إرجعي يابنت راحت في سيول الغدر عاد=جاها سيل ٍ قد تسمى سيل من خان الأمانه
أهـ . ياقلبي عليها كيف انا اطيق البعاد=من يملّي الدار عقب اللي ضوالي في مكانه
وش يفيد إن كان سمّو مايسمونه فساد=الفساد اللي جرالي بالحياه وشهو عشانه؟
يافساد الطبع ماني واقفه ضِدِه عناد=مير خل البنت صدري غص ياويلي حنانه
هلّت إدموعي وهمّي زاد فالدنيا وزاد=فوق هم القلب هم ٍ يقطع اليومه رجانه
هم خلاّ اليوم جِده كل مافيها سواد=كِنّها الدنيا تخلّت مابقى فيها سوانه
راحت اليومه ضناي وكم بكى اخته ( زياد ) =ماقطعها يوم راحت بالذِكِر مره لسانه
قال يمّه وين اختي وين وديتوا سعاد=قلت راحت ياضناي وكل يوم ٍ في حضانه
كان إلامِنه بغاها جا يناديها ثعاد=لجل تلّعب وإتّسلى دوم يعطيها حصانه
مابقى له في حياته كود يالذكرى جهاد=كل مامرّت طواري الاخت يبكيها زمانه
أهـ . ياقلبي تقطّع لوهو اليومه جماد=ماصِبَر واللي يشوفه ( فوق ) لاقيل الخيانه
من ربى في دار عِز ويسرق اليوم البلاد؟=خان دار وخان ربع وخان حتى فالديانه
نار في صدري ولاهو عاقِب النار الرماد=نار ماتطفي وانا اللي في لهايبها مدانه
ليتني كِنْت وبِدَلْها مير ليت القول فاد= لولا ديني في صلاتي عقلي زوّد في جنانه
احمد الله الولي اللي عدل بين العباد=مايضيع الحق دامه بالعدل ربي كسانه
يالله اللي لارجيتك إهدني درب الرشاد=إهدني للرشد قلبي زوّدِه من صبر عانه
نعم اخي الحبيب
الوضع كامل كان ولايزال محزن للغاية
ولكن ليس منا لهم إلا الدعاء
ان يرحم الله شهداء الأربعاء الاسود وان يسكنهم فسيح جناته
وان يلهم اهلهم الصبر والسلوان
كل الشكر والتقدير
الملك عبدالله بن عبدالعزيز آل سعود حفظه الله ورعاه
وكل ما نتمناه هو أن يجازون ويعاقبون بأشد العقاب
لأن غدرهم بتوصيل الأمانة وإتمامها على أكمل وجه
لا يمر مرور الكرام فما حدث لا يمكن بأن يغتفر أبدا
أخي نايف لقد أثرت مشاعر الحزن بداخلي
لك مني كل التقدير بالفعل أنت شاعر لك مستقبل مبهر
بإذن الله نجم قادم بقوة لعمق حرفك وتمكنك من الوصف
أتمنى لك النجاح والتميز
اختي الكريمة
ملكة الخواطر
السلام عليكم ورحمة الله وبركاته
حقيقة يعلمها الله أنني لم اكتب ماكتبت لتسجل لي كقصيدة
على العكس تماما
لقد رأيت الصورة وكانت لديّ مغيرها منذ الحادثه
وكان هذا اليوم إحساس بالصورة ترجمته بهذا الشكل والقالب الذي ظهرت فيه
فهل هي قصيدة ام معاناة ام الم ام حسرة
لا اعلم
فقد اتت بهذا الشكل
ولكن الشكل والقالب وإن قيل عنه فنّي
لايهم
المهم انه إحساس وشعرت به والمني ما المك وما اصابك حين رأيتي الصورة تأكدي انه اصابني وانا اكتب الكلمات واثر ربما اكثر مما تتوقعين
ولكن هي قدرة الله سبحانه ونحن مسلمين لن اقول على المسؤولين تحمل تبعات الأمانة او خيانتها ( العلم عند الله )
ولكن حسب ماقرأنا هناك تحقيقات وبعدها يفعل الله مايريد
على العموم اقول ولجميع من شرفني هنا
اعتذر على نقل الصورة بهذا الشكل والقالب الفني
ولكن هذا ماتخيلته واحسست به
اختي ملكة الخواطر
كل الشكر والتقدير ايتها المبدعه بالتواصل