مجلــــة (( اخــتـيـــــــارااتـــــــ ))

[سهرتني ياحب برتاح]

مبروك دامك من غرامي تطهـــــرت
اخر شطر كتب فالقصيده السابقـــــه وكم هو رائـــع هذا البيـــــت

واليوم جايب مشاركــــه باسم قصيدة الصوره (2)
للشــــاعـــر سعود بن مهدي

طبعــــاً قبل ما انســـــى هي اهــــداء لصاحب صـــورة
( سكنت قلبي)

!!^_^!!

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا

ياللي جفيـت وجفـاك المـر .. ذابحنـي
عقبك وجيـه البشـر .. مانـي بدانيهـا

من يوم حبك .. غـزى القلـب وتملكنـي
قطعـت كـل العـلاقـات وطواريـهـا

اقـرى رسايلـك ودمـوعـي تسابقـنـي
وارد ! واقرى الرسايل .. واحتفـظ فيهـا

انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا

لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا

ليت الفـرح ( بنـك ) لاجيتـه يسلفنـي
واقاصـده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي
قمت اعـزل جروحـك بقلبـي واسميهـا

تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا

تدري متـاك ؟ تعـرف قـدري وتفقدنـي
لارخصت نفسك ,, لشخـص ٍ مايراعيهـا

بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟
لــن الهـدايـا عـلـى مقدارمهديـهـا

صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي
دنيـاي لامـن نسيتـك ويـش تاليـهـا

فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا

اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا

نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا

نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرنـي
انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي
اقرى ( رسايلك ) فـي حرقـه والاحيهـا

اشوف ( صورتك ) .. ودموعي تسابقنـي
وياكثـر ماجيـت أبمسحهـا ؟ وأخليهـا


وسلامتكم

وهــ بس (:

واللـــه من احلــــى القصايد اللي قريتهــــــا
واللي تمنيت اكون انا اللي كاتبهـــــا


فمــــان اللــــه

[عبدالرزاق خلف]

اقتباس المشاركة الأصلية كتبت بواسطة موت الاماني السلام عليكم ورحمة الله وبركاته مساء الخير اولا اقدم شكري لسهرتني ياحب على هالموضوع الرائع ثانيا ابشارك رغم اني من زمان مادخلت اي قسم للشعر . سوف اشارك بقصيده للشاعر عبدالرزاق خلف بعنوان العيون الضاميه وسوف اضع رابط تسجيل القصيده بصوتي اهداء لك . العيون الضاميه للشاعر / عبدالرزاق خلف وهذا رابط القصيده بصوت موت الاماني http://up.9q9q.net/up/index.php?f=792z1xdca العيون الضاميه لـو الـعـيون الضـاميه ترتـوي شوف كان ارتوت مـن زود حـسـنه عـيوني بـس البـعيـد مشـاهـده يحرق الجوف دام الـظـروف تـحـول دونـه ودوني مـشــتاق له ودًي اضـمـه وملهوف اضـم صــدره لابـكـافي امـتـوني مشتاق اسولف له عن احـلام وطـيوف لـه طـول فـتـرة غيـبته مـاتركوني ودي اشتكي له من قسى الوقت وظروف زادت مـع كـثـر البـعـاد بجـنـوني ودي اطـرًز بالـشـعر اجـمـل حروف واقـول هـذي نـابـعه مـن شـجوني ودي وودي لـكـن الـمـوت والـخوف انـي امـوت ولادرى عـن طـعـونـي

بالصدفة عن طريق قوقل وجدت رابط منتداكم وشاهدت هذه المشاركة التي شرفتني وأثلجت صدري شكراً لأمانة النقل وشكراً للأمانة الأدبية من موت الأماني ولأنني عضو جديد لم أتمكن من مراسلة موت الأماني لأنني وددت لو أسمعها بصوت آخر لكن الرابط لا يعمل والموقع الآخر مغلق

أتمنا أن أتمكن من التواصل مع موت الأماني بأقرب فرصة ممكنة