نبدأ بالمقادير :
مثل ماتشوفون بالصورة
1 باوند كيك فانيليا
1 باوند كيك كاكاو
4 قيمر كي دي دي صغار أو 2 كبار
1 علبة كريمة جاهزة المراعي حجم 250 مللي أو أي نوع كريمة
رشة فانيليا
2 ظرف دريم ويب
5 ملاعق كبار كاكاو بودرة
فليك للتزيين
الطريقة :
نقطع الكيك على شكل مكعبات ونصفه بالبايريكس بشكل عشوائي نفس اللي بالصورة
نخلط مقادير الكريمة كلها مع بعض بالخلاط من غير بودرة الكاكاو
نقسمها الي قسمين
نضيف بودرة الكاكاو فوق باقي الكريمة ونخلطها بالخلاط لما تصير كذا (تقدرين تزيدين كمية الكاكاو حسب ذوقك ياحلوه)
وبعدين نسكبها على الكيك ونرجع نحط فوقها الكريمه البيضاء
وبعدين نرش عليها الفيلك وهااذا الشكل النهائي
وبالعاافيه على قلوبكم
حلو بارد وسهل حيل وطعمه واااو لذيذ
العرض العادي
