حسبتك عديم الاحساس وصرت لي كل احساسي قصه رومانسيه سعوديه رووعه

[عاشقة الحرف]

رجع غاص جو المويه كانت مالحه والملح يضر عيونه صعب عليه الرؤيه يحاول يفتح اكثر ويركز على الشي اللي قدامه مو قادر....



كان شعرها يلف على وجهها صارت مثل الملايكه بس جوى البحر بسرعه مسكها وطلعها من المويه ركبها على جت سكي وطار بها للشاطئ

الكل كان مستني على نار نوف وصلوها بالقارب على الشاطئ شافت احمد مثل الجنون بس يسألها هذا يعورك واالا هذا والا وين
نوف تناظره وتوزع ابتسامات: لا مافيني شي بس راسي شوي
احمد:يله قومي نروح المستشفى بس انشاء الله خالد يلقى مهاالله يستر
نوف بدت تبكي: ليش ما لقى لحد الحين
مشاعل سمعت نوف وبدت المناحه: ياويل قلبي اختي راااحت وكله منكم انتو السبب انتو السبب
الكل التفت عليها...
زياد تكلم عن الكل:انتي اكيد مجنونه احنا لاغصبناها ولا ضربناها على يدها اهي كانت تبي تركب مع البنات
مشاعل بدت تصرخ وترفع صوتها: انت تسكت واخر واحد تتكلم لانك معقد ومريض لا تتكلم اصلااا واختي رجعوها رجعوها
في قامت بعد سكوت طول وعطتها كف:انت راح تسكتين والا اسكتك بطريقتي
كلهم تفأجو من في وكيف ضربت مشاعل حتى في تفأجات من نفسها بس حز في نفسها انها تتكلم بهالطريقه عن زياد
كانت ماسكه مكان الكف حس بألم: ومين انتي تمدين يدك علي ميييييييين
قربت منها ناويه تضربها مسكها احمد وفي مسكتها مي
في واهي تصارع توصل ضربه لمشاعل بعد ما كسرت مي المسكينه: انتي لو ان عندك ذره اخلاق بدال الصراخ اللي سويتيه كان دعيتي لاختك اننا نلقاها يا مجنونه
مشاعل تبي تحرق قلب في: اقول انتي ما تكلميني يا الفاجره يا الكذابه
مي وفي تأكدو انها سمعت كلامهم امس
في مسكت اعصابها وتركت المكان وراحت
مشاعل حست بالنصر انها سكتتها وما قدرت ترد
######################################

في هاللحظه وصل خالد بعد ما هلك كل ملابسه مويه وباين عليه التعب طلع شايل معاه جثه
جثه او عايشه ما كان احد يعرف خالد كانت يديه ترتجف ومافي عنده ولا كلمه يقولها من التعب طاح على ركبه: لقيتها
احمد وزياد ومشاعل ركضو عنده
مشاعل تضرب اختها على وجهها: مها مهاااا اصحي لا تخليني قومي
احمد يبعد مشاعل عنها: خلينا نوديها المستشفى يله مافي وقت
زياد: عطوني المفتاح
خالد مرهق من السباحه: لا انا اللي بسوق
زياد مسك خالد من كتفه:ياخي شف شكلك تعبان ريح وانا بوصلهم عاد
خالد بأصرار واهو حاط عينه بعين زياد: زياد انا اللي بوصلكم
زياد استسلم: خلاص بس بسرعه
خالد قاوم تعبه شال مها وركبها في السياره كانت مي مع مها ورى حس بختناق طول الطريق كان كاتم على اعصابه ونفسه حس انه متتمزق متشتت متندم خاف تتركه خلاص نسى كل شي بعد ما عرفها عرف شخصيتها الحقيقيه

مي كان راس مها عليها تحس بنبضها كل ماله ويضعف : خالد يله اسرع اسرع
خالد كان مختبص ما يدل مستشفيات الشرقيه مثل الرياض بالصدفه طاح في مستشفى : يله بسرعه
شالها وخذوها بالنقاله ودخلوها على الطوارئ وصل احمد ونوف ومي وفي ومشاعل ومتعب اللي انقسمو مشاعل ومتعب مع زياد والباقي مع احمد
احمد جاي يركض من الباب شاف خالد مثل ما عمره ما شافه
كان يدور مثل الضايع مو عارف يجلس في مكان
%%%%%%%%%%%%%%
كان يمسك من الكتيبات اللي على الطاوله ويرجع يرميها يقوم ويجلس راح عند مي اللي كانت جالسه تدعي لها قاطعها: مي وش يسون لحد الحين لها ساعه طولو
مي تحاول تهديه: لا تخاف بس ادعي لها الله ينجيها يارب
خالد من قلبه: يااارب
مي استغربت حال خالد لما كلمها حست بقلبها يدق بسرعه بدت الالام في بطنها كانت تحسها لما تشوف او تكلم زياد بس الحين كل شي يتغير بس ليش باين عليه انه بيموت خوف على مها معقووول
معقول انه يحبها بس انا ؟؟ انا كنت احسه يحبني وش اللي تغير ايش اللي تغير


$$$$$$$$$$$$$$$$$$$$$$$$$$$$$$$$$$$$$$$$$$$$
نوف دخلوها غرفه الطوارئ عشان يخيطون الجرح اللي براسها دخل معاها احمد بعد ما حطت طرحتها على وجهها دق الباب ودخل
ابتسم لها: الحمد الله على سلامتك
نوف نزلت راسها: الله يسلمك
احمد: انا كلمت الدكتور والاشعه وكل شي صار سليم الحمد الله بس جرح وغرزتين خوفتيني عليك
نوف:ماكان قصدي
احمد: طيب متى يكون قصدك وتحنين علي تراني تعبت
نوف: احمد هذا مو وقته
احمد حب يأجل الكلام: انا بخيلك متى ما ارتحتي
نوف: مشكور
طلعو برا راحت نوف للأستراحه كانت جالسه مع مي وفي مشاعل اللي جالسه توزع نظرات حقد لفي لولا انها في مستشفىيمكن رجعت وتطاقت معاها بس مسكت نفسها عشان اختها
والشباب كانو جالسين في استراحه الرجال الا شخص واحد ما قدر يرتاح في مكانه حتى بعد الجهد اللي سواه عشان يطلعها وينقذها

خالد اهو الوحيد يدور في ممرات المستشفى الخاليه ريحه المستشفى المعروفه منتشره في ارجاء المكان كان يسمع صوت حرمه بتولد وتصرخ
ويسمع انين وبكاء كفل متعور
كان يتمنى يسمع همست اسمه من صوتها من شفايفها بس تقوم بالسلامه
واخيرا طلع الدكتور
خالد راح له يركض : ها يادكتور طمني
الدكتور: ايوه هو الحمدو لله انتو لحقتو عليها في اخر لحظه يعني ممكن لو تأخرتو علينا شويه زياده كان البنت يا ماتت يا غيبوبه من المويه اللي شربتها
خالد" اعوذ بالله دكتور نحس"
خالد: طيب يا دكتور هي كيفها الحين
الدكتور:الحمدو لله هي الحين في العنايه محتاجه ترتاح عندنا تحت المراقبه على الاقل يومين هي شربت كميه ميه كبيره بس الحمدو لله مش كبيره كفايه انها تسبب غيبوبه يعني ممكن تكون نايمه دلوقتي بس والراحه ثم الراحه
خالد بنظره رجاء: طيب ممكن ادخل واشوفها
الدكتور: هو انت تقرب لها ايه اخوها
خالد مالقى غيرها حجه: ايه اخوها بس ادخل
الدكتور: ايوه تفضل بس ما تطولش لو سمحت
خالد: من عيوني
:::::::::::::::::::::::
لمس باب غرفتها بروده ليده دخل لقى شعرها متبعثر بشكل فوضوي حول وجهها وجهها كان ابيض ويعكس نور الغرفه عليه مع ان التعب والارهاق مبين عليها جلس يتأمل ملامحها الطفوليه دقايق حس الوقت وقف ومافي احد عايش معاه على الارض
غيرها
خالد جلس بكل هدوء على الكرسي اللي جمبها قرر ان هذا احسن وقت يعترف باللي في قلبه وماراح يخبي شي
لما الواحد يكون على شفا حفره انه يخسر شخص مهما كان تبين محبته بالقلب وتخاف يروح واهو ما يعرف اهو ايش بالنسبه لك
قرب من سريرها بدى يهمس لها بكل هدوء: مها انا بقولك سر
كان يحسها تسمعه بس مو قادره تجاوب:انا عارف انك تسمعيني بس انا بقولها
يتبع>>

[عاشقة الحرف]

تابع>>
خالد مد يده ومسك اطراف اصابعها حس بنعومتها بدفى جسمها كله متركز في انامل يدها الصغيره:مها انا ماراح اتردد هالمره لاني متاكد من نفسي
كمل كلامه: عمري ما خفت افقد احد مثل ما خفت افقدك واكيد لهذا معنى كبير بالنسبه لي مهما يكون مها انتي السبب في هذا التغير
اشر على نفسه واشر على قلبه وكمل: وما في احد سكن هالشي غيرك وما ابيك تافرقيني ابدا لاني
مها واهي مغمضه عيونها والتعب باين على صوتها: لانك ايش
خالد كان منزل راسه حسب نفسه من التعب يتوهم صوتها لانها كانت نايمه:ايش
مها فتحت عيونها بصعوبه ولفت بوجهها على مكان جلوسه: اقول انت ايش
خالد من فرحته وقف وجلس يدور بالغرفه مثل المجنون: انتي صحيتي ياناس البنت صحت
مها حطت اصبعها على فمها:هشش
خالد رجع بسرعه وجلس في مكانه: انتي هش واسمعيني
ابتسمت وسكتت: طيب كمل
خالد مسك يدها وسحبتها منه: طيب هالمره اسحبي بس تراني توني شايلك ما ادري انك دبه كذا
ضربت بخفه على كف يده: انا دبه والا انت
خالد:هههههههه لا انا بس ابي اكمل اللي عندي
مها: طيب
خالد: مها انا ااحبــــــــــــــــــــــــــــــــــــــــــــــ ـــــــــــــــــــــــك
مها نزلت منها دمعه فرح ما توقعت انها تحب وتنحب حب حقيقي صدق ياما سمعت كلام حب وكلمه احبك من كثااار
بس طعمها غير منه من خالد
خالد مسح الدمعه اللي على خدها بخفه: لي الدموع طيب
مها: انا فرحانه
خالد: من جد
مها تهز راسها: ايه من جد لاني انا احبك بعد
خالد ما صدق انها سمعها تقولها: ايش عيدي ما سمعت
مها انحرجت منه: لا يكفي مره
خالد نزل على ركبه وحده ومسك كفوفه ببعض يترجاها: تكفين تكفين اذا ما قلتي مره ثانيه بنسدح تحت سريرك بعد
مها ضحكت وبعدها كحت: ههههههههههههههههههههههه
خالد : تعبانه انادي الدكتور والا أي احد
مها تهز يد وحاطه الثانيه على فمها: لالابقول بقول
خالد: ايه خلك حرمه سمعيني
مها: اخر مره اقولها
خالد: قولي اول وبعدها افكر
مها:هههههههههههه لاوالله
خالد: امزح يله
مها همست : قرب طيب
خالد قرب منها
مها:قرب بقول في اذنك
خالد قرب اذنه منها وبعدها صرخت في اذنه بووووووووووووووووووو
خالد نط نطه : لله يقطع بليسك مريضه من وين طلعتي هالصرخه
مها: يمه بتنظلني
خالد: انا انظلك انتي انظل نفسي ولا انظلك مع اني معروف ابو عين ناررر
مها خافت: يمه ليش
خالد سحب الكرسي وجلس ناوي يدق سوالف الاخ: انا اقولك مره مسافر انا وخوياي لسوريا تمام
مها:تمام
خالد: عاد احنا طول اليوم ندور في الحر ندور تكسي وكل ما وقف واحد يطلع السياره مافيها مكيف حلو
مها معاه على الخط: حلو
خالد: عاد بعد يمكن عاشر تكسي ركبنا واحد فيه مكيف ركبت انا قدام وسطام ونايف ورا
مها: ايوه
خالد: عاد انا اول ما شفت مكيف قلت اوووووووه مكيف شي
مها:هههههههههههههههههههههه وبعدين
خالد: انفجر وطلعنا نركض وحق التكسي يلحقنا يبي فلوسه
مها:ههههههههههههههههههههههههههههههههههههههه

خالد: بس انتي ماانظلك عيني عليك بارده انا استأذن الحين ياحلو
حزنت انها بتفارقه واكيد ماراح تشوفه بعد ما يدرون اهلها: طيب اتصلتو على اهلي والا لسى
خالد: انا بطلع اقول للي برا محد يدري ان الدكتور طلع غيري خخخخخخخخخخخ
مها:هههههههههههههه طيب قلهم اكيد مشاعل انجنت
خالد كان يقصد نفسه: مو بس مشاعل الكل
مها استحت: اوكي اشوفك على خير
خالد طلع من الباب ودخل راسه: مع السلامه يا عسل
مها: باااي


%%%%%%%%%%%%%%%%%%%%%%%%%
رجع لهم وعلم البنات ودخلو لها
مي: تبوس مها: الحمد الله على سلامتك خوفتينا عليك
مها: الله يسلمك يا مي
مشاعل جت ودفت مي وحضنت مي وبدت تبكي: يازفته خوفتيني عليك
مها : والله كل بسبب زر البنزين علق علي وما عد شفت شي
اتصلت ام احمد على البنات وعرفت السالفه ربع ساعه الا كل العائله كانت جوا المستشفى
حصه دخلت ودها تبكي او تمثل انها تبي تبكي:وينها بنتي بنتي
دخلت وحضنت بنتها ودخل ابوها وعمها ابو فهدوالكل دخل وتطمن عليها
&&&&&
ابو احمد طلع برا: وانتو وشلون تستنون كل هالمده عشان تقولون لنا
احمد: يبه احنا نبي نتطمن اول عليها وبعدين
ابو احمد: بعدين ايش تعلمونا احنا اهلها يصير خير
احمد: يبه ماصار الا الخير لاتكبرر الموضوع
&&&&&&&&&&&&&
الكل زراها حتى لمى مره فهد ما قصرت معاها طلعو وتركوها جتى امها لما طلعو الناس
رمت عليها كلمتين مثل السم: هذا جزا اللي ما يسمع كلام اهله تستاهلين
مع انها كانت هاالفتره مطيعه لامها ما عصت لها كلمه جلست لحالها طفشت من المكان
قامت شالت الطرحه اللي على راسها وراحت للمرايه ناظرت عيونها كيف تغيرت 180 درجه بس من يوم واحد في المستشفى لو بتطول اكثر وش بيصير فيها
بعدها رجعت تضحك على خالد وعلى هباله استغربت كيف الواحد ممكن يحب بهالفتره القصيره مو مستحيل معقول اكيد

سمعت الممرضه تدخل الغرفه معاها اجمل باقه شافتها في حياتها فتحت عيونها بقوه
كانت عباره عن سله من الخيش كبيره وكلها ورد احمر وفي النص دبدوب كبير لونه بيج وفيه شريطه حمرا مربوط فيها حرفين
قربت بعد ما حطت الممرضه الباقه وجلست تضحك: this is from your boy friend rite??
مها انقهرت منها تحسبنا مثلهم بوي فريند وهالاشياء كشرت وقالت: no my brother
الممرضه جلست تبربر وبعدها طلعت
مها قربت من البوكيه الكبير الاحمر وشافت الدبدوب متعلق في رقبته سلسله فيها حرفين فضه
K&m
شالت السلسله ورجعت للمرايه ولبستها شافت كيف حلوه شافتها معلقه على رقبتها
راحت في عالم ثاني
يتبع>>

[عاشقة الحرف]

تابع>>
&&&نرجع للرياض&&
اميره هي صديقه مشاعل الروح بالروح تعرف رزان اللي تكون بنت عمها واهي تدرس مع مي وفي ونوف في نفس المدرسه
رزان طويله جسمها حلو وشعرها صابغته اشقر مع خصل عسلي وبيج محلي لون بشرتها اكثر بنتعرف على شخصيتها المعقده في الاجزاء القادمه
اميره كانت مايله انها تكون سمينه اكثر بنت جمالها متوسط حنطيه وشعرها لحد كتفها ولونها بني
كانو مجتمعين في بيت جدهم الكبير
اميره ورزان كانو جالسين في غرفه ويسولفون واو يتناقشون في موضوع باين انه مهم
اميره ماسكه نفسها ما تعلي صوتها: انتي اكيد مجنونه
رزان:ليش مجنونه عشاني احبه
اميره: لو أي احد على هالكره الارضيه راح يكون في نسبه العلاقه تنجح لو 1% الا هو مافي امل يا رزان انسي انسي
رزان وعيونها مليانه دموع: ليش حتى الحلم بخلانين علي فيه ما اقدر انساه احبه يا اميره احبه
عارفه لما يحضنني احس اني اذوب في حضنه ما ابي اتركه ماا اقدر اتركه اغار عليه من الهوا الطاير
اميره ودها تمسك رزان من شعرها: انتي عارفه من تحبين يا مجنونه
رزان: ايه عارفته ومقتنعه
اميره : مقتنعه انك تحبين عمك عمك
رزان: تحسبين انا لحالي احبه تراه اهو يحبني بعد
اميره انصدمت من عمها: اهو قالها لك
رزان صلحت فستانها القصير وجلست على السرير: تحسبين كل هالسنين اروح معاه الغرفه واجلس بالساعات ليش
اميره حطت يدها على فمها ما توقعت بنت عمها ممكن توصل هالدنائه والحقاره
رزان خاافت من نظرتها وفهمتها على طول: لالالالالا انتي مجنونه ما طحنا بالحرام لا
اميره ارتاحت شوي بس مو كليا: طيب وش تسون
رزان خذت نفس: اه نجلس نتكلم ونتكلم ونتكلم
اميره: عن ايش
رزان: عن كل شي يا اميره عارفه لما اكون معاه ودي الساعه توقف والساعه ما تستمر في الدوران لما يمسك يدي انتي ما تحسين باللي بقلبي محد يحس فيني غيره
وبدت تبكي بكى قوي
اميره حزنت على حالها لان املها في هالحب مستحيل حب محرم محرم تحب عمها اخو ابوها
××رزان تحب عمها الصغير اصغر واحد الوحيد اللي لسى ما تزوج اسمه نواف يدرس صيدله باقي سنتين ويتخرج من جامعه الملك سعود كان شخص ينضرب فيه المثل في الاخلاق والادب والوسامه لانه اوسم عمانها طويل وابيض شعره اسود سواد الليل خشمه صغير ومسنون شفايفه صغار وجسمه حلو××

ااااااااااااااااااااااااااااااااااااااا
اميره حضنت رزان اللي كملت كلامها واهي تبكي: اه يا اميره والله احب التراب اللي يمشي عليها لو يقولي بوسي الارض اللي دعسها ببوسها بس المشكله لو احد يدري ممكن يحرمنا من بعض وانا ما اقدر..,…
اميره: ليش في احد حس او درى
رزان بعدت عن صدر اميره وكملت كلامها:ابوي
اميره: مييييين عمي
رزان: قالي اذا شفتك جالسه تحضنينه مره ثانيه بحرمك منه وما ابيك تروحين تجلسين في غرفته من اليوم ورايح ذاك اليوم قطعت نفسي صياح في غرفتي

اميره: طيب وش رايك نسوي لنا اليوم سهره حلووه تنسيك همومك

رزان مسحت دموعها: مع مين لاتقولين زي طلعه الاسبوع اللي راح ترا طفشت بس جالسين نتفرج عليهم واهم يشربون وريحه وخياس ابي سهره سهره صح
اميره: افااا عليك انا قد وديتك مكان وما كان صح
رزان: ابي انسى كل شي تراني تعبااانه
اميره: حبيبتي الحال من بعضه بس هالمره بنطلع استراحه شي حلو بالثمامه كلها بنات ورقص وبعدها بتصير مكس الحفله
رزان: هذا اللي ابيه وهالمره بشرب ابي انسى كل حياتي كل شي
اميره: جربي اصلا مره وماراح تندمين اتفقنا
رزان: اتفقنا

في هاللحظه طق عليهم الباب وفتحه: السلام عليكم
رزان حاولت تخفي اثار الصياح اللي صاحته..
اميره ورزان: وعليكم السلام
اميره: هلا عمي نواف تفضل
نواف دخل وجلس على الكنبه الكبيره: اميره ممكن تخلينا لحالنا
اميره ما صدقت قالها وتنحاش:ايه انشاء الله
طلعت وسكرت الباب وراها

نواف : وشلونك رزان
رزان: بخير
نواف: رزان انا بقولك خبر تسمعينه مني احسن ما تسمعينه من غيري
رزان كانت ساكته:.............................
نواف: انا بخطب
انهارت تكسرت حست خلايا جسمها تنهار خليه خليه من كل حرف قاله كرهت الدنيا واسودت في وجهها ليش احب اللي حرام احبه ليش قلبي ما اقدر اتحكم فيه ليش ببرود اعصاب : مبروك
نواف تفأجأ رده فعلها توقع انها تنهار : بس هذا اللي عندك
كانت مثل تستنى منه كلمه عشان تنفجر في وجهه: وش تبي مني انت وش تبي
كنت احبك كنت بس اكتشتفت متأخر ان اللي اسويه مو خطأ وبس الا حراااام
وانا ما تفرق معاي الحلال والحرام انا عادي عندي بس مثل ما خسرتك انت خسرتني فاهم انت خسرتني

&&وطلعت وسكرت الباب بأقوى ما عندها تركته عاجز عن الكلام ويفكر بكلامها
طلعت تبكي دخلت الحمام ((الله يعزكم)) اكثر مكان راح تقدر تختلي بنفسها فيه
بكت لحد ما خلصت دموعها وكل ما حسبت خلصت يبقى لسى بقايا جروج في قلبها ما تعالجت تحسب نفسها انها لما تطلع مع شباب في شقق واستراحات وكل الفساد تسويه هناك الا الزنا
تحسب بهالطريقه تقدر تعاقبه وتعاقب اهلها ما تدري انها بالهطريقه ما تعاقب غير نفسها ولازم تستعد لعقاب ربها مسحت دموعها وطلعت وكملت يومها بشكل عادي

%%%في البحرين%%
كانت حاسه انها خايفه تفرح تنصدم بشي يخرب عليها فرحتها اليوم علي وابوه بيجون يكلمون اخوانها ويخطبونها رسمي
ام فاطمه: هاييمه وصلو
فاطمه: مدري يمه مدري
صوت الجرس قطع كلامهم
فاطمه قلبها يدق في الدقيقه مليون دقه:يمه الحين وصلو
ام فاطمه ضحكت ضحكه بينت خطوط وجهها المسن: مبروك يا بنتي
فاطمه : يمه باركي لي لما عيالك يوافقون اول عليه
ام فاطمه ماسكه رجلها مسكتها فاطمه وجلستها : يمه مو قلتي ان الرجال سنع
فاطمه: ايه يمه اخلاق بس عيالك كل شوي يطلع في واحد عذر كله عشان هالعله للي ناشب بحلقي يحيي
ام فاطمه: صدق اخوانك يطلعون علل بكل واحد بس اذا وش اسمه
فاطمه : علي يمه علي
ام فاطمه:ايه اذا علي طيب وابن ناس ماراح يردونه وانا بتصرف معاهم
فاطمه تنهدت: انشاء الله يمه انشاء الله

^^^^^^^^^^^^^^^^^^^^^^^^^^^^^^^^^^^^^^^^^^^^^^^
&&&نرجع للشرقيه&&&

[عاشقة الحرف]

الفصل الاخير من الجزء الثامن...
^^^^^^^^^^^^^^^^^^^^^^^^^^^^^^^^^^^^^^^^^^^^^^^
&&&نرجع للشرقيه&&&
في شاليه ابو متعب
مشاعل طفشت من دون اختها: يمه
حصه: وصمه نعم
مشاعل: يمه متى بتطلع مها
حصه واهي تناظر التلفزيون : بكرا
مشاعل:طيب ليش ما خليتني اجلس عندها
حصه: بس انا حره
مشاعل طفشت من امها: يوووووه وش هالحاله
حصه: طسي بس
متعب: من جد يمه طفشنا خلونا نروح نشوف مها
حصه: انا تعبانه ماراح اروح خلاص اهي طيبه ومافيها شي
متعب: اقول شعوله قومي نروح مع في ومي
مشاعل: لالا ماابي اشوف وجهها
حصه عصبت منها: ليش انتي وش بينك وبين بنت خالك
مشاعل: ما احبها ما اطيقها
حصه: اذا سمعتك تقولين هالكلام مره ثانيه قصيت لسانك قص
مشاعل طفشت طلعت مع متعب يدورون احد يوديهم المستشفى لمها
متعب: طيب اتصلي على ابوي
مشاعل:ههههههههههه ضحكتني ابوك حاله من حال امك مو كن اللي منطوله في المستشفى بنتهم
متعب: والحل
مشاعل: خلاص انا بتصرف بس البس وانا بروح البس عباتي
كان واقف قدام المرايه يتكشخ وولبس ويتعطر : ميين
طلت من الباب: انا
خالد: ها نوف وش تبين
نوف تناظره من فوق لتحت: اش اش معرس في شهر العسل وين رايح
خالد: امييييييين
نوف: شف والله طاالعه من قلب
خالد: لا من خشم اكيد من قلب
نوف واهي تجلس على طرف السرير: اذا ميت على الزواج قل لامي تخطب لك طيب
خالد رجع يصلح شعره:كل شي بوقته حلو
نوف فكرت في نفسها بعد: ايه صح
خالد جلس يدخل جواله ومحفظته في جيبه: طيب مطلوب مني شي الحين
نوف: لا بس مجرد لقافه وين رايح
خالد: بروح اوصل مشاعل ومتعب عند مها ما عندهم احد يوصلهم
نوف: والله
خالد: ايه ليش
نوف: طيب انا بروح معاكم
خالد: اخلصي اذا بتتأخرين تعالي مع مي وفي
نوف طارت: لالا بس بجيب عبايتي
****وصلو المستشفى***
نوف نزلت راحت محل الورد بتاخذ ورده لمها شرت ورده لونها فوشي ملفوفه بطريقه جذابه وحلوه لانها امس شرت لها بوكيه كبير لونه فوشي واصفر وما حبت تدخل عليها يدها فاضيه
نوف واهي طالعه من المحل: اعوذ بالله منك
خالد: وانتي وش هالبخل جايبه ورده وحده للبنت
نوف تكش على وجهه: والله انك قروي يا غبي جبت لها امس بوكيه وش كبره هو حلى اليوم بس ورده ادلعها
خالد: طيب يا ام الدلع يله
نوف: انت اللي رايح ويدينك تصفر
خالد جلس يصفر:خخخخخخخخخخ اقول امشي بس
^^^^^^^^^^^^^^كانت في غرفتها تقرى للمره المليون الكرت للي ارسله لها خالد...
كان حلو وكله رومانسيه كان الكرت كبير واحمر وفيه قلب احمر في النص وفيه لمعه حلوه
صدق كان الكلام قليل بس كفاها انه كاتبها لها اهي وانه حاط اسمه اخره
كان كاتب
غبت يوم وعذرناك..... وبولهنا انتظرناك
يالله ارجع كفايه ......بصراحه فقدناك
وانا مسكين مييت مشتاااااااااااق لك

oOoOoخالدoOoOo
طقو الباب بسرعه خبت الكرت المخده ....
نوف: السلام عليكم
مها تعدل جلستها: وعليكم السلام هلا نوفه
مدت لها الورده: تفضلي والحمد الله على سلامتك للمره العاشره
مها:هههههههههههههههه الله يسلمك للمره العاشره
خالد كان واقف بعيد يوزع عليها نظرات وابتسامات واهي ما قصرت معاه بس حاولت ما تشكك نوف يها
نوف شافت البوكيه اللي جابه خالد انجنت عليه: اللللللللللللللللله مرره حلو
مها كانت تناظر خالد وتضحك بس لما تكلمت نوف كتمت ضحكتها على طول
مها: ايه حلووو
نوف تدور كرت بين الورد: طيب ما في كرت مين اللي جابه
مها تبي تبرر: جابته لي الممرضه ما تدري من مين
خالد غمز لها وهو يحرك شفايفه بدون صوت: حلووه الكذبه يا عسل
مها ضحكت:هههههههههههههههههههه
نوف استغربت لاتكون انهلبت: وش فيك تضحكين
مها: لابس تذكرت شي يضحك
نوف: اهااا
دخلت مشاعل ومتعب اللي مرو الكوفي وشرو لمها موكا لانها مدمنه عليه وقطعه كيك شوكلاته
مها:اللللللللللله موكا
مشاعل تمد لها الكيس: بالعافيه عارفه انك مشتهيته
مها: مشكوره ايه والله في نفسي من زمان
متعب مد بوزه: ترا انا اللي قلتلها النصابه
مها فتحت يدينها تبي تحضنه: تعال طيب
متعب ينطط:ياحظي ياحظي
الكل ضحك على هباله ....,,,,,,,,
جلسو عندها لحد المغرب وجلست معها مشاعل ترتب شنطتها لانهم بكرا راجعين الرياض بعد ما قدمو رحلتهم يوم بسبب اللي صار لمها
مشاعل تحط ملابس مها بشنطه صغيره:ايه ماقلتي من مين هالورد
مها كانت تناظره وتتأمل كل ورده فيه: قلت مدري مين اللي جايبه ماكان فيه كرت
مها: الا تعالي ما قلتي لي ذاك اليوم في الكورنيش
مشاعل سمعت من هنا وبدت تتوتر مها لاحظت رده فعلها
مها: وش فيك اعصابك
مشاعل: مافيني شي
مها: طيب وين رحتي ذاك اليوم لحالك جلستي تدورين يعني
مشاعل: ايه ايه بس ادور وش فيك تسألين
مها: لا ولاشي بس مين بيجي ياخذنا من هنا
مشاعل: اكيد ابوك بعد لازم يجي يوقع اوراقك ويدفع عشان نطلع انا طفشت وابي ارجع الرياض بصراجه
مها : وانا ودي اجلس هنا المكان مره حلو
مشاعل استغربت من كلامها: تبين تجلسين في المستشفى يالخبله
مها: لالا وش مستشفى يعني في الشرقيه قصدي
مشاعل: بس بكرا الصباح بنروح نطلع نتمشى مارحنا لمكان بس جالسيه في الشاليه
مها: وين تبين نروح
مشاعل: نطلع بيتش مول مارينا مول أي شي
مها: خلاص خلينا نقولهم كلهم يطلعون معانا
يتبع>>>

[عاشقة الحرف]

تابع>>
مشاعل: لامابي احد
مها: لاتصيرين كذا انا ماراح اروح لحالي
مشاعل: اف طيب خلاص قولي لهم
سكرت الشنطه على دخله ابوهم
ابو متعب: السلام
مها ومشاعل: وعليكم السلام
ابو متعب: يله خلصي لبسي اختك عباتها مشينا وقعت ودفعت مبلغ وقدره
انقهرو من ابوهم اللي ما همه غير الفلوس وما همته صحه بنته:طيب انشاء الله
&&&&&&&&&&&
يمكن في لحظه كان ينسى وفي لحظات كان يتناسى ماكان مستعد يواجه كلامها له بعد عن كل الناس جلس بكرسي قدام البحر ووقت الغروب الشمس بدت تنزل تحت البحر السما الوانها تبهر العين
اصفر امتزج معاه الاحمر والبرتقالي دخل بينهم اللون البنفسجي اللي اعطاها روحانيه وجمال رباني ابتسم طلع الورقه من جيبه فتحها بكل هدوء
بدى يقرا كلامها له

OoOoحبيبي زيادOoO
اكيد انت الحين زعلان والا متضايق من كل شي حولك واولهم انا زياد انا بسهل الموضوع عليك وبخليك تنساني بسهوله انا كنت خاينه

××كان يقرى كلماتها مثل سكاكين تدخل بقلبه توجعه وتألمه مو مصدق كان يتوقع منها أي شي الا الخيانه الا الخيانه لانها مو من طبعها××
...................................
كمل قراءته
انا كنت خاينه يا زياد كنت اكلمك واطلع مع عشره غيرك وكثير ممكن تسأل فاطمه اذا مو مصدق اني انا اسوي كذا لاني سويتها يا زياد انت تركتني وانا محتاجتك وانا مالي ذنب تتركني وحيده صرت اكرهك أي شي يربطني فيك كل شي يرتبط بأسمك اكرهه واتنى انك تصير تكرهني قد ما كرهتك انت مجرد صفحه سوداء بحياتي اتنمى انك تنساني على طول وتعيش حياتك...

ما كان مصدق اللي يقراه انها خانته فقد ثقته بكل اللي حوله خلود كانت له كل شي بحياته وفي لحظه صورتها تتهدم وتتدمر قدام عيونه صوره تهالكت وانهارت كره نفس
شقق الورقه ورماها طارت مع رياح الغروب قرر انه ما يزعل نفسه عليها اكثر من كذا صدق حبها في لحظه بس رجولته ما تسمح له انه يحب وحده خانته وكانت تكرهه
كلامها فتح له عقله نسى كل شي فكر يرجع يهتم بدراسته ونفسه واهله وبس صفحه وطواها من حياته
%%%%%%%%%%%%%%%%%%%%%

وصل ابو متعب البنات الشالييه عشان مها ترتاح بعد ما طلعت من المستشفى
راحت وحبت راس امها : هلا يمه كيفك
حصه من طرف خشمها: بخير انتي وشلونك انشاء الله مو تعبانه
مها تجلس على الكنبه بتعب: لا الحمد الله احسن يعني صدق بكرا بنرجع الرياض
ابو متعب: ايه خلاص الكل يبي يرجع بسببك
مها : بسببي انا
مشاعل: لا ابوي يمزح معاك
ابو متعب: وش امزح انتي الثانيه اروح اجلس مع الرجال احسن من الجلسه معاكم

&&&&&&&&&&&&&&&&&&&&&&
في الليل يعني على الساعه 8 بعد العشا طلعو الشباب لواحد من الملاعب اللي منعزله عن الناس
وقررو يلعبون مباراه ونادو البنات يتفرجون عليهم
كانو واقفين عند باب شاليه ابو احمد..
زياد: يله ابو احميد خلنا نمشي خلنا
احمد: تبي تروح بالسياره احسن ياخي مسافه
زياد:ههههههههههه طيب يالشايب يله انا بروح معاكم وخالد يجيب الباقي نركب دبابات ونلعب كوره
احمد:هههههههههههههه طيب بعديها اليوم صار
زياد: يله اتصل على خالد شف وينه
...............دق على خالد
احمد: هلا خلود وينك
خالد: ويني جالس اتقهوى مع عصافير الحب
احمد:هههههههههههه مين امك وابوك
خالد: ومن غيرهم وش بغيت
احمد: ولله انت مو وجه شي بس تبي تطلع معانا بنروح نلعب كوره مباراه خطيره
خالد: خلاص يله بجي
احمد: لا شوف جيب معاك البنات ومر على متعب يبي يجي وشوف اذا مشاعل ومها بيجون >>قصده نوف اكيد
خالد يالبى قلب هالاسم: طيب يله وليش مو انت تمر عليهم
احمد حط يده على كتف زياد: اانا معاي زيود وباخذ البنات حقيني
خالد: طيب انت خذ حقينك وانا اخذ حقيني مالت على وجهك
احمد: هههههههه يله بس لا تطول
خالد قام يدور نوف لقاها في غرفتها وباين انها توها متحممه من شعرها الرطب كانت لابسه تي شيرت اورنج وجينز مع حزام نحيف لونه اورنج وفيه لمعه..
////////////////
نوف: نعم شو بدك
خالد : ترا مو لايق عليك اللبناني خلي اللي اللبناني لاهله
نوف تمشط شعرها: لايق مو لايق ما اخذت رايك اخلص وش عندك
خالد: احمد دق علي
واهي قلبها بدى يدق: طيب انا وش دخلني
خالد: يقول بيرحون يلعبون مباراه ويقول جيب معاك البنات تبين تجين والا
نوف: الا بجي يله اطلع ماراح تغير ملابسك
خالد يسحب بلوزته: وش رايك اروح كذا بغير وبجي القاك جاهزه
نوف: انا جاهزه اصلا بس بلبس عبايتي
444444444444444444444
ابو فهد شاف خالد طالع من غرفه اخته
يأشر بيده انه يجي: تعال تعال وين رايحين صايرين تطلعون لا احم ولا دستور كني مو موجود
خالد قام وحب راسه: مشحوم يبه محشوم ما راح نروح بعيد احمد مجمع الشباب وبنلعب كوره وبناخذ البنات يسون تشجيع
ابو فهد عجبته الفكره: طيب وليش ما قلتو لنا
خالد رفع حاجبه: نقول ايش ليش ناوين تلعبون
ابو فهد: وليش لا
خالد: طيب يله تعال
ابو فهد : دقيقه
مسك جواله ودق على كل الشياب وحتى فهد جا
خالد واقف مطير عيونه: يبه ناوي تسوي مباراه دوليه
ابوفهد: تبون مباراه زي الناس انا اوريكم اصلا يسموني ((رونالو السعوديه))
خالد ضحك على مزح ابوه: ايه يا رنالدو وانا بيكهام بس يله نمشي بروح البس
ابو فهد: ايه وانا بعد
وانطلق على غرفته
في خمس دقايق.....
طلع خالد ولقى ابوه لابس الشورت لونه ازرق وبلوزه كت لونها احمر وفيها رقم صفر خخخخخخ مع كرشته طالع شكله يموت ضحك خخخخ
شافه حاول يمسك نفسه لا يعصب عليه: يله مشينا
ابو فهد مستانس: يله
طلع برا الشاليه لقى ابو احمد وابو سعد وابو متعب كلهم بشورتات
الحين ما قدر يمسك نفسه ومات من الضحك عليهم:هههههههههههههههههههههههههههههههههههههههههههه هههههههههههههههه
يتبع>>>

[عاشقة الحرف]

تابع>>
ابو احمد عصب عليه: وش فيك انت انهبلت ليش تضحك
خالد مو قادر يتكلم:هههههههههههههههههههههههههههههههههههههههههههه هه
ابو احمد لف على ابو فهد : وش فيه ولدك
ابو سعد: خويلد ان ما تكلمت والله لرفسك
خالد تمالك نفسه كان يناظرهم اشكالهم شياب متشببين وكلهم شورتات كنهم متفقين
خالد وحط يده على فمه: افااا يا عمي ترفسني لالا بسكت ها
ابو متعب: طيب يله تعالو معاي في سيارتي وخالد يجيب البنات يشجعون
خالد: ههههه ايه خلاص اسبقونا في ملعب منعزل عن كل شي وبجيب امي بعد
ابو فهد: اكيد معجبتي الوحيده لازم تجي لازم
خالد:هههههههههههههههههه يله اسبقونا واحنا بنلحقكم
كان يناظرهم يركبون ابو احمد لابس ملابس كره سله لونها ازرق وعليها رقم 11 شكله يضحك لانهم كلهم لهم كروش
وابو سعد اكثر واحد محافظ على جسمه واصغر كرشه خخخخخخخخخخخخخخخ
ركبو سياره ابو متعب جمس لونه كحلي كبير وراحو الملعب
خالد ركب السياره يستنى امه ونوف
خالد دق على نوف:نوف وينكم اخلصو اخرتوني ترا والله لاروح
نوف حسرتها امها: والله كله من امي جالسه ساعه تدخل البنطلون ما دخل وتقول ماراح اروح الا لما تلبسه
خالد:ههههههههههههههههه ياربي طيب ليش ما دخل
نوف تهمس له: خلود اشياء تمنع اهمها الكرشه
ام فهد كنها سمعت وش قالت: كررررررررررشه انا كرشه كرشتي اصغر من كرشتك بس تعالي ساعديني والا اقول دخل دخل
نوف :كلولوووووووووووووووش خالد يله بنطلع
خالد:ههههههههههههههههه يله بس
طلعت نوف وام فهد اللي صايره تمشي كنها بطريق خخخخخخخخخخخخخخخخخخخ
خالد: مبروك دخل
ام فهد تحس نفسها مكتومه ويالله تقدر تطلع حرف: اقول امش وانت ساكت
نوف وخالد:هههههههههههههههههههههههه
وصلو شاليه ابو متعب وطلعت ام متعب ومشاعل ومتعب اللي ماسك يد مها ركبو وراحو للملعب
كان في جهه قدام البحر وعليه اضائه خافته وضوء القمر معطي جو رائع للمكان
خالد: يله وصلنا
نزلو وكان في مثل المدرجات كان الكل موجود بدون استثناء البنات والحريم متجهزين للتشجيع والصراخ
زياد: ها نبي لعب نظيف من دون غش منفقين
الكل : متفقين
قسمو الفرق على النحو التالي زياد كان الحكم عشان كذا كان لابس شورت وتي شيرت لونه اسود
ابو سعد وابو احمد وخالد ومتعب ...الفريق الاول
سمو نفسهم فريق الخنافس >>>>>>>>>لحمد الله عليهم اسم مثل وجيههم
ابو متعب وابو فهد واحمد وسلطان...الفريق الثاني
سمو نفسهم فريق السحالي>>>>>>>>>>>>يقالهم احسن من اللي قبل
وفهد اعتذر لانه كان مشغول وبنته مريضه ولازم يوديها المستشفى ..
وبعد تحديد جهه كل فريق والسلام الودي والنشيد الوطني اكيد خخخخخخخخخخ
بدت المباراه على صفيره الحكم زياد
كان في هجوم قوي من فريق الخنافس من المهاجم خالد اللي كان يهجم بقوه قاتله>>قلبنا كابتن ماجد
نكمل
ويمشي ويعدي الاول الثاني والثالث ويشووووت قووووووووووووووووووووووووووووووووووووول
اول هدف واصوات الجماهير تعلى
ام فهد واهي تنطط وبنطلونها شوي وينشق: هذا وليدي كفوووو خلود خلود
كملو البنات معاها كلهم اولهم مها: خلود خلود خلود هوووهوووووووووو
اول هدف النتيجه 1-0
وبدى هجوم من ابوفهد يعطيها لسلطان اللي يرفع لاحمد وبالراس قووووووووووووووووووووووووووووووووووووووووووووول
وجلس ابو فهد من الفرحه ينطط وفصخ البلوزه
زياد يأشر له: تعال تعال
ابوفهد: وش تبي
زياد طلع من جيبه كرت اصفر :هذا انذار المره الجايه كرت احمر
احمد: ياعمي لاتصفخ في بنات ما يصلح
الكل:ههههههههههههههههههههههههههههههههههههههه
زياد يطلب وقت مستقطع: احنا نسينا نناقش الجائزه
احمد: اطيب وش الجائزه
زياد : انا اقولكم بكرا الصباح الفريق الخسران يفطر الفريق الفايز على مزاجه مع المسجعين حقينهم خخخخخخخخخخخخخخخخخخخخ
احمد : اجل بنفطر شعب
زياد: وهذي الجائزه
ابو احمد: انا ماعندي مانع
الكل: موافقين
رجعو يستأنفون اللعب
وكانت المباره حاامه تكسير وكروت صفرا تطلع الا ان
هجم خالد بقوووه على احمد وعوره وخذ كرت احمر
المشجعين :اووووووووووووووووووووووووووه
نوف خافت احمد تعور صدق: مي مي
مي تناظر اللي طايح وتناظر خالد:يوه خالد تعور
نوف تكش عليها: أي خالد شوفيه ينطط كنه جني احمد المسكين شوفيه
احمد كان يمثل الدور صح يبي الكرت الاحمر وضربه الجزاء عشان يفوزون
زياد طلع الكرت الاحمر لخالد اللي اعترض بس مافي فايده ...
جا الوقت الحاسم وقرر احمد اهو اللي ينفذ ضربه الجزاء
وكان الحارس ابوسعد اهو الحارس
شاااااااااااااااااات وتضرب في راس ابو سعد وتدخل قوووووووووووووووووووووووووول
صفر نهايه المباره والنتيجه 1_2 لصالح فريق السحالي
مر الوقت ضحك ووناسه وتهديد كيف راح يدفعونهم مرت الليله بكل هدوء كلها ضحك وناسه
&&&الصباح من اليوم الثاني&&&
زياد كان صاحي بدري يبي يسوي سبور لابس برمودا ابيض وتي شيرت احمر وكاب وحاط أي بود ويتسمع ويدور حول الملاعب
في كانت جالسه في بلكونه الغرفه شمس وهوا حلو حرك خصل شعرها كانت لابسه والاول مره من فتره طويله بجامه لونها زهري طالعه شكلها كيوت وناعمه اما مي كانت نايمه..
شافته يركض وباين عليه تغير في نفسيته مرره واضح...
في" استغربت حالك يا زياد مره فرحان مره متضايق لو ادري وش فيك يمكن يخف تفكيري وانا مو محتاجه افكر زياده اكثر من اللي انا فيه الحين الدراسه وموضوع الخطبه هذا اللي مدري طلع لنا من وين
انطق باب غرفتها: مييين
احمد: انا ادخل
في: ايه تفضل
فتح الباب ودخل جلس على مي اللي كانت تشخر
مي واهي قايمه من احلى نومه لانها ما نامت امس الا متأخر من التفكير: اعوذبالله تحسب نفسك خفيف قوم عني
احمد واهو ينط فوقها: اولا ماراح اقوم وثانيا يله قومو اذا تبون نروح نفطر في مارينا مول والا ناسين انكم فايزين امس لانك شجعتوني لو انك مشجعين خويلد الدب كان اليوم تدفعون لنا الحساب
مي: يله عطنا خمس دقايق نجهز بس
احمد : استناكم في السياره
في: طيب ابوي صاحي
احمد: لا الشياب اعتذرو بعد لعب امس كلهم مكسرين ومافيهم حيل يبون النوم بس خلو الروحه والجائزه لنا لحالنا يله بس قومي
يتبع>>

[عاشقة الحرف]

تابع>>
في: طيب مين بيروح
احمد: الكل متعب وخواته مها ومشاعل وخالد ونوف وانا وانتي ومي وزياد وسلطان
في: اف بس طيب يله خلنا نلبس
احمد طلع وشغل سيارته شاف زياد توه يدخل الشاليه يتحمم ويلبس وخالد ركب معاه متعب ومها ومشاعل
واهو بيركب معاه زياد والبنات وسلطان
ركبو ومشوو الصباح كان المول فاضي ورايق نور الشمس في كل مكان
خالد يكلم احمد:ها وش رايكم نخلي البنات يدورن براحتهم واحنا نروح فوق في الكوفي
مي: يكون احسن احنا ودنا ندور بصراحه ما نتحمل صجتكم فوق روسنا
خالد: طيب هذا جزاي اتكلم واخذ تهزيئه
الكل:هههههههههههههههههههههههههههه
احمد: خلاص يله بنات لكم ساعه وحده دورو براحتكم لاتنسون اليوم بنمشي ولازم نرتاح شوي بعد ما كسرنا الشياب امس يعني ممكن احنا اللي نسوق طول الوقت
نوف:هههههههههه طيب خلاص ماراح نطول
طلعو الشباب فوق للمطاعم وجلسو في كوفي سوالف وضحك
زياد: اما امس والله ما توقعت فيهم مشاء الله حيل لعب لعبوما قصرو
احمد:هههههههههههههههههه شفت ابوك وشلون طار راسه
زياد:ههههههههههههههههههه تراه تحسب عليك كرهك تصدق
احمد يشرب قهوته:خخخخخخخخخخخخخخخ محد قاله يحرس
%%%%البنات كانو من محل لمحل يشترون ويحطون%%
مشاعل كانت تدور لحالها بعد ما قالت لفهد انه مايجي خايفه يصير مثل هذيك المره وبعدها وش بيرحمها واكيد بيعرفون انها مو صدفه
مي تجرب لها جزمه: نوف وش رايك بهذي مع فستاني الاسود اللي فيه احمر تمشي معاه
نوف: تمشي بس مو كنها عاليه
مي: لا انا متعوده مو عاليه
نوف: بكيفك رجلك مو رجلي
في: يله بنات تراني جعت ابي افطر
نوف: والله كلنا جعنا
مي: خلاص شبعتو دوران يعني
نوف تناظر اكياسها: انا شريت لحد ما شبعت ابي اكل الحين
مي: خلاص روحو قبلي بحاسب وادور شوي وبلحقكم
في: تبين احد يبقى معاك
مي: لا ترانا الصبح انشاء الله ما يصير شي
في: براحتك
طلعو نوف وفي وراحو عند الشباب فوق
مي جلست تدور شوي تدخل محلات اكسسوار لانها مدمنه اكسسوار تشتري بالهبل وما يهمها لاحظت شخص يلحقها وما اهتمت كانت معاه بنت بس كان طول لوقت عينه عليها ضايقتها نظراته وخلتها طول الوقت مو مرتاحه
قررت تطلع فوق رقت على الدرج الكهربائي وكان وراها واهي لما تكون خايفه تهز رجلها بشكل قوي

وصلت عند اخر درجه وكانت عبايتها طويله سحبت الدرج العبايه كانت ميته خوف شريط حياتها مر عليها لانها راح تطيح على ورى اكيد وتموت
الشخص اللي وراها سحب العبايه بحركه سريعه طلعها وتحررت مي وقفت لدقيقه او عشر ما تدري تتنفس بسرعه غير طبيعه
جا ومد لها شنطتها اللي طاحت: تفضلي وانتبهي لعبايتك مره ثانيه لما ترقين الدرج
مي تناظره من فوق لتحت وسحبت الشنطه: مشكور
"والله هالبنت مو وجه احد يساعدها بس يصير خيريا مي"
مين الشخص المجهول اللي ساعد مي وكان عارفها وهل راح يكون بينهم لقاءات ومواقف ثانيه كلها ؟؟؟في الجزء التاسع...

[عاشقة الحرف]

**الجـــــــــــــــــــــــــزء التاسع***
وصلت عند اخر درجه وكانت عبايتها طويله سحبت الدرج العبايه كانت ميته خوف شريط حياتها مر عليها لانها راح تطيح على ورى اكيد وتموت
الشخص اللي وراها سحب العبايه بحركه سريعه طلعها وتحررت مي وقفت لدقيقه او عشر ما تدري تتنفس بسرعه غير طبيعه
جا ومد لها شنطتها اللي طاحت: تفضلي وانتبهي لعبايتك مره ثانيه لما ترقين الدرج
مي تناظره من فوق لتحت وسحبت الشنطه: مشكور
"والله هالبنت مو وجه احد يساعدها بس يصير خيريا مي"
//////////////////////////////////////////////////////////////////////////////

رقت مي عند البنات وجلست على الطاوله وكانت عبايتها مشقوقه من تحت
نوف لاحظت هالشي:وش فيك انتي واختك لكم يومين كل وحده منشقه عبايتها تمشون على شوك والا ايش
مي واهي تشيل نقابها ونفسها في خشمها: نشبت عبايتي في الدرج واحد كان طول اليوم يلاحقني اهو اللي في الاخير انقذني يعني مسوي صدفه الاخ
نوف طيرت عيونها: احلفي
مي: ايه والله
في: كان يدور وراك من زمان يعني
مي: يعني من يوم ما رحتو انتو واهو بس يلحقني والمشكله معاه مرته وقح
نوف: معاه مرته ويغازل ما اتوقع
مي: والله صايرين وقاحه بصراحه حتى معاه مرته واخر همه
نوف: يمكن امه اخته ما تدرين
مي: شوفي اهي وحده من ثنتين يا اخته يا زوجته مو امه البنت صغيره قدنا او في الجامعه
في: طيب الحمد الله على السلامه ترانا من الصبح نستنا متنا جوع والله
مي: طيب الاولاد طلبو والا لسى
نوف: لا ياحبيتي ما يستنون احد هذولي بطنهم اهم من أي شي
مي: يعني طلبو
نوف: ايه طلبو وكلو بعد اتوقع راحو يتمشون
مي : يله قومو نطلب لنا فطور معتبر يسد بطونا اللي تصارخ من يوم ما وصلنا
نوف وفي:ههههههههههههههههههه

^^^طلعو البنات يتفرجون على المطاعم وكل وحده تأشر لها على شي تبي تاكله وتهون في الدقيقه ميه مره
وقفت مي تتستنى نوف اللي وقفت تطلب من كودو كلوب ساندويتش...
وقفت فتحت عيونها على الاخر صارت ترمش بسرعه تبي تتأكد انها تشوف صح
جت في وقفت قدامها: وش فيك عسى ما انعميتي
مي تأشر من دون صوت على مكان جمب الكوفي:هناك هناك
في : جلست تناظر لقت اخوها احمد وخالد وزياد واقفين يسولفون معاه ويضحكون شكلهم معرفه: طيب وش السالفه
مي واهي تناظر ما شالت عينها من عندهم:هذا اهو نفسه
في فهمت السالفه: هذا اللي كان يلحقك والله
مي: ايه والله وقح بعد يسولف مع احمد لا يكون يعرفه
في رجعت تناظرهم باين يعرفه: اللي شايفته انه يعرفه ومرره بعد
مي خافت لما يشوفها اكيد بيعرفها وبتنفضح: ياويلي بتروط
في عطتها ضربه على كتفها: وليش تتورطين ياالخبله
مي مسكينه خايفه: مدري بس خايفه والله
في عصبت عليها: اقول اسكتي بس ماسويتي شي انتي احمدي ربك انه كان وراك والا كان صار لك شي يخوووف
مي: ايه الحمد الله بس حتى ولو ما ارتحت له يختي
في: ليش لا يكون سوى حركه غلط غير انه لحقك مسكك او شي
مي: تستهبلين انتي لما سحب عبايتي بس دفني
في:خخخخخخخخخخخ احسن انتي عارفه المفروض ترفعين عبايتك لما توصلين اخر الدرج دايم هالاشياء تصير تذكرين لما صارت معاي
مي: ايه اذكر
رجعت نوف ودخلت راسها بينهم: وش تقولون وش تقولون
في: ياطويله العمر ناظري اخوك واخوي هناك
نوف تدور حواليها: وين>>>>>>من جد حولاء
في مسكت راس نوف وثبته على مكانهم: هناك
نوف : ايييه وش فيهم طيب
في تركت وجهها: شفتي اللي واقفين يسولفون ويضحكون معاه
نوف تحمست: ايييه
في: هذا المنقذ
نوف بصوت عالي فضيحه البنت: لاااااااااااااااااااااا
في حطت يدها على فم نوف: اسكتي فضحتينا شوفي الناس يناظرونا يقولون ذي جتها ولاده
نوف واهي مسكر فمها: امممم تيب بسكت
×××احمد انتبه للصرخه وناظر لقاهم خواته ونوف××
احمد: طيب يا نواف لا تقطع
نواف: لا ولايهمك بس انت لسى ما بديت تشتغل مع ابوك
احمد: لا والله انشاء الله قريب انا والاخ خالد مو لحالي تعب على ناس والثانيه تتدلع
خالد:خخخخخخخخخ ياخي الغيره شينه شينه ومن قالك اني بجلس اكيد اذا ابوي شافك مداوم ما راح يخليني وراي وراي لحد ما اداوم معاك
احمد:هههههههه ايه احسن مو لحالي عقبال زياد بعد
زياد: لالاالله لايسمع منكم الواحد يدرس بعد ابي اشتغل بشهادتي انتو خلو لكم الشركه
احمد: يعني انا اللي ابي اعقل شهادتي مثل قلتها
نواف: انا صاير ادرس واشتغل مع ابوي مثل ما تعرف ادرس صيدله
احمد: مشاء الله والله زمان عنك يا رجال
نواف: ايه والله تذكر ايام الكوره كل ما جا ابوي عندكم جابني لما يطلع يجرني جر ما ابي اطلع ابي اجلس والعب ههههههههههههههههههه
الكل:هههههههههههههههههههههههههههههههه
خالد: الا اقول من متى انت هنا
نواف: لي يوميني جاي مع امي واختي بمشيهم يومين ونرجع الرياض
زياد: ياخي صدق من قال صدفه خير من الف ميعاد
نواف: ايه والله الا انت قلتي انك تدرس برا الحين
زياد يأشر على الكوفي : وش رايكم نروح نجلس وقفتنا غلط نسولف شوي على ما يفطرون البنات
نواف: لالا انا استأذن جاين مع الاهل شكلكم
احمد: لا ياخوي البنات توهم يفطرون واحنا مفطرين لنا فتره يبون ياخذون راحتهم خلهم واحنا بعد على راحتنا
نواف: اكيد مافيها ازعاج
احمد حط يده على كتف نواف: ياخوي لا ازعاج ولاهم يحزنون والله مشتاق لك ولسوالفك
نواف: وانا بعد والله انقطعنا سنين
)))راحو الشباب جلسو بالكوفي مع نواف ودقوها سوالف معاه واسترجاع ذكريات(((
مي لازالت مبلمه وتناظرهم وين ما راحو
نوف تهزها: خلاص اصحي والله لو شافك اخوك تناظرينهم كذا لاياكلك وانتي حيه فاهمه خلينا نروح نفطر بس
مي وعينها ما زالت عندهم: مشينا بس وين مشاعل ومها
نوف: تصدقين من اول ما وصلنا ما ادري وينهم
&&&&
مشاعل كانت تدور لحالها بعد ما فهد جا المول غصب عنها كانت تبعد عنه واهو يلاحقها ويوزع ابتسامات كانت فرحانه بشوفته بس ما تبي تحبه ولا تتعلق فيه اكثر
وما تبي اكيد واحد من عيال عمها يشوفه مره ثانيه لانهم ماراح يخلونه يطلع من دون ما يسون له مشكله.,,,,..,,,..
اما مها كانت جالسه على طاوله لحالها بعد ما تركتها مشاعل جالسه على طاوله جمبها المكان كله زجاجي وضوء الشمس قوي
لبست نظارتها الشمسيه الكبيره ونزلت طرحتها على كتفها كان نور الشمس يعكس على لون شعرها الغجري ومعطيه جمال اكثر من حلاوته
طفشت من الجلسه لحالها لحد ما شافت بنات خالها جاين وكل وحده معاها فطورها ....
في شافت مها جالسه لحالها: تعالو نجلس مع مها شكلها تعبانه
البنات : السلام عليكم
مها ابتسمت : وعليكم السلام هلا
مي: نزعجك لو جلسنا معاك
مها: لا والله احلى ازعاج انا طفشت من الجلسه لحالي
نوف: ههههه ومن احسن ناس يطيرون الطفش
مي وفي: احنا
مها:هههههههههههههههههههه بنات انا ابي اعتذر منكم
مي: على ايش
مها: انا كنت اعاملكم بطريقه مو حلوه قبل مع انكم طول الوقت طيبات معاي
مي: يا مها انتي بنت عمتنا واحنا عارفين انها كانت طريقه تعاملك مع كل الناس كذا
مها شالت نظاراتها ورفعتها فوق شعرها وكملت: انا اسفه وانا ودي احسن علاقتي فيكم علاقه بنت بنات خالي
نوف: واحنا بعد يا مها لاننا نحبك
مها: والله انا بعد من بعد وقفتكم معاي اتمنى انو علاقتنا تتحسن
في: اكيد انشاء الله الحين نرجع لبطوننا
مها :ههههههههه نرجع افطرو طيب وش تستنون
مي: نستناك وين فطورك
مها: لا والله مو مشتهيه شي بس شربت كوكتيل وشبعت
مي: لالا ما ينفع انتي مريضه كلي أي شي تاكلين سينابون
مها: ايه احبه
مي على طوق قامت ما استنى جواب...
مها: وين راحت
نوف واهي تاكل مو مستنيه احد: مي راحت تجيب اصلا لو قلتي لا من اليوم لبكرا بتجيب بت
تجيب
في: ايه خبله هالبنت
مها:ههههههههه ياحليلها ولله
&&&نرجع للجلسه الشباب&&&
نواف جالس يسولف على جمب مع زياد: يعني الحين تبي تفهمني ماعندك بنت تستناك هناك
زياد يبي يسكر الموضوع: لا مافي ولا راح يكون فيه مافي أي بنت تسوي ضفر بنت السعوديه
نواف تفشل منه: ايه صادق
زياد: مو تقول انك جاي مع اهلك وينهم
يتبع<<<<

[عاشقة الحرف]

تابع<<<
نواف: امي واختي منال يدورون تحت في المحلات
زياد: الحريم لو يسكنون في السوق ما طفشو
نواف:ههههههههههه ايه والله
احمد: ها انتو الاثنين وش تسولفون فيه لا يكون تحشون فينا
خالد: وين متعب وسلطان
احمد: سلطان قالي انه بيروح يلعب مع متعب في الملاهي شوي
نواف: وذولي ما يكبرون
خالد: ليش يكبرون انا بروح العب معاهم
الكل :هههههههههههههههههههههههههههه
طلع يبروح ينادي متعب وسلطان شافها من بعيده لون شعرها من الشمس متضاعف اضعاف في الجمال عيونها تعكس عليها الوان الطيف شكلها قمه في الحلاوه والنعومه لاحظ اثنين جالسين يناظرون البنات ويتكلمون عنهم ما تحمل احد يناظرها لو للحظه
حسب بنار تولع في صدره حس بشي اسمه غيره ومثل ما تدين تدان كان يلعب في بنات الناس صدق انه ما يغلط معاهم بالحرام بس مجرد انه يكلمهم ويلعب عليهم بكلامه الحلو
جا من يلعب ويتكلم على بنات عمه ما تحمل المنظر وراح بسرعه لعند طاولته خبطها بيده بكامل قوته
رفعو روسهم وشافو الشرار يطلع منها: انتو وش تناظرون
الاول: وانت وش دخلك
خالد: شوف اشوفكم تناظرون في هالجهه مره ثانيه ماراح يصير لكم طيب فاهم انت وياه
الثاني قام من كرسيه: بس ما قلتي لي وش دخلك
خالد: بنات الناس مو لعبه وفرجه لكل من هب ودب
الثاني: ولا تزعل نقسمهم وحده لك والباقي لنا
ما قدر يمسك اعصابه قلب الطاوله فوق روسهم مسكه من رقبته ورفعه فووق واهو في قمه عصبيته
المعروف عن خالد انه انسان بارد ومافيه خصله الغيره على اهله واضحه يمكن كانت متخب ومحتاجه الشخص الصح اللي يطلعها
واللي طلعها اهي مها
~~~~~البنات التفتو على الزحمه وصوت الصراخ لاحظو انه خالد
مها قامت ولفت طرحتها وراحت تركض
مي تاخذ شنطتها:: قومو نشوف وش صاير
قامو البنات يركضون لقو خالد ماسك الرجال من ملابسه ويصرخ عليه
مها ما قدرت تمسك نفسها وراحت تركض عند خالد: خالد اتركه
خالد لف عليها وعيونه لونها احمر:بعدي هناك
مها اول مره تخاف خافت منه وعليه : ماراح اروح لحد ما ما تتركه ما يستاهل
الثاني تكلم: اجل حبيبه القلب
خالد ما استحمل الكلمه عاطه بكس طيحه على الارض وخشمه ينزف...
خالد من دون ما يناظر البنات: امشوو قدامي
مشو ساكتين اول مره يخافون من خالد خالد الوحيد اللي عادي عنده كل شي بس اليوم شافوه واحد ثاني
مشى قدامهم وركب سيارته ركبوها بكل هدوء
خالد اتصل على احمد اللي كان جالس اهو وزياد ونواف
احمد: طيب خلاص بناديهم وبطلع بتروح خلاص روح اسبقنا واحنا بنلحقكم مع السلامه خلاص ياخي هدي مع السلامه
زياد شد انتباهه كلام احمد: وش السالفه
احمد: الصجه اللي سمعناها قبل شوي كان خالد متطاق مع واحد وطلع شكله مولع حده
زياد: راح لحاله
احمد: لا خذ البنات معاه
نواف: شكلكم بتروحون انا لازم استأذن امي واختي جالسين يستنوني
احمد قام وقف: يله عاد لا تقطع
نواف: انا عني لا انشاء الله بس خذ رقمي وخلنا نطلع قريب انشاء الله
احمد: انشاء الله
نواف: وتروح وترجع بالسلامه يا زياد
زياد: الله يسلمك ونسمع اخبارك بخير انشاء الله
نواف: الله يجيب الاخبار الطيبه للكل
احمد: يله اجل نشوفك قريب
نواف سلم عليهم وراح لامه ومنال اخته .....
منال كانت اخت نواف الصغيره ما عندها غيره واهو ما عندها غيرها وحيدين كانت اول سنه جامعه تخصص حاسب
بنت حلوه وخفيفه دم اموره وتغلب عليها النعومه اكثر من جمال جذابه بسبب سمارها ولون شعرها الاشقر المصبوغ طويله وجسمها مخصر بس مليانه شوي مخطوبه وزواجها في العطله على ولد خالتها ...

ام نواف تناظر نواف واهو جايهم جالسين على الكراسي يستونه: وينك انت طولت علينا يا نواف
نواف: معليش يمه ماراح تصدقين من شفت قبل شوي
منال متحمسه: مييييييييين
نواف: اعصابك لا يطق لك عرق
منال: تكلم وخلصنا
نواف: يمه شفت عيال ام احمد
ام نواف: ما غيرها ام احمد ساره مره ابراهيم
نواف: ايه يمه الي بنتهم مي اللي كلمتك ام فهد اتوقع عنها
ام نواف: ونعم والله وشلونه احمد كبر وصار رجال
نواف: ايه يمه بس احنا انقطعنا عنهم لما سافرنا مع ابوي
ام نواف: ايه سافرنا وانقطعت اخبارهم نقلو من بيتهم القديم وما عد عندي أي رقم لهم حتى لما كان ابوك يشتغل مع ابوهم كنت اكلمها بس انقطعنا سنه وانت سافرت مع ابوك وانشغلنا بهالدنيا وشلونهم
نواف: والله كلهم بخير بس يله نكمل سوالف بكرا ترا بنرجع انا دراستي بتدى قريب
منال: حسافه توني ما شريت شي
نواف يناظر الاكياس اللي معاها: والله انك مشفوحه وما شفتي خير شريتي السوق كله..
منال: انا عروس عارف وش معني عروس يعني اشتري لحد ما اشبع ما تقول انت شي كنك دافع شي من جيبك كله من مهري
نواف: اقول امشي امشي لو اخليك هنا يوم كامل ما خلصتي
منال: وانت الصادق
oOoOoOoOoOoOoOoOoOoOoOoOoOoOoOoOo
في وحده كانت في عالم ثاني بس تمشي وتناظره تناظر فهد اللي يمشي وراها ناظرت شاعتها ..
مشاعل: فهد انا تأخرت
فهد: على ايش
مشاعل: فهد انا مخليه مها لحالها جالسه وانت داري انها تعبانه ولازم اروح وانت تكفى اطلع لا يشوفك واحد من عيال عمي
فهد كان يناظرها جالسه على طاوله واهو الطاوله للي مقابلها: طيب يا مشاعل انتبهي لنفسك وفكري صح
مشاعل منزله راسها تناظر رجلها ما تبي تحط عينها في عينه: طيب بفكر يله مع السلامه
فهد واهو يقوم من مكانه:واذا وصلتي الرياض طمنني
مشاعل: انشاء الله
راح فهد ورجعت اتصلت على مها
مها بصوت واطي لانها في السياره:هلا مشاعل
مشاعل: انتي وين رحتي رحت لمكانك ومالقيتك
مها: انا في السياره
مشاعل ارتاعت: أي سياره
مها: بنرجع الشاليه انتي وينك
مشاعل: انا لحالي مدري وين الباقي انتي من معاك
مها: معاي البنات شوفي اتصلي على متعب شوفي وينه
مشاعل : طيب يله باي
مها : باي

يتبع<<

[عاشقة الحرف]

تابع>>>
اتصلت على متعب اللي كان بالمواقف مع احمد وزياد وسلطان....
متعب : انتي وينك مو معاهم
مشاعل: لا راحو عني
متعب: احمدي ربك تونا بنركب السياره اخلصي وتعالي
مشاعل: دقيقه وجايه
..........
سلطان: مين
متعب: مشاعل الخبله راحو عنها لو انها ما دقت كان رحنا عنها وجلست لحالها
سلطان:ههههههههههههههههههههههههههه
جتهم مشاعل تركض خايفه يرحون عنها لما وصلت عند الباب وتطيح طيحه شينه على وجهها
شافها احمد وراح يركض مسك يدها وقومها: تعورتي
مشاعل ماسكه رجلها جلست تناظر حولها اذا احد شافها حمدت ربها مافي غير احمد نزلت تناظر رجلها: بس رجلي شوي
احمد: يله خلينا نروح للبيت محتاجه احد يسندك
مشاعل واهي متألمه: لا مشكور ادبر نفسي بس السياره بعيده
احمد: استنى هنا بروح اقربها
مشاعل دورت اقرب كرسي وجلست رجلها كانت توجعها مرره: وينه هالخبل الثاني طول..
ركبت معاهم وراحوو...

وصلهم خالد كان هدى بعد موجه العصبيه اللي كان فيها نزلو البنات كانو تعبانات وفيهم النوم ما فكرو على طول دخلو مها حاولت تتأخر عن قصد
ماحس بوجود احد نزل راسه على كرسي السياره تنهد بقوه: اه
مها: سلامتك من الاه
خالد لف متفأجأ: انتي ما نزلتي
مها بأصرار: ماراح انزل قبل ما تقولي وش صار
خالد يحاول يتمالك اعصابه: اقولك انزلي من السياره
مها بأصرار اكبر: خالد انا قلت ماراح انزل فهمني اول
خالد لف عليها وعيونه كانت مرعبه اول مره تشوفها كذا: مها
مه تحاول تهديه : خالد الله يخليك اذا لي معزه قلي
خالد تنهد وخذ نفس: طيب بقولك تطاقيت معاه بسببك
شهقت: بسببي
خالد: ايه بسببك كان يناظرك ورحت وهزئته وطقيته
مها ابتسمت ابتسامه شر: انت تغار علي
خالد: لا ما اغار
مها عارفه عناده: الا تغار اعترف
خالد ناظرها وده يعضها: اغار ايه اغار ما اتحمل احد يشوفك غيري واللي يناظر بعين افقعها له واعطيه ياها فاهمه ويله انزلي من السياره
مها ماتت ضحك عليه ونزلت :ههههههههههههههههههههههههههههههههههه طيب تطردني مردوده بنزل ساكته
خالد ناظرها نظره حقد....
مها تناظره وتضحك:هههههههههههههههههههههههههههههههه

مها كانت تمشي والفرحه مو شايلتها خالد يغار عليها حركت فيه هالخصله خصله الغيره كل بنت تتمنى ان في شخص يغار عليها من الهواء الطاير واهي لقته ...
&&&في سياره نواف&&
منال مدخله راسها بين الكراسي بين نواف وامها: ها يله كمل وش صار
نواف يناظرها ويناظر طريقه: وش اكمل خلاص بس شفته وبخطب اخته
منال: شفتها انت
نواف"انا شفتها بس الا مسكتها اه ياحلوك يا مي صدق اللي قال عنك حلوه ما كذب والله"
نواف: شفتها ايه شفتها متغطيه وش الفايده
ام نواف: وانت متى ناوي تخطب رسمي
نواف: اتوقع اهي الحين ثالث ثانوي سمعت اخوها يقول لانها تؤام
منال بدهشه: تؤام
ام نواف: انتي ما تعرفينهم بس انا اعرفهم البنات كله حلا واخلاق في ومي مشاء الله ياحظ اللي ياخذ من بنات ابو احمد ويكفي اننا نعرفهم من زمان وابوك صديق ابوهم
نواف: يمه يوم قررت اتزوج قررت اتزوج بنت ناس اخلاق وجمال واحس كلها موجوده في مي
منال: ياحظ هالمي اللي بتاخذ نوااف عين السيح
نواف ناظرها وده يعطيها بكس: تستخفين دمك انتي هاا
منال خافت ورجعت راسها: لا وش استهبل الحين ما تفرق بين المزح واالاستهبال الله يعينها عليك..
ام نواف: خليها توافق وبعدين تكلمي
نواف: ايه بعدين يمه ما ابيك تكلمين امها رسمي الا بعد ما تخلص دراسه وتجي العطله وبعدها لكل حادث حديث
ام نواف: انا اللي اعرفها زين هي مره عمهم ام فهد وحده ملسونه واهي اللي قالت لي عن البنت لما قلتلها ان نواف يبي يتزوج
نواف: خلاص يمه مثل ما قلتلك
ام نواف: لا تشيل هم انشاء الله تكون من نصيبك واهي تلقى واحد مثلك

&&&الساعه 5 بعد العصر&&&
ابو احمد يصلح غترته: ها خلاص خلصتو
ام احمد : ايه جاهزين بناتك يجيبون عبايتهم وبيركبون
ابو احمد: يله انا بروح استناكم في السياره
ام احمد: اني تعالي شيلي السله حطيها قدام وانتبهي فيها شاهي مو تحطينها مايله
اني: تيب ماما
ام احمد راحت تشوف البنات
مي كانت تسكر شنطتها الجينز الصغيره وفي جالسه على البلكونه واهي لابسه عبايتها وطرحتها على كفوفها
كانت تفكر بمصيرها لو كانت اهي اللي انخطبت تعرف ابوها لو كان صديقه وشاايف الولد اخلاق ماراح يرفض بس ما اتوقع ابوي يغصبني او يغصب مي على شي وخاه الزواج

المشكله احنا اكبر بنات مو عارفه فكره ابوي عن الموضوع بس الله يستر
رجعها للواقع صوت امها: يله ابوكم يستنانا في السياره
مي: لا يمه بنروح مع احمد
ام احمد: ماراح يروح معاه زياد
مي: لا قالي احمد انه اهو اللي بيسوق بأهله بنروح مع احمد
ام احمد: خلاص روحو بس اذا زياد بيروح مع اخوكم لا تحرجونه ارجعو فاهمات
مي: فاهمين
888888888888*********************8888888888888
كانت تناظره يناظرها من طرف عينه اعجبها هالشعور يبتسم لما ما في احد يشوفه واهي ترد له الابتسامه
لفت وجلست تناظر مشاعل ماسكه رجلها
مها: وش في رجلك وبعدين قولي وين رحتي واشغلك لدرجه انك ما عرفتي اني طالعه من زمان
مشاعل: وش بس جلست ادور وادخل محلات وفي الاخير يوم جيت بطلع طحت
مها:ههههههههههههههههههههههه شافك احد
مشاعل: لا الحمد الله بس احمد
مها: احمد شافك
مشاعل: ما شافني بس رفعني وانا ودي اصفقه
مها تكش عليها: صدق انتي ما عندك ذوق ليش تبين تصفقين الرجال واهو الحين يساعدك
مشاعل: يختي ما احبه ما ابيه يكلمني اجل وشلون يشوفني طايحه
مها: بس ابي ارجع البيت تعبت وابي ارتاح
مشاعل ما تحب تبين خوفها: لحد الحين تعبانه
مها بعبوس: شوي يعني بس ارتاح يومين قبل الدراسه عشان عندي اختبارات وابي انجح بتفوق بعد
مشاعل بدون اهتمام: انا بس ابي انجح لا تفوق ولا خرابيط
مها: الله يعينك على نفسك....
ابو متعب: يله مشينا وما ابي صجه تراني طفشان خلقه فاهمين
جاوبوه بالسكوت
.................................
مشت اربع سيارات ودعت وراها مكان وجدت فيه لو اجزاء ذكريات تاخذها معاها البحر اللي تحمل هموم ناس بدون ما يشتكي ولا يتذمر
احداث غيرت مجرى حياه كثير منهم....

zZzزياد عاش اسؤ تجربه في فقد شخص كان يمثل بالنسبه له جزء او كل حياته خلود كانت بالنسبه له كل شي اخت وصديقه وحبيبه وكانت راح تكون زوجه لولا الظروف حس لفتره انه ضايع وان كلامها انقذه من دوامه الحزن حس انها ما تستاهل انه يضيع لحظه حزن عليها فكروقرر حياته راح يرجع يعيشها صح ماراح يضيع أي لحظه يكون فيها قريب من الناس اللي يحبهم ويعزهم راح يكمل دراسته كلها كم شهر ويرجع بالشهاده اللي ترفع راسه وراس اهله فيها ويرجع ديرته اللي ما حس بقيمتها الا بعد ما فارقها وشاف غيرها حمد ربه انه ينتمى لديره الاسلام منبع الدين الله يحميها لنا اجمغينzZzZ

fFfFفي كانت مستغربه من تغيرها اكثر من استغراب اللي حولها بدت تحس انها بنت ولازم تتعامل مع الكل على هالاساس صارت تتغطى طولت شعرها اللي من اولى ابتدائي واهي تقصه اكبر شي تغير فيها مشاعرها تجاه زياد كل يوم تتأكد ان في شي فيه شي غامض يشدها له يشدها انها تتعرف عليه وتغوص بشخصيته تركت هالشي للوقت يحدده محتاجه تحصر تفكيرها في نفسها وفي دراستها هالفتره اذا كانت تصير دكتوره وكل شي بوقته حلو FfFfF

mMmمي كانت الوحيده اللي راحت بمشاعر معروفه لشخص واحد رجعت متضاربه الافكار والاحساسيس حست ان اللي مفروض اللي تسويه الحين تسكر على مشاعرها وتكتمها لانها كثيره التفكير واي شي ممكن يشغلها عن دراستها والوقت كفيل تحدد فيه مشاعرها ومستقبلها بس اكتشفت شخص ظنت طول عمرها انها تعرفه بس لما هالشخص بدا يبعد عنها حست بقيمته حسته يبعد خطوه بخطوه وما قدرت تتحمل فكره ان خالد ممكن يحب غيرهاmMm

aANnاحمد ونوف كانت علاقتهم في حاله مستقره حب ونظرات تنعش هالعلاقه اللي راح تحدد تطورها بجواب نوف على احمد ان كان بالموافقه او بالرفض aNa

MKMمها وخالد كانو جسدين التقت بروح وحده كل واحد فيهم كان يحلم بأنه يلقى الشخص اللي يفهمه ويحبه لشخصه ولقى كل واحد فيهم اللي ناقصه بالشخص الثاني خالد كانت له مخاوفه من اللي سمعه عن مها بس احساسه كان يقوله ان كل كلامهم غلط ومثل ما اهو كان له ماضي اهي من حقها يكون لها ماضي بس من دون ما تطيح بالغلط انا اول مره اقولها وانا حاس فيها ياكثر ما طلعت من لساني لبنات بس مع غيرك يا مها ما حسيت فيهاmkm
Mmمشاعل كانت في دوامه حيره في موضوع فهد تعبت من التفكير ارتاحت لما طلبت من فهد انه يأجل الموضوع وياخذ ردها على عطله الصيف ارتاحت ان لها مده تفكير اطول لان فهد ما ينرد ويكفي انه يحبها وولد عمها بس اهي عارفه نفسها المكالمات والطلعات ما تقدر تبطلها صعب عليها وهذا خذته بعين الاعتبارmM

ركبو مي وفي مع احمد وفي الطريق كانو سوالف...
احمد: الا تعالو انتو الثنتين والله ما اعديها لكم مين الحماره منكم اللي صرخت في المول
مي وفي ما قدرو يمسكون انفسهم:ههههههههههههههههههههههههههههههههههههههههههه هههههههههه
احمد استغرب: لاتكونون انتو الثنتين ترا ارميكم برا الجني الازرق ما يعرف مكانكم..
مي: لا عاد وبعد صار للجن الوان
في: مدري عنه ذا الخبل
احمد: مافي خبل غيرك لا تصرفون مين اللي صرخت فضحتونا هناك
مي: طيب اقولك وما تعصب
احمد: الا بعصب وبكسر راسها
مي: لا الله يخليك لا تعصب
احمد بدى يعصب جد: قولي والله لوقف الحين
في: تراك طفشتنا سيارتي وسيارتي اللي راكبين فيراري وتبي تنطلنا منها عاد
احمد: اقوووووول
مي: خلاص خلاص بقول كانت
احمد يناظر مي جنبه نظره واحد مولع:.............
مي:ههههههههههههههههه نوف
احمد:ههههههههههههههههههههههههه نوف اجل
مي: ايه شوف انت وعدتنا تكسر راسها اذا ما جتنا اليوم الثاني مكسور راسها بعلم عليك
احمد :احم احم ل ولايهمك اكسر راسها بطريقتي
في: ياخي يالطريقه بتلعب عليها بكلمتين اعرفك
احمد: كلمتين والا ثلاث بيني وبينها الا بسألكم
في: تفضل
احمد: نوف ما لمحت لوحده منكم عن جوابها
مي: بصراحه انا خايفه شوي
احمد خاف: ليش
يتبع>>