لا غريب ولا جديد ولا وضوح= ولا زمن والله يا ربعي يجود
لا تشافى جرح رددت لي جروح=بين طعنات القرايب والحقود
اكتمك يا سر ..يطلع لي فضوح=واهجرك يا دار..في دار الحسود
ليه كل الزين في بالي يروووح=وما نفع فالشين يا ربعي صدود
كم بنيت اليوم بأحلامي صروح=عشتها أحلام ما فيها حـــــــدود
يا كثر ما سال دمعي عقب نوح=ويا كثر ما شفت في فعلي جحود
وإن فعلت الوزر ما قالو سموح=دايمٍ مضلوم يا قلبي وصمود
يا سؤالي ابتعد عني ورووووح=ما لقينا فود من لطم الخدود
ما لقيت انسان يدفعني لبوح=صرت زاد مرتمي والهم دود
لو خذيت المسك ما ظني يفوح=واعتقد عفرٍ تشمه بالقرووود
ما اظن البخت يرجع لي صفوح=وما اظن الطيب بالدنيا يسووود
من سمعني قال للساني صحوح=ما درى انه سبة الجرح الضمود
كيف باقف واعتدل دامي طروح=ولا معين اليوم عني هو يذوود
كل شخصٍ غير شخصي شخص لوح=ولا حدٍ يسخط عليه بالردوووود
دام (كل العمر) في عيني شحوح=ما على الدنيا خساره ما تفووود
وين برحل ........ما نفع فيني نزوح=........ما بقى إلا جنة المولى تجوود
صح الساااااااانك
ولا هنت ...
ولا تخاااف ما احد ساخط عليك لا بالردود ولا بغيرهاا
ما سخط ياصاحبي قلبٍ سموح=والسخط ما قيل به مردود فود