ليت المرض ياأمي بعروق قلبي ولا فيك
وليت المرض غلطان ساهي ولاجاك
ولو الدوا بضلوع صدري لأداويك
وأطحن جميع ضلوع صدري فداياك
رجعت لكم مع غلا الدنيا امي
رجعت لكم مع اطهر قلب امي
رجعت لكم مع شمعة بيتنا امي
رجعت لكم مع نور عيني امي
طبعا جيت عندها وجلست وكان معي دفتر وقلم
عصبت علي اول ماشافتني وقالت:
ارحمي نفسك ملاك ماصدقنا تخلصين اختبارات
اتركي هالقلام والدفاتر يوم
انا قلت : لا يمه وش بك لاتعصبين انا جايه لمك
ابي اسوي معك مقابله بنزلها بالنت
قالت : وعيباه لا بلاه منيب وانا امتس روحي بس
قلت : تكفين يمه ترديني يعني
وفهمتها الموضوع
وقالت: هاتي وش عندك يالله
السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ؟
النت فيه شي زين وشي شين مثله مثل كل ذا الأجهزه الي انبلينا فيها
من جوال وتلفزيون وغيره والي يبي يستخدمه يفتح عقله
وهو ماسرقك ولا شي دايم عندي
السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟
ان ربي يرزقك بولد الحلال والبنّّي الصالحين << بني يعني أبناء ^_^
ويوفقك ويهديك للخير وحبه دايم
السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟
لا مرتبه بس احياناً تصير كسوله وخصوصاً وقت الدراسه لأنها تنشغل
بس تعصب تشووف حوسه معاد تقدر تجلس لمن ترتب المكان
السؤال الرابع :
هل تدليع الفتاة أو الشاب يدمر؟ وكيف تجمعين بين حبك وحنانك لهما وبين تدليعها ؟؟
هنا امي سكتت بعدين قالت
ليت الزمن يرجع عشر سنوات ورآ
قلت لها: ليش طيب ماما
قالت: لأنك فقدتيني وبعدت عنك ذاك الوقت
وفقدتي حبي وحناني
وقتها كان عمري 10سنوات
بس ابوك ماقصر وعوضكم عني
فديتكم انتي وأبوي
واذا عالدلع يدمر ان تعدى حده لازم يكون نص ونص <<فديت نص ونص^_^
السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟
هنا قالت ارجع لبيتنا القديم
قلت لا ماما مو كذا شي ودك تغيرينه يخص الناس كلهم وبمصلحتهم
قالت اقضي عالحوثين واقولهم بعدوو عننا وعن ديرتنا
السؤال السادس :
نصيحة تنصحيننا بها أثابك الله ؟
تتمسكون بدينكم وايمانكم لأنها علامة المسلم
واتمنى ربي يصلحكم ويوفقكم ويرزقكم كل ماتتمنون
السؤال السابع :
خاص بالعضو يختار أي سؤال ويسأله لوالدته او والده حفظهم الله ورعاهم ..[وآرجو ان تكتب السؤآل الي طرحت على الوآلده او الوالد..].
قلت لها انا بالنسبه لك وش يالغاليه ... ؟
انتي الغاليه وربة البيت من عقبي <<ماما احبك
وبس هنا حبيت راسها وقلت الله يطول بعمرك ويشافيك
وجيت اكتب اجابتها وأنزلها لكم
والأختيار بعدي راح يكون لأختي
كويتيه عتيبيه/ ريم العتيبي
بنتظار مامتك الله يحفظها ويطول بعمرها
مـ الشوق ـلاك
العرض العادي
