هانت عليك ايام وشهور وسنين
ذكرى ايام المحبه انهيتها في دقيقه
ليه الغرور من عقب ماكنت مسرور
ليه الصديق يخون ذكرى صديقه
من طيبة قلبي ماعرفت الف ولا أدور
صدقت كذبك واحسب إنه حقيقه
عاهدتني واثر العهد زور في زور
خنت الوعد بعد العهود الوثيقه
توي عرفت إنك بلا إحساس وشعور
قصدك تسلى بالقلوب الرقيقه
غرك زمانك لين خلاك مغرور
تالي غرورك عشت هم وضيقه
ماني على طرد المقفين مجبور
كل على ماقال يدل طريقه