نـفـحـة الـنـود

[العبيويـ]

السلام عليكم ورحمة الله وبركاته

بعد غياب طويل نرجع لكم من جديد


.
.
.


متواضعه اتمنى اتمنى ان ترتقي لذائقتكم ..

هبّي عليّ من شرق ... يانفحة النود
وأروي معاليقاَ من الشوق يبّاس


وهاتي علوم مضمّر الخصر والعود
اللي بعد ماغاب لي شهر محتاس


موجود بالدنيااا ولاني ب... موجود
ابكي على حالي وانا اضحك مع الناس


لااا والله الا ماهي سهود ومهوود
ياللي تقول: انسى وخلك قوّي باااس


متردياَ حالي... ومن زود في زود
ياعنك بيجيني من الشوق وسواس


اموت من شوقي ثم ارد واعوود
وآحياا على طاريه لاهب نسنااس


لبيه يااخدّه ..وياعيونه السود
ومرجانه اللي حاوياَ درّ وألماس


ماللجمال بعرّفه شروط وقيود
قبلة حلا كله من الساس للراس


مشتاق له والشوق فيني بلا حدود
شوقاَ تعدى شوق ابو دباس لدباس


يشهد عليّ الشاعر الجزل ابو سعود
اني بحبه غادياَ كتلة احساس


واني اردّد والعرب حولي رقوود
(ياحمس قلبي حمس بنّ بمحماس )



.
.
.
.
وسلامتكم..
العبيوي