العودة   منتديات الـــود > +:::::[ الأقسام العامة ]:::::+ > السياحـة والسفـر
موضوع مغلق
   
 
أدوات الموضوع تقييم الموضوع انواع عرض الموضوع
قديم 28-10-2007, 12:34 AM   رقم المشاركة : 1
nada
( وِد ماسي )
 
الصورة الرمزية nada
Icon7 برشلـــــــــــــــــــــــــــــــــونه



مــــــــــــــــــــــرحـــــــــــــــــــــــــ ــــــــبا



فيكم كووووووووووووولكم ........ صبااااااااااايا و شبااااااااااااااااااب




على طوووول على طوووووول و من غير لف و دوران..



سافرنا اسبــــــــــــــــانيا






هالسفره .... قديمه شوي ... الصيف اللي فااااااااات...



الرحله .... كان فيها كووووووووول شي .. وناسه .. جو حلو .. طبيعه .. مغامرات .. سهر ..

و كل مايخطر ببالكم!!!

كانت مدتها شهر ... مقسمه بين ( برشلونه .. سان سبستيان... ماربيا.. و بالأخير برشلونه مره ثانيه )


المناطق كلها حلوه ... بس برشلونه غير

و لحبي فيها ... حبيت اخصص هالموضوع لها..


بداية الرحله كالعاده من بيتنا و توجهنا لمطار الملك فهد الدولي

>>> احلى مابهالمطار سندويشة الهت دوق هههههههههههههههههه

و بدينا بالإجراءات .... و الفيز اللي كنا مطلعينهم ** شنجن ** من السفاره الإيطاليه

و حنا في خضم الإجراءات و تسحيب الشنط ... جانا موظف الخطوط و قال

لأن فيزكم من السفاره الإيطاليه احتمال يمسكووووونكم بهولندا و يحققون معكم << يالهوي

انا هنا طارت عيووووووني .... وين يحققون معي معرف هوووولندي


قلت لأبوي انت متقصد هالحركه ... تيبهم ياخذونا رهاااااين و ترتاح من خششنـــــا <<< مالووومه


ماتبيني اعرس <<< كلن يغني على ليلاه!!!


ابي اعرس

ابي اعرس

ابي اعرس

اضغط على الصورة لفتحها بصفحة مستقلة


بس بالأخير الرجال يوم شافني مشفوووحه عالعرس ... قال مو دايم تصير هالحركه ..

و من 6 شهور .. ماعاد مسكوا حد و رجعوووهم بس مره ثااانيه طسوا و طلعوها من المكان

اللي رايحين له .. و قلنا ابشر!!


خلصنا اجراءاتنا ... و قعدت اتبكبك في ارض المطار ... و ادقدق على كل من يعزوووون علي

اعطيهم الوصايا الأخيره <<< اكره الطيارااااااااااااااات!!


)(


)(


)(


بودعك يا الضنا انا و بخليك

عسى عيوووونك ماتشوف النكاده


اتبكبك و انا اكل الهت دوووووق و اشرب شااااهي <<<< مافرطت بالسندويشه

الموووووهم ... قالوا لنا يله اللي يبي يسااافر يرز خشته عند البوابه

و رزيناها بكل ونااااسه و سروووووور <<< الا انا اصيح .. ابي هدوووقه ثانيه!!!

و كانت الرحله على الخطوط الهوووولنديه ... تراهم بايخين اكلهم مااااسخ و طيارتهم اللي

ركبناها ما كان فيها تلفزيوووووون...


>>> بنظري احلى شي القطريه ياحبي لها هالخطوط عليهم صياديه موب صاحيه!!


>>> ترى انا وحده اقدر الأكل بالطياره ... و احكم على الخطوط من اكلهم << ماقلنا كلن

يغني على ليلاه!!!

بعد رحله طويله شااااقه ... كوووولها نوم .... وصلنا لهولندا ترانزيت ... و حنا بالإجراءات

جانا ذاك الطويل الأصلع اللي قز فينا قزه مدري وش تبي <<< انا قلت خلاص بيحققون معي

و سأل ليش رايحين اسبانيا !!! وش عندكم هناك !!! و كم معكم فلوس !!! ى<<< ابوك ياللقافه


و بعد انتظار ... كملنا لأسبانيا ... و كانت رحله قصيره مره بس ما اذكر كم...

و اول ماطلعنا من المطار ... ذاك الجو الزين <<< آآآآآآه بس !!! و ذيك المناظر الحلوه

بس الشين فيهم ... سواقين التكاسي اغلبهم مايعرفون انجليزي ... يعني اكتبوا اسم المكان على

ورقه احسن...



توجهنا لفندق اسمه ( رويال) الي يتميز بموقع ممتاز بالقرب

من الرامبلا... اضطرينا البقاء فيه

ليلتين ... حتى وقت حجزنا بــ (( بالجران مارين )),,


بالليل .. طلعنا لـــ (( شارع الرامبلا )) .. و هو من المعالم السياحيه المميزه هناك..


/ معلوووووووووووووومه ثقاااااااااااااااافيه :

أصل الكلمة يعود من كلمة عربيه وهي ( رمله )

فلو تلاحظون هو يكتب بهذه الصورة La Rambla

ولو قمنا بحذف حرف b .... لأصبحت الكلمة Rambla

وقد سمي شارع رملة بهذا الأسم

لما كان عليه سابقا فقد كان أرض رملية تم رصفه وتشجيره في وقت ٍ لاحق

وقد أصبح حالياً من اكثر الأماكن أزدحاما بالسواح في برشلونة ...


عباره عن ممشى كبير و على جوانبه فرق استعراضيه او اشخاص بلحالهم يقدمون استعراضات

و بعضها غريب من نوعه ... و يوجد ايضا عدد كبير من المطاعم <<< و على طاري المطاعم

الله يسلمكم توني ماكملت 24 ساعه برى البلد .. الا و اتشهون على رز و مو اي رز

ابي كبسه !!! و نلفلف طوووول الرامبلا و مالقينا حتى رز <<< مايعرفونه هناك!!!!

و ندخل محل يقدم الباييلا تبعهم بس من جد طعمها كريه .... قمنا طلعنا و مشيناها شاورما!!!

المطاعم العربيه موجوده هناك بكثره ... نظرا لنسبة العرب الكبيره الموجوده في اسبانيا...

اضغط على الصورة لفتحها بصفحة مستقلة


7
7
7





هذي صورة مطعم اسمه (( بيــــــــتا )) .. يقدم شاورما و فلافل و هالشغلات الحلوه...


و الحلو عندهم ... انت بنفسك تعبي خبزتك باللي تبي ... هذا طبعا غير النظافه المتميزه


>>> الله يرحم حال شواااارمنا:(

يتميز ايضا الرامبلا بمحلات الهدايا التذكارية وفساتين الفلامينكو

و محلات الورد اللي من جد ينقال عليه ورد <<< الورده بكبر راسي!!!

و بعد هالجوله البسيطه ... رجعنا للفندق


وخش خش خش <<< يعني نمنـــا.


صباح اليوم الثاني ... جولة مميزه بالرامبلا .. بما فيه من مقاهي و مطاعم و مناظر

تسر الخاطر..

و من النشاطات المميزه في هذا اليوم .. هو الذهاب الى منتزه (( تيبي دابو ))

يقع على راس الجبل <<< الطريق يموت خوووووف بس يستاهل !!


العاب راااائعه و جو مرح في مرح .. بالإضافه طبعا الى العرروض المسرحيه


اضغط على الصورة لفتحها بصفحة مستقلة


اضغط على الصورة لفتحها بصفحة مستقلة



7

7

7


هذي صور التقطها من لعبة الدولاب الدوار

من جد منظر ولا ارووووووووع...


بس للأسف الملاهي تقفل 5 المغرب و حنا رحنا 3 العصر ... يعني تقدرووون تقولون الوقت

ماكان كااااافي .. و سكر الملاهي و شااااتونا برى ننتظر الباصات او التكااااسي .... و بالمره لقطت هالصوووره

7

7

7

اضغط على الصورة لفتحها بصفحة مستقلة



و من رداة الحظ <<< المنحووووس منحوووووس لو علقوا على راسه فااااانوس!!!


الباص اللي يتوجه للمنطقه اللي نبيها يجي آخر وااااحد .... و انا تعبت من الإنتظار

و اخلاقي صارت تحت الزيرو!!

المووووهم ... التكاسي كان عددها قليل مرررره .... و حنا ننتظر تاكسي يطل علينا ... كان فيه

ثنتين جنبنا عندهم نفس الأمل .. و فجـــــأه ... تاااااكسي يطل من بعيد .... و يبدأ السباق و

التشجيع <<<< داخلين الأولمباد خخخخخخخخخخخخخخخخخخ


ابوي يركض للتاكسي ... و وحده من الحريم تسابقه

و حنا هيييييييييه هيييييييييييييييييه


بص شوووووف بابا بيعمل ايه <<<< لازم نرفع معنويااااته نبي التاكسي!!!

بعد شد و جذب .. انتهى السباق بفوز الوااااالد..


>>> يعيـــش يعــــيش يعـــيش البطــــــــل !!!



>>>> الله يباااااارك فيكم خخخخخخخخخخخخخخخخخخخ


و نمشي حنا مستاااانسين و رافعين روسنا نركب بالتاااااكسي و هم يناااااظرون بحسره

و نرجع من جديد للرامبلا <<<< كل مره بهالشارع فيه شي جديد.


في نهااااية شارع الرااااامبلا ... فيه تمثال كولومبس <<< كنا نناديه ابو سمره

7

7

7

اضغط على الصورة لفتحها بصفحة مستقلة






قديم 28-10-2007, 12:35 AM   رقم المشاركة : 2
nada
( وِد ماسي )
 
الصورة الرمزية nada


من التجارب الحلوه في برشلونه :


الباص السياااااحي

و هو عباره عن باااااص دوووورين <<< فوق اونس


يتوقف عند المعالم السياحيه المختلفه هناك .... و ممكن تنزلون تتمشون فيها .... و كل فتره معينه يجي باص جديد و تروحون مكان ثاني

طبعا مع وجود مرشده سياحيه فيه ... تتكلم عن كل منطقه من هالمناااااطق باللغتين الإسبانيه و الإنجليزيه.



اكوااااااريووووووم برشلووووووووونه


مكاااااان راااااااااااااائع


انواااااااع كثيره جدا و مختلفه من الأسماك و الكائنات البحريه البعض منها غريب و اول مره اتعرف عليه..

اضغط على الصورة لفتحها بصفحة مستقلة


>>> هالسمكه كنا نسميها ام براطم

يوجد بعد ممر تلفه المياه من كل جهه و الأحلى وجوووود اسماك القرش

احساااااس رهيب و انت مااااشي قداااامهم تقهرهم مايقدرووون يوصلون لك ههههههههههه


اضغط على الصورة لفتحها بصفحة مستقلة


فعلا اللي يرووووح برشلونه ... لازم يزوووووور الإكواااااريوووووووم!!!!



the Sagrada Familia


أحد أروع المباني المعمارية في برشلونة على الإطلاق من تصميم الفنان انطونيو غاودي... وقد بدأ العمل

فيه عام 1882 م .... أستمر العمل في هذا المعبد قرابة الأربعين عاما ولم يتم الانتهاء منه إلى يومنا

هذا... التفاصيل الجميلة في هذا المعمار الجميل جعلته أحد التحف المعمارية النادرة بين كاتدرائيات

أوروبا... وحتى الآن لم يتم إكمال بعض الأمور في هذا البناء المعماري الضخم منذ وفاة الفنان غاودي

عام 1926 ...

يبلغ ارتفاع هذا المعبد 100

متر ... و يوجد بداخلة متحف يضم تفاصيل حياة المصمم غاودي و تاريخ مباني غاودي .... ومن المفيد

ذكره انه بأستطاعتكم دخول هذا المبنى ....برسوم رمزيه..



El Corte Ingles


من المجمعات التجاريه المعرووووفه هناك .... و فيه كل مايخطر على بالكم... اكل ... ملابس

اطفال ...نساء ... رجال ... كوافير نسائي و رجالي ... معدات كهربائيه و غيره...

قبل مانروح اسبانيا ... ابوي كان قاري عنها و مجمع معلومات و من ضمنها الكورت انجلس .... و بيوم

قررنا نرووووح ... و يقعد ابوي يدور عالمكان و مو عارف كيف يووووصل ... و اجي انا واقوووول

لهم امشوا كيذا تعالوا من هنا ...ادخلوا من هالشارع الا و حنا قدام الكوووورت <<< اللي يشوفني

يقول مقطعه شواااارع اسبانيا و انا مدري وش السااااالفه بس زهقت من كثر مالفلفنا <<<< جاني

الإلهام ببرشلونه <<< يحب يكشخخخخخخخخخخخخخخخخخخ



مركز (( ماريماجنم ))

مركز تجاري على شاطى برشلونة في اخر شارع الرامبلا

وهو رائع ومغطى ومكيف وفيه مطاعم ومقاه وماركات...



فيه مجمع ثاني اسمه (( سفيرا )) .. بس صراحه يجيب

المرض و ماعجبني بالمررررررره...



و من المحلات المميزه باسبانيا بشكل عام (( زارا )) .. الصراحه فرق السما عن الأرض بين تبعنا و تبعهم مرررررره يجنن... فيه اشياء شريتها من هناك ... و

بعد فتره طويله لقيتها نازله عندنا و بعد نيووووو ارايفل<<<لازم نلبس من ورااااهم يعني!!!




بالنسبه للدفع يفضل البطاقات الإئتمانيه ماودي تشيلوووون قريشاااتكم و تنسرق عليكم ...

بس المحلات و المطاعم الصغيره كااااااش ... طبعا عند ابراز الفيزا لابد من ابراز مايثبت

هويتك .. زي الجواز مثلا .. او مايقبلونها.



التلـــــــــــفريـــــــــك


اول معلومه انه بااااااايخ حسوووفة المشوار فيه ... اول شي يجمعون الناس كأنهم خرفان

بعربه صغيروووونه ... و فوق هذا كله واقفين مافي كراااااسي!!!

اضغط على الصورة لفتحها بصفحة مستقلة


7

7

7

صورة فندق الجران مارينا خذيتها من التلفريك.



من المطاعم الحلوه هناك .. واللي حاضرا براسي حاليا ... مطعم (( هارك روك ))

مطعم امريكي ..


(( راجا )) <<< اكله رااااائع جدا و لذيذ بمعنى الكلمه و هومطعم باكستااااني


(( بودا )) هالمطعم بالذات مهما اقول راااائع و لذيذ و الى آخره فما راح تكفيه!!!

كل شي حلو من المقبلات للحلى

انا تكلمت عن بودا شرم الشيخ اللي فيه مثله بدبي ... بس يختلفون عن اسبانيا ... الظاهر كل واحد تبع راعي مختلف ..

و تبع اسبانيا افضل بكثير..


اضغط على الصورة لفتحها بصفحة مستقلة




7

7

7


هذي صوووورة واحد من طلباااااتنا

ياااعيني على اللحم يذووووب بالفم ذووووبااااااااااااااااااااااان!!!


(( شوكو )) ماشي حاااالو ماعليه كلام بس ياااتروح بدري و تجلس على كرسي زي الناس او متأخر و يكسرون ظهرك بكرسي ماله ظهر <<< حنا انكسر ظهرنا!!!


و اهم شي .. الحجز مسبقا في بودا و شيكو.



من النشاطات السيااااحيه الروووووعه و المميزه ... هو الذهاب الي ملعب (( النيو كامب ))

اضغط على الصورة لفتحها بصفحة مستقلة



و القيام بجوله فيه مع التصوير و الهدايا التذكااااريه


اضغط على الصورة لفتحها بصفحة مستقلة



>>>> ياااحبي لك ياروووونالدينووووو ههههههههههههههههههههه






قديم 28-10-2007, 12:36 AM   رقم المشاركة : 3
nada
( وِد ماسي )
 
الصورة الرمزية nada
Icon7


بورت افنتورا


اضغط على الصورة لفتحها بصفحة مستقلة



من اكبر الملاهي الموجوده في اوروبا... راااائع رااااائع راااااائع

اضغط على الصورة لفتحها بصفحة مستقلة



العاب خيااااااال .... عروووووض رااااااااااااااااائعه كأنها حقيقه <<< لو يدرووون منتزهاااتنا عن ذيك العروض كان استحوا على وجيههم ضااااحكين علينا!!!

الشخصيات الكرتونيه المنتشره بكل مكان ... مثل بلوتو ... و باباي ... و زيتوووونه ... و دووونالد دك و غيرهم.


اضغط على الصورة لفتحها بصفحة مستقلة


مطاااااعم حلوه و نظيفه <<< ركزوا على نظيفه و قاااارنوا بلللي عندنا!!!! منتشره بأرجاء المكان..

فنادق للسكن لأن طبعا يوم وااااحد غالبا مااااايكفي ابد ...


توجهنا الى (( البورت افنتورا )) صباحا عن طريق القطار في رحله مدتها ساعة تقريبا ... و

لوكنا نعرف انها تحتاج سكن كان جهزنا حالنا بس خيرها بغيرها..


و اخيرا ...


هذي مجموعة صور من برشلوووونه....





اضغط على الصورة لفتحها بصفحة مستقلة



اضغط على الصورة لفتحها بصفحة مستقلة




اضغط على الصورة لفتحها بصفحة مستقلة




اضغط على الصورة لفتحها بصفحة مستقلة


7

7

7


يتكلم عربي


اضغط على الصورة لفتحها بصفحة مستقلة



و بكيـــذا ... انتهى الكلااااام عن برشلوووونه الراااااااائعه....






قديم 28-10-2007, 03:21 AM   رقم المشاركة : 4
Miss nony
( وِد ماسي )
 
الصورة الرمزية Miss nony
 






Miss nony غير متصل

والله شرحك الرائع


وطرحك اروع





جد حلوه




الحمد لله على سلامتكم




والمره الجايه بروح معكم



خخخخخخخخخخ



ندو




يعطيك العافيه



جد طرح ولا اروووووووووووووووع






تقبلي مروري..






التوقيع :
اضغط على الصورة لفتحها بصفحة مستقلة

قديم 28-10-2007, 11:08 PM   رقم المشاركة : 5
ميــ قمر14ــشو
( وِد ماسي )
 
الصورة الرمزية ميــ قمر14ــشو
 






ميــ قمر14ــشو غير متصل

ندوووو والله عورتي قلبي بهالموضوع ...


احنا مدفونين بالحيا هنا


من جد ناس عايشين ...


موضوووع حلوو ندووو وصور حلوووة ...


بس ورى ما علمتيني أروح معكم ... كان دليتك هناك تراني أدل برشلونة شارع شارع



يسلمووو ندووو والحمدلله على سلامتك






قديم 29-10-2007, 01:47 AM   رقم المشاركة : 6
%فزولها%
مشرفة السياحة والسفر
 
الصورة الرمزية %فزولها%

يسلمك ربي خيتو على روعه الطرح والراحله الاكثر من رائعه من جد رحله متميزه وكاني معاكم ههههههههههه من حلوت تعبيرك <<<بس مكانك سمنتى كلها اكل مشاء الله اجل كذا يبغي لك ميزانيه خاص للاكل هههههههههههههه بالعافيه خيتووووو
وحمدلله على سلامتكم يارب

دمتي بود...فزوو






التوقيع :
\\استغفر الله واتوب اليك

قديم 29-10-2007, 08:55 AM   رقم المشاركة : 7
فـتـىآ ألـشِـمـآل
Band
 
الصورة الرمزية فـتـىآ ألـشِـمـآل
 






فـتـىآ ألـشِـمـآل غير متصل

يعطيك العافيه نــدىآ


طرح ولا أروح

وشرح أروع وحلو بالمررررهـ

والحمدالله ع السسلامه


وثآنكسسس

ويعطيك العافيه
وعسآآآآآآآآك ع القــوهـ

وتحياتي






قديم 29-10-2007, 12:37 PM   رقم المشاركة : 8
سلطان القصيم
( وِد ماسي )
 
الصورة الرمزية سلطان القصيم

شــــــــــــــكراً ندى على الطرح الجميل والحمد لله على السلامه

تحياتي

سلطه






التوقيع :
اضغط على الصورة لفتحها بصفحة مستقلة

قديم 30-10-2007, 10:32 AM   رقم المشاركة : 9
عيونكـ غرامي
( وِد ماسي )
 
الصورة الرمزية عيونكـ غرامي
 







عيونكـ غرامي غير متصل

يسلمووووووو







التوقيع :

قديم 30-10-2007, 04:33 PM   رقم المشاركة : 10
nada
( وِد ماسي )
 
الصورة الرمزية nada
Icon7

miss nony



الله يعافيك حبيبتي....



تقبلي ارق التحايا..







موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:48 PM.




 


    مجمموعة ترايدنت العربية