الى راعي العليا (رديه)

[شاعر الدرر]

السلام عليكم ورحمة الله وبركاته


هذه كلمة حق اقولها للمبدع اخوي راعي العليا وذلك مجاراه لقصيدته

حييت يالبـارق المشنـوف=ياللـي بعيـداتٍ اللـوِيّـه!
العلم في داخلـه ملفـوف=والغيـب يعلمـه بـاريّـه
يابنت ماني حشا مكفـوف =ابصـر بهـاذي وهاذيّـه!
قافي اليا احتجت له مردوف=سيـلٍ تـلاطـم عوالـيّـه
والدرب اللي بالخطر محفوف=أمشيـه والرجـل مثنـيّـه
ما عوّد دون الهدف بنكوف=ورشاي يجـذب لـي دليّـه
تدرين به شيكي المصروف=من دون هاتـف وبرقيـه!
لا شك عن الخطا موقـوف=ولا أنظر لغيـري بسلبيّـه!
ما هف بالريح غير الصوف=وكم ديـرةٍ قفـر ماطيّـه!

وهذاهو ردي على هذه القصيدة ولعلها ان تحوز على استحسانه واستحسان الجميع
من وحي شاعر الـــــــــــــــــــدرر

سيري درر وارسلي المظروف=تعبير في صوره شعريه
ماني مجامل ولا بي خوف= ولا همني ذاك او ذيه
حنا مع الحق دوم سيوف=والكل عندي سواسيه
ودام اللعب صار عالمكشوف=ومابه معه اي سريه
سلمت ياذيب يا موصوف=بالمبدع اللي سطع ضيه
انت المقدم وحنا صفوف=اعبر ونارك معك حيه
واللي يبي الدق فوق دفوف=يبشر نعرقي له الكيه
هذا كلام الوفا معطوف=على الحدث دون رمزيه
ويبقى الخوي دوم لي معروف=هو لي شماغي وطاقيه
من نجد حتى نصل للجوف=سلام يالذيب رديه

[المقلع]

عز الله انها قصيده ..

صح الله لسانكم ..

ومفالكم البيرق .. :)

[الـعـاطفي]

أسمحوا لي بهذه المداخله

تقول الحكمة ( كل أناء بما فيه ينضح )

وهذا تعبيري أو انائي الداخل احب أن انضحه بينكم
______________
الوكاد

تقول:

تعبير عن وسط مابالجوف=اناء ينضح بما فيه
بعض العرب قدرها معروف=وبعض الحسد واضح النيه
هذي نصايح ولأهل الشوف=اقراء وشعري صميميه
كتبت شعري على الهنوف=واهديتها سطور وردية
ويستاهله ضامر السرجوف=حبيب في روح حنيه
يافلان مامرك الملقوف=صغير بالسن وشويه
بندر له احلا شعر وحروف=ينظم ولا تتعبه جيه
ولا فاح صدر القصيد انوف=أرقى على كل قافيه
هذا وانا في الغزل مشغوف=اهديت شعري لحوريه
ومن يحترم نرفعه بكفوف =ومن مال نطاه حدريه

وسلامتكم
بندر بن متعب الرسام الشمري

[شاعر الدرر]

اقتباس المشاركة الأصلية كتبت بواسطة المقلع عز الله انها قصيده .. صح الله لسانكم .. ومفالكم البيرق .. :)

لاهنت ياخوي المقلع


وشكرا لك على مشاركتكم


وصح بدنك

[سالم الفهمي]

يشهـد الله انكـم شعـراء يـالثـلاثـه وفـوق راسـي

صـح الله ألسنتكـم

وتقبلـو التحيـه

[العـ راعي ـليا]

اقتباس المشاركة الأصلية كتبت بواسطة شاعر الدرر سيري درر وارسلي المظروف=تعبير في صوره شعريه ماني مجامل ولا بي خوف= ولا همني ذاك او ذيه حنا مع الحق دوم سيوف=والكل عندي سواسيه ودام اللعب صار عالمكشوف=ومابه معه اي سريه سلمت ياذيب يا موصوف=بالمبدع اللي سطع ضيه انت المقدم وحنا صفوف=اعبر ونارك معك حيه واللي يبي الدق فوق دفوف=يبشر نعرقي له الكيه هذا كلام الوفا معطوف=على الحدث دون رمزيه ويبقى الخوي دوم لي معروف=هو لي شماغي وطاقيه من نجد حتى نصل للجوف=سلام يالذيب رديه

يسلم جناابك يالذيب والله والسبعة أنعام بك ولا يهون الجميع ..

ياهاجسي مـا عليـك كلـوف=بالشعـر .. فـرقٍ وفرقـيّـه
دوّر على اللي ماهـو مألـوف=ودوّن ابـيــاتٍ رهـاويــّه
خـذ الوصايـف ياكلاشنكـوف=أبيهـا تـوصـف خـلاويّـه
شمس الضحى ما غشاها كسوف=احروفهـا وضـحٍ .. منقـيّـه
كامل قمرهـا ماجـاه خسـوف=سحبٍ ترازم حماويّه
رعّادهـا لا أرعـدت راجـوف=وبرّاقـهـا فــج جنـبـيـّه
خابرك ما تركب المعسوف=والـقـاف يحتاج وزنـيّـه
ردن على اللي مهـو مكلـوف=فـيـنـي ولا رد جـبـريـّه
ادري ولا هـو بعـد محيـوف=ولا جابـتـه طــخ ردنيّـه
لا شك عنـه الـردى منقـوف=دارة علـى ســاس مبنـيّـه
مـا هزّتـه هبّـة العاصـوف=بالحـق كلمـتـه ..فـرديـّه
لا هنـت ياسيفـي القاصـوف=يـا فزعتـي ساعـة الهـيّـه
يـدوم لـك عـزّك المسقـوف=مرفـوع فـي راس سـاريّـه
وإلاّ الـردي خلّـه لـذالـوف=يمـوت مــا ذاق جمـريّـه
من يعترض سيلكـم مجـروف=بالعـون ملعون ثاويّه
والطيب بين الملا منصوف=كل(ن) خذا منّه قسميّه
ما ني لحق العرب جاحوف=اديار الأجواد ممليّه
ما طار طيرٍ وهو منتوف=(والحق ما ينحجب ضيّه)
قد قالها اللي مهو مكتوف=حر(ن) اليا جيب طاريّه
(رائد النايف) وكلّه نوف=من هالنا ؛ عذب صافيّه

[شاعر الدرر]

اقتباس المشاركة الأصلية كتبت بواسطة سالم الفهمي يشهـد الله انكـم شعـراء يـالثـلاثـه وفـوق راسـي صـح الله ألسنتكـم وتقبلـو التحيـه

اخي /سالم شكر لك وصح بدنك

وراسك مرفوع دوم ياذيب

دمت بوود

[*+* مـهــآآآآجــرة *+*]

شعراء الود الكرآآآم

كلمآآآت جزلة و وآآآفية

كتبتوا فأبدعتوا

صح لسآآن كل شآآآعر بأسمه ولا هنتوا



ننتظر منكم الجديد الرآآآئع

[شاعر الدرر]

اقتباس المشاركة الأصلية كتبت بواسطة *+* مـهــآآآآجــرة *+* شعراء الود الكرآآآم كلمآآآت جزلة و وآآآفية كتبتوا فأبدعتوا صح لسآآن كل شآآآعر بأسمه ولا هنتوا ننتظر منكم الجديد الرآآآئع

شكرا لك اختي/مهاجره وابداعنا هو جزء لا يتجزأ من ابداعاتكم

ومروركم ومشاركتكم شرفا لنا

دمت لنا بووووووووووود