طرق التفنن في اضاءة المنزل

[قلب الزهـــور]

السلام عليكم ورحمة الله وبركاتة
الإضاءه LIGHTING
طبعاً تختلف الإضاءه بإختلاف شيئين

أول شي ذوق صاحب البيت

وثاني شيء وهو الأهم مكان هالأضاءه
بالنسبه للذوق يختلف بإختلاف مزاج الإنسان يعني مرات يجي في بالنا نبي ضوء أبيض بعدها نكرهه ونغير نبي أصفر
أو ممكن ضوء عالي وضوء خافت هالشيء يعتمد على نفسيتنا كيف بهاللحظه

عشان كذا أنا أفضل أننا نعتمد الإختيار الثاني وهو الصحيح اللي هو أختيار الإضاءه حسب المكان وحسب حاجتها

راح أبدأ بخارج المنزل
الأناره تكون محدده بأمرين

توضيح الممرات

والشي الثاني تسليط هالضوء على جماليات المنزل

هالصوره موضحه كيف الإضاءه على سور المنزل الخارجي وكيف محدده مناطق الجمال فيه

نقدر نوضح أشياء ونخفي أشياء ثانيه عن طريق الإضاءه

المنظر هنا روعه




تحديد الدرج بالإضاءه

برك السباحه لازم تكون واضحه تماماً عشان السلامه وعشان تعطي جماليه للمكان

[قلب الزهـــور]

النوافير نفس الشيء

إضاءه النوافير غالباً تكون ملونه

الحين ننتقل للداخلINDOOR
المداخل الأساسيه للبيت لازم تكون كمية الإضاءه فيها كبيره

غالباً نعتمد الثريات الكريستال

لأن مدخل البيت هو اللي يحدد نظرة الزائر الأولى لازم ياخذ انطباع حلو وينشد للباقي

النوعيه هذي جديده تصير كأنها ثابته بالهواء

هنا نفس الشيء،،،
لو كانت الإضاءه خافته ممكن تعطيه إحساس بالكآبه والممل قبل يدخل
أما الأمور الجماليه في البيت مثل اللوحات والأمور الشبيهه لازم نسلط عليها إضاءه عشان يبان جمالها

لو تركناها بدون إضاءه ممكن نحس انها مجرد جزء من الجدار مو أكثر
LIVING ROOM او غرفة المعيشه
الإضاءه حقتها حلو تكون خفيفه ومحدده بمناطق معينه لأن غالباً يكون فيها تي في والمشاهده أوضح وأريح وأهدأ لما يكون الضوء خافت

الإضاءه الجانبيه روعه

لون الإضاءه يعطي إحساس ثاني

[قلب الزهـــور]

الثريا روعه ونوعيتها مرره جديده وهي اللي مكمله كل الديكور
حلو لو يكون عندنا مثل هالأمور بالأسواق تعطي منظر تحفه ×ابجوره
حلو يكون الضوء محدد بأبجورات جداريه صغيره وأبجورات جانبيه حول الكنب عشان القراءه أو ماشابه

المطبخ KITCHEN

حدود الإضاءه بالمطبخ مالها نهايه
لأن نحتاجها في النظافه والسلامه والتركيز بعد
لازم تكون الإناره في المطبخ سقفيه وتحت الأدراج وتركيز على مناطق الشغل مثل الفرن
والمغسله

اللون رايق

ولو كان فيه جزيره بالنص لازم يكون نازل لها ضوء من الأعلى يعني أبجوره معلقه

هالصوره تحدد لنا أماكن الإضاءه المهمه بالمطبخ
DINING ROOM أو غرفة الطعام

تخيلو معي لو تدخلون مطعم وتلقون النور فيه مررره عالي

وتدخلون مطعم ثاني بنفس الفخامه بس الإضاءه هاديه ورومنسيه ومحدده على الطاولات وبس

وين بترتاحون أكثر؟
أكيد بالنور الرومنس الهاديء

عشان كذا الإضاءه بغرف الطعام تكون محدده بأبجورات صغيره أو سبوت لايت موجه للجدران وثريا كبيره نازله أعلى الطاوله ولو كان فيه بوفيه تكون فيه أبجورات جداريه موجهه له ،، وأهم شيء يكون شكل الأباجوره نفس شكل الطاوله،، لو الطاوله مستطيله الثريا مستطيله ولو دائريه نختار نفس شكلها بعد

[قلب الزهـــور]

وباقي الإضاءه خفيفه

السلالم أو الدرج STAIRS
عندنا مانهتم الا بالجماليه ونهمل السلامه ماعمركم فكرتوا ليه دايم عندنا أصابات وكلها طايحين من الدرج ؟؟

البب سمبل ماعمري شفت بيت حاط إضاءه على عتبات الدرج

الإضاءه بهالمكان حلوه لأنها توضح لك وين لازم تحط رجلك وغير كذا لو كان فيه سوائل أو مويه على الدرج تبان مع الإضاءه

أما جدران الدرج حلو نحط لها أباجورات جداريه وحلو النوع اللي يحدد الإضاءه من فوق ومن تحت يعطيك ديكور روعه

سقف الدرج مفروض مايكون فيه إضاءه لأن على الغالب صعب تغييرها أو تنظيفها حتى
ممكن تكون فيه أبجوره نازله من الدور الثاني ممتده للدرج مو أكثر

[ملكة الرومنس]

يعطيك ربي ألف عافيه
طرح رآئع وتواجد مميز ننتظر مزيد من العطاء
ودي وتقديري

[شمس القوايل]

يعطيج العافيه قلب الزهور ع الطرح الرائع

مجهود مميز عساج ع القوه

ننتظر جديدج القادم

[أم فارس]

موضوع راااائع جدًا، فبالنسبة لي أحب دائمًا أن أركز على الإضاءة فهي التي تبرز جمال المكان حتى وإن كان بسيطًا سواء في المنازل أو المطاعم أو حتى كوشات وقاعات الأفراح ^_^
والإضاءة تعتبر من أهم العناصر التي يجب أن تؤخذ بعين الاعتبار عند التصميم،،


يعطيكِ العافية يا عَسَل

 

[قلب الزهـــور]

اقتباس المشاركة الأصلية كتبت بواسطة ♪♥̊۾ـﻠﮕـةﭐلر̉و۾ـنسے̊♥♪ يعطيك ربي ألف عافيه طرح رآئع وتواجد مميز ننتظر مزيد من العطاء ودي وتقديري

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي

[قلب الزهـــور]

اقتباس المشاركة الأصلية كتبت بواسطة شمس القوايل يعطيج العافيه قلب الزهور ع الطرح الرائع مجهود مميز عساج ع القوه ننتظر جديدج القادم

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي

[قلب الزهـــور]

اقتباس المشاركة الأصلية كتبت بواسطة أم فارس موضوع راااائع جدًا، فبالنسبة لي أحب دائمًا أن أركز على الإضاءة فهي التي تبرز جمال المكان حتى وإن كان بسيطًا سواء في المنازل أو المطاعم أو حتى كوشات وقاعات الأفراح ^_^ والإضاءة تعتبر من أهم العناصر التي يجب أن تؤخذ بعين الاعتبار عند التصميم،، يعطيكِ العافية يا عَسَل

هلااااااااااا وغلااااااااااا
يسعدلي قلبك ويسلمووو ع الحضور الرآئع بصفحتي
تقبلي شكري تقديري واحترامي
مع تحياتي قلب الزهور
بباي