حبك ملكني يالعشير المُسلي= انا اشهد ان الحب مابيننا زان
زادت ثقة مغليك كانه حصلي = وصلك وقيفانك على كل الاوزان
والله مسمع فيك عاذل عذلي = حتى ولو شاهدة شيا بالاعيان
اكذِّب اعْيوني وقلبي يقلي = انادليلك والنظر فيه غلطان
لانك منزه عن خطا اللي يَعُلي= اللي كلامه دايم الدوم تعبان
بينك وبينه فرق وانته تطلي = فوق الثريا يالغضي نوركم بان
وهو بأرض الله يروح ويفلي = فوق الثرا نازل على غير سيسان
ماهو بشفاً لي ولا جايزاً لي = وأبوفهد مايعشق إلا ببرهان
مايعشق إلا المهره اللي تخلي = راسه طويل وفايز بكل ميدان
الله رزقني فيك يابعد حِلي = حِلي وترحالي وللقلب رُبان
بملكك قلبي وعمري وكلي = والقلب لك منزال عن كل الاوطان
بغنيك عن غيري وبدعي واصلي = رب الملا يحميك من كل شيطان
يحميك عن جور الليالي بظلي = نذراً عليَّ إن صار لفك بيبان
لفك بيبان الشعر والتسلي = واكتب قصايد لك تُغنى بألحان
قدرك عزيزٍ ياريش العين قلي = انا سند لك دوم والعلم نيشان
إن كان حدتك الهموم الثِقليِّ = بشيلها لو كان توزن بالاطنان
وان كان وقتك زان يالزين عِليِّ= لتضيع الفرصه ولوكان ماكان
صاحبك لو شافك يفز ويهلي = من فرحته بك يالغلا تقول سكران
الله يجمعنا على الخير ياللي = ياللي سكنت القلب حاكم وسلطان
وصلاة ربي عد مزناً يهلي = على النبي الهاشمي نسل عدنان
سـالـم بـن محسـن السـالمـي الفهمـي
العرض العادي
