مصافحة اولى أرجو أن تنال اعجابكم
قبـل يوميـن الخفـوق اعلـن عـن الحـب اعتـزالـه=قـال مالـي فـي الهـوى رغبـة ولا لـي بـه مرادي
يوم صادف فارعة في الطول مدري وش طرى له=مـن مفـاتـن وصفـهـا جــاه ارتعـاشـة وارتـعـادي
مشيهـا مشـي الحمـام وخصرهـا خصـر الغـزالـه=كـنْ لهـا شهـريـن لا شـرْبـت ولا طعـمـت بــزادي
ارسلـت مـن طرفهـا سهـم(ن) طرحنـي لا محالـه=واحكـمـت زنزانـتـي بـيـن البيـاضـة والـســوادي
وانـا قلبـي لا نـوى علم(ن)قعـد لــه وارتـكـى لــه=قـال مـا غـيـري لـهـا مــادام نــاري مــن زنــادي
ابتدت بالصيدلية ثم راحت للبقالة=قلت بتبعها ومهما صار عز الله لافادي
كلما ترفع نظرها الا وانا واقف قباله=قالت اركد قلت والله ماذبحني الا ركادي
قالت انت؟ وقلت انا اللي من ركوده شان حاله=قالت انت؟ وقلت انا طيب ومتواضع وهادي
قالت انت؟ وقلت انا قالت بلاش من الهباله=قلت انا لا اهْبل ولا مجنون لكن شخص عادي
ماجبرتك تعشقيني بس انا جيتك رجاله=ان صفا لي الحظ والا عاد سويت اجتهادي
قالت ابعد عن طريقي قلت يابنت استحاله=ما سمعتي قلبي المغرم يناجيك وينادي
ما سمعتي القلب يسأل وين قلبك عن سؤاله=آه مااكْبر كسرة الخاطر وياشين العنادي
ما تشوفيني انتشيت من الهوى حتى الثماله=لا تخليني كما المهموم في سجن انفرادي
قربت مني وقالت هات رقمك في رساله=قلت رقمي قد كتبته لك على (علبة زبادي)
لونها في مثل لونك لون يجذبني جماله=لونها رمز الصفا رمز التسامح والودادي
اتركي الارسال والبلتوث انا مالي وماله=ودي اسمع همستك بالليل لا نامو العبادي
دورت في اغراضها واستخرجتها في عجاله=وانْقلت رقمي على جوالها والبشر بادي
قالت اش رد الجميل وقلت ماغير الجماله=ناولتني من يديها الساحرة (قشطة بلادي)
قالت افهم قلت فاهم والعيون اكبر دلاله=قالت استنتج وقلت السر في سحر الايادي
ناظرتني تبتسم قلت الشهر بيَّن هلاله=الله اكبر كيف صادتني وانا صعب اصطيادي
العرض العادي
