السلام عليكم ،، وكل عام و انتم بأتم صحة وعافية يارب
كثر ما فيني شموخ وكثر ما فيني تعالي
ما على مثلك تعالي ولا على مثلك شموخ
اي وربي ما نظرت لغير ما اشوفه حلالي
والحلال أن كان لاجله ما يسمونه رضوخ
ما يميل الراس دامه ارتقى حد المعالي
ولا تذل النفس عند معاندة بعض الشيوخ
اعتبر نفسي مثالي واعتبر صدري شمالي
واعتبر ذيك الظروف اثبات تعزيز الرسوخ
ما عليّ من الحكاوي لا ولا حتى أبالي
ولا لبست الثوب جاه ولا افتخرت بغزل جوخ
لو لي الدنيا تنادي أو تغني في زوالي
مغتني والله كفاني كيف يدرون الدلوخ
اسمي الاول يوضح منهجي أول و تالي
وآخر اسمي ملحمة للمجد واشكال البذوخ
كلّ ما في الأمر إني لا تمنيته و جالي
تحتفل به كلّ لحظه و الغلا عنده ينوخ
وان تباطى في غيابة يستلم روعة جزالي
علّ حرف العطف ينفي اتساعات الشروخ
مكتفي به مكتفي به مكتفي به لي لحالي
لا يشاركني قريب و من يعارضني يدوخ
ولا على مثلك شموخ وما على مثلك تعالي
كثر ما فيني تعالي وكثر ما فيني شموخ
#محمد_آل_وافي الشهري
شموخ ،،،،
العرض العادي
