السلام عليكم ورحمة الله وبركاته:
ارجو ان ترتقي الى ذائقتكم الرفيعة
بسم الله
مهما جفيت..وقلت ابرحل وصديت=وصديت كل أحلام عمري ..ترااني
ابقى على حبك ولو خافقي ميت=وابقى انا في حبك اكبر اناني
يامن غبن روحي على رجعته..ليت=ليت إن ليت بتنفع الي يعاني
كان اتلتلت مثل من كبر فبيت=ربي..وقال الله رحيم وهداني
ادري تحديتك وياكم تحديت=لكن معي عذري جناني..جناني
انا اذا حبيت ماقول حبيت=وانت ترى اول سكوت(ن)دهاني
طلاسمك صفراء وزودتها زيت=واحساسي فبعدك يهدد كياني
احاول امحي ذكرياتك وازريت=طيب تعال وشوف لي حل ثاني
تصدق إن الذاكره كالطواغيت=واني إلى تحسفت طاغوت جاني!
اذكر..زمان(ن)كنت في حبك اصيت=ا لمجمل الطلاب حتى خواني
اسمك على الماصه معا شطر من بيت=حبيب روحي فالغرام ابتداني
سميتني الساني..وانا قلت سميت=وانا إلى ذلحين ماعرفت ساني!
لكن معك انا امتأكد تكنيت=باحلى واغلى اسم يوصف لساني
اذكر جفيت..وقلت ابرحل وقفيت=ومشيت دربك تحسب انه اماني
وانا بعزة نفسي اقفيت..واخفيت=دمع(ن)تحدر لو حبسته عماني
وبخفة السارق نظرتك..ورديت=والا حسافه مابقالك مكاني
اسعى كما الاعمى واذا فيني القيت=الافته مكتوب..آن الأواني
رجعت متشتت واذا قلت تشتيت=لو قلت لي اسمي انا البهبهاني
الدمع فتت وجنتي حيل تفتيت=والغام حكيك لغمت في اذاني
انفاسي تزاحم وانا قلها هيييت=تبغى الخروج وربي الي حماني
خوفي تكون الروح اخر نفس لِيت=قبري..وانا للحين عاصي وجاني
وكن الريه في اخر الظهر بتبيت=وكن اُكسجيني صار اُكسيد ثاني
والقلب عاف الضحك..والناس وشنيت=حتى دمي سكبه في القلب طاني
والناس تنشدني وزدت التناهيت=وزودت في كبتي بكبت الثماني!
ادور الي يحتويني بتربيت=خبط زماني بس ليت احتواني
هذي هي احزاني اذا كان ونّيت=بس اعتبرها دمعة(ن)من حزاني
ياريح لاغربي..ولاشرقي(ن)جييت=هز الغصون.,ِوشوف كمني اعاني
يادنيتي..ياكم منك تمنيت=لكن اماني تصطدم في أماني
لكن بذالليله عقب ماترديت=في واقعي المزري..وحسرة زماني
مالي سوى وحده ولاقبلها ابديت=ألا رضايه واقتناعي وحناني
مالي سوى وحده ولابعدها انهيت=ألا السعد معها ولبس الكفاني
ودو لها الابيات وغلاف كاسيت=((تعال))..لاتطّول بهجران ساني
خوفي تكون الروح اخر نفس لِيت......
(((ليت)))بكسر الام ..وهي تعني بلهجتنا يم أو الى
وسلامتكم
العرض العادي
