رواية((عشاق من أحفاد الشياطين))للكاتبه متكحلة بدم خاينها

[مـكـشختهم]

الفصل الثاني "

سامي صحى من النوم
على غرفة امه وابوه لازم ينفذ اللي براسه وهاللحين ...

الام : تفضل
..

سامي : هلا يمه صاحيه

الام : اكيد توني رجعه من الوزاره
..

سامي : اها اسمعي يام سام بدخل بالموضوع على طول

الام وهي تطلع
جلابيه فخمه من الدولاب : كنت عارفه ان وراك شي قول

سامي بثقه جلس على
السرير : اسمعي بالصيفيه هذي حاب نروح لمصر

الام : الصيفيه تو الناس
...

سامي : اي تو الناس هذا وانتي بالتوجيه وماتعرفي الصيف باقي اسبوع على
الاختبارات وبعدها اسبوع وثلاث ايام للاختبارات ونطير على مصر .. وترى محمد معطلنا
الا بنت هذي شموخ

الام : طيب وليه متحمس لسفر ..؟

سامي : طفششااان
حياتي هنا والشغل ممل بالشرطه وكل شوي انت ضابظ مبتدى وانت ضابط مبتدى
..

االام لفت عليه : شكلك مدبر السفر لان شغلك ممنوع السفر

سامي : لا
تخافي وليد خويي ابوه يشتغل بالجوازات ...

الام : وشغلك بعد العصر بالمكتب
بعد مدبره

سامي : افا عليك يمه انا سام

الام ابتسمت : خلاص اجل بحكي
مع ابوك وان شاء الله مصر ...

سامي : حلو الا بناتك مارجعوا

الام :
لا توني داخله ومادري عنهم ...

سامي : اها وليه تجهزي ملابس عندك طلعه
اليوم

الام وهي تتثاوب : والله محتاره اطلع والا لا جيراننا ام عبدالله
عاملع عزيمه وانا مالي خلق اروح بس يمكن لاصحيت اغير رايي

سامي وقف : اخليك
تنامي هاللحين يالغاليه ...وانا شكلي بنام ..- مشى لعند الباب – يمه مو
تنسين

الام بكسل : لا لاتخاف مراح انسى ...

مشى سامي لغرفته وهو
مبتسم (( حلو يا اصايل والله لاطيحك بيدي
))



@@!!!ّّ+_()*&^%$#@!ًَُّلإلأ[]ٍِ
فديت ترابك
يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ




ريان
بدون نفس رفع راسه : هاي آنسه مشاكل

دخلت روز وبيدها اكياس السوق ..شموخ كان
بودها تذبح غباء الخدامه


ريان : ماشاء الله وش هالاكياس ..؟

شموخ
بثقه : عادي اكياس فيها اغراض ..

ريان يتريق : ليه وين كنتي بالجامعه والا
بالسوق ..؟

شموخ ببرود : لا الجامعه بس الجامعه فيها سوق ..

ريان
بحدة : لا من متى ..؟محد قالي انهم بنوا مع جامعة الملك فيصل مجمع الظهران
..

شموخ بلامبالاه : كيفك لاتصدق ..

ريان : وبهذا السوق محلات وجوه
ولاسنز وزارا ..لا بصراحه الحكومه مكشختكم

شموخ داريه انها مستحيل تمر على
ريان كذا لانه مو ساذج : عاد والله صدقت والا بالطقاق ..

ريان وقف وهو
يناظرها بتامل : انسه مشاكل انطقي وين كنتي ..؟

شموخ ببرود اكثر : قلتلك
بالجامعه

ريان وقف قبالها وصرخ بوجهها : انطقي ..ماني بزر عندك
.

شموخ بدلع : لاتصرخ اذاني تعورني

ريان بتهديد : انسه مشاكل
انطقي

شموخ مشت لداخل البيت : والله صدقت والا براحتك

ريان مشى
بخطوات واسعه لعندها وهو يصرخ : شمووووووووووخ

شموخ وقفت ولفت عيه : ريري
لاتصرخ اذني ماتستحمل كم مره بعيدها يعني

ريان بجديه طلع الكلمات ببطء :
انطقي ..

شموخ بلامباه : يعني اكذب اوكيه هديه من هيا صاحبتي

ريان :
لا اا وتكملي كذب بعد


قالت باستهزاء : انت مو راضي تصدق يا بابا حنا
بالالفيه السابعه يعني تطوررررنا وصار بجامعتنا اسواق ..

ريان رفع حاجبه
وقال بهدوء : اوكيه انسه مشاكل ابمشيها لك هاللحين لكن والله واللي رفع هالسبع
سموات اذا سمعت ان زارا و لاسنز مو بالجامعه والله مالك روحه لها مره ثانيه
سمعتي

شموخ : على بالك بكيفك ياشاطر هذا السمستر مهم ومو انت اللي تمنعني
عنه

ريان : يعني طلعتي تكذبي مو بالجامعه

شموخ : الا بالجامعه وبعدين
مو انا اللي اتهدد

ريان دزها بكتفها : ادخلي لجوا احسن لك لاذبحك
هاللحين

شموخ خافت تنكشف اكثر اذا وقفت لان صوت سيارة السايق وصلت يعني
نجلاء جاءت وبتفضحها

اشرت له بدلع ينرفز : باااي

ريان رجع جلس بكراسي
الحديقه وسحب له سيجاره يدخنها كان مدمن سجاير اربع وعشرين ساعه بيده ..
اسند
راسها على ظهر الكرسي باسترجاء وغمض عيونه وكلمات امه تتردد باذنه ...
(( شموخ
مااااااااااهي باختك ..
شموخ ماهي بااااااختك..
شموخ امانه بذمتنا ...ماوصيك
عليها ياريان انت العاقل وبتحميها ...)) ..

نجلاء دخلت وبايدها بالطوا
المستشفى ومجموعة كتب : السلام عليكم

ريان من غير لايغير جلسته : وعليكم
السلام

نجلاء: اوه ريان الظهر بالبيت غريبه

ريان على نفس وضعه :
وانتي من الظهر جائيه غريبه

نجلاء (( آه منك ياريان تحب تغير الموضوع تجاوب
بسوال .. اموت واعرف وش تفكر فيه )) : عادي وحده من البنات مسكت عني المناوبه وبروح
الساعه 7

ريان : اممم

مشت نجلاء لداخل البيت وهي تدور على السرير
تنام .. الا بوجهها شموخ ..

شموخ جالسه بالصاله بعبايتها والاكياس بجنبها
وتحكي بالجوال مع واحد من الجدد اللي تعرفت عليهم مره عن طريق صاحبتها بالنت : هههه
مره كيوت

نجلاء : السلام عليكم

شموخ : اوكيه ابحاكيك بعد شوي
باي

سكرت ولفت على نجلاء وهي فيها قهر من ريان : دكتوره قرويه خذي هذولا
الاكياس فيهم ملابس مابغاهم

نجلاء : لا مشكوره تفضلتي علي

شموخ : من
جد دكتوره قرويه خذيهم ماعاد ابغاهم - تناظر اظافيرها اللي تلمع بلون الاسود
الشيطاني – توني مشتريتهم وماحسهم ينفعوا لشي وبدل ماعطيهم لروز انتي
اولى

نجلاء احتقرتها ودخلت لغرفتها ...

شموخ : ههههه وجه فقر القرويه
... روووز .. روز

روز : yes pink

شموخ : خذي الاكياس لغرفتي وجيبي
بيسو لهنا

روز : ok

شموخ : لحضه – فصخت عبايتها ورمتها بوجهها – وخذي
هذي معك ...

شموخ دقت على اقرب مطعم مسجل رقمه بجهازها وطلبت لها وجبه خفيفه
..

رجعت شموخ تناظر التلفزيون طفشانه .. مالها خلق تبدل ملابس الجامعه
..
وبعد فتره
وقفت معصبه ورمت الريموت (( احكي مع وائل احسن لي ))
دخلت
لغرفتها وسكرت الباب ..وقفلته قفلتين ...وكانها تسرق

شغلت كمبيوترها وسحبت
جوالها الغير شرعي تدور على رقم واحد بياع كلام ينسيها حركة ريان الظهر :
آلو

وائل : هلا مروجه حياتي وينك من زمان احكي معك ماتردي

شموخ :
كانت عندي ظروف ..المهم انت كيفك ..؟

وائل : انا بخير دامك انتي بخير ودامي
سمعت صوتك ..

شموخ ترفع بيسو بجنبها على السرير وتلعب فيها : ايوه
وكمان

وائل : كمان ايش ..؟

شموخ : زيد من هالكلام الحلو لاني طفشانه
ومتضايقه

وائل : ماعاش اللي يضايقك ياعمري احكي لي وش فيك ..؟

شموخ :
امم بابا تصور طلع متزوج على ماما

وائل : لااااا كيف ..؟

شموخ تزيد
الكذبه : متزوج اردنيه تصور من اربع سنين وحنا ماندري

وائل : ياحياتي
لاتزعلي ولا تضايقي ابوك مصيره بيطلقها ويراضي امك

شموخ : المشكله ماما
ماتعرف وحنا محتارين كيف نخبرها

وائل : انتم ..؟ انتم مين مو انتي تقولي انك
البنت الوحيده ..؟

شموخ : وش بلاك انا وخالي اللي عرفت منه بزواج
بابا

كان حكيهم مع بعض مافيه ثقه كل واحد منهم يحس ان الثاني يكذب عليه وهذا
اللي حاصل باكثر العلاقات اللي كذا ..باقرب مشكله بينهم تنقطع حتى لو كانت من سنوات
..


@@!!!ّّ+_()*&^%$#@!ًَُّلإلأ[]ٍِ
فديت ترابك
يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ


ريوف وهي
جالسه على واحد من الكراسي بالمجمع وتفكيرها مشلول .. شافت اخوها يمشي وعيونه تدور
بالمجمع ..وقف شعر جسمها من الخوف (( ياويلي صقر هنا والله لويشوفني لاروح فيها ))
زاد بكيها من الخوف

سمعت نغمة جوالها تدق وكان رقم اخوها ..هنا جد ماتت من
الرعب . .. ضل يدق ويدق لحد ماسكت فجاءه ارتاحت اعصابها شوي وشافته معصب وعيونه
تدور لهاللحين اكيد يدورها بس كيف عرف انها هنا ..

مشوا من جنبها شباب وهم
يوزعوا ابتسامات خافت من نظراتهم اكيد بيناظروها كذا لانها لوحدها من غير لاتحس
ركضت لعند اخوها صقر وهي ترتجف من البكي والخوف ..

صقر لف عليها وجهه مايبشر
خير وصرخ فيها : انت وش جالسه تسوي هنا ياحماره

ريوف ماعرفت وش ترد وش تقول
نربط لسانها ومسكت فيه اكثر وهي تبكي

صقر انتبه بالناس تناظره ضغط على نفسه
وهو يجرها من ايدها : تعالي لللبيت وانا اللي بربيك

صحيح ان صقر اصغر من
ريوف بسنتين لكن في هذي الامور العمر مايعرف شي ...وعلشان كذا امها رسلته احسن من
اخوها عبدالله الكبير اللي والله يقتلها قدام خلق الله ..

لكن مع الاسف
تخطيط امها راح ببلاش وهي تدخل للبيت كان بوجهها اخوها عبدالله وعيونه حمراء من
العصبيه : صقر شفتها مع مين هذي الحيوانه ..؟

صقر وخاف هو من صرخته اخوه عبد
الله الكبير : لوحدها جاءت لي

موزه ركضت لبنتها وضمتها : والله ماتقربون
منها الا لما اسمعها ريوف كيف رحتي وليه ..؟

ريوف قالت بصوت كلها رعب :
ووالله والله مع شموخ شموخ بنت الجيران اخذتني وطلعنا ومعنا بنت
ثالثه

عبدالله : مو انا قلتلك اتركيها هذي الوقحه ابعدي يمه ابعدي عنها احسن
لك

موزه : يمه بنيتي والله ماتلمسها اكيد لعبين بعقلها

[مـكـشختهم]

@@!!!ّّ+_()*&^%$#@!ًَُّلإلأ[]ٍِ
فديت
ترابك يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ

ندى :
يمه سعديه اطلعي سولفي معنا ...

الجده : لا السقف ماطاح علي ....

ندى
تصرخ : هههه اطلعي سولفي معنا

الجده : اها أسولف لا يابنتي مالي خلق توني
متغديه واحس ودي انام

ندى بنفس الصرخه : خلاص برااااااااحتك

طلعت من
الغرفه وشافت وعود بالمطبخ تخلط الكيكه بيدها لان مافيه خلاط عندهم

ندى : مع
وجهك شتسوين ...؟

وعود : شرايك يعني .. كيكه ..؟

ندى : وعووووده
حبيبتي

وعود : لاااا خير ..

ندى : وش رايك نروح لبيت
خالي

وعود : لااااا امي بتعصب بدال ماتذاكري نسير

ندى : والله طفش
وبيت خالي قريب ...

وعود : روحي قولي لها جربي حظك ...

ندى : لا
عارفه الرد مايحتاج ... وبعدين امهي ببيت جيراننا نسيتيي اليوم الاحد ولازم يجتمعوا
الحريم

وعود بحماس : وشرايك نفرش لنا بالسطح ونتقهواء ونفلها ..

ندى
بدون نفس : يللله والا ندق على بنات خالي يجون لنا

وعود : وشفيك انتي الناس
تذااكر مو مثلك ...

ندى : زين خلاص فهمنا ...

نواف : بنااااات بنات
الحقوا

وعود : وش فيك يالمهبول

نواف : مراح تصدقوي فاطمه و احلام
بنات عمي عدنان عند الباب

وعود طاحت الملعقه من ايدها : بنااات عمي
عدنان

ندى ناظرت وعود خايفه ان الانهيار اللي حصل لها بعد ماطلقها يعقوب ولد
عمها عدنان يرجع

ايوه وعود مطلقه من سنه تقريبا طلقها ولد عمها يعقوب بلحضة
غضب وطلب يرجع لها لكن كرامة وعود فوق كل شي فوق الحب اللي يجمعهم من
صغرهم

ندى : وهذولا وش جيبهم هاللحين ..؟

وعود بهدوء عكس ارتجافها :
تعالي نشوف مو حلوه يوقفوا عند الباب كذا ..

ندى بتردد لحقت وعود اللي طلعت
من المطبخ بقوه وشجاعه ..

كانوا فاطمه واحلام واقفين عند الباب ينتظرون حد
يدخلهم ...الا جاءتهم وعود ومن ورائها نواف و ندى

وعود : هلا والله .. ليه
واقفين ادخلوا

فاطمه واحلام دخلوا بتردد لانها قبل سنه طردتهم من البيت ولا
عاد جائوا لبيت عمهم ...وهاللحين ترحب ...

وعود : معليه نواف نسى
يدخلكم

دخلتهم للمجلس الصغير مره والوحيد اللي فيه اثاث مقبول وكان جلسه
متواضعه على الارض ......

فاطمه بتردد كبير قالت متلعثمه : لا خلينا بالصاله
لان لان يعقوب بره ويبغى يدخل

ندى : نعم يدخل ... مافي احد بالبيت امي وابوي
بره ..كيف يدخل ..؟

وعود ارتجف جسمها من سمعت اسم يعقوب وتخيلته جالس
بمجلسهم وجاي ماخذها ترجع للبيت مثل العاده ..

احلام وعيونها على وعود :
نواف هنا ونواف رجال ..

وعود : شدعوه هذا بيته هو لهاللحين ولد عمنا قولوا
له يتفضل نواف رح لولد عمك وقله يقلط

كانت تتحاشى تقول يعقوب اسمه لان
مشاعرها بتخونها ساعتها..

جلسوا البنات بالصاله ودخل نواف يعقوب للمجلس
..

يعقوب : ها نواف باي صف هاللحين

نواف بحقد : ما اتوقع
يهمك

يعقوب ناظره وهو عارف سبب معاملته : اكيد متوسط ..

نواف ناظر
الباب : آآآف ..

يعقوب جلس ساكت : جب لي مويه لو سمحت

نواف بدون نفس
: زيين

وقف وطلع من المجلس ويعقوب ميل راسه يمكن يلمحها يلمح زولها واقفه
تبتسم له .. بس خاب ضنه وماشاف احد ...

فاطمه طلعت من شنطتها كرت كبير شوي :
هذا كرت زواجي بعد بكره

احلام : حنا جينا نعزمكم مهما كان حنا
اهل

ندى : ايوه اهل وجايبين الكرت قبل يومين

فاطمه : والله اول
ماخلصت الكروت جبناها لكم

وعود خذت الكرت وابتسمت : مبروك ..

فاطمه
تحب بنت عمها لكن الايام فرقتهم : الله يبارك فيك وترى فيه الدعوه عامه لاتنسوا
بنات خالكم

ندى بحقد : اذا حنا مراح نجي كيف بنات خالنا

احلام بسرعه
: ليه تعالوا

وعود : صح مانقدر نجي وانتم عارفين ليه ..؟

فاطمه
واحلام وقفوا ...

احلام : حنا سوينا اللي علينا وعزمناكم ..

فاطمه
سلمت على بنات عمها ببرود : كنت اتمنى تفرحوا معي بس ..

وعود : وين بدري
ماشربتوا قهوتكم ..

احلام : ليه دامكم مراح تحضروا ..

ندى : احلام
بلا ستهبال انتي عارفه اننا مانقدر نحضر ونشمت الناس فينا اكثر ....

وعود :
.............................

فاطمه حطت الكروت الباقي على الطاوله : ياليت
تجوا وماعليكم من احد مع السلامه

وعود وندى بدون نفس : مع السلامه
....

طلعوا بنات عمهم ولحقهم يعقوب وعينه تدور بالبيت عليه يتمنى يشوفها
بالغلط بس سكر نواف الباب وهو ماشافها

يعقوب : وش قالوا بيجوا

احلام
: اكيد لااااا

فاطمه : انا من البدايه قلتلكم مالها داعي هالحركات ماسمعتوا
لي ...

يعقوب بقهر : حتى ماسلموا علي

احلام : لا واثق من نفسك بعد
اللي عملته وتبغاهم يسلموا

..................

وعود جلست على الارض
ماسكه دمعتها

ندى : ماعليك منهم جايين يكملوا سواد وجههم

وعود : انا
ماقهرني الا جاي ويدخل بعد ...

نواف : لاتخافي انا وريتك فيه عاملته
زفت

وعود تكابر : اقول قوموا ننبسط ونوسع صدورنا ....

نواف ببراءه :
خلاص مانتي بزعلانه

وعود : لااااا يله بس بلا كثرت حكي ...

بعد
ساعتين رجعت امهم من جمعت الحريم : السلام عليكم

اللكل : وعليكم
السلام

ندى بحماس : يمه فاتك بيت عمي عدنان كانوا عندنا

الام ناظرت
وعود بسرعه : عمك عدنان

وعود ببرود وانها مو مهتمه بعكس الشوق اللي رجع لها
بمجرد ماتخيلت يعقوب كان معها بمكان واحد : ايوه جايبين كروت زواج فاطمه بعد بكره
..

ندى وعارفه ان امها بتقول نروح قالت بسرعه : وحنا قلنالهم محنا بحاضرين
..

الام : مانتم بحاضرين : ليه على كيفكم تردوا

وعود بنفس البرود لكن
بنظره كلها اصرار : يمه لاتحاولي ماني بحاضره

الام : لا بالعكس مفروض تحضري
وترقصي بعد والله بيتشموا فيك كذا اعملي حالك مبسوطه ..ومرتاحه

وعود : وانا
جد مرتاحه ومبسوطه بس مراح احضر

ندى : اصلا ماعندنا فساتين عدله
..

الام : الا عندكم فساتين ..

ندى : لييكون قصدك الفستان الاخضر حقي
والارتكواز حق وعود كم مره شافوه يمكن اربع زوجات حضرنا فيه ...

وعود : اي
فساتين تحكون عنها الموضوع منتهي مراح احضر ..

ندى تغمز لها يعني ان حجتهم
الفساتين

الام جلست جنب بنتها : يابنتي ولا تضايقي ولا تزعلي نفسك مفروض
نحضري وتبين ان طلاقك موضوع عادي وماتخليهم يضنوا انك مستحيه من نفسك
...

وعود تبغى تنهي الموضوع لان العبره خانقتها : خلاص بفكر ..انا بروح اشوف
جدتي

طلعت من الصاله تهرب قبل لاتنزل دموعها لحقتها ندى وهي تمسك يدها : صح
كلام امي لازم نروح ونرقص بعد ..

وعود ناظرت بندى اختها وبئير اسرارها
وعيونها مغرقه : يعني قولتك كذا ...

ندى : اكيد ونجرجر معنا بنات خالي هواجس
ونور ...

وعود سكتت تفكر تروح والا لا : خائيفه ..

ندى : لاتخافي
كلنا معك والله لانوريهم من حنا

وعود هزت راسها بالنفي : لا مستحيل اروح
والله ماني مستعده اشوف الاحتقار بعيونهم اسفه

ندى برجاء : وعوده
.......

وعود : بتروحي روحي انتي انا لا سوري ...

ندى بياس : مافي
امل

وعود : ولا واحد بالميه مهبوله انا اروح لعندهم برجليلني اسفه
..

ندى مدت بوزها : اوكيه براحتك بس والله لاقنعك بتشوفي

[مـكـشختهم]

@@!!!ّّ+_()*&^%$#@!ًَُّلإلأ[]ٍِ
فديت
ترابك
يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ




ريان
سمع صراخ الجيران واستغرب بيت بوعبدالله محترمين بالعاده مايطلع لهم صوت ليه كل
هالصرخ على الظهر .. رفع كتوفه بلا مبالاه وكمل شغله ..

شموخ طلعت ببيجامتها
تركض للحوش وعلى وجهها ابتسامه كبيره وقفت بنص الحديقه عند طاولة ريان

ريان
ببرود : اعقلي ...

شموخ اول ماشافت وجه ريان انفجرت بالضحك بانتصار :
ههههههههه

ريان :ا لحمدلله والشكر انسه مشاكل انجنيتي

شموخ
والابتسامه الخبيثه معطيه وجهها جمال تحت ضل المظلات : وش فيهم بيت بو عبدالله
..

ريان باستهزاء : وهذا اللي مطلعك تركضين ..

شموخ جلست قباله وحطت
رجل على رجل والخبث طاغي على وجهها : استغفر الله اكيد من سوالف بنتهم ريوف
..

ريان طنشها وكمل شغله :........

شموخ تصرقع اصابعها وهي مصره
تسمعه كلامها علشان تطلع من الموضوع : هذي ريوف استغفر الله تطلع من الجامعه وتروح
تصيع ولقرب وقت سيارة اخوها ترجع للجامعه ..لا وتتبلى على البنات انهم يطلعوا
معها..

ريان ناظرها ببرود : وانا وش دخلني تحكين لي ..

شموخ : نتسلى
على مايوصل المطعم

ريان : المطعم ..؟ امي عارفه انك طالبه ..

شموخ
بدلال رجعت شعرها لورى : لاومايهمني اذا زعلت لاني بينك دلوعتها ..

ريان
يكرها ويكره دلعها : احلفي .. ضفي وجهك ابغى اخلص شغلي

شموخ ساحت بالكرسي
الخشبي : وهذي جلسه .. والله والشغل اللي يسمعك يقول معك دكتوراه هههه

ريان
: انسه مشاكل يازينك وانتي منقلعه لداخل

شموخ : ابجلس انتظر هنا كيفي
..

ريان اخذ نفس وغمض عيونه وصار يعد بداخله لحد العشره قبل لايقوم ويضربها
...(( 1 2 3 4 5..10 ))

شموخ ناظرته مستغربه وش جالس يسوي وتذكرت حركته هذي
لما وقف قبال مروج اختها التوم وهي تصرخ بوجهه .. قشعر جسمها وهي تذكر وكرهت ريان
اكثر من قبل .. وقفت بسرعه ودخلت لداخل

لما فتح عيونه شافها توقف بعصبيه
وتمشي لداخل البيت : باللي مايحفضك ..

كمل شغله اللي تقطع عليه اكثر من مره
وصوت صراخ الجيران لحد هاللحين عنده ..

دخلت شموخ للبيت معصبه . ماما مراح
تصدقي

امها لفت عليها وهي تتصفح المجله ..: ايش عندك

شموخ بدلع وغنج
: عارفه ريوف بنت بو عبدالله جيرانا

امها بلا مبالاه : ايوه

شموخ :
استغفر الله استغفر مابغى يكون بذمتي شي بس يقولوا البنات بالجامعه انها تطلع ورى
اهلها للمجمع واليوم اخوها شافها فيه ..

امها بصدمه : ريوف ..؟

شموخ
بابتسامه شيطانيه : ايوه ياماما مو هذي امها اللي احرجتك قدام الحريم وقالت ان
اخلاقي شينه انا ومروج الله يرحمها ... سبحان الله شوفي طلعت بنتها
الوقحه

امها بطيف ابتسامه : ومن قالك متاكده

شموخ : مليون بالمئه
..انتي ناسيه انها تجلس معي بالجامعه

امها وقفت بانتصار ورمت المجله : ههه
اليوم ان رايحه اجل للعزيمه

شموخ : وش عزيمته

امها : عزيمه عاملتها
ام عبدالله ..

شموخ : وشكلها بتكنسلها هههه

امها : ابنتظر للمغرب اذا
ماعتذرت عن العزيمه بروحيلها

شموخ : وليه تنتظري روحي له قبل لاتعتذر علشان
تتاكدي بنفسك وانا بروح معك

امها : ايوه يكون احسن علشان ماتقدر تكذبني قدام
الحريم ..

شموخ بشيطانيه مشت لعند المرايه وهي تتمايل بجسمها وابتسامة نصر
على وجهها : الله يستر علينا دنيا واخرى
..ههه


@@!!!ّّ+_()*&^%$#@!ًَُّلإلأ[]ٍِ
فديت ترابك
يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ


ريان سكر
جهازه بسرعه وسحب مفتاح السياره ومشى للكراج ..

: اوكيه منى حياتي ثواني
وانا عندك ..

منى : انتظرك حبيبي ...

ريان (( ياشينها من فمك احس
بالقرف )) / اوكيه باي

سكر الجوال وركب سيارته وهو ماشي على 40 .. مشى باقل
من مهلله يتمنى الزمن يوقف ولا يروح لها يكررررها ويكره بشرتها المجعده ..
لف
على الدوار اكثر من مره ودخل البيت يتحجج بالاشارات ..والزحمه

دخل بسيارته
القصر الفخم ..واستقبلته العجوز الغبيه عند المدخل بالاحضان : حبيبي وحشتني
..

ريان : وانا اكثر وينك اليوم جيت لك ماشفتك ..

منى : قالت لي ليته
بس ليه ماتغديت حبيبي

ريان ناظر بعيونها الصغيره اللي ملتها التجاعيد :
تغديت مع اهلي المهم حياتي ماقلتيلي وين كنتي ..؟

منى وهي تمرر اصابعها
المرتجفه بحكم السن على شعره : كنت اجهز أوراق الشركه لزوجي وحبيبي ريان
..

ريان بابتسامه هاديه : مشكوره حياتي انا بدونك اضيع

منى : لا
حياتي انا اللي اضيع ويله تعال معي توقع على اوراق بسيطه ..

...

ناظر
ريان الاوراق بتامل وقراهم سطر سطر مايثق في ابوه كيف يثق فيها .. ارتاح لما شافها
موكلته على شركتها يعني 9 شهور معها جابت له هالفيلا وسيارات مايحلم فيها وهاللحين
شركه لو العمر كله وش بيصير عنده ..

منى باستغرب : ريوني حبيبي ليه
ماتوقع

ناظرها بتردد مصطنع وهو يتامل قسمات وجهها الكريه : لاحبيبتي اسف
ماقدر اوقع

منى : ليه ..؟ في شرط ماعجبك في شي مو

قاطعها ريان وهو
يرمي القلم على الطاوله : لا بالعكس كل شي ولا حلمت فيه بيوم بس انا اسف مراح
اوقع

منى عقدت حواجبها وهي تناظر وجهه تبغى تعرف زعلان والا فرحان : اجل وش
فيه ..؟

ريان مسك ايدها : قلبي احس اني نذل وماستاهل حنانك هذا وانا
ماتزوجتك علشان شركات انتي عارفه ليه تزوجتك

منى ابتسمت براحه وعندها رضى
ريان بالدنيا كلها : لاحبيبي مافي فرق بيننا

ريان رفع الورق وقطعها : اذا
كذا خلاص مايحتاج ورق اشتغل بالشركه لك وعلشانك مو لتنازل ومابيننا ورق
..

منى شهقت : لااااا ليه ..؟ - لمست خده بحنان وهو تمنى يطرش اللي اكله
بوجهها من لمستها المقززه - حبيبي ...
الدنيا هذي حياه وموت وانت لازم تثبت حقك
ودامك بتتعب في الشركه لازم يكون لك اثبات ..

ريان ابتسم : خلاص الورقه
وتقطعت ومن بكره راح اداوم يعني الموضوع منتهي ..مايحتاج اوراق

منى : لا
مانتهى ومن بكره تروح للمحامي معتز وتوقع عنده الاوراق

ريان تثاوب بكسل وهو
يسند راسه لورى يبغى يبعد عن وجهها المقزز : يصير خير ..

منى بتهديد : لا
بتروح سمعت

ريان : منى حياتي وش رايك تتركيني براحتى انا مستحيل اوافق على
تنازلك هذا - وبنظره برياءه على وسامة وجهه الجذاب – تفكري اني ماتضايق اذا اخذت
منك شي او يحز بنفسي ان ابوي بخيل ومانع عني فلوسه انا احس يامنى ..

منى
بسرعه : لا ياريان انت زوجي وفلوسي فلوسك ولا عاد اسمع منك مثل هذا الحكي
..

ريان : اوكيه هاللحين اتركيني من هالخرابيط وقولي كيفه قلبي مرتاح ها
..

منى ضحكت وكانها بنت العشرين واللي يشوفهم يقول جده جالسه مع حفيده :
هههه الحمدلله انا بخير ...

ريان : منونه انا بنام لي ساعه لاتنسي تصحيني
الساعه 11 موعد العشاء مع ابوي ...

منى : اوكيه حياتي ماتبغى تاكل
شي

ريان وقف : لا الحمدلله متغدي .. تصبحين على خير

منى بخيبة امل
كانت تتمناه يجلس معها اكثر بس شكله تعبان عذرته : وانت من اهله ..

ريان حس
بخيبت الامل بعيونها بس طنش هو مبسو وماله خلق لوعت كبد .. مشى لعند الاصنصيل وعلى
وجهه ابتسامه شيطانيه وماكتفى بكذا لف عليه قبل لايدخل الاصنصيل : حبيبتي منمن عندك
طلعه اليوم

منى ناظرته بسرعه وكانها ماصدقت يكلمها : ايوه حفله ببيت وحده من
صديقات بنتي ..

ريان : ومن هذي الوحده ..؟

منى : ليه تسال .. اسالتك
كثيره اليوم

ريان ضحك بستهزاء من الكلام اللي بيقووله : هه ههه اغار دخيل
الله انا اغااااااار وحاب اعرف

منى ابتسمت بثقه : وحده اسمعها ام عبدالله
الجياد

ريان علت ضحكته نفس المكان اللي بتروح له امه وجنب بيتهم :
هههههههه

منى : وش فيك ..؟

ريان (( هناك ام زوجك ياحياتي )) : سلامتك
لكن اتخيل الحريم المقورات من كشختك وزرت وانتي داخله ..

منى وثقتها بنفسها
زادت من كلام ريان : اكيد من يومي كشخه .. انا منى

ريان تنهد بشوق : وانا
ماذبحني الا هالمنى .. يالبيه قلبي عليك اعشقك ..

منى ضحكت مبسوطه من حكيه
هذا اللي تحتاجه المراء بال 65 من عمرها .. ترجع كانها مراهقه محتاجه لحنان ولعطف
اكثر من اي وقت مر وهذا اللي عارفه وتاكد منه ريان : هههه..هههه

ريان دخل
الاصنصيل وطلع لفوق لغرفتهم الواسعه و هو متاكد بعد اللي قاله لها بتلحقه عارف انها
تموت بهواءه وتتمنى رضاه ..

[مـكـشختهم]

نجلاء دقت الباب

ام ريان : مين ..؟

نجلاء : انا
ماما

ام ريان : ادخلي ..

نجلاء فتحت الباب بهدوء ودخلت : .. ماما
بتطلعي ..؟

ام ريان : ايوه

نجلاء بنرفزه : بس انتي امس طالعه
..

ام ريان : وانتي ليه معصبه عادي عندي عزيمه

نجلاء : انا مادري كيف
تتحملي تطلعي كل يوم ماتملي

ام ريان بانفعال : نجلااااء وش فيك حاسدتني على
كم مشوار .. – بهدوء - ويله بدلي ملابسك وخذي من بينك كم قطعه مرتبه علشان تطلعي
معنا

نجلاء وكان شي قارصها : لا اطلع واخذ من بينك بعد هذا اللي ناقص
..

ام ريان : وش فيها اذا اخذتي من اختك انتي ماعندك ملابس لطلعات
..

نجلاء : لا لو اموت ماخذ من انسه مشاكل هذي مصدقه نفسها من غير شي بعد
اخذ من عندها .. المهم ماما انا جايه اخبرك اني بنام ببيت جدتي كم يوم ..

ام
ريان وهي تلبس الاسواره الالماس : والله محد مخربك الا بيت جدك وخالاتك القرويين
..

نجلاء وهي تساعد امها تسكر الاسواره : ماما ابنام عندهم كم يوم ..وبعدين
هم خواتك ..؟

ام ريان : والمستشفى ..؟ وشغلك ..؟ وحنا ..؟ وابوك
..؟

نجلاء : استاذنت منه ووافق

دخلت شموخ بفستانها الفوشي الملفوف
على جسمها وكانه حاضنها .. ومبرز خصرها كان ضيق مره ومفصل جسمها تفصيل .. ويجر وراه
ذيل طويل شوي وبوسطه شريطه ورديه باهته وعاري الاكمام والصدر .. وعلى شعرها
الكستنائي الامع شريطه ساتان بنفس لون الفستان الفوشي وحلق وردي كبير يزين اذنها ..
ومكياجها الصارخ اللي زاد من جمالها وغطى على براءت ملامحها وصارت انثى بكل ماتحمله
الكلمه من معنى ..

رمشت بعيونها الرماديه الوسيعه : يله ماما جهزتي
..

ام ريان ناظرتها باعجاب : بسم الله عليك قمر الله يحفضك

شموخ
ابتسمت بثقه : عارفه .. يله مشينا ..

ام ريان : انا جاهزه بس اختك تلبسني
الاكسسوارات ..

مشت شموخ لعند امها ودزت نجلاء مع كتفها : ابعدي انتي انا
البس ماما انتي وش عرفك ..

نجلاء : انتي كيف بتروحي بهذي الملابس وكانك
رقاصه بمرقص ..

شموخ : دكتوره قرويه الغيره ماكله قلبك من جمالي
واناقتي

نجلاء وهي تطلع من الغرفه وكلام شموخ صحيح تحس نفسها تخربط شعر شموخ
اللي يلفت الانتباه بلونه ولمعته او تنتف رموشها الكثيفه اللي ماتحتاج لمسكرا كثير
..: انتبهي على جمالك اجل هههه مصخره كانك مهرج
طلعت وسكرت الباب

ام ريان
: ماعليك منها غيرانه شوي منك ..

شموخ : شوي بس هههه الا بتموت من الغيره
هههه

ام ريان يله حبيبتي بنتاخر على الشماته ..

شموخ : ماما
لاترحميها تذكري حكيها عن مروج وعني ..

ام ريان هزت راسها بتاكيد : ومن قالك
اني نسيت حركتها بعزاء مروج والله لامسح بكرامتها الارض
..



@@!!!ّّ+_()*&^%$#@!ًَُّلإلأ[]ٍِ
فديت ترابك
يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ





توقعوا
معي ..

س : ياترى ايش راح يصير بالعزيمه اللي تجمع منى مع شموخ وام ريان
..؟
س : موزه ام ريوف وريوف وش بتكون ردة فعلهم بوجود شموخ ..؟
س: ومن هذي
اصايل اللي بيلحقها سامي لمصر
..؟

[مـكـشختهم]

الفصل الثالث
..







دخلت شموخ بخطوات واثقه وغجريه تبعد خصل شعرها
عن كتفها بدلع مشت وكانها عارضه ازياء في الفشن .. كانت تصرخ بالانوثه والدلال
..كانت اسم على مسمى شموخ الارض كله في خطواتها

كل الانظار توجهت لجهتها
وانبهروا بجمالها ..وبدون مبالغه الفوضى والسواليف والاصوات المرتفعه اللي كانت
موجوده بدخوولها سكتت .. وعم الهدوء المكان ..

ام ريان كانت بداخلها تقراء
على شموخ من عيون االموجودين ..

ام ريوف ماتوقعت حضور شموخ بعد اللي سوته لا
ومن وقاحتها جايه مع امها : اهلا يام ريان تفضلي ..

ام شموخ بابتسامه لها
الف معنى : الله يحيك ..

شموخ جلست بمكان بعيد عن امها وكان بصدارت المجلس
وهي متاكده انها شاغله عيون اللكل .. جلست من غير لاتسلم على احد وانفها مرفوع لفوق
بغرور ..

منى كانت جالسه على جنب ببيت بنتها وناظرت البنت اللي خذت عقول
الكل ...: ساره من هالبنت هذي ..

ساره حفيدة منى قالت بغيره : هذي بنت
جيراننا بنت فارس الخيال ..

منى عقدت حواجبها : الخيال ..؟ اخت ريان الخيال
...

ساره : ايوه جده عندها اخوان توم ياخذوا العقل خياااال بس مايشبوا لها
ابدا

منى : توم .. من ..؟

ساره : اممم ريان وسامي ..

منى :
توم لريان ..

ساره : ايوه اسمه سامي .. ماعرفتيه سامي الخيال لاعب كرة السله
هو ضابط بس بعد يلعب مادري كيف ساكتين له ... وهذا يموت بالبنات وسمعته لك عليها
اما ريان ثقيل مايعطي البنات وجه

منى بعصبيه : وانت وش لك فيه مايعطي البنات
وجه

ساره باحراج : لا جده ماقصد بس ..- وقفت - انا بشوف ريوف ..

منى
ناظرت شموخ بتامل (( اجل انتي اخت ريان والله ماتوقعت ان اخته بهالجمال والكشخه
صحيح انك مزيون ياريان بس هذي شموخ غير ورافعه خشمها بعكسك ..... وعندك توم بعد وش
مخبي علي ياريان بعد ...)) : سارونه خذيني معك ....

طلعت مع حفيدتها ...و
راحت لصالون اللي برى البيت تقريبا ...

دقت على ريان ..

رد عليها :
هلا والله حياتي

منى : حبيبي صحيت

ريان :ا يوه من شوي وهاللحين طالع
بطريق الحبيل للخبر .. وانتي كيف العزيمه عندك ..؟
وبعد السماعه عن اذنها من
نشاز صوتها

منى : عادي ممله بس علشان خاطر بنتي

ريان : معك حق بنتك
لها حقوق ... حبيبي اتركك تكملي عزيمتك

منى بخيبة امل ثانيه : اوكيه وانتبه
على نفسك بالسواقه ..باي

..................................

اما
ساره تجهت لغرفة ريوف ..,و فتحت الباب بقوه ..التفت لها ريوف وهي تبكي مقهوره من
ضرب عبدالله لها ..

ساره : الحقي الحقيره تحت

ريوف ناظرتها بقهر :
اطلعي مالي خلقك ..

ساره : يالغبيه بينك شموخ تحت عندنا

ريوف بصدمه :
شمممموخ ..؟

ساره بقهر : وبكل وقاحه جايه تصوري وكاشخه ولا كانها عملت شي
..

ريوف بكت اكثر : ياووويلي اكيد وراها مصيبه مايجي من وراها الا المصايب
..

ساره : ماعليك منها لاتخافي ...وانزلي بعد واكسري عينها

ريوف بخوف
: لااااااااا مهبوله انا هذي حقيره وتعمل اي شي انتي ماتعرفيها مثلي
....


احساس ريوف ماكذب ...

ام ريوف : شموخ اطلعي للبنات فوق
..

ام ريان بصوت مرتفع : لا بينك اجلسي انا محب بنتي تختلط مع مين من كان
استغفر الله العظيم ..

شموخ : ايوه انا ماجلس مع بنتك ريوف بعد اللي صار لها
اليوم

وحده من الحريم : وش فيك تحكون بالالغاز وش صاير ..؟

ام ريان :
و لا الغاز ولا شي سمعنا ومنتشر بالكليه ان ريوف ماتحضر الكليه وتطلع بعد مايوصلها
اخوها للمجمعات والمطاعم استغفر الله ...وين تروح هذا اللي ماندري عنه
..

الحريم صاروا يتساسرون وهمس بكل مكان ...ام ريوف انربط لسانها ماتوقعت
يكونوا بهذي الوقحاه يجوا لبيتهم ويفضحوا ببنتهم ..

وقفت شموخ وهي تنفض
فستانها بخفه : قبل لاتتهمي بنات الناس يام عبدالله ناظري بناتك ومروج ماماتت مثل
ماقلتي خافي ربك وهذا الزمن دار وبنتك هي اللي طلعت مثل ماقلتي عن مروج الله يسامحك
ويستر على بناتك هههه

ام ريوف : يالكذابه انتي معها بنتي مافيها شي من اللي
تقولونه هذا فيك وببنتك وهي اللي ودت بنتي

ام ريان بثقه ان بنتها برياءه :
اللي بيته من قزاز لايحذف الناس بحجر ..

طلعوا ام ريان وشموخ ونشوة النصر
ماخذتهم بفخر : هههههههه ......

ومايحتاج اقولكم عن حال ام ريوف والحريم
اللي صدقوهم لان سكو ت ام ريوف اكد حكيهم ...

دخلوا للبيت وهم
يضحكوا

شموخ : ياماما شفتي وجهها ههههه

ام ريان : لا ولحد هاللحين
مصره تتبلى عليك ..

شموخ : ماعليك منها من القهر هههههه

ام ريان
بتانيب ضمير : مسكينه كسرت خاطري .. والله تنرحم

شموخ (( بدينا آآآف )) :
ماما انبسطي ماعليك لازم نحتفل بهالمناسبه

بصوت بارد : اي مناسبه
..؟

شموخ : آآآآآآف ..

ام ريان : هلا والله ريان حبيبي متى جيت
..؟

ريان وهو يناظر شموخ من فوق لتحت مبهور وكانها بنت ثانيه غير البسيطه
والبنوته بالبيجامه هذي جمالها اخاذ وانثويه لاخر درجه حاول يبعد عيونها عنها ماقدر
كل اللي بباله شموخ ماهي بختي شموخ ماهي باختي .. ياكثر مايكرها ووده ياخذها
ويرميها باقرب بانيو تمسح جمالها المصطنع .. كان متاكد انها من دون مكياج اجمل بس
هذي المره له سحر خاص ومعطيها هاله من الانوثه ..

ام ريان :ريااان احاكيك
متى جئيت ..؟

ريان التفت لها : من دقايق

شموخ وهي تناظر بالمرايه
اللي بطولها وترتب خصل شعرها ولا كان حد موجود

ام ريان ..: ريااان
ريان

ريان ماكان معها كان مع الدلع اللي قباله وهي تتجاهله بكره متعمد ...
يكره دلعها وحركاتها تنرفزه بس في شي بداخله يقول هذي مو اختك يعني يتيمه مالها ظهر
ابتسم على افكاره ...

ام ريان : وش فيه هذا ...؟ شموخ ..

شموخ حطت
ايدها على خصرها وهي تميل جسمها يمين ويسار قبال المرايه : ماما ....؟

ام
ريان : نسيت .. بينك تعالي معي

انتبه ريان : وين ..؟ اقصد يمه مافيه عشاء
اليوم ..؟

شموخ تتعمد تطنشه لكرهها له : آف . لبسنا على ثواني

ام
ريان وهي تدخل لغرفتها : بينك يله بدلي وانا ببدل بعد ساعتين العشاء

شموخ
بكسل : اوكيه ..

[مـكـشختهم]

ام ريان بدلت وقررت تنام على مايوصل زواجها (( يارب سامحني
على اللي سويته بس حبيت ارد كرامة هاليتامه .. يارب سامحني )) ..وناامت
..

ريان بعد مادخلت امه جلس على الكنبه باسترخاء وهي يخفي وراء نظراته
البارد مكر الدنيا كله : هاللحين انتي طالعه لناس بهالمنظر ..

شموخ ومتوقعه
منه هالحكي لان مستحيل بالسعوديه واحد يناظر اخته انها حلوه حتى لو كانت ملكة جمال
..: والله اطلع باي شكل يعجبني انت وش دخلك ..؟

ريان : روحي بس بدلي
هالمصخره واغسلي وجهك اللي يشوفك يقول مهرج

شموخ : سبحان الله انت ودكتوره
قرويه تستخدموا نفس الممصطلحات لانكم تغاروا مني

ريان ناظرها سطحيه لابعد حد
...نزل لعقليتها : نغار منك وليه ..؟ على ايش ..؟

شموخ : على ايش ..- شدت
ظهرها بفخر واشرت على نفسها من فوق لتحت - على هذا على جمالي ...

ريان بتوتر
: هههههههه جد بزر

شموخ شغلت الاستريو الكبير اللي بجنب التلفزيون على اغنية
.. وحده وحده لمحمد حماقي
(( (( (( الا باء اللخبطه دي ليه ...
ياللي خاطفنيي
ياليت توالي ))

شغلتها وجلست ترقص عليها .. تتمايل بخصرها مع دقت الموسيقى
ولاكان ريان موجود ..
هي متعوده ترقص بوجوده وكانت ترقص معها على ايام توامها
مروج فكان عندها الموضوع ايزي

لكن

عند ريان كان غير هذي اول مره ترقص
وهو عارف انها مو اخته ومتاكد بعد ... ابتسم وعيونه تميل مع ميلت جسمها
..

شموخ تناظره وهي عارفه انه ينقهر من دلعها وابتسامته المستهزاءه ماكده
ضنونها .. زادة دلع قهر له .. وماهي بعارفه عواقب حركاتها ...

دق جواله
يصحيه من لحضات السكر بجمالها ودلعها
ناظر الرقم "منى " داقه عليه (( اف شتبغى
هذي هذا وقتها ..)) وحصلها فرصه ينكد على شموخ : انتي هييييييه ..

شموخ لفت
وعطته ظهرها وهي ترقص يعني ماشوفك

ريان صرخ من صوت المسجل المرتفع :
انسسسسسه مشاكل سكريه ..

شموخ تشوفه بالمرايه كملت رقصها ولا كانه
يحاكيها

ريان قام وقطع السلك وهو بااارد لانه مايبغاها توقف رقص ...: ابحكي
تلفون

شموخ : اطلع بره ادخل غرفتك انا ابغى ارقص

ريان : ارقصي بره
بغرفتك انا ابغى احكي منتظر تلفون مهم

شموخ رجعت السلك بالفيش : بتحكي اطلع
بره

ريان عطاها نظرة تهديد : اقولك بحكي هنا ...

شموخ : وانا برقص
هنا ..

ريان قطع السلك مره ثانيه : لاااا بحكي وانتي بتجلسي ماكله تبن
...

شموخ : باحلامك

مشت بترجع السلك ..مسكها ريان من ايدها : اقصري
الشر وخليني احكي وبعدين اعملي اللي تبغي ..

شموخ هزت راسها بياس : سوري
ماقدر ابرقص هاللحين

ريان : وريني كيف بترجعي السلك ..
رماها على الكنبه
بقوه ..
شموخ عصبت من هو علشان يضربها : انت مين علشان تمد ايدك علي
..

ريان دق على منى وحكى معها ببرود : هلا هلا وغلا بحبيبتي

شموخ
ضغطت على ايدها بعصبيه : غبي انا اوريك ..

وتوها بتمشي تركب السلك الا دخل
ابوها : السلام عليكم

ريان وشموخ : وعليكم السلام ..

ريان قبل لايحكي
كلمتين مع منى سكر الخط واعتذر بطريقه لبقه ..

شموخ ناظرت ريان مقهوره راحت
عليها الرقصه ابوها رجع

بو ريان : مشاء الله شموخ وين كنتي بعرس

شموخ
: لا بابا ببيت ام عبدالله عاملين عزيمه

بو ريان : اها .. يا شيخه ياشيخه ((
ينادي ام ريان .)) .= كل هالكشخه واسمها شيخه خخخ

شموخ : روز روز نادي ماما
شيخه ...

كلوا عشائهم بصمت وشموخ بفستانها ماتبغى تبدله مانبسطت فيه ولازم
تحلله ...ونجلاء هذي المره ماكانت موجوده ببيت جدتها مثل العاده ..

خلصوا من
العشاء وكالعاده اللكل توجه لغرفته ونام
...

@@!!!ّّ+_()*&^%$#@!ًَُّلإلأ[]ٍِ
فديت ترابك
يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ

بو نواف : وين
وعود تتعشى معنا

الجده : ماعندنا عشة حمام ياوليدي حمد رميناها من
زمان

بو نواف بصراخ : يمه اقول تتعشى معنا اقصد وعود

الجده : العود
ان شاء الله – وقفت ..

ام نواف : عمتي وين بتروحين ..؟

الجده : بجيب
العود لولدي حمد يتبخر فيه ..

اللكل : ههههههههههههه

ام نواف :
ياعمتتتتي يقول وعود وعود بنت ولدك

الجده : اها وعود وش هالاسم الله يهداكم
لو انكم مسمينها سعديه مو احسن

نواف : وععع ههه

ندى : ههه
ههه

بو نواف : انت معها احترموا جدتكم ..

ام حمد الجده جلست وكملت
اكلها المهروس لقلة اسنانها ..

بونواف : وين وعووود ..؟

وقفت الجده
من جديد : تبغي العود

اللكل : هههههه

نواف : امي سعديه مصممه على
العود خخخخ

بو نواف يرفع صوته : لا يمه ارتاحي نواف بيجيبه

الجده :
من اللي جيبه مقطوع ..

اللكل : ههه هههه

ندى : لاحول ولاقوة الا
بالله هههه

بو نواف بهمس لف على ندى : وين اختك ..؟

ندى بنفس الهمس :
نايمه ..

بو نواف : وش عندها بدري

ندى ارتبكت : انت عارف يبه المدرسه
لازم ..

بو نواف هز راسه بتفهم : اهاااا ..

الجده رفعت راسها من
الاكل ومسحت فمها بملفعها مسكينه مراءه كبيره ماتعرف ..: ندى روحي افرشيلي بدخل
انام

ندى : آآف الواحد مايعرف ياكل لقمه عدله بهالبيت ..

بو نواف
عطاها نظره خلتها تفز من مكانها ..

................

شموخ كانت تتقلب
بفراشها تفكر بكلام امها واختها تروح ولا لا ..
لازم تروح علشان تكسر عيونهم ..
بس ماتقدر تخاف
نامت وهي تفكر ومابعد قررت كويس

[مـكـشختهم]

@@!!!ّّ+_()*&^%$#@!ًَُّلإلأ[]ٍِ
فديت ترابك
يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ


ريان صحى
من النوم وتكشخ هذا اول يوم له بشركته الجديده .. حلق ذقنه وترك بس بداية ذقنه
والشنب بشعرهم الاسود .. تعطر باكشخ عطوره ولبس ساعته قيفنشي هدية منى له بمناسبة
سلامته من الفلونزا الوهميه اللي اخترعها ..
طلع من البيت بسيارته السوداء
الفخمه ماكانت البي ام دبليو او الكسز كانت سيارة ( بيل جيتس اشتراها تناسب مكانه
بالشركه .. لمبنى الشركه الجديد وفي باله الف شغله وشغله والله لايفلس عمه اللي رضى
يشغله وباعلى راتب بالنسبه للموظفين مثله .. يعني ناوي يعض الايد اللي نمدت له
...

مرزوق : هلا والله ومسهلا استاذ ريان

ريان ناظره من نظراته
الشمسيه وهو يدخل لمكتبه : لا يكثر بس وناد لي معتز محامي الشركه ..

مرزوق
هز راسه : حاضر …

ريان دخل لمكتبه الفخم وجلس على الكرسي وقباله الطاوله
وريحة الصبغ فيها مختلظه بالدخون " البخور ".. ابتسم بفخر وصل لكرسي لو درس سنين
وشتغل اعوام ماوصله ..

فتح علبة السجابر واخذله وحده اشتاقلها اخر سيجاره
كنت امس قريب العصر بحديقة بيتهم ..

دق جواله وكانت منى اكيد وصلها الخبر
انه داوم .. مارد عليها لعانه انه مشغول ويشتغل بذمه ..

وقف لعند النافذات
الطويله اللي يشوف منها السيارات والشركات الصغيره اللي حوله والمساجد ..
سحب
نفس طويل من معشوقته السيجاره …وصوت نغمة منى الحاصه تدق وكانت اجنبيه من اعاني
مطربه المفضل "توباك "

معتز : احم احم السلام عليكم

ريان : داخل على
حريم انت تتنحنح ...

معتز الشايب : شفتك سرحان ..

ريان : ناوي تسولف
بعد اسمع ابغى تغيير كل موظفي الشركه ..

معتز بصدمه : لكل الموظفين ... بس
انا محامي ماللي دخل ..

ريان جلس ورى مكتبه : عارف انك المحامي وانا علشان
خاظر منى مراح اغيرك وانا اخبرك علشان تنفذ كلامي والا مصيرك مثل الموظفين الباقي
..

معتز سكت وهو حاس بحقارة ريان من زمان : .........

ريان : يله ناد
لي مسول الماليه والعلاقات العامه ونائب المدير وابغى تقولهم ان المدام منى هي اللي
طلبت تغيرهم سمعت

معتز : بس ماينفع كلمهم هذولا معهم اسرار الشركه وهم سنين
فيها و

ريان : انا مو عاجبتني السياسه اللي مستخدمينهم – سحب من السيجاره –
ومابغى عجز بالشركه ابغى كلوا شباب سمعت ..

معتز خاف انه يلحقهم وينطرد لان
منى ماتثني كلمة ريان واي شي يقوله معه حق فيه ...: حاضر ..

طلع معتز وريان
يراقبه معقد حواجبه دق على منى ..ردت على طول : الو حبيبي ليه ماترد

ريان :
كنت مشغول مع معتز ومانتبهت بالجوال

منى : وقعت الاوراق

ريان : لا مو
وقته بعدين

منى : لا حبيبي والله بزعل

ريان (( زعلتي والا جهنم
الحمراء تاخذك )) : اوكيه حياتي ماعليك من هالسواليف وكيفك انتي ..؟

منى
تتنهد : كويسه انتي اللي كيفك مه الشغل الجديد

ريان : كويس ومعتز اقنعني
اغير كل الموظفين ..

منى بشهقه : كلهم كيف ..؟

ريان : احس ان معتز
على حق لازم اغيرهم اكيد هم مع المدير اللي قبل ..وبعدين حبيبتي لاتعوري راسك
بهالمشاكل انا مامسكت الشركه الا علشانك ....

منى : اوكيه براحتك بس انتبه
الفراش بو نواف لاتغيره ..

ريان : الفراش ليه ..؟

منى : له فضل
علي

ريان باستهزاء : الفراش

منى بجديه : ايوه ياريان انتبه لا تغير
لو شيصير

ريان بلا مبالاه : اوكيه حبيبتي تامرين على شي انا
مشغول

منى : ليكون تاخذك مني هالشركه هههه

ريان (( ضحكتي بلا ضروس ))
: لاحياتي انتي الخير كله

منى : اوكيه باي وانتظرك على الغداء
ضروري

ريان : اوكيه باي ...

سكر ريان منها ونفسه يدوس ببطنها عجوز
النحس تدلع بعد ياشين الدلع عليك ..
اكيد بعد دلع شموخ منى دلعها ماصخ وماله
داعي ..


@@!!!ّّ+_()*&^%$#@!ًَُّلإلأ[]ٍِ
فديت ترابك
يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ


سامي :
ايوه ياوليد بسافر معكم

وليد : حلو ومنها الاهل يتعرفوا على بعض

سامي
بخبث : اكيد الا انت عندك خوات = يستهبل هو عارف ان عنده خوات

وليد : وش فيك
فقدت الذاكره من ابتدائي وانت معي وماتعرف يعني

سامي : لا اقصد خواتك بكبر
اختي شموخ ونجلاء – قال اسماء خواته استدراج لوليد

وليد : ايوه اتوقع ان
اصايل بعمر شموخ اختك

سامي مثل ماتوقع ان اصايل اللي شافها مع سامي هذاك
اليوم بالمجمع بعمر شموخ : اها حلو ...

وليد بابتسامه واسعه : المهم ياحبيبي
يله نخطط لمصر ام الدنيا

سامي (( هههه والله لو تدري وش ناوي عليه مابتسمت
كذا )) : ياعمي خلها تجي كذا من غير تخطيط ....


وليد : غريبه انت كل شي
تخطط له

سامي بمكر : الا هذي هذي السفر ابغاها على البركه ... اقول وليد وش
رايك تعزمني على بيتكم نفطر

وليد : ياسعادة الضابط الزم المركز احسن لك
..لايجي بو عزام يغسل شراعك ....

سامي : ياخي اذكر شي عدل بو عزام وبعدين قل
ماتبغاني اجي لبيتكم وبلا هالفه الطويله

وليد بسرعه : آفاا والله افا ..حياك
الله هذا بيتك ياخوي

سامي ابتسم برضى : الغداء عندك

وليد : ابشر
...

دق جواله ليلي حب يثقل ومارد عليها ....او بالاحرى شاغلته اصايل ..اخت
صاحبه وصديق عمره..

[مـكـشختهم]

شموخ بالجامعه بالكلاس جالسه لوحدها صدقاتها قليله لانها انطوائيه
وماتحكي الا مع بنات حلوين

كلثم : شموخ ليه جالسه لوحدك

شموخ من غير
لاتناظرها : وش دخلك ..

كلثم عارفه طبايع شموخ بس تحب تكشخ فيها قدام
صديقاتها : لا بس اسال .. ريوف وينها غريبه ماداومت

شموخ :هههه ولا راح
تداوم هههه

كلثم : ليه .؟

شموخ : مادري
وقفت وتركتها (( مابقى الا
هذي تحكي معي ))

شافتها رسل بالمر واحتقرتها ريوف دقت عليها وقالت لها كل شي
...

شموخ حطت السماعه باذنها ومشت تتمخطر وعيون البنات عليها مميزه يالجامعه
بشكل لايوصف لبسها وتسريحة شعرها وجسمها اللي تتمناه اي وحده

ناداها صوت
ناعم وخجول : شموخ شموخ

شموخ كملت مشيها فكرت انها تتهياء حد يناديها لان
الاغاني معبيه اذانها ..وهي ماتحب تلتفت لاي احد يناديها من شدة ثقتها بنفسها
....

رجع الصوت يناديها لكن هذي المره وقفت البنت الناعمه وملامحها الطفوليه
قبالها : شموووخ

شموخ ابتسمت مصدومه : ريهاااام

ريهام حطت ايدها على
فمها بخجل وهي تضحك : ايوه ههههه

شموخ نزلت السماعة من اذنها وناظرت صديقتها
ريهام وصديقة اختها مروج ايام المتوسطه اللي تركتها ناظرتها من فوق لتحت لحد
هاللحين بنوته وحلوه شكلها براياء وجذاب كانوا دائما يقارنون بين جمالها وجمال شموخ
ومروج .. ولانها اقصر منهم كانوا يربحون وترجح كفتهم بس بياضها وصغر ملامحها وشعرها
القصير والمقصوص بطريقه جنونيه وملفته للانظار كانت ستايل جرياء وناعم بعكس شخصيتها
الخجوله والحساسه

قاطعتها ريهام وهي تضمها بشوق : وحشتيني

شموخ
والغيره تحرقها لان البنات يناظروها ويقارنوا بينهم مثل العاده بايام متوسط : وانتي
اكثر كيفك من نقلتي من متوسط ماسمعنا عنك شي ..

ريهام: تعالي نجلس واسولف لك
مشتاااقه لكم .. – ارتبكت باحراج نست ان مروج ماتت - اقصد مشتاقتلك

شموخ
فكرتها متعمده حقدت عليها اكثر : وانا اكثر ..

جلسوا بالكافتريا المزحومه
والعيون تناظرهم صديقات حلوات ومن هذي اللي معا شموخ بنت فارس الخيال

ريهام
بحماس : يوووه يا بينك ايااام ولا كانها اربع سنوات ماشفتك فيها كانها سنين ...
مشاء الله بعدك حلوه

شموخ بثقه وغرور : من يومي حلوه ههههه

ريهام
استغربت بالعاده شموخ كانت تتريق اذا حد قالها حلوه وتقول عيوبها هي ومروج بس شكل
الايام غيرتها بعد موت مروج : هههه ها ماتزوجتي

شموخ تناظر اظافره : الخطاب
كثير بس مافي احد يستاهل بينك ..

ريهام: ههههه ليه ..؟

شموخ : كذا
...ماجابته امه اللي ياخذني ...

ريهام: الله يهنيك ..

شموخ لفت عليها
ببرود تناظر ايدها الخاليه من الخواتم : وانتي ..؟

ريهام: انا لا مابعد
بدري

شموخ : اهااا ماقلتيلي متى جيتوا لشرقيه

ريهام: من اسبوع بس
انتقل بابا لهنا وجينا وانا احس اني مشتاقه لشرقيه

شموخ : ليه جده ماعجبتك
...

ريهام: يعني ماحسيتها مثل هنا بس تعودت ..

شموخ وهي تحاول
ماتناظرها لانها تتمنى تحرق وجهها البرياء : ايوه .. وناوين تستقروا هنا على
طول

ريهام: ان شاء الله ماتتصوري يابينك انا كيف مبسوطه بشوفتك

شموخ
ابتسمت بنفاق : وانا اكثر اسمعي من اليوم وطالع تجي معي على طول وانتبهي لاتتعرفي
على اي بنات ترى هذي الجامعه فيها همج كثير

ريهام: جد ..؟

شموخ :
اكيد علشان كذا ماحب اختلط باحد

ريهام: يعني ماعندك شله

شموخ :
لاااا

ريهام فتحت عيونها على الاخير : بينك ماعندها شلللللله
غريبه

شموخ : كبرنا على هالحركات

ريهام: بس انتي اجتماعيه
مره

شموخ بغرور : ههههه انا لا هذاك
اول


@@!!!ّّ+_()*&^%$#@!ًَُّلإلأ[]ٍِ
فديت ترابك
يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ

بعد
الغداء

دخلت وعود لغرفه اللي تجمعها مع لمياء وصارت تمشي تروح وتجي تروح تجي
تشبر الارض وهي تفكر تروح والا لا ...
الله الهمها تروح وتكسر عيونهم واللي فيها
فيها ...
جلست على مجموعه البطانيات بزاويه الغرفه الفاضيه بس فرشه قديمه ودولاب
قضى عليها الدهر ومراية حمام مطرزه بالابيض مسنده على الجدار ...

وعود :
بعدين حتى لو بروح ماعندي فستان البسه ..جاءت على الفستان وشعري والمكياج .. بس
فرصه يمكن اشوف يعقوب .. – قامت من البطانيات وتوجهت لدولاب اللي بدون ابواب تناظر
فستانها الارتكواز القديم اللي لبسته مليون مره – ياربي فشله اروح فيه بس شسوي مالي
غيره ياليت عندي فلوس حتى لو 200 ريال بفستان لحجي بس جديد ..

انفتح الباب
بقوه ودخلت ندى : طحت عليك

وعود بعيونها الحيره : هههه هههه

ندى شهقت
: وافقتي تروحي

وعود : فكرت وقررت لازم اكسر عيونهم بس المشكله ماعندنا
فساتين وفشله نروح بهذولا

ندى بحرمان : بعد وش نسوي مسكين ابوي الديون كاسره
ظهره ومايقدر ..

وعود غرقة عيونها : عارفه بس اتمنى والامنيات حلال
...

ندى طلعت هي الثانيه فستانها السمواي اللي فيه شك وردي من فوق وتحت قطعه
ساده موديل قدييييم مره : مانقدر نعدله

وعود : اكيد لا ..مافيه امل
حتى

ندى بتفكير : والمكياج ..والشعر ..

وعود : اكيد بناخذ استشوار
لمياء والمكياج بالبيت نحط كحل وروج ناعم والروج الوحيد اللي عندنا

ندى :
قلك نعماااات اه لو عندي فلوس كان رحت للمساء الاخيره او اشراقه العنود يقول
مكياجها مثل حنان دشتي ..

وعود مدت بوزها : آآآآآآه ... بس آآآه
..

ندى رجعت فستانها الوحيد لدولاب : اقول نحمد ربنا ان فيه على الاقل فستان
واحد بالدولاب ..ههه

وعود : وانتي صادقه ههههههه

ندى : تخيلي عندك
بطاقة بنك وفلوس كثير وناسه

وعود : خيالك واسع ههه ..

ندى تغير
الموضوع : اجل بكلم بنات خالي هواجس ونور يتجهزوا

وعود : اكيييد والله ماروح
بدونهم ..

ندى طلعت بسرعه وهي تصرخ : بروح ابشر امممممي ..

وعود
ناظرت فستانها بانكسار وقهر نفسها تعيش مثل البنات وتشتري اكشخ فستان واغلاه
..



@@!!!ّّ+_()*&^%$#@!ًَُّلإلأ[]ٍِ
فديت ترابك
يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ

على طاولة
الاكل الفخمه ...

منى: قول مين شفت امس ..؟

ريان عارف من تقصد اهله :
مين ..؟

منى : ماتتصور شفت امك واختك ..

ريان : طيب عادي ..ولاتخافي
محد من اهلي يعرف اني متزوجك ...

منى : عارفه حبيبي انت مستحيل تخبر احد
والا من بيفكني بعيالي ...

ريان : حنا بالاجبيل وهم بالخبر وين بيعرفوا
لاتخافي ان مستحيل اضرك بشي .. وبعدين سنتين ومحد يدري هالسنه بيدرون ..

منى
: عارفه والله عارفه حبيبي ليه تضايقت

ريان ابتسم ببرود : لا ماتضايقت بس
ماقلتيلي ايش رايك بشموخ اختي ..

منى بحقد بعد اللي سوته ببنت بنتها ريوف :
بصراحه مغروره وماهي بشايفه احد . .. واخلاقها شينه

ريان بمكر : بس حلوه صح
..تشبه لي

منى : هي حلوه وبرستيج وكانها اكبر من سنها بس مو احلى منك
..وماتشبه لك انت احلى

ريان : ههههههه انا هههه حرام عليك ياشيخه هذي مليكان
بيتنا

منى : وش فايدت حلاها دام اخلاقها كذا

ريان ببرود : ليه وش
عملت لك ..؟

منى : مو لي لبنت بنتي ريوف تصور ت

ريان قاطعها وهي يحط
الملعقه : الحمد لله ..حبيبتي انا علشان كذا ماحبك تتعرفي على اهلي ولا اعرف اهلك
بيجيبوا لنا المشاكل وبيفرقوا بيننا – بنظره تطيح الطير من السماء بعيونه العسليه
الناعسه – منونه حبيبتي لاتخلي احد يخرب حبنا ..

منى ابتسمت : والله ماغلطت
يوم تزوجتك ..

ريان : هههه قلتلك مراح تندمي

منى :الا ريان ليه
مارضيت توقع اوراق الشركه

ريان : لاحول ياذي الاوراق بالمكتب معتز وانتي هنا
خلاااص خلاص بوقعهم ..

منى : مو تسكتني اكيد .

ريان : اكيد ياعيوني
لارجعت لشركه وقعتهم

س: ايش راح يصير بالعرس ..؟
س: ومن هذي اصايل اللي
بيلحقها سامي لمصر ..؟

[مـكـشختهم]

الفصل الرابع



بكافتيريا المستشفى
..

ريماس : بيتنا زحمه الله لايوريكم ...كل عيال اخواني وخواتي عندنا
..

نجلاء : خالتي وش قصدك ..؟

مروه : واضح تقصدك انتي
...

نجلاء تنهدت : وش اسوي لاعت كبدي من شيمو وسواليفها اللي ماتخلص
..

ريماس : هذي مادري ليه شايفه نفسها هي ورى اختي شيخه دايم

نجلاء :
قصدك امي اللي وراها مو هي وراء امي

مروه : صار عندي فضول اشوفها
..

ريماس : لا لاتلوعي كبدك ترفع الضغط
..: السلام عليكم

اللكل :
وعليكم السلام

نجلاء ناظرت بريماس لانها تميل لدكتور مشعل كثير وماعندها
سيره غيره

الدكتور مشعل : ممكن اجلس مع الصبايا ..

نجلاء (( آف شيبغى
هذا مع وجهه ))

مروه : اكيد دكتور مشعل تفضل ..

جر مشعل كرسي وجلس
قبال نجلاء : اووه الثلاث الدكتورات فاضين ..

ريماس بارتباك : ايوه ناخذ
break

مشعل بابتسامته الجذابه : كلكم

نجلاء ماتطيق هذا الدكتور لانه
جذاب ووسيم واغلب البنات اللي يشتغلوا بالمستشفى يتمنوا منه نظره و يذكرها بغرور
شموخ وثقتها بنفسها .. ولانه ولد صاحب المستشفى يعني المستشفى حقته ..: ايوه عندك
اعتراض

ريماس انقهرت من نجلاء وضغطت على جزمتها

نجلاء لفت عليها
معصبه : خير وش فيك تضربين ..

ريماس وجهه تغير الوان وودها تذبح نجلاء : لا
شكلي دست عليك مادري

مشعل بابتسامه مرحه : لا ماعندي اعتراض بس انتم بنوتات
ولمتكم تشد ..وانتم حديث المستشفى ..

مروه : هههه نجلاء وريماس يمكن بس انا
ولله الحمد متزوجه ,,

نجلاء احتقرته من كلامه الصريح بالنسبه لها ماصار له
ثواني جالس يتكلم براحه كبيره معهم

ريماس : وفي احد اسالك انتي متزوجه والا
لا ..

مشغل بغرور : لا بس شكل مروه حابه تحذرني ..

نجلاء ((ياشيخ على
هالغرور الزايد ))

ريماس ببراءه ودلاخه : تحذرك من ايش ...- بعد ثواني لما
ناظروها نجلاء و مروه - آهااااا هههههههه ..

نجلاء تشرب الكابتشينو وتناظر
ساعتها (( متى ينقلع هذا ))

مروه تغير الموضوع : وانت دكتور مشعل اشوفك فاضي
..

مشعل ببشاشه : يعني كانت عندي عمليه من شوي وكانت صعبه مره بس الحمدلله
عاش المريض

ريماس : عملية قلب صح ..

مشعل استرخى بالكرسي بكسل : ايوه
معه تضخم بالقلب

مروه : الحمدلله اني اسنان ..

ريماس : لا انتي قرف
اسنان انا مرتاحه بالعيون والمرضى قليل ..

مشعل يدور ويرجع لنجلاء :محد
مرتاح الا دكتوره نجلاء اطفال ..

نجلاء رفعت عيونها عن ساعتها (( شيبغى هذا
..؟)) : اذا كنت قاصد بكلامك حسد فريح نفسك مانحسد شي بقسم الاطفال

مشعل ضحك
: هههههه لا مو حسد

ريماس تبغى تسولف معه : نجلاء تخصصعا جراحة قلب مثل
تخصصك والاطفال حاله عرضيه

مشعل رفع حواجبه : انتي دارسه قلب
..

نجلاء ناظرت ريماس نظره لها معنى تهديد ونجلاء ابتسمت بخبث ردة لها
حركتها بسرعه
ردت بدون نفس وهي تناظر ساعتها : ايوه

حطت الكابتشينو ..
ورفعت سماعتها الطبيه من الطاوله : انا تاخرت على المرضى عن اذنكم .. ريماس فزي معي
..

ريماس : ماعندي مرضى بجلس شوي

نجلاء : براحتك ..

ومشت
متنرفزه ماتحب تتعدى علاقتها مع الدكاتره اكثر من الشغل وماتعطيهم مجال يتمادوا
معها


مشعل ناظر نجلاء وهي تبتعد ((على بساطة لبسك جمالك واضح فيك شي
جذاب ))

ريماس كانت بعالم ثاني مع عيون مشعل وحركاته ونظراته - البنت خاقه
عليه ههه

مشعل لف عليها فجاءه نزلت عيونها بسرعه ماهتم كثير متعود على مثل
هالنظرات : مخطوبه ...؟

ريماس بارتباك اشرت على نفسها : انا
...؟!؟!؟!؟

مشعل هز راسه : لا دكتوره نجلاء ..

ريماس ببراءه : لا لا
مخطوبه ولا متزوجه ولا تفكر حتى ..

مشعل : ليه ..؟

مروه بنرفزه : شي
خاص يادكتور مشعل ..يله يا ريماس قومي تاخرنا بالبريك ..

ريماس قامت وهي
مبتسمه : فرصه سعيده دكتور مشعل

مشعل رفع ايده وابتسم : وانا الاسعد
..

ريماس ترددت تسلم ولا لا لكن نظرت مروه المصدومه خلتها تبتسم وتمشي
...

مروه بنرفزه : لا كان بستيه على خده بعد ..

ريماس : ليه معصبه
حبوب الرجال

مروه : انتبهي على نفسك هذا مرقم نص دكتورات
المستشفى

ريماس : اشااااعات ياماما اشاعات

مروه : اسمعي هاللحين دوري
لك صرفه مع نجلاء بعد لقافتك

ريماس : والله نجلاء بنت اختي وغصب عليها تسكت
وتحترمني ..

مروه : الله يعينها عليك ويعينك على نفسك

ريماس : اقول
روحي لشغلك احسن لك ...

................

نجلاء جالسه بالمكتب
بغرفتها تفكر بتخصصها اللي ماقدرت تشتغل فيه لان الفرصه ماجئتها (( بس انا برجع
اكلم المستشفى يمكن فيه امل ياااارب فيه ))

ادق الباب ودخلوا المرضه ورجع
دوامها الممل ..

[مـكـشختهم]

@@!!!ّّ+_()*&^%$#@!ًَُّلإلأ[]ٍِ
فديت
ترابك يالسعوديه
~~}{لآلأأـ،،///ْْْْ؟.,’آلآ{}لإإ‘÷×؛؛:.×,)’*÷آ

بيوم
الزواج

ندى : وعوده ايش رايك بعيوني ..

وعود : هههه امسحيه بس امسحيه
..

ندى : يوه هذي ثالث مره امسحه ومايعجبك ..

وعود : وش اسوي فيك
يعني مو حلو ..

ندى : طيب وش اسوي ..؟

وعود : صيري مثلي وانتظري لحد
مايجوا بنات خالي هواجس ونور

ندى : ومحد قالك انهم بيتاخروا ومراح يروحوا
للعرس

وعود: مراح يروحوا ليه

ندى : باختصار ماعندهم
فستان

وعود : ايوه راح عن بالي لاااا خساره

ندى : مو تقولي مانتي
برايحه بذبحك

وعود : لااااا اكيد بروح خلاص طلع من ايدي الوالده
واقعت

ندى : هههه احسن تستاهلي

اندق الجرس

ندى :
اكييييييييييييد وصلوا

.....................

نواف فتح الباب :
هلا

هواجس تقرص خده : هلا وغلا بزوج بنتي هلا فيك ..؟

نواف : لاااا
انتي تزوجي بعدين زوجيني بنتك المنتظره

نور تدفه : ابعد بس موتننا حر على
الباب وين الخايسات ...

نواف : داخل بغرفتهم ..

هواجس : نيفو حبيبي
انا عديتها هالمره بس المره الجايه مستعده ارمل بنتي واذبحك

نواف : لااااا
الله يغنيني عنك وعن بنتك

ام وعود : هلا والله بالبنات حياكم

هواجس
ونور : هلا عمتي ..

نواف دخل بسرعه يكمل لعب بالبلاي ستيشن

ام وعود :
ها جايبين العده هههه

نور ترفع شنطة المكياج : اكيييد

هواجس : الله
يسلمك عمتي كلها بودره وكم روج وانتي تقولي عده

ندى قفزت عندهم هي ووعود :
هلالالالالالالالالالالا وغلى بالحامل والمحمول حياكم تفضلوا

هواجس بغرور
مصطنع : يله حبي يدي وجهزي القهوه

ندى : ههههه بالمشمش

وعود : هواجس
بسرعه تعالي ابغاك ضروري

هواجس : يالله وش هالعيال عمه مايعرفوا يسوا شي
بدوني

ام نواف : ههههههه شفتي كيف ياهواجس انتي عمة نواف المستقبليه لازم
نستشيرك

هواجس وجهها حمر سمعتها عمتها وهي تطفش نواف : كنت امزح

نور
: هههههه يله بس ندخل ..

هواجس زينة وعود ونور زينة ندى .. لان هوجس ونور هم
اللكوافيرات بالعايله البسيطه ..

وعود ناظرت شكلها بالمرايه روج وردي وشدو
وردي ناعم وهذا الموجود ...: طيب مافيه ماسكرا

نور وهي مندمجه بوجه ن\ى : لا
احمدي ربك طلعوا هذولاء

ندى : ومعورين راسنا من الفجر مكياج وعده وشنطه
كبيره على الفاضي

نور : ندى اسكتي ماني قادره اركز

ندى : زييييين
سكتنا

هواجس : انا قلتلكم ماعندنا مكياج ينفع لزواجات

وعود اخذت
فستانها ودخلت لغرفة امها تبدل

ندى :خساره ليتكم معنا

هواجس قفزت
عندها : كيف رضت

ندى: هههه ماهنت عليها جئيت حبيب القلب

نور باستغرب
: جاء هنا

ندى : ايوه ومعه بنات عمي

هواجس : بس مافالت لي الخايسه
انه جاء

ندى : اسكتوا نفسيتها رجعت تسرح واذا حكت سالت عن الزواج وتوقعاتها
باللي ممكن يصير ..آه ياخويتي جيته طيرت قلبها

نور : مع وجهه له عين
يجي

هواجس : وش رايكم نروح معكم

نور: لاااااااااا كيف
..؟

هواجس : مادري بس بعد اللي سمعته تحمست نفسي اشوف وجه فتوح مقهوره وهي
تشوف وعود داخله زواج بنتها ...

ندى : ايوه ياليت تحضروا بليييز وانا احكي
مع لمياء بنت الجيران تدبر فستانين من خواتها

نور: لا ماينفع مفروض حكينا من
قبل ..

وعود : وشرايكم حلو شكلي .؟

لفوا عليها البنات وفستانها ذكرهم
بيوم خطوبتها وملوا من شكلها فيه بس مع كذا نعومتها زادت وجمالها برز حلوه وتحلي
ملابسها ..

هواجس : اسم النبي حارسك وصينك دنتي امر يابنت ...

وعود :
ههههه اضحكي علي يله ندوش البسي نشوف فستانك

ندى : عادي وش بيصير حفظنوا
شكلي فيه

نور : اقول لايكثر ولبسي نشوف شكلك ..

وعود : لحضه قبل
لاتطلعي ندوش اسمعوا فكروا معي ابغاه يشوفني

نور : يعقوب
!!!!!!!!!!!

وعود تنهدت : وفيه غيره ابغاه يندم انه تركني ويتعذب لما يشوفني
انا متاكده انه ميت فيني وماعزمونا الا لانه الح عليهم

هواجس: تعجبني
الواثقه هههههههههههههههه

وعود : والله متاكده اجل ليه جاء ..

ندى :
لا هواجس ووعود اجتمعوا راحت عليك يا يعقوب ههههه

نور : وانا معهم يله فكروا
باخلاص ..

ندى : انتي بعد انا بروح ابدل ولا لقيتوا حل بشروني

طلعت
وهي عارفه خبالهم لاجتمعوا اكيد بيجيبوا حل وبيخبلوا يعقوب ...:
هههههههه