عهدي بهـا قبل تلبـس عبايـــــه
وأنا بعد قبل البس شماغ وعقـال
طفلين نتهجّـى حـروف البدايــــة
ياما أجمل سواليـف الأطفــــــــال
كانت لنا في كـل شـــارع حكايـة
وكنّا نقول علوم ماهيـب تنقــال!
وكنت أتقاسـم مامعاهـا معايـــه
من(عسكريم) التوت,للعلك أبو ريال
وكانت بعكسي شاطره في القرايـه
تقرأ جـزء عـمّ وطـه والأنفــــــــــــال
وأنا لك مـن مـــــــــــــــواري غبايـه
مــــدري أبو نقطه هـو الـذال أو دال
وكانت لأبويه تشتكي من شقايـه
وتعلّمه كيف اربط البـاب بحبــــــال
ياما على ظهري كسر من عصايه
يقول لي:خلّك وأنـا أبـوك رجّــــال
وأمي تقـول:ادع لولـدك الهدايـــه
خوفي تصيبه كثرة الضرب بهبـال
لاشفتـــــها مـع أول الـدرب جايـه
مدري أنا اللي ملت ولاّ الوطا مال
أحس قلبي يرتجـف فـي حشايـه
ما كنّه ألا الضيف لاهـزّ فنجــــــال
ياما عن"السّعلي" تخبّـت ورايـه
لاخوفوها فيه ثـم شافـت أظـلال
تقــول:خلّـك يا "محـمـد" معـايـه
واسّتأنس العب عندها دور الأبطال
وأغار حتّى من عيــــــون اصدقايـه
لاطالعوهـا قلت:تكفـون ياعيـــــال
::
قصيده اعجبتني واتمنى تعجبكم
تقبلوا خالص حبي واحترامي
العرض العادي
