على ذمتي"

&&&&&&&&&&&&&&&&&

سلطان ترك البنات على راحتهم ويراقبهم من بعيد...شاف الثلاثه دانا واشواف وابتهال منجسمين مع بعض...اما لانا..كانت لوحدها ولا قدرت تدخل معاهم..
حس انه وده يعرف عنها اكثر...يحس انها سلكت الطريق هذا وهي مو مقتنعه فيه ..وان حياتها ملاها الفراغ وحاولت تعوضه بالغلط..
وتذكر نفسه وغلطته...فعلا هو غلط مثل ماهي غلطت..بس الفرق الوحيد بينهم هو اخذ عقابه وارتاح..بس هي متعلقه ولا قدرت تتجاوز ازمتها..
قرب لها شوي: يا....يا ؟؟ "ونسى اسمها وتفشل"
لانا لفت عليه : لانا...وهذيك دانا..
سلطان بدون ما يطالعها: يا لانا..ليش جالسه لحالك؟
لانا فكرت انه لحد الان يشك فيها: ما بعد قدرت ادخل معاهم..هم قريبين لبعض من زمان بس انا لا..
سلطان: حاولي تصححين غلطتك..
لانا لفت عليه: ايش؟؟
سلطان وهو يطالع بعيد ويحس بنظراتها له: ارجعي لربك وتوبي توبه صادقه..كذا راح يرتاح ضميرك..لازم تعاقبي نفسك بنفسك ولا ضميرك ما راح يقدر يرتاح..
لانا طالعته بتفكير..قد ايش تفكيره كبير..وفاهم وواعي..وغير كذا شخصيه مميزه وحاليا هو الوحيد اللي عارف انها غلطت ومع ذلك ما وقف ضدها ..
سلطان: انا ما اقول انك غلطتي غلطه صغيره..او ابرره لك..بس مافي احد معصوم من الغلط.."واعطاها نظره وحده وراح عنها"
لانا تطالعه وهو يبعد عنها..حست بغموض بشخصيته..واكيد في حياته سر كبير..وعلى قد ما مروا عليها شباب ..بس مثل سلطان ما بعد شافت..
ورجعوا لها البنات ودانا تحاول قد ما تقدر تغير جوها..


&&&&&&&&&&&&&&&&&&

بعد ما رجعهم للقصر اتجه للشركه..ودخل مكتبه..وجلس وهو يشوف الملفات المتراكمه على مكتبه..
: كله من هالبنات المهابيل...الحين كيف راح اخلصه..
"وشاف ملف اخضر انرمى قدامه"
:عندكم وظايف؟؟
سلطان رفع راسه وانصدم بس من الفرحه: ثااامر؟؟
ووقف بسرعه وحضنه وهو مبسوط فيه..
: واخيرا جيت..
ثامر: وانا اقدر ما اجي.. وبعد عني لا يقولون عني موظف شاذ ههههه
سلطان بعد عنه وضربه: يا اخي هذا تعبير عن الفرحه..
ثامر: المهم لا تضيع وقتي عندكم وظايف ولا؟؟؟
سلطان اخذ ملفه : تعال معاي ..."ودخل على ضاري"
: السلام عليكم..
ضاري شاف سلطان وواحد معاه في سنه..وواضح انه يعرفه لانه مبسوط فيه..
: وعليكم السلام..
سلطان: هذا ثامر صديقي..
ضاري طلع من مكتبه وتوجه لهم وسلم عليه: هلا بثامر...حياكم تفضلوا..
سلطان بعد ما جلس: ضاري هذا ملف ثامر..يعني حاول تشوف له أي وظيفه..اي وظيفه اذا تقدر..
ضاري وهو يتصفح ملفه: لا اكيد بحصل له شغله حلوه..
سلطان لف على ثامر والضحكه ماليه وجه: جد!!
وثامر نفس الشي فرحان..واخيرا راح يشتغل في وظيفه محترمه..
ضاري: وانا قد مزحت معاك...ثامر ترى من بكره تباشر العمل..بس نبي شغل صح..
ثامر بلهفه: اكيد اكيد..انا مستعد اشتغل ليل نهار بس ما دام فلوسي حلال..
الكلمه عورت قلب سلطان...ماضيه شكله مستحيل ينمسح من ذاكرته او قدر يتجاوزه كليا..
ضاري لاحظ الشي هذا: يله الحين سلطان روح خلص شغلك يا الكسول متراكم عليك..وانت يا ثامر من بكره ا نشا الله اشوفك هنا واشرح لك عن طبيعة شغلك..
وقفوا اثنينهم..
ثامر: مشكور ..بجد مشكور وربي يعطيك الف عافيه..
سلطان ضرب لضاري تحيه: تسلم يا ولد عمي..
ضاري بابتسامه خفيفه: سلطان هنا انا استاذك لا تنسى..
سلطان تفشل: ها..ايوه..اسف نسيت..عن اذنك..
واخذ ايد خويه وطلعوا....وفي مكتب سلطان..
: والله يا سلطان مكتبك كشخه..
سلطان وهو لاهي بشغله: عشان تعرف من انا..والحين من عيال الهاي كلاس خخخخ
ثامر: ما شا الله عليك..
سلطان رفع عينه عليه: على ايش ما شا الله..
ثامر: على كل شي..انت تستاهل كل خير يا سلطان..
سلطان سكت شوي وهو يطالع خويه بموده: اقول خلي عنك الكلام الفاضي..وخلني في شغلي..
ودخل عليهم واحد في المكتب..ووقف شوي وسألهم..
: انت السكرتير الجديد؟؟
سلطان طالعه مستغرب: ايوه...امر بغيت شي؟؟
طالعه شوي..بعدين رد: لا سلامتك ..بس انا ياسر السكرتير القديم.."ومد ايده"
سلطان صافحه ومازال مو فاهم شي : هلا والله..
ياسر طالع مكتبه بحسره وده يرجع له...بس ضاري اللي نقل وظيفته في مكتب ثاني ولا قدر يرتاح فيه ويتأقلم على الوضع الجديد...
: في مجال اقابل المدير..
سلطان: لحظه بس...."ورفع السماعه واتصل على ضاري وقال له عن ياسر وعلى طول ضاري أمره انه يدخله.."

وقف قدام مكتبه وهو ساكت...ضاري رجل بشخصيته القويه والصلبه الا انه صعب على من عرفه وقعد معاه يقدر يفترق عنه ..لانه جدا محترم وخلوق وقلبه طيب من داخل..
ضاري جد اشتاق لياسر كان موظف مخلص وحس انهم كبروا مع بعض في الشركه هذي..بس ما يقدر يرجعه ويشوفه من جديد وكل يوم ويشوف في عيونه مدى..
: ياسر عندك شي تبي تقوله؟؟؟
ياسر: انا بستقيل..
ضاري الخبر فاجأه: وليه؟؟
ياسر: ما قدرت اتأقلم مع الوضع الجديد..وماني متقبله..بدور لي وظيفه ثانيه..
ضاري على قد ما هو متحسف يخسر موظف مثل ياسر..بس هذي رغبته ولا يقدر يرفضها..
: اوكي ..اعطيك اللي تبيه..
وفعلا وقع على ورقة استقالة ياسر..

&&&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

طلعت مع السواق..واتجهت لديرة اهل سامي ومكان مولده..بعد مشوار اخذ منها ساعه واكثر وصلت لها..سامي ما قصر معاها كاتب لها حتى عنوان البيت..وكأنه متأكد انه ما راح يشوفهم مره ثانيه..
دخلت الاحياء اللي فيها..وهي تتخيل سامي في كل زاويه فيها...يمكن هنا كان يلعب..وهنا يدرس وهنا كان يشاغب..كل الاماكن تذكرها بسامي..
واخيرا وصلت للعنوان المطلوب..ونزلت ووقفت عند الباب وهي تحاول قد ما تقدر تستجمع قوتها..وتستعد للموقف اللي راح تواجهه الحين...وثواني انفتح الباب قدامها وكانت الخدامه...

&&&&&&&&&&&&&&&&&&&&&&

بعد الغدا..
وبالغرفه الخارجيه بالتحديد..
: سلطان واللي يعافيك..وربي مشتاقه لها..
سلطان: طيب خليها بكره...
ابتهال: لا ما اقدر بكره..انت عارف مافي وقت..وابي اقولها اشياء كثيره..وربي بتزعل علي..وبعدين "ونغزته من جنبه وهي تغمز له" هذي بنت جيرانا المخلصه الطيبه الحنونه..تقدر تزعلها..
سلطان ضحك على خبالها: هههههه آمري لله يا الحنانه..قومي البسي بسرعه..
ابتهال: وه ياناس فديت الحب شو بيذل..
سلطان:هههه اقول بلا جنان يا الغبيه..
جانيت تهمس لابتهال: ليه هو بيحيب بنت الجيران؟
ابتهال وهي تلعب بحواجبها: شكله يموت فيها شو يئبرني..
جانيت ضحكت عليها: ما بنئول شو يئبرني..
ابتهال: عاد انتي مشيها لي..

&&&&&&&&&&&&&&&&&&&

طلعت من عندهم وتحاول تجمع نفسها ..قبل لاتدخل كانت تحاول تاخذ قوه وصبر..والحين بس تبي شي يساعدها على الوقفه لحد ما توصل السياره..منظر امه وابوه وهم يبكون اثر عليها..وخصوصا ان صار له مده هو ميت وهم ما عرفوا عنه..وهو وحيدهم وغاليهم فقدوه..وحتى وداعه ما قدروا يودعونه..
ركبت السياره..وهي تمنع شهقتها لا تطلع..تقطع قلب اريام على امه اللي تنوح ولدها وخصوصا كلامها لما عرفت ان اريام زوجته وهو اختارها
" تكفين يا يمه لا تتركينا..انتي من ريحة الغالي"
وكلامات ابوه " ونعم ما اختار..ربي عوضه بعد الاولى..واعطاه ملاك..رحمة ربي عليك يا وليدي..رحمة ربي عليك يا سامي"
هنا انهارت اريام ...الموت الضيف الوحيد اللي لما يزور ما يقدر ولا يعرف لا عمر ولا حسب ولا نسب ولا مكان ولا وقت..ولو كانت تقدر تفداه بروحها ما قصرت اعطت سامي حياتها على الاقل عشان امه وابوه اللي كبر السن اعجزهم كثير وكسر قوتهم واخذ صحتهم..

&&&&&&&&&&&&&&&&
بالسياره..
: سلطان..وش شعورك ومعاك سياره؟؟
سلطان رز نفسه: احم شعوري شعور أي مواطن سعودي نام وصحى وحصل نفسه مليونير..
ابتهال: ههههه تصدق يا اخوي..اني لحد الان ما اصدق انها لنا ..
سلطان: عاد انا اللي مصدق...احس عمي يمزح علينا..
ابتهال وهي تشوف حارتهم صارت فاضيه من الناس: والله ما بقى احد..
سلطان: ايوه سمعت عن هذا اللي اشتراها..
ابتهال انصدمت: ما تعرفه؟؟
سلطان لف عليها بعد ما وقف قدام بيت مشاعل: لا..من هو..نعرفه احنا؟
ابتهال: ضاري ولد عمي..وكانت معاه مدى بنفس المشروع..
سلطان انصدم: بجد تتكلمين ولا تمزحين؟؟
ابتهال: والله جد...روح اسأل مدى "وفتحت الباب"..لا تجي بدري ما يمدي اخلص سواليف..تأخر شويه يا بعد عيني يله باي ..
ونزلت وتركت سلطان بصدمته..
" ضاري هو صاحب المشروع...بس ليه اختار الحي هذا بالذات؟"


ضربت الجرس وانفتح الباب لها..وانصدمت من اللي قدامها..وهو ابدا ما توقع تكون هي..
: وين مشاعل..
انصدم من الصوت: ابتهال !!
ابتهال ارتبكت وسكتت..
عبد الله طالع ورى يتأكد ورجع يطالعها: وينك لك فتره انقطعتي عنا..لا يكون انا السبب..
ابتهال ما حبت الوقفه معاه: لا مو انت ..بس ممكن تنادي لي مشاعل..
عبد الله: طيب فكرتي في الموضوع !!
ابتهال عصبت: عبد الله !!...وين مشاعل؟؟
عبد الله عصب وتركها وطلع..
ابتهال: الحمد لله والشكر بس..ودخلت داخل وشافت ام ناصر تصرخ على الخدامه.
: والله لولا الحاجه ما قلت لك شي..هاتي الراديو اللي هنا جيبيه...
جات ابتهال واخذت الراديو واعطته ام ناصر: سمي يا ريحة اهلي انتي..
ام ناصر دمعت عينها: ابتهال بنت نوره...هلا والله وغلا..
ابتهال باست راسها وحضنتها كالعاده تاخذ جرعه من حنانها اللي يشبه حنان امها..وفيه من دفاه كثير..
ام ناصر تمسح على شعرها: والله فقدتك يا بنتي..ليه قطعتي فينا..
ابتهال وهي تطالع عيون الجده وتبوس ايدها: والله ظروفي منعتني..ولا انتوا اهلي..مالي غيركم والله..
مشاعل وهي نازله تسمع جدتها تتكلم مع احد وواضح انه تبكي..
دخلت وتفاجأت..ماهي مصدقه عيونها ..بجد اشتاقت لها كثيـــــــــــر..
وصرخت: ابتهالوووووه..
ابتهال فزت لصوتها ولفت عليها بسرعه: شعوله البطه..
ومشاعل بسرعه راحت لحضنها وكانت ماسكه نفسها لاتبكي: يا الشينه وينك قطعتي فيني..
اتبهال وهي تحضنها بنفس الشوق: والله انشغلت كثير..
مشاعل بعدت عنها وباستها: والله تستاهلين البوسه يا احلى شينه ..
ابتهال بغرور ممزوج بحياء: مخليه الحلا لك..
جلسوا شوي مع الجده بعدين مشاعل سحبت ابتهال لغرفتها..
: آه يا ابتهال..قد ايش اشتقت لك..ما تصدقين قد ايش حسيت بفراغ كبير من بعدك وبعد مرام..
ابتهال: مرام نقلوا بيتهم الجديد خلاص !!
مشاعل بحزن: ايوه خلاص..ما عاد اشوفها الا بين فتره وفتره.
ابتهال: راح نجتمع يوم..بس اشوف وقت فاضي فيه سلطان واقولك..
مشاعل ما انتبهت للاسم: ايوه اوكي.."واستوعبت فجأه" سلطان !!...سلطان اخوك يعني؟؟؟
ابتهال ماتت ضحك: هههههههههه بسم الله عليك لا يطير قلبك بس..ايوه سلطان اخوي..
مشاعل نطت جنب ابتهال وبلهفه: متى طلع؟؟واخباره؟؟وايش ثار عليه..
ابتهال: طلع من كم يوم..وصار احلى من اول.."وتطالعها بنص عين"...
مشاعل استحت وهي تتخيل شكله: واخباره..واول ما شفتيه ايش سويتي..؟
ابتهال حكت لها كل شي بالتفصيل..ومشاعل وكأنها معاهم في الموقف ضحكت لضحكهم وبكت لبكاهم..وهي تحس بشعور سلطان قد ايش صعب يرجع مثل ما كان بعد ما غلط غلطته اللي ندم عليها قد شعر راسه عليها..لانه بسببها فقد اغلى شخص عليه وهي امه..
ابتهال: الحين ليه تبكين؟؟
مشاعل: يختي والله رحمت سلطان..
ابتهال: ولا هذا الحب "وتقولها بدلع"
مشاعل رمت عليها الوساده: وقسم سخيفه..واخبار مدى..!
ابتهال بفرحه: ما قلت لك..ملكتها الاسبوع الجاي على ضاري...
مشاعل فرحت: واااو..ضاري ومدى مع بعض يا حلاوه..ايش راح يطلعون عيالهم..
ابتهال: قولي الله يتمم على خير..مدى وضعها مو ثابت..يعني هي وافقت وانا متأكده انها ماتبي..بس ايش اللي جابرها ما ادري..
مشاعل بتفكير: ما اتوقع في شي جابرها ..وانتي تعرفين مدى محد يقدر عليها..
ابتهال: الا ضاري...
وسكتوا شوي..
مشاعل تذكرت سالفة اخوها ولا تدري كيف تفاتح ابتهال في الموضوع..
ابتهال حست ان في سالفه في قلب مشاعل ولا مو بالعاده تسكت..
: احس اني اشتقت لعزام..ودي اشوفه لو لمحه بس..
مشاعل صعب عليها الموضوع..بس لازم تقولها عن اخوها..
: ابتهال...لو احد تقدم لك الحين بتوافقين عليه..
ابتهال عقدت حواجبه: احد مثل مين ؟؟
مشاعل بتوتر: يعني أي احد..بس غير عزام بتوافقين..!!
ابتهال طالعتها بنص عين وفيها الضحكه: ليه ناويه تخطبيني؟؟
مشاعل بجديه: ايه..لاخوي عبد الله..
ابتهال تغيرت ملامح وجهها: اخوك عبد الله !!!
مشاعل: ايوه..هو قال لي عبد الله عن الموضوع من قبل لا تسافري بس ما حصلت فرصه افاتحك فيه..
ابتهال وهي تاخذ الشيبس وتاكل منه تبي تبعد التوتر عنها وبدون ما تطالع مشاعل: هو بنفسه فاتحني فيه
مشاعل انصدمت: هو !!! متى؟؟
ابتهال: قبل لا اسافر..يمكن ايام الاختبارات..
مشاعل: وليه ما قلتي لي ..وهو بأي حق يكلمك..
ابتهال: ما قلت لك لانو ما ادري ايش اقولك..وهو ما قال شي غلط..بس قال لي فكري..
مشاعل: وفكرتي..؟
ابتهال توترت اكثر: انا لسه صغيره..وما افكر بالزواج حاليا..
مشاعل: بس هو قال لك بعد الثانويه..
ابتهال: مشاعل لسه بدري على الكلام هذا..
مشاعل: ولو عزام تكلم معاك بنفس الموضوع الحين راح تقولين له نفس الكلام..
ابتهال وقفت اكل وطالعت مشاعل: مشاعل..ترى موضوع عبد الله ماله علاقه فينا..مهما كان رايي ما راح يأثر علينا..وبعدين انتي تعرفين مشاعري ناحية عزام...بس لو ما تقدم لي اكيد ما راح اقعد في رجاه..وبأفكر بغيره..
مشاعل تحسفت: ادري يا ابتهال انه ما راح يأثر علينا..بس سوري يمكن انفعلت شوي..
ابتهال قاصده: يحق لك يا بنت..لان لو رفضتي اخوي سلطان يمكن يجي في خاطري..
مشاعل استحت: عاد اخوك من يرفضه..
ابتهال تصفق: ياهو...ياهو على الحب شو بيذل..
مشاعل: ههههههههههههههههه

[قلب الزهـــور]

رواية "الا ليت القدر" للكاتبه بقايا شتات..

سلطان اللي من وصل ابتهال راح لعند عزام في بيتهم وجلس معاه..من بعد السجن قوت علاقته فيه كثييير..
ولما خلص رجع ياخذ ابتهال..
مشاعل وهي ورى الباب: ابتهالوه..يا الشينه اخوك طالع احلى..
ابتهال وهي تتغطى: الفلوس خلته مزيون..
مشاعل وهي بجد اشتاقت له: بسم الله عليك ربي يحفظه من كل شر..
ابتهال تستهبل وتسحب الباب تبي تسكره: خلاص روحي..ذبحتي اخوي..اليوم بنموت في حادث والسبب انتي..
مشاعل: ههههه بسم الله عليكم..وجع وش هالكلام..
ابتهال: يقطع الحب شو بيذل..
مشاعل ماتت ضحك: هههههههه انتي حاولي تغيرين امثال..
ابتهال: اقول مع السلامه..
مشاعل بحب: مع السلامه..


&&&&&&&&&&&&&&&&&&&&&

على اخر الليل..
دخل ضاري القصر وشاف دانا ومعاها وحده قد مرت عليه سابقا..
: السلام عليكم..
اشواق طالعت ضاري: وعليكم السلام..
دانا راحت لاخوها: هذي صاحبتي اشواق..بتنام عندي..
ضاري: على الاقل خليها تلبس حجاب..
دانا توهقت: هي ما تلبس..ما تعودت..
ضاري عقد حواجبه: ما ارتحت لها ...غريبه..
دانا تصرفه: ههه عاد وش نسوي هي كذا..
ضاري تركهم وراح غرفته..وخو ناوي من بكره يبدا يستعد لملكته..

>>>>>>>>>>>>>>>>>>>>>>>>>>>>

لانا اليوم وعلى غير العاده ..جالسه بالبيت ولحالها..ما لها خلق شي..لا نت ولا غيره بما انها عقدت العزم مع نفسها..راح تغير طريقتها في الحياة..وتبداء من جديد...
طول الوقت تدور بالغرفه ولا تعرف وين تروح..دانا لاهيه عنها مع اشواق وابتهال..وريماس ما صارت مثل اول تكلمها واكتشفت انها لحالها وبدون صديقات..بما ان ماضيها ما يحمل الا اصدقاء..
واخيرا قررت تطلع من غرفتها وتشوف الناس في ايش ممكن تسلي نفسها..لمحت ضاري وواضح عليه التعب داخل غرفته..وامها ابوها مستحيل تدخل عليهم.قررت تدخل غرفة اريام يمكن تلاقي شي عندها يسليها..
فتحت الباب بعد ما ضربته بخفيف وفتحت النور..وتفاجأت بمنظر اريام وهي على السجاده وتدعي من كل قلبها ودموعها على خدها..المنظر جاء مثل السهم على قلبها..واثر فيها كثير..فعلا اريام ايش عند مصيبتها..هي فقدت زوجها وكان حبيبها واختارته..وعاشت معاه مرضه وكانت حياتهم صراع بين الموت والمرض..قد ايش هذا الهم كبير عليها لكنها وبطريقة ما ...تلاقيها قويه وثابته..ولا كأن مصيبه او هم مثقل علي قلبها..
سكرت الباب بسرعه ورجعت لغرفتها..وفي لحظه رجعت شريط ماضيها تبي تعرف كيف قضته..لعب..وناسه..فله..استهتار..وبعدين...حصلت نفسها في مشكله لولا الله ثم سلطان يمكن هالمشكله تسببت لها بأشياء كبيره..واهمها راح تخسر شرفها وسمعتها..وسمعة اهلها..وراح تصير سالفة الناس..وبعد الموت اكيد راح تاخذ جزاها..
قد ايش الحين لانا متندمه ومتحسره..وودها ترجع خطوتين ورى وتحذف الماضي التعيس..ودها ترجع الدقايق والساعات عشان تصلح كل شي صار..
وفجأه تذكرت كلام سلطان" ارجعي لربك وتوبي توبه صادقه"
فعلا المفروض هي تبدا بالشي هذا...ومن زمان..راحت بسرعه ودخلت دورة المياه وتوضت وقررت تصلي لها ركعتين وتدعي ربها من كل قلب مثل ما شافت اريام قبل لحظات...


&&&&&&&&&&&&&&&&&&&&&&&&

في كـــوفي..
ومع الشباب ..رن موبايله برقم غريب..
: انت اياد..!!
اياد: ايوه من معاي..
: معاك ناس يحبونك ويغلونك..ومن كثر غلاك احنا وراك ومثل ظلالك..
اياد ما فهم: ايش تبي انت الحين !
: احنا ما نبي الا شي واحد بس ..
اياد وطلع من الكوفي للشارع: وايش هو؟؟
: لو ما نفذته صدقني راح تخسر حياتك..واحنا ناس بايعه نفسها ..يعني نموت ندخل السجن ترى كل شي عندنا عااااادي.
اياد عارف النوع من الناس هذي..يقدرون الفلوس لدرجه يبيعون حياتهم ..واكيد احد مرسلهم..
: وايش تبون الحين..؟
: يا نور عيني..ما نبي الا الصور اللي عندك..
اياد: أي صور؟
: أي صور !!..لا تستخف دمك يا حلو..بوضحها لك..صور تخص قريبة عمي سلطان..
اياد خاف من جد وبلع ريقه: الحين هو مسوي قوي ومرسلكم لي..
الا سياره جايه بسرعه كبيره مرت من جنبه وما كان بينه وبين السياره أي مسافه لدرجه ان شعره وملابسه تحركت من قوة السرعه والقرب..
اياد سرت رجفه بجسمه..الناس هذي ما يمزحون معاه ابد..
وسمع صوتهم بالموبايل: اتوقع انت جربت الحين بس شي بسيط من اللي نقدر نسويه...يعني حتى لو بنعذبك شويه قبل لا تموت..نروح شركة ابوك ونخليك تشوفه يموت قدام عيونك..او مثلا امك يمكن ترجع ما تحصلها بالبيت..او ممكن تعطينا الصور وترتاح منا..
اياد سكت...موقفه صعب..ما وده يقول راح اعطيكم الصور..
فا هم فهموا عليه: بكره ا ن شا الله نحدد لك الموقع ونتلاقي..يله سلام يا حلو..
اياد سكر السماعه وضرب رجله بالارض...
: والله ما انت هين يا سلطان..لكن من وين طلع لي هذا ولد عمها..

&&&&&&&&&&&&&&&&&&&&&&&&&&&&
رجع البيت واتجه على طول لغرفة اخته..
: ادخل !!
: ايوه تفضل.."وهي عارفه ايش عنده"
: امممم مشاعل ايش كنت راح اقولك؟
مشاعل: على طول من الاخر..
عبد الله: قلتي لابتهال عني..
مشاعل: ايوه قلت لها..
عبد الله تحمس: بجد !!...وايش ردت عليك..؟
مشاعل بشوية برود تبي تقتل حماسه: تقول لسه صغيره على الزواج..
عبد الله رفع حاجبه: طيب على الاقل تعطيني رايها مبدئيا..
مشاعل: شنو اغصب البنت؟؟!!
عبد الله وقف: لا تغصبيها ولا شي...يله تصبحين على خير..
مشاعل: وانت من اهله........والله يا اخوي انت مصيرك معلق على عزام..

&&&&&&&&&&&&&&&&

[قلب الزهـــور]

رواية "الا ليت القدر" للكاتبه بقايا شتات..

اليوم الثاني..
على العصر..
دانا كانت مبسوطه باليومين اللي قضتها مع اشواق..بجد غيرت لها حياتها ومزاجها ونفسيتها...سعيده فيها لدرجه انها ما تفارقها لحظه..
ابتهال: دانا ما تلاحظين شي !!
دانا: شنو؟؟
ابتهال: انتي تتذكرين اني موجوده ولا تنسين..؟
دانا ما فهمت: كيف يعني؟؟
ابتهال: ما ادري عنك...مره حذفتيني من الوجود..ترى فيه مخلوق هنا غير فيصل..
دانا ماتت ضحك واستحت: ههههههه لا وش دعوه انساك..بس فيصل ضيف عندنا..
اشواق: لو سمحتي لا تسوين مقارنات عشان ما تحطي نفسك بموقف بايخ..
ابتهال: ههه بحاول اضحك ترى انا بنت عمها..
دانا قربت جنبها وقرصت خدها: فديت اللي تغار..
وشافوا لانا جايه وجلست معاهم...وواضح انها تحاول تتقرب..
دانا راحت نطت جنبها: لنو اختي العزيزه..تعالي نجلس هناك"تقصد قريب من البنات"
لانا: لا ..هنا مرتاحه..
دانا: لا اقولك تعالي جنبي..
وجلسوا كلهم مع بعض وسواليف وضحك على شوية هواش بين فيصل وابتهال..ولانا كانت بس تضحك او تسمع لهم وما عرفت تدخل بسواليفهم..لانها تعدوت على نمط واحد من السواليف والاهتمامات وما تجاوزت الشي هذا لحد الان..
ومن بين الضحكات رن موبايل اشواق..
: لحظه لحظه بنات.." وتغيرت ملامحها للجديه" الوو..
: الوو ...هلا اشواق..
اشواق وقفت وهي تمشي بعيد عنهم: هلا يمه..
ام اشواق: ارجعي للبيت الحين..
اشواق سكتت شوي بعدين ردت: حليتي السالفه؟
ام اشواق: الحين فهد بالسجن..
اشواق انصدمت: بالسجن !!...كيف؟
ام اشواق: مالك شغل في السالفه هذي..هو بيني وبينه اوراق وعقود..وبحكم انه ما يملك شي دخل السجن وهذا جزاه واقل من جزاه...بس انتي ارجعي للبيت..
اشواق حاولت تداري دموعها: ابشري...انا راجعه لكم..
"وسكرت منها"
حاولت تاخذ نفس قبل لا ترجع للبنات ووقفت قدامهم..
: بصراحه..وربي ما قد عشت يومين حلوه قد اللي قضيتها معاكم... وانا اشكركم من كل قلبي على اللي سويتوه عشاني.. وبجد انتوا الصديقات بمعنى الكلمه..لان لولا الله ثم انتم كان انا لحد الان اتعذب..تخوني الكلمات ولا عاد ادري ايش اقول بس الحين مضطره ارجع للبيت..
دانا اختفت ابتسامتها :امك اللي كانت متصله؟؟
اشواق: ايوه..فهد خلاص..صفحه وانطوت واخذ جزاه والحين لازم ارجع..
ابتهال ابتسمت لها رغم ان دموعها بعينها: الحمد لله...على الاقل اخذتي لو شي من حقك منه..
اشواق: اللي فيني واللي صار لي..ما تاخذ حرته سجون انا لو ابي اخذ حقي ذبحته بأيدي..بس يله على الاقل ارتحت من شوفته..وكابوس اعيشه كل يوم..
لانا اللي كانت موفاهمه شي ..وشافت اختها راحت بسرعه تحضن اشواق وهي تبكي..
: بشتاق لك والله..
اشواق: وانا بسافر...معاك في المدرسه..
ابتهال تبي تغير جو قامت وبعدت دانا عن اشواق: خلاص خنقتي البنت..وبعدين مردك لي..والله لا اوريك الحقران كيف ههههه
اشواق:لا عاد..كل شي ولا دنو بعد قلبي..وترى اكيد برجع انام عندكم..بصراحه القصر حقكم مره عاجبني..
دانا تمسح دموعها: حياك بأي وقت..
وبعد ربع ساعه جاء سواق اشواق واخذها على بيتهم..

>>>>>>>>>>>>>>>>>>>>>>>>>>>>>

بعد الاحضان والدموع...وكأنه لقى من بعد سنوات طويله..بس اكتشفت ام اشواق قد ايش كانت بعيده عن بناتها سنوات ..ولسه انتبهت على نفسها لكن بعد فوات الاوان..اغلب الناس ما تصحى لما تجي مصيبه تصحيها...ولا تستمر في جهلها او ظلالها وهي في عمى عن الاشياء الي حولها..او اللي ممكن تصير مستقبلا نتيجة اهمالها..
اشواق وهي بحضن امها...اللي من زمان ما جلست فيه..حست بشعور غريب...وكأن السنوات اللي راحت حلم وصحت على حضن امها
ان اشواق بجديه بس متردده: يمه اشواق..
اشواق: لبيه..
ام اشواق بعدتها عنها وطالعت عيونها: انتي متذكره كل شي بالتفاصيل؟؟
اشواق فهمت قصدها:لا..مو بالتفاصيل بس اتذكر اغلبها..
ام اشواق: طيب اهم نقطه..متذكره فهد قرب منك ولا؟؟
اشواق غمضت عيونها وهي تحاول تنسى الاحداث وما تتذكر الا صور منها..
وعقدت حواجبها: لا ...لا ...مو متذكره شي..
ام اشواق: طيب خليني اعرضك على دكتوره نتأكد!!
اشواق انصدمت: لا....لا مستحيل لروح..انا عارفه ايش صار..
ام اشواق تحاول تهديها: اشواق..عشان خاطر امك خلينا نتأكد..ما راح نخسر شي..
اشواق جرحها هالشي...كيف تروح للمستشفى وتأمل نفسها وتنصدم..وبسرعه بعدت الفكره
:لا...ما راح اروح.."وتركت امها وراحت لغرفتها"


&&&&&&&&&&&&&&&&&&&&&&&&

في القصر..
اتصل على اخته وعزمها...وبعد المغرب وصلت..
وجلست معاهم بالصاله..
حمد: ما دريتي ان ولد اخوك وصل؟؟
لطيفه منصدمه: أي اخو؟؟
حمد: ولد محمد..
لطيفه: ولد محمد هنا؟؟ وليه ما قلتوا لي..
حمد: وانا على بالي عندك خبر.توقعت ان ضاري قال لك..وشفتك ما جيتي تشوفينه قلت اعزمك عشان يتعرف على عمته..
لطيفه زعلت: وكيف محد يقول لي؟؟ وضاري مو مفروض عليه هو اللي يبلغني...انت اخوي وانت اللي تبشرني..
حمد: طيب حصل خير..هو لسه واصل من يومين..
لطيفه: وينه ابي اشوفه..ودي اكحل عيني بشوفة ولد اخوي..
موضي بعفويه: نسخته يا لطيفه نسخته..
لطيفه تحمست تشوفه: اجل وينه؟؟
حمد : لانا ولا دانا..وحده منكم تنادي سلطان..
دانا وقفت: ا ن شا الله..
لانا: لا اجلسي انا اقول له..
دانا استغربت: لا عادي اروح عنك..
لانا وقفت وراحت..
رهام: وش عندها؟
دانا: والله والحقيقه واضحه كعين الشمس ان لانا تغيرت من لما وصل سلطان..
رهام: وااو..اكشن في بيتكم..ضاري ومدى..ولانا وسلطان..وانا؟؟؟؟
دانا: انا وانتي على جنب..
رهام: وين ابتهال؟
دانا: الحين راح تجي...الا انتي وين ريماس؟
رهام: تكفين يا دانا لا تذكريني بشكلها..من عرفت ان ضاري ملكته الاسبوع هذا وهي حابسه نفسها ولا طالعه طوول اليوم..وربي خفت عليها..
دانا: لنو..تغيرت كثير..حتى الطلعات ما تطلع..وتجلس معانا كثير..صح ما تعودت بالمره بس على الاقل تحاول..
رهام: عقبال ريماس ا ن شا الله
ودخل سلطان اللي كان منزل راسه من الحيا..
لطيفه اوال ما شافته دمعت عينها..بجد محمد بس صغير..
: هلا..هلا بقلب عمتك..
سلطان باس راسها: هلا عمتي..اخبارك بشريني عنك؟؟
لطيفه وهي ما زالت تتأمل ملامحه: بخير يا بعد قلب عمتك..انت طمني عنك؟
سلطان: بخير دامك بخير..
لطيفه مسكته من ايده وجلسته جنبها ..ولفت على حمد
: والله ابوه...كله ابوه..
حمد فرحان لفرحة اخته: ايه..الله يرجع محمد لنا بالسلامه..
لطيفه :ا ن شا الله..
رهام: هذا سلطان !!..وه وه..اعذر لانا لو خقت عنده..
دانا: هههه والله والحقيقه كلنا خقينا بس مو على شكله حتى اخلاقه شي والله متربي صح..
وشافوا مدى وابتهال ومعاهم لانا..
سلموا على عمتهم وجلست مدى...وابتهال راحت عند البنات..وجلست معاهم..
دانا: لانا جلست هناك؟؟
ابتهال لفت عليها: اختك هذي صاير لها شي..انا متأكده..قبل شوي تنادي سلطان مستحيه..
رهام: لانا.تستحي لالا شي مو معقول..
دانا: هههه والله غريبه..
ابتهال : يمكن عشان....!!
دانا فهمت عليها تقصد من بعد سالفة اياد: يمكن..
رهام: عيب عليكم بلا الغاز..
ودقايق ونزلت اريام عندهم وجاء ضاري واجتمعوا كلهم..
لطيفه: والله ان هالجمعه هذي تشرح الخاطر..
حمد: عساه دوم..
موضي بنفسها" وع ..الله يصبر قلبي بس"
ضاري: عمتي..لا تنسين الملكه خلاص يوم الخميس..
لطيفه: اليوم الاخبار توسع الصدر..مبروك يا وليدي..واخيرا بنفرح فيك..
ضاري وهو يطالع مدى اللي كانت تهز رجلها متوتره ومرتبكه..
: زين ما اخترت يا عمه ولا ؟؟
مدى طالعته بحاجب مرفوع وكانها تقول " وليه عندك شك ؟"
لطيفه ابتسمت: عاد مدى..والله وهذا انا حلفت لو تلف الدنيا كلها ما تلاقي مثلها..
ضاري بقصد: أي اكيد..وهي ما بتلاقي مثلي..
ابتهال: هههههه ولعت النار..
دانا: مشكلة اخوي ما يعرف يحكي.
رهام: يختي كل واحد ويحق له يشوف نفسه ههههههههههههه


&&&&&&&&&&&&&&&&&&&&&&

بعد يومين..
وبالمستشفى بالتحديد..واخير خضعت لكلام امها وقررت تكشف..واقتنعت انها ما راح تخسر شي لانها عارفه ايش راح يقولون لها...بس عشان تجبر بخاطر امها..
وبعد الكشف..الدكتوره المصريه الجنسيه طالعت ام اشواق..
: والله يا اوم اشواق بنتك....
اشواق حطت يدها على قلبها اللي صار يدق بقوه..
وام اشواق اللي كانت تدعي اليومين اللي راحت من كل قلبها ان بنتها مات صار لها شي..وباللحظه هذي..دعت ربها ما يخيب رجاها..ويجيب دعوتها..

@@@@@@@@@@@@@@@@

نهـــــــــاية البـــــــــــارت..

[شمس القوايل]

يعطيج العافيه قلب الزهور ع الطرح والمجهود

عساج ع القوه

ننتظر المزيد لاهنتي

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح والمجهود عساج ع القوه ننتظر المزيد لاهنتي

●●●
يمرحبا بك هلااااااااااااااااوغلااااااااا
يسعدلي قلبك ويسلمووو وربي على الحضور الرائع بصفحتي
تقبلي شكري وتقديري واحترامي
مع تحياتي :قلب الزهـــور .. بباي

[قلب الزهـــور]

رواية "الا ليت القدر" للكاتبه بقايا شتات..

الجــزء الاربعــــــون..
شعور الانتظار اصعب شعور..وخصوصا لما يحدد مصيرك ..وان كل أمالك راح تكون معلقه عليه...واحلامك بدت ترسم طريقها..
طالعت امها وهي تشوف الامل في عيونها..وواضح انها تدعي ربها..
رجعت تطالع الدكتوره وهي تحس الثواني بطيئه ومو قاعده تمشي..

: والله يا اوم اشواق دي بنتك لسه بنت بنوت..
ام اشواق من كثر ماهي قادره تعبر عن فرحتها على طول سجدت تحمد ربها وتشكره انه ما يخيب رجاها..
اشواق وهي تشوف امها تسجد احمدت ربها وعيونها غرقت دموع..
الوهم والكابوس اللي عاشته طول عمرها طلع سراب ومو حقيقه..الالم والمعاناة كلها كانت مبنيه على افكار وهيمه..الحين هي بنت حالها حال أي وحده ثانيه..تقدر تعيش حياتها وتشوف العالم بعيون ورديه..الحين تقدر تفكر بالزواج والاطفال..بعكس امسها..اللي من شدة يأسها جاء في بالها الانتحار ..وان الموت اهون عليها من احد ممكن يشك فيها وهي بريئه..
راحت لعند امها ورفعتها من الارض وحضنتها بقوووه..لولا الله ثم امها كان هي لحد الان تعاني..
ام اشواق دموعها تجري بس من الفرحه
: يا الله لك الحمد والشكر...الحمد لك يارب...الحمد لله..
اشواق :الحمد لله.
ام اشواق وهي تحاول تمسح دموعها وتطالع الدكتوره اللي شهدت الموقف وأثر فيها..مع انها ماهي عارفه ايش سالفتهم..
: مشكوره يا دكتوره...وحق بشارتك ما راح يضيع..
الدكتوره بحياء: لا مافيش داعي.. دا انا ما عملتش حاجه..ودا من فضل ربنا..
ام اشواق: والنعم بالله..بس بعد انتي تستاهلين كل خير..فرحتي في بنتي اليوم تسوى عندي الدنيا وما فيها..
وابتسمت لهم الدكتوره..
وطلعت اشواق وامها يبشرون سجى..ويكملون فرحتهم بالخبر..
&&&&&&&&&&&&&&&&&

في القصـــر..

في غرفتها..اللي صارت تاخذ كل وقتها..حست انها محتاجه لوقت عشان تقدر تجمع نفسها من جديد..
جلست على سريرها وطيف حبيبها اللي ما غاب لحظه عنها..تحسه حولها..طالعت دفتر مذكراته..وقرررت تكمله..ضروري تقراه كله لان سامي عايش فيه وموصيها عليه..بس تجيها ايام ما تتجرأ تخصله دفعه وحده..لان قلبها ضعيف وما يتحمل ..غياب سامي عن حياتها ما زال تارك اثره عليها..

ومن بين ايام سامي قلبت صفحه..وتنحت فيها كثير..كانت صدمتها قويه لدرجه ان ايدها ما قدرت تحركها..كانت صورة زواجها قبل لا تسافر وبالتحديد في بيتهم..سامي كان ما زال تقريبا في صحته..وهي كانت في الصوره على قد فرحتها الا ان الدموع في عينها..هنا كانت عروس...وهو كان معرس..ولا اخذوا من الزواج الا اسمه وكم لحظه..ما تهنوا فيها..وشهر العسل كان شهر التحاليل والكشوفات..
دمعت عين اريام..حتى في يوم زواجه ما فرح..رحمة الله عليه..
رفعت الصوره برقه وحطتها على جنب..وشافت الكلام تحتها..
" اجمل عروس..كنتي احلى ما شافته عيني..وما بعد جمالك شي ممكن يكون اروع وابهج على قلبي..على قد فرحتك اللي لمستها يا حبيبتي الا اني حسيت بحزنك..انا عارف رغم كل شي اخذتيني..رغم مرضي..رغم اهلك,..رغم قلبك..في لحظة ما ..حسيت اني اناني وجاتني الحاله على طول..حتى في اللحظه هذي حسيت ان انانيتي زادت اكثر لاني شفت بعيونك الخوف..وخربت فرحتك حتى في اليوم هذا..لكن اتمنى من كل قلبي يكون زواجك الثاني احلى بكثير من الصوره هذي..والدمعه اللي بعيونك ما ابي اشوفها..ارسمي ابتسامه عريضه..تخليني اسعد واحد بالكون..و انتي عارفه سر سعادتي..ضحكتك اللي كأنها الفجر بطلته..على هدوءه وسكونه الا انه يملا الكون بنوره..وهذي انتي يا اريام ..فجر عمري.."

سكرت الدفتر..وهي تحاول تمنع شهقتها..ومسكت الصوره ولمستها بحنان..تمنت انها تلامس خد سامي بجد..يمكن يريحها ويعطيها الامان..

ما حست الا ان الباب انفتح فجأه..
: اريام..اريام...وااااو ماني مصدقه "وسكتت"..اريام ايش فيك؟؟
اريام بسرعه وبحركه خفيفه خبت الصوره..ومسحت دموعها: هلا دنو ..ايش عندك؟؟
دانا جلست جنبها : اريام فيك شي؟؟
اريام مسكت ايدها: ايش فيك الحين ضيعتي فرحة الخبر...قولي اللي عندك انا ما فيني شي..
دانا حاولت تمشي السالفه ورسمت ابتسامه على وجهها من تذكرت الخبر..
: اشواق....اليوم راحت المستشفى تكشف اذا هي لحد الان ....آحم.."وانحرجت"
اريام تحمست للخبر: ايوه !!!
دانا وهي طايره من الفرحه: والحمد لله صارت بنت وما فيها شي..
اريام: وااااو...الحمد لله ربي اعطاها على قد نيتها ..الحمد لله..
دانا ما تدري وش تسوي من الفرحه: والله مبسوووطه لها..احس اني ماني قادره اعبر عن فرحتي لها..
اريام فرحت لفرحتها: روحي لها اليوم..وانبسطي معاها..
دانا وقفت بسرعه: ايوه صح...باخذ ابتهال ولانا ونروح...
اريام غصب عنها ضحكت: هههههه الله يسعدكم..
دانا قبل لا تطلع: انزلي تحت عند مدى..ولا تجلسين لحالك..
اريام ابتسمت لها: ابشري الحين انا نازله.

&&&&&&&&&&&&&&&&&&&&&

كان مرررره محتاس..وماهو عارف من وين يبداء..مع انه قد ضبط سالفة زواج اريام من والى..بس في ملكته متوتر ولا عرف يسوي ابسط شي.. وطلع موبايله واتصل..
: هلا مساعد..
مساعد: هلا والله بالعريس..
ضاري بتعب: العريس محتاج مساعده..
مساعد: آمرني بس...انا بالخدمه..
ضاري: تعال معاي وخلينا نخطط على كل شي..والله ماني عارف ايش اسوي..
مساعد ضحك: لا معرسنا رايح فيها..ضاري وما يعرف يتصرف !! مفروض اسجلها بالتاريخ..
ضاري: خلي الكلام الفاضي عنك...وتعال عندي..
مساعد: اوك..ثواني وانا عندك..

>>>>>>>>>>>>>>>>>>>>>>>>>>>>>