.. ~ {وش تقــول للــي فـ بــاللــك } ~ ..

[ورد الندى]

انالا شفتك بضيقه أحس اني أنـا الغلطــان

أعاتب نفسي بنفسي ولو ماكنت انا الجاني

طلبتـك كان لي قدر ابعــد عنك الأحــــــزان

فديــت عيـــونك الحــلوه تبسم لو على شـاني

[قـيـس نـجـد]

انا الليّ همومي صايراتٍ عليّ كدر = لوّ انها تحوّل فوق غيري فقد عقله
لامنه اشتغل موضوعها داخل الصدر = تقلّ فايزٍ وسطه فريقٍ يصفقّ له
على الصاحب الليّ مانويناه بالغدر = شفوقٍ عليّ وانا ماغير أتشفقّ له
بنا بيت حبّه فالحشا واسس الجدر = وخلاّ معاليق الضماير تخافق له

[زهور الكون]

سلامتك ‏‏^‏‏_‏‏^‏

[عفاف]

ليت اللي فيني


فيك

[قـيـس نـجـد]

دكتور تكفى وقف الدرس لاهنت!!
وشلون ابفهم حط نفسك مكاني...

لاصار خلي هو حبيبك وانا انت!!
وتشوف خلك رايح لشخص ثاني ..

دكتــور أمنتك أمــآنه وآمــنت!!
منهو وفا فينا ومن هو أنـاني...

أمشي بدربه ولا انـا ماتعيـنـت!!
إلا وجـرحـه عن دروبـه حـداني..

تمكن بجرحـي وانا ماتمكـنـت!!
تمكـن بغدري بـعـد ماعمـاني

أحسنت في ظني ولاظني أحسنت!!
أحسنـت في ظني وظني عصاني

دكـتـور دونـي اذا مـا تـدونــت !!
عـبره لغـيـري دام ربي بلاني..

السالفه شابت وهي توها بنت!!
ماتت امـاني بس تبقى اماني..

دكتور تدري كمل الدرس هونت !!
خلاصـ أبفهم دام خلـي نسـاني..

[زهور الكون]

^_^

‏^‏_^

‏^‏_^

اشتقت لك

[({ همس الغروب} )]

الشوق ولع في خفوقي حريقة
يا مولع شوقي ترى الشوق حراق
ما اقدر اطيق الشوق مقدر اطيقه
الشوق يحرقني ولا عاد ينطاق
ودي على شوفتك بأسرع طريقة
مشتاق شوفتك يا اريش العين مشتاق
ارجوك عطني لو من وقتك دقيقه
يمكن تحس بلوعتي واشتياقي

[زهور الكون]

انا على فكره حياتي اليمه بس ببتسم لعيونك

‏^‏_^

[ورد الندى]

ياقلب لا تحزن و ابداً لا تبالي ***** خل الحزن ياقلب واترك طريقه

عيش الفرح وابشر بعز الرجالي***** واسمع كلام من يعشق الحقيقه

[قـيـس نـجـد]

ياويل قلبي كل مااشتقت لقياه
وشلون ماتشتاق عيني لعينه

أنا أدري إني حيل أحبه وأهواه
وأنا أدري إن القلب صار بيدينه

أموت أنا به في غيابه وأحياه
وشلون أجل لو صافحتني يمينه

حاولت أنا اكتم عبرتي يوم فرقاه
وألملم جروح الزمان الطعينه

واعطيه من قلب المعنّى معاناه
وآخذ من جروحه ولو هي دفينه

وأضيع به في زحمة الناس وأنساه
وأنسى معه ذكرى السنين وحنينه

لقيت نفسي كل ما حل طرياه
عروق قلبي كلها تقول وينه

يامر على قلبي ولا شك ينهاه
كلي أنا تحت الإشارة رهينة

ما كل من يضحك سعيد بدنياه
وما كل من يبكي دموعه حزينه

أحدن بكى .. والكل يدري عن بكاه
وحدن مع الضحكه تحس بونينه

ياشين فرقى الحب وياشين بلواه
والمشكلة دنيا بلا حب .. شينه

والزين ما يكمل ولو كان ماحلاه
إلا حبيبي ماتغيّر بزينه

ماجيت أسولف عن حلاه ومزاياه
يكفي أحاسيسي وقلبي عارفينه

كن الفضا في غيبته ضاق مسعاه
وكني غريقٍ ينتظر له سفينه

شف دنيتي ياصاحبي عقب فرقاه
مثل الظلام اللي حصل بالمدينة

باكتبه أنا في صفحة الشعر واقراه
وباذبحه بزود الغلا دون سكينة

وبارسمَه في لوحة الشعر وانعاه
وبادفنَه بين الضلوع الحنينه

بوسط الحشا في داخل الصدر مثواه
إما يسار القلب وإلا يمينه