لبتسامة طفل في يوم ٍ سعيد=اشرقت شمس الصباح بمعطفي
للصغير اللي لبس ثوب(ن)جديد=والكبير اللي بعيده يحتفي
والسعاده فالكم عمر(ن)مديد=هذي هي غاية منايه وهدفي
لكل من جانا وجاكم من بعيد=والقريب اهديه شوقي واحرفي
ياشموخ الود يالصرح المشيد=ياضياء الحرف نورك ماطفي
بالتهاني والفرح شلنا نشيد=ياحمامه بالتهاني رفرفي
واكتمال العيد بالغالي اكيد=في حضوره زال همي وكلفي
هيه.. ياللي غبت يالظبي الفريد=هيه.. ياسبة جروحي وصلفي
ساري(ن)مفعول حبك بالوريد=جرحك اللي كنت خابر ماشفي
يازمان الوصل ! يالماض ِ التليد=ياعيون الشوق في قلب(ن) وفي
لارسالة عيد لو عبر البريد !=لاسؤال منك لو هو مايفي !
كل عيد وشوق قلبي لك يزيد=والمشاعر لاجل شوفك ترزفي
عاد عيدك ياعسى عيدك سعيد=انت يا عيد الخفوق ومسعفي !
جزله من جزل ولاعجباً أنها منكْ
وكل عام وأنت بأتم صحّة وعافيه .. وأعادة الله عليك وعلى اعضاء المنتدى عامه والقسم خاصه
باليمن واليسر والبركات
و " من العايدين مسبقاً "
جزله من جزل ولاعجباً أنها منكْ
وكل عام وأنت بأتم صحّة وعافيه .. وأعادة الله عليك وعلى اعضاء المنتدى عامه والقسم خاصه
باليمن واليسر والبركات
و " من العايدين مسبقاً "
العرض العادي
