قصيدة بالرنج روفر
للشاعر
براك الفريسي الجربا
راكب اللي يا وطى الخط ياطاه بثقه
يايواسى فوق اللاسفلت كنه لون داب
عادت المطنوخ بالطيب تلحقه اطفقه
اطــفقٍ طـفقٍ على الصعب لا يامال الذهاب
راعي الرادار ياصار ملبد بشنقه
يسهجه من عند خشمه مثل برق السحاب
مثل عرمودٍ توهل قوطي وسرقه
لجلج الرادار لاشك بالهويات ذاب
كل طبلونه مع الخط جابه و طرقه
يا تعدى تسمع الصوت يرهبك ارتهاب
البساتم تقل جربوع ياطق نفقه
والمجاري مثل سمٍ سرى من عض ناب
ونوره الملوي وش تشوف شمسٍ وشرقه
يجهرك والشمس فوقك حدر جنح الضباب
الحسود ان شاف زوله تجي فيه شهقه
والحقود تجيه نوبه وجلطه واكتئاب
والعدو قله تجرع من الضيم اللفقه
والصديق يشوف زولك تقل حظرة جناب
لونه الطائي من الزين والجل فرقه
وكل طيب يغلي اللون غير انه عجاب
وش اوصف ياهل العرف والوصف خنقه
المواتر من هيابه يجي فيها إرعاب
إن وصفته يوم قوّم اقول إنه فشقه
عقب وصف اللي نصى العلم بمريكا وجاب
لعنبوه الرنج شوفه غدة فيه شفقه
وإن لمحته بالصحاصيح اقول انه شهاب
لكن الرنج شيخٍ ومن جاه اعشقه
مركب الهاي هاي والتوب مطوعة الصعاب
والله ان الجمس عنده تقل زول سلقه
لو يقسطه الجميحي مثل رخص التراب
وش يجيب الزل والدل ياخي لخلقه
الأصايل والبغل ويش جاب و ويش جاب
ما يجي دونه سوى الجيوب ياوخر رقة
الجيوب اللي حوت كل اعجاب الشباب
واخذاةٍ من هل الشيب بصمه بورقه
بالمتانه والمكانه وفي قل الخراب
وشيك للي وقته الشين ضكه وعزقه
ومركبٍ يقطع جراهيد وطعوس وشعاب
لكن الرنج بلوى ومصنوع بثقه
والمواتر والله انه مثل وصف الركاب
كم جيبٍ طاح بالطين والرنج اعتقه
الحراشف في جنوبه على شان العباب
شف لشكمانه مع الصبح يابش عرقه
صافيٍ طشه مثل وصف يا طش السحاب
جرب الله لا يهـينـك مـع الرنج وسقـه
تشعر انه بالملفات ينساب انسياب
الألماني حوّل الرنج يوم انه اعشقه
فتفت اليورو على خشوم مخـاشرت الكلاب
لكن إن الرنج ياجا المواتر يفقه
يفهـقه بالقار والطعس وفي روس الهضاب
راكبه وصل سلامي لهل طيب ونقه
وخص بن عايد محمد بمخطوط الكتاب
يا عسى الله ما يخسر ولا يكتب فـقــه
جعل ربي يالغـفيلي يبارك بالكتاب
ويحـفـظـك من عين حاسد إليا ثار طلقه
ينقلب عنك البصر والحواسد للعطاب
قالها اللي يوم جاب القوافي ونطقه
شاعرٍ يرجو السموحة على قل الخطاب
وتقبلوااااااااااااااااااااااااااااااااااااا تحياتـــــــــي
يا راعي الرنج روفر شف الشاعر براك الجربا وش يقول >>
العرض العادي
