,,,,
ياصاحبي (احذر) قليبي تخليه
مااقوى على باقي حياتي بليّاك
,,,,
ان كان في عمري (امل) باقي ارجيه
ارجي وجودك ياهوى البال وابغاك
,,,,
ليتك تجي وتشوف (قلبي) وامانيه
ادخل وناظر عن يسارك ويمناك
,,,,
تلقى صورك معلـّقه يالغلا فيه
هذي هنا صورتك وهناك ,, وهناك
,,,,
هذي هنا صوره معك ورد يغويه
غي الورود اللي على الخد تزهاك
,,,,
وهذي هنا صوره معك شمع يضويه
ضي الشموع اللي على واهج شفاك
,,,,
وهذا انا ويّاك والليل نقضيه
نسهر سوى في (حضرة الحب) ويّاك
,,,,
نسهر على لحن الغرام ومعانيه
واجمل (حروف الحب) تنساق لرضاك
,,,,
ماهمني (غيرك) ولا غيرك اغليه
وش عاد لو كل الخلايق تمناك
,,,,
ماطاولوا شوقٍ تزايد دواعيه
ولاعادلوا حبٍّ رسايله تنعاك
,,,,
ياصاحبي ,, ليه الوفا ضاق راعيه ؟
ليه الجزى دايم غرابيل واشواك
,,,,
ياما صدقت العهد والوعد اوفيه
حتى شرود الذهن عيا يتعداك
,,,,
وان كان نبض القلب حاضر ولبيه
انت الوحيد اللي من الخلق لباك
,,,,
لا .. لاتقول شلون او كيف او ليه
الله عطاك من الغلا فوق مااعطاك
,,,,
ياما سهرت الليل وحدي اناجيه
اسهر على ضوّ القمر واتحراك
,,,,
ولازارني (طيف المسا) قمت احييه
اهـلا هــلا يازاير الليل حيــّاك
,,,,
اهلا هلا من قلب عاشق يسليه
بعض الخيال وبعضها وحي ذكراك
,,,,
واللا الصحيح ادري به وكـنيّ مااوحيه
ادري الهنا ,, منّي فنا ,, عقب فرقاك
,,,,
عهد ومضى ,, حكم وقضى ,, وانت قاضيه
ضاق الفضا ,, ضاع الرضا ,, آه مااقساك
ماهمني غيرك
العرض العادي
