مع كل رجعه أجد أسمااء جديدة وأخرى أذكرها فنفرح بذلك الذي يذكرنا ونطمح بتلك العين الجديده لتقرأنا
عدت ولكم مع عودتي قصيدة جديدة كما عودتكم
عتااب أحباااب
هذي القصيده كتبتها بأحد أعز أصحابي وأحب أن أنحت أسمه هنا في صفحتي خصوصا أن القصيده تخصه (عبدالعزيز مشرف الشهري)
ما عليكم بطولة الهرج لكن كنا ما نفترق أكثر من الأخوان ومره قطعني أسبوع لا مكالمه ولا مقابله ولا حتى علم برساله
كتبت هالقصيده فيه عتااب
ربي خلقك إنسان أغلى من العين=قدرك رفيع وما توفّيك الأبيات
غالي وعزيز وفوق كل المضامين=ويشهد على مقدار حبي لك الذات
عبدالعزيز الله.. أيام وسنين=وحنّا على درب المودة مخاواة
مرتّ بنا الخوّة على العسر واللين=كنت الرفيق الشهم في كل الأوقات
ما خاب ظني فيك خالي من الشين=حزت المراجل ولك معي دوم وقفات
قلي وش أكتب فيك يا كامل الزين=دام المعاني مقصّرة فيك بذّات
يا ولد مِشرِف راعي الخير والدين=راعي الشهامة الشيخ رمز المروات
علمك بذل المال في كف مسكين=وإكرام ضيفك لا لفا وذكر وصلاة
بس العتب يا طيب الذكر بعدين=ذوّقتني بأسبوع نارَ المجافاة
كان الغلا في خافقي يقول: هو وين؟=مو عادته يقطع ولو فيه أزمات
حار الفكر وتلوّن الحال تلوين=وأمسيت من عقبك أعيد الحسابات
بعض الطعون أقوى من طعون سكّين=بذّات جرحٍ يختفي تحت بسمات
جرح الخوي ما تكفكفه دمعة العين=ولو كان فيها علاج باهلّ دمعات
ما جيت أبيك تبيّن العذر قاضين=معذور لو جرحي نزف دمع وآهات
راضين باللي صار وبالجرح راضين=يفداك قلبٍ ما نسى كل ما فات
عتاااب أحبااااب
![الصورة الرمزية [] خفـوٍق الـرِوِح []](image.php?s=8bdb1564ba0d92bc85f880766f13ddf6&u=44747&dateline=1176313951)
العرض العادي
