زرعت ماحبه ولا عاد لي فيه

[مجودي الشمري]

كلمات لامست الوجدان وحركت الاحاسيس
بل ايقضت جراحات الازمنة خيال ووصف وعتاب وعزة نفس
وفلسفة شعريه تفنن بها الشاعـر

قصيده اعجبتني للشاعر محـــــــــــمد الحويماني اتنمى تعجبكـم

+
,
+


ليت الورق يقرا وش اللي كتب فيه
وليت القلم يدري وش اللي جرابه

إن كان ماتمسي بصدري مشاريه
ولاتضايق لوتضيق الرحابه

وصوتي اللي عجزت الناس توحيه
غريب يوم أصوات غيري تشابه

البيت بيتك والمواري مواريه
لكن كبرت ولا كبر معك بابه

والناي لو نقض جروحك بأغانيه
جروح غيرك نقضتها ربابه

ماهو يتيم كنت أنا اللي ايغنيه
ولا هو فقير كان جرحي زهابه

والغايب اللي يغري الشعر طاريه
ماقل قدره لو يطول غيابه

كم لي ونا أحث القصايد تخليه
حتى تلاشت رغبتي بالكتابه

الشعر لو يفقد حروفه واساميه
مدري وش اللي بعدها ينبغابه

احترت بين اعتب عليه واراضيه
أخاف لا يجرح واظاهي بعتابه

أحيان أقول أبيه وأحيان ما أبيه
إلا أبيه ولو يبي لي عذابه

يلي تجونه دامني مقدر اجيه
وصوا ذهابه لا يشح بإيابه

وقولوا له إني من كثر ماني أغليه
اشرب سرابه وارتوي من سرابه

وعلى كثر مانسى إذا قلت ناسيه
دار الزمان وجاب عشقه وجابه

حنيت لأيامه وضحكة لياليه
قبله وبعده كل وقتي رتابه

إلمت قلبي عاقببتني محانيه
وان قلت أبا ارضي عز نفسي رقابه

البارحه قلت اكسر البوح وانهيه
كان الورق ارض وعيوني سحابه

زرعت ما حبه ولا عاد لي فيه
وجنيت أحبه لو يطول غيابه

ارق تحياتي

[سهرتني ياحب برتاح]

مجووودي الشمررري وقولوا له إني من كثر ماني أغليه اشرب سرابه وارتوي من سرابه صح لسان شاعرها وتسلم اليد اللي نقلتـــها اختيــــار ارتقى بنا الى سماء المتعـــه فلا نريد ان ننزل الا وقصيده اخرى من اختياراتك موووجوووده في المكتبـــه الله لايرحمنا منك اخوك سهرتني

[مزن السحب]

قصيده رائعه شكراً عالنقل اخوووي