حسبتك عديم الاحساس وصرت لي كل احساسي قصه رومانسيه سعوديه رووعه

[عاشقة الحرف]

تابع<<
في تطلع الفلوس من محفظتها: يله عشاني اخرتكم الفطور علي
نوف مسكت يدها : لاااااا والف لا علي الطلاق علي انا >>>وضربت على صدرها
مي : اقول بس خلصوني النص بالنص
دفعو البنات الحساب النص بالنص حسب الاتفاق^^
مي واهي تلبس غطاها: يله تراني ميته فيني النوم
نوف واهي تمسك رقبتها: انا رقبتي احسها مكسوره من النومه الغلط في السياره
في وعيونها ذبلانه: تحسبوني احسن منكم ادور السرير دواره
طلعو يمشوون وشافو خالد وزياد واحمد جالسين يفطرون وطاقينها سوالف وضحك
نوف عينها عليه ومي عينها تنتقل من زياد لخالد بمشاعر متضاربه
اما في كانت تحترق تبي تعرف وش الشي اللي قلب كيانه كذاا

×××××
خالد لمح البنات وعرفهم واهو جالس واحمد جالس جمبه ولف بالكرسي عليه يعني صايرين مقابل بعض بس خالد اللي يناظر اللي ورا احمد واحمد مو شايف
خالد يغمز: اقول حمود شوف اللي وراك قطع اووه
احمد منقلب وجهه اهو مو راعي مغازل: اقول بس اعقل وعن التغميز
خالد يتابع عمليه التغميز حقته: محد داري لف بس انت لف
احمد: ماراح الف

&&&&&
نوف: شوفي اخوي الخبل ما يخلي حركاته
مي: شكله عارفنا والا ما كان غمز
نوف: ههههههههههههههههههههههه شوفي واحمد غريبه ما لف
في قطعت سكوتها: احمد اخر واحد يسوي هالحركات
نوف "وهذا اللي عاجبني فيه"
نوف: يمكن خايف احد يعرفه
مي: لالا ما اتوقع يله خلونا نروح واقفين وقفه غلط
في: يله عجلوو ابي سرير سرير
××××××طاوله الشباب
خالد يمثل خيبه امل: حساافه راحو
احمد اخيرا راح تشنجه: الحمد الله ما بغوو
خالد ما قدر يمسك ضحكته:ههههههههههههههههههههههههههههههههههه
احمد مستغرب: وش فيك انت انهبلت
خالد لازال في ضحكه: لا ما انهبلت بس كنت قبل شوي اغازل خواتك
احمد عصب عليه: اخوااااتي
خالد خاف منه: لا تعصب واختي معاهم
احمد "نوف معاهم"
احمد: نوف معاهم بعد يسلاااام
خالد:ههههههههههههههههههههههه ايه
كان الشخص الثالث معاهم جسد بلا روح افكار توديه وافكار تجيبه كان طول وقته ساكت مو حاس باللي حوله رجعه للواقع صوت خالد يكلمه: ايه معاك يا خالد
خالد: لا والله مو معاي ولا شي
زياد واهو يقوم من كرسيه:يله عن اذنكم
احمد: على وين وين
زياد باين عليه الارهاق والتعب: والله فيني النوم ودي انام
خالد: خلاص اجل احنا اصلا شوي ولاحقينك كلنا فينا النوم
زياد: طيب مع السلامه
خالد واحمد: مع السلامه
....بعد ما طلع من المطعم........
خالد: ياخي حاله مو عاجبني
احمد يحاول يخبي او يستغبي بمعنى اصح: كيف يعني
خالد: شوف انا ساكت لحد الحين ما سألته ناظر وجهه كنه شايل هموم الدنيا فوق راسه
احمد: ما تدري يمكن عنده مشكله
خالد: مو يمكن الا اكيد بس انا لازم اكلمه
احمد: خله بحاله
خالد مستغرب من رده: وليش شكلك عارف شي وخبي علي
احمد توورط: وش اخبي الله يهديك بس قصدي لو انه يبي يقول كان قالنا ما ستنى نسأله
خالد ما اقتنع بالجواب مره: انا بسكت وبشوف زياد واعرفه زين متربين مع بعض وما اتوقع يخبي علي شي
احمد: انشاء الله ما يكون فيه شي بس مجرد تعب وارهاق
خالد: انشاء الله
///////////////////////////
راحو وكل واحد راح لشاليهم يستعد للنوم لانهم اتفقو يطلعون للكورنيش بعد المغرب

&&&&في شاليه ابو متعب &&&&
كانو البنات جالسين في غرفتهم جوها كان رايق الغرفه بارده ولون الجدران برتقالي معتق والأسره كانت من الخشب المعتق كانت جالسه تناظر في السقف واختها جالسه من الصبح على الجوال مو عارفه وش عندها
مها لفت بجسمها تناظر مشاعل: وانتي ما طفشتي من يوم ما دخلنا الغرفه وانتي بس تطقطين بهالجوال
مشاعل وعينها في الجوال:طيب وش عندك تبين مني شي
مها : لا ما ابي بس خذيها نصيحه وبطلي هالحركات قبل ما تندمين
مشاعل اخيرا رفعت عينها من الجوال: وش قصدك
مها بنظره غريبه: اظنك فاهمه قصدي
مشاعل: انا ماخذه خذري
مها مع عدم مبالاه: بس حبيت انبهك
مشاعل رجعت تناظر جوالها: شكرا على النصايح
****حل وقت المغرب وبدى الكل يصحى يتجهز للطلعه ***
في شاليه ابو احمد
ابو احمد كان ناوي روح المسجد اللي قريب من الشاليه حقه %%
ابو احمد: صحيهم على ما اصلي وارجع
ام احمد: ايه انشاء الله
راحت تصحي البنات
ام احمد واقفه عند الباب وتخبطه:يله قومو
مي من تحت المفرش : يمه خلينا ساعه بس الله يخليك
ام احمد بدت تعصب: اقول قومو لا يجي ابوكم ويعصب علينا
في تناظر امها بنظره كله نعس: يمه تكفين طيب مو ساعه نص ساعه بس نص اعتقينا لوجه الله
ام احمد عصبت الحين: اقول بتقومون والا شلون الناس بيطلعون بعد المغرب يله اخلصو اذا رجعت ولا قمتو ياويلكم من ابوكم
$$$$$راحت تشوف ولدها في غرفته طقت الباب بهدوء لقته ياخذ شاور طلعت وسكرت الباب
ام احمد واهي تجلس في الصاله: بدور يله روح البس
بدر متحمس يلعب بالجيم بوي: طيب اخلص واروح
ام احمد : ترا مالي خلق اعيد بيجي ابوك ويعصب علينا
بدر قام يتحلطم: طيب انشاء الله
&&&&&شاليه ابو متعب$$$
حصه تشرب شاهي وجالسه: ها وين رايح
ابو متعب:بروح اصلي وين بروح يعني وقومي بناتك لا نتأخر على الناس
حصه : طيب طيب بس انت روح وانا بقومهم
ام سعد راحت تطل على ولدها فتحت الباب لقته يصلي وجالس يقرى قران شكله شايل هموم الدنيا على كتوفه جلست على طرف السرير
ام سعد بوجهها السمح: حرما ياولدي
زياد يسكر المصحف ويبتسم في وجهها: جمعا يارب وياك
ام سعد: حبيبي احسك متضايق من شي وخبي علي
زياد" سبحان الله قلب الام "
زياد: لا يالغاليه ما فيني الا العافيه زي منتي شايفه
ام سعد بنظره حزن: كذا ياووليدي تخبي على اميمتك
زياد قام من مكانه وجلس جمبها على السرير حط يده على كتفها وحب راسها: يمه انا الحمد الله ما فيني شي بس متضايق ان سفري قرب واني راح اشتاق لكم
ام سعد تدور سبب عشان تصدقه: صدق هالحكي
زياد حب يدها: ايه هذا كل الموضوع اني راح اشتاق لك ومابقى من اجازتي الا القليل
ام سعد واهي تقوم من مكانها: الله يريحك مثل ما ريحتني قول امين
زياد من قلب قالها: اميين يارب
ام سعد رجعت جديه: يله اشوف قم البس خلنا نطلع الناس يستنوننا
زياد:ههههههههههههههه يله هذا انا بقوم
^^بعد الصلاه اتفقو على الطلعه
رجع ابو احمد ولقى احمد صاحي وجالس يتقهوى مع امه وبدر يلعب بالجيم بوي ووعد عند امها تصلح لها شعرها القصير وتحط لها فراشه على جمب
ابو احمد: السلام عليكم
الكل: وعليكم السلام
ابو احمد: يله مشينا
ام احمد تحط قهوتها: يله
ابو احمد يتلفت : وين البنات
ام احمد: تعبوني على ما صحو والحين يلبسون
ابو احمد:طيب زين احمد
احمد: سم
ابو احمد: خلاص انت جب خواتك واحنا بنسبقكم
احمد: انشاء الله
***طلع ابو احمد ولقى ابو سعد وزياد وابو متعب يستنونه**
ابو احمد: السلام عليكم
الكل: وعليكم السلام
ابو متعب: يله مشينا
ابو سعد: يله بس انتو عرفتو المكان
ابو احمد : في مكان حلو دايم نروح له جمبه ملاهي عشان يروحون البنات يتمشون اذا يبون واحنا نجلس نتقهوى ونعين من الله خير
ابوسعد: طيب يله
ركبو سيارتهم ومشو كلهم وراى ابو احمد
%%في سياره ابو فهد%%
ام فهد: تراني دقيت على وليدي يجي ابي اشوفه
ابو فهد: طيب دقي عليه احد ماسكك الله يهديك
ام فهد: لا بس اقولك
ابو فهد: وانا اتصلت عليه اول ما وصلنا وقلتله وقال بيجي لما نطلع بعد ما نريح ارتحتي
يتبع<<

[عاشقة الحرف]

تابع<<ام فهد: ايه ارتحت
**في الشاليهات خالد تأخر اهو واخته وابو فهد قالهم يجون مع بعض اهو واحمد
خالد وهو طالع من باب الشاليه: نوووووووووووووووويف يله خلصي
نوف طايره تركض تسكر عبايتها: ها جيت جيت بس لا تعصب
طلعو ولقو في ومي واحمد توهم طالعين
احمد يناظر نوف واهي منزله راسها ماتبي تحط عينها في عينه
خالد: ها ابو حميد نروح بسيارتي والا سيارتك
احمد: خلها هالمره سيارتي ياخي سيارتك ما تكفي
خالد كانت سيارته كورفت جديده لونها عنابي على احمر وماكانت تكفي خمس اشخاص
خالد: طيب ما لنا الا نروح بسيارتك المغبره
كانت سيارته اودي Q72005 لونها ذهبي...
احمد: انا سيارتي مغبره مافي واحد مغبر هنا الا انت انت من يوم ما طيرت الشوشه وانا شاك بأخلاقك الصراحه
خالد واهو يفتح باب السياره :هههههههههههههههههههههه اركب بس اركب
ركبو البنات ورى وخالد واحمد للي يسوق والبنات طول الوقت ينغزون نوف يبونها تطلع اصوات عشان تنحرج اكثر من ماهي منحرجه من احمد
احمد كان يبي يوصل لها معلومه راح حط سي دي لعمرو دياب الجديد
كانت الاغنيه رومانسيه اولها بيانو سكت على صوته الكل
اولهم نوف
كانت كلماتها روعه وتحمل معاني كثيره خاصه من شخص مثل احمد&&
خليك معايا^^^
خليك معايا^^
ياحبيبي مهما كان خليك معاي
ياحلم عمري اللي في خيالي من زمان
عارف انت اجمل حاجه تفرح الواحد
هي ايه ان اللي ياما حلمت بيه تلاقيه حبيبك
وانا عشت بحلم بالحظه ذي دا اللي بدور
عليه انا اسيب حياتي ودنيتي ولا يوم اسيبك
عارف بتعمل فيا ايه كلمه حبيبي زي اللي اول مره بيحس بأمان
خليك معايا
خليك معايا يا حبيبي مهما كان
خليك معايا
يا حلم عمري من زمان
كانت تسمع الكلمات مو مصدقه انها منه اهو من نفس الشخص اللي تحبه كانت طايره طايره ومحتاجه احد يمسكها
خلصت الاغنيه
خالد كان سرحان يوم خلصت الاغنيه رجع للواقعه وهباله: اخس اخس ايش هالرومانسيه يا ولد
احمد:هههههههههههههههههه انا رومنسي من يوم يومي بس محد حاس فيني محد
البنات معادا نوف:ههههههههههههههههههههههه
احمد يناظرها عيونها تلف برا تدور شي تناظره ومو لاقيه وكان يضحك عليها من قلب يحب حياها منه
وصلو مكانهم وشافو الحريم جالسين بجهه والرجال بجهه بعيده عنهم شوي والاولاد منتشرين يلعبون في كل مكان
كانت نظراتها له غريبه كانت مفتونه فيه وفي اسلوبه في شكله في كل تفاصيل شخصيته
مشاعل تهز كتفها: انتي اصحي اصحي كلتي الرجال بعيونك
مها بنظره اشمئزاز: وش تبين انتي واي رجال
مشاعل: مالي خلق اتكلم الحين هالحريم سوالفهم تجيب المرض قومي خلينا نتمشى
مها: لا مابي اتمشى معاك ابي امشي لحالي
مشاعل: براحتك انتي الخسرانه
جت بتقوم ...
حصه: شعوووله تعالي
مشاعل عرفت انها بتتهزء من امها: هلا يمه
حصه تسحبها لحد ما قربت من اذنها: وين رايحه انتي الحين
مشاعل: يمه بروح اتمشى طفشت من جلستكم
حصه: والله اذا اتأخرتي لكسر راسك فاهمه ولا تبعدين
مشاعل: فاهمه فاهمه اوامر ثانيه
حصه: لا بس طسي
مشاعل راحت تمشي لحالها واهي تتحرطم الشي اللي كانت مها مو عارفته ان فهد لحقهم للدمام لانه يبي يشوف مشاعل من كثر ما اهو مشتاق لها واهي تلعب فيه مثل الخاتم في اصبعها
دقت عليه: هلا فهود
فهد يميلح: هلا وغلا والله وينك
مشاعل تتلفت حولها: انت اللي وينك
فهد يناظر حوله: انا عند باب الملاهي
مشاعل: ايه خلاص عرفته انا قريبه
فهد: ياعيني استناك مو دقيقه طول عمري
مشاعل ضحكت ضحكه مالها طعم:هههههههههههه يله وصلتك
^^^^^^^^^
مي وفي ونوف كانو يتمشون ويسولفون طول الوقت سوالف وضحك ووناسه
مي: شوفو وش رايكم نركب سيكل كبير هذااك
في تدور حولها: وين
مي تأشر بأصبعها : هناك اللي راكبينه الاولاد
نوف تحمست: ايه ايه انا ابي اركب
مي: يله امشو انا اللي بستاجره لنا
&&&&عند الرجال&&
كانت السوالف ممله بالنسبه للشباب اللي طفشو من سوالف الشركه اللي اوضاعها هاليومين مش ولابد والاسهم اللي خسر واللي كسب
خالد يهمس في اذن احمد: ياخي طلعت هالسوالف من خشمي
احمد : انا طلعت من عيني يله نقوم
خالد واحمد قاموو
ابوفهد: على وين الاخوان تاركينا اكيد حشيتو قبل شوي تراني شايفكم
احمد وخالد:ههههههههههههههههههههههه
خالد: لا يبه بس تعبنا من الجلسه قلنا نتمشى شوي
ابو فهد: ايه طيب اقول روح وقف لخوك عند الشارع عشان يعرف مكاننا
خالد: انشاء الله

راحو وقفو الا فهد وقف سيارته ونزلت زوجته لمى شايله جوري وريان وراكان كل واحد شايله معاه سيكله صغير
فهد يسلم على خالد اللي ماشافه من فتره:هلا والله
خالد يحضنه: ياخي وحشتنا
فهد: ولله وانتو اكثر
احمد: هلا والله ابو فهيد اخبارك
فهد: بخير وانتو كيف عمي ابراهيم
احمد: شفهم هناك جالسين والحريم بعدهم بشوي
خذ جوري من لمى وحطها بحضنه
فهد واهو يمشي: ها وش رايكم ببنتي مو تشبهني>>وقرب وجهها من وجهه
خالد يطل في وجهها الصغير: والله بصراحه اذا البنت تشبهلك ضاع مستقبلها
لمى ابتسم من كلامه: الا قول مستقبلها مضمون
فهد: كفو والله حبيبتي انتي
خالد خذ جوري من حضن فهد وجلس يلاعبها واهي تضحك بين ايده : ياخي بنتك مطفوقه
فهد: افااا ليش
خالد: وش ليش أي واحد يشيلها تضحك له
فهد:هههههههههههه ونيسه ونيسه البنت
خالد: خذ بنتك ورح سلم عليهم وتعال تراني مشتاق لهبالك وسوالفك
فهد:ههههههههههه وانا بعد والله يله نروح نجلس معاهم شوي ونرجع نجلس جلسه شباب
خالد:هههاي قصدك جلسه شياب اذا انت معانا
فهد: اقول تلايط بس
احمد:هههههههههههههههه
***
كان جالس يتأمل البحر وروعته اضواء المدينه تنعكس على موجاته مده وجزره تعطيه جمال اكثر مما هو عليه نزل تحت جلس على رمل البحر بدى يلعب بيده ويرسم اشكال وقلوب تذكر الورقه الورقه طلعها من جيب جاكيته
فتحها بكل هدوء
حس بكف دافي على كتفه التفت لقاه
خالد: ها يا الاخو تاركنا وجالس لحالك ليش
زياد: ابدا بس تعبان اليوم شوي
خالد جلس جمبه: عسى ما شر شي ما تقدر تقوله لي يعني
زياد تنهد: لا مو هذا القصد انا اذا حسيت نفسي مستعد اتكلم انت اول واحد بيعرف
خالد احترم رغبته بالسكوت : طيب انا موجود متى ما بغيت تتكلم
حط يده على رجل خالد: مشكور
خالد: خخخخخخخخخ على ايش
زياد: كل شي
خالد: ولا يهمك يا رجال
&&نرجع للبنات اللي استأجرو لهم سيكل كبير ركبو حسب الترتيب التالي خخخخخخخخخ
مي اللي تسوق ونوف في النص بينها اهي وفي
نوف: ولله حلو عشان نروح نلف الكورنيش كله من دون ما نتعب
في: أي كورنيش كله انتي الثانيه والله لو شافنا الهندي ابعدنا عن هالشجره شوي ليلحقنا واهو ينتف شعره تنتيف
مي ونوف:هههههههههههههههههههههههههههههه
كانو يمشون بسلام حتى بدت في تسمع صوت بس بس كن واحد يلحق والا يكلم قطوه
لفت لقته شايب كبر جدها لحيته طويله ومعاه طفل صغير وراكب سيكل جمبهم ويغازل مشى الشايب بسرعه لحد ما تعدى سيكل البنات
في ولعت ما تحب احد يغازلها تحس بأهانه واهي تصرخ على البنات:ادعسوووو ادعسي انتي
مي ارتاعت: وش فيك
في ولازالت تصرخ:اقولك اعدسي والا لوريه هالشايب اللي ما يستحي
مي ونوف كانو ميتين ضحك مي واهي اللي تسوق كانت منزله راسها مو قادره تتحمل ضحكها ودموعها اربع اربع
ونوف مثل حالتها ضحك وصراخ من السرعه اللي كانت تمشي فيها في المجنونه
وصلو تقريبا جمب السيكل اللي فيه الشايب
استعدو البنات للتهزئ اللي بيجيه من في

يتبع<<

[عاشقة الحرف]

تابع>>>
في واهي تناظره: انت يالشايب خير تبسبس وش شايفني قطوو استح على وجهك وعلى شيبتك
الشايب انقلب وجهه مليون لون
في تكمل التهزئ حقها:واذا ما تستحي على شيبتك استح على البزر اللي معاك
ومشو البنات بسرعه قدامه وقفو على جمب مع حاله هستيريه من الضحك كل وحده تمسح دموعها من جهه
نوف تمسح دموعها اللي ملت نقابها: يالله بموووت شفتي وشلون صار وجهه
مي:ههههههههههههههههه ازرق
في: افاااعليكم ما بقى الا جدي يغازلني ولحيه بيضاء المشكله
نوف ومي:هههههههههههههههههههههههههههه
نوف: طيب يله دوري انا اسوق
مي وفي: لالالالالالالالالالالا
نوف: لا والله وشفيكم متفقات كلكم لالا
مي: نوف بصراحه انتي لقبك الحولاء واحنا مو مستغنيات عن اعمارنا
في: ايه والله
نوف: تكفون الله يخليكم والله بنتبه
مي رحمتها: ها في نخليها
في بستسلام: نخليها بس ما تطول
نوف استانست بدلو اماكنهم بحيث صارت في في النص ونوف اللي تسوق ومي في الجهه الثانيه
%%%
نرجع لمشاعل اللي شافت فهد واقف عند باب الملاهي يستناها اهي طول عمرها تحس بحبه لها بس عمرها ما فكرت انه ممكن يسافر لها عشانه مشتاقلها بس وما كفاه يسمع صوتها كان محتاج يشوفها طول عمرها ما تعطيه وجه انه يخطبها او مجرد يكلم ابوها
فهد: هلا والله ما اصدق اليوم اشوف قمرين واحد بالسما واحد بالارض
كلامه اشبع غرورها: مشكور يله ندخل
قصو لهم تذاكر ودخلو ملاهي مغلقه وبياخذون راحتهم فيها اكثر دخلو جوا وكان في مطعم فوق طلعو فوق جلسو على طاوله منعزله شوي حتى ياخذون راحتهم
مشاعل: انا ما ابي اطول
فهد : ماراح نطول بس انا ابي اكلمك في موضوع
فهد انسان محترم صدق انه يكلمها قبل الزواج بس عمره ما كر فيها بطريقه غير انها تكون له زوجه لانها بنت عمه اول شي ومايرضى عليها اللي يرضاه على بنات الناس كان صريح معاها برغبته في الزواج بس اهي كل مره تطلع عذر وتصده
فهد: ابي اكلمك في موضوع الخطبه يا مشاعل
مشاعل كرهت هالموضوع: وش تبينا نقول فيه
فهد ونفسيته باين انها تعبانه: يا مشاعل انا تعبت من الانتظار انا ما اقولك نتزوج الحين اقولك بس نخطب بس
مشاعل تحاول تدور لها عذر جديد : طيب بس
فهد: بس ايش قولي لي اذا ما تحبيني انا
مشاعل كملت كلامه: انت ايش
فهد بنبره حزن واضحه: انا بحاول اطلع من حياتك
مدري ليش حست ان هالكلام مثل الخنجر في قلبها عمرها ما حست انها تحبه مجرد تسليه وكل ما حاولت تتركه ترجع له بس من دون ما تعرف السبب
مشاعل:......................
فهد: يا مشاعل ساعديني عطيني جواب
مشاعل واهي تقوم من كرسيها: انا اسفه ما اقدر
فهد: وليش
مشاعل: عندي اسبابي
فهد: مشاعل انا بعطيك فرصه تفكيرين انا ما استغنى عنك بهالسهوله ابدا
مشاعل ارتاحت من كلمته: مشكور ممكن ارجع لهم الحين
فهد: تفضلي خلينا نروح
نزلو من فوق وجلسو يمشون يدورن الباب اللي دخلو معاه
خالد يناظر من بعيد: اقول زياد
زياد: هلا
خالد: مو كنها هذي مها بنت عمتي
زياد : وين
خالد : هذيك اللي واقفه مع واحد لابس ثوب من دون غتره
زياد: ايه والله مدري ترا الحريم يتشابهون من ورا
خالد واهو يمشي: لا انا متأكد
ــــــــــــــــــــــــــــــــــــ
بصوت جدي :مهاا
مشاعل وقفت ورجليها ما تشيلها لفت بكل هدوء:مين خالد
خالد يحاول يمسك نفسه: انتي وش تسوين هنا مع هذاا
فهد التفت على صوت خالد: لو سمحت ما اسمح لك
خالد بدى يعلى صوته: من انت عشان تسمح والا ما تسمح
مشاعل تحاول تهدي الوضع: خالد انا مو مها انا مشاعل مشاعل وهذا ولد عمي فهد
خالد مثل اللي انكب عليه مويه بارده وارتاح ان مها كانت عند كلمتها له: مشاعل وش وقفك مع ولد عمك اللي يشوفك ما يعرف انه ولد عمك والا خالك
مشاعل: خالد انا شفته بالصدفه وجيت سلمت عليه بس
زياد: خلاص ماصار الا الخير تشرفنا اخوي
فهد يمد يده: معاك فهد
زياد: والنعم وانا زياد وهذا خالد
خالد يسلم من دون نفس: هلا
فهد: اعذرني انا ما كان قصدي بس انت فهمت غلط االله يهديك
خالد: خلاص ماصار الا الخير مشاعل يله روحي
مشاعل ماصدقت سمعت هالكلمه وانحاشت على طول
فهد: يله عن اذنكم وتشرفنا
زياد: الشرف لنا
&&&
خالد : ما بغى يطس
زياد: وش فيك انت ولعت كذاا ما توقعت تعصب بهالسرعه
ما توقعت لاني كنت احسبها مها مها اللي غيرت فيني اشياء كثيره وعدتني وعدظنيت للحظه انها ما كانت قده وخانت العهد اللي بيني وبينها بس الحمد الله صارت قد ثقتي فيها
خالد: انا اصلا عصبي بس مسوي نفسي بارد
زياد: لا والله تصدق عاد
خالد: اقول مو انت صاجنا من الصبح تقول بطني بطني يله روح الحمام خلنا نرجع
زياد: طيب يله استنى شوي
&&&&&&&&&&&&&&&&
نرجع لنوف اللي لازالت تمشي بهدوء لحد ما مرو جمبهم سيكل كان راكب فيه بدر وسلطان وعد
نوف طقتها سوالف معاهم
بدر: الا اقول انتي الطريق قدامك مو جمبك ناظري لا تدعسين احد
نوف: اصلا انا سواقه ماهره
سلطان: الله يستر عليكم شكلكم مو راجعين البيت قطعه وحده
مي وفي خااافو:هههههههه
نوف لازالت مستمره بالسوالف لحد ما قربت من جهه من البحر كانت فيها اصلاحات والحصى اللي فيها ما كان موجود مشت بسرعه
لحد ما صرخو البنات:نوووووووووووووووووووووووووووف
نوف انتبهت ما عرفت وش تسوي تلف يمين يسار يمين يسار بس لسى رايحه للحفره مسكت في الدركسيون بقوه ولفته لحد ما انقلب فيهم على الرمل
مي تحاول تقوم من الارض واهي تتألم: حسبي الله عليك من بنت
في قامت تنفض البغار عن عبايتها:والله صدق من قال انك حولاااااااااااااء
نوف قايمه واهي متفشله من نفسها : الحين عرفت اني سواقه فاشله
مي لازالت تتألم من ظهرها: المشكله ياليتني صدقت احساسي قايله مايجي من وراك خير انتي
وقفو الاولاد جمبهم وساعدوهم ورفعو السيكل المنقلب
بدر جته حاله ضحك هستيريه:ههههههههههههههههههههههههههههههههه
وربي شكلكم يبيله كاميرا فيديو والله
سلطان مكمل ضحكه:ههههههههههههههههههههه ما شفتو كيف انقلبتو كنكم دجاج حاطينكم في قفص وينتفون ريشكم
مي: اقول اسكت انت الثاني تراكم ضجيتونا كله بسبب اختك المطفوقه
سلطان: قد اعذر من انذر
قامو وركبو مره ثانيه لان وقتهم خلص نوف قامت بترجع تسوق
راحت في رفستها طيحتها على الارض
نوف: عمي أي عورتيني
في: لا والله عورتك احسسسسسسسسسن
مي: ناويه تسوقين مره ثانيه اجل اقول اركبي وانتي ساكته
**نرجع للحريم وسوالفهم**
ام فهد تاخذ جوري من حضن امها وتلاعبها: ها يالمى انشاء الله مو جوري متعبتك
لمي: لا ياخالتي الحمد الله ما تعبتني مثل اخوانها
ام فهد: البنات دايم اريح من الاولاد
لمى زوجه فهد بنت مؤدبه وحلوه والكل يمدح فيها اخذها فهد عن حب وام فهد صارت تحبها وكل اهل فهد يحبونها لانها طيبه وبنت ناس استغنت عن كل شي عشان زوجها واول شي دراستها اللي ما كملتها كان تخصصها اداراه اعمال بس كانت مقتنعه انها تترك دراستها وتفضي نفسها لزوجها وبيتها
ام احمد: طيب يا لمى مو ناويه تكملين دراسه والله حسافه كان ما بقى لك غير اخر سنه
لمي واهي تاخذ جوري من خالتها:ودي ياخالتي انشاء الله راح اكملهم لسى باقي وقت
حصه: والله عذرني على هالكلمه بس انتي الغبيه المفروض ما طاوعتي فهد كان كملتي ورحتي معاه
لمى انقهرت من كلمتها: بس انا مع رجلي لو يروح المريخ لو قالي اتركي الدنيا تركتها لعيونه
الكل سكت عجبهم ردها على حصه كان قوي وسكتها
ام فهد في نفسها"كفو والله مره ولدي"
ام فهد لفت على ام احمد وبصوت واطي عشان ما احد يسمع: الا اقول ساره
ام احمد: هلا
ام فهد تبي تجس نبضها: وش صار على موضوع الخطبه
ام احمد: هابعدين يابنت الحلال خلي البنت تخلص ثالث ولكل حادث حديث
ام فهد: احنا ما قلنا شي بس الولد مستعجل اذا ما قلتو ايه يدور بنت ثانيه
ام احمد: اجل خليه يدور
ام فهد: افااا ما قلنا شي بس اقول ان الولد ما يتفوت وانا بكلم امه تصبر هالكم شهر
ام احمد: اشوفك مشتغله خطابه
ام فهد: يابخت من وفق راسين بالحلال
ام احمد: صح بس لازم الحين نستنى البنت لحد ما تخلص ما ابي شي يشغلها عن دراستها وخاصه انها توجيهي
ام فهد: الله يكتب اللي فيه الخير انا بشوف ام الولد واقولك
&&&&&بدى الوقت يتأخر والناس تروح وتقل صارت الساعه وحده بعد نص الليل
البنات راحو يطلعون الاولاد من الملاهي لانهم طولو هناك
نوف: يله قومي معانا امي تقول روحو كلكم جيبوهم من هناك
في بطفش: لا ما راح اروح انتو روحو ولا تطولون ابي اروح البيت تعبانه ظهري يعورني بسببك
نوف: تراكم ذليتو امي خلاص انسو
مي: ههههههههههههه طيب خلاص يله نروح لحالنا
÷÷÷÷÷÷÷÷÷÷÷÷÷÷÷÷÷÷÷
لمى: الااقول وين راكان
ام فهد: مدري كان يلعب هنا قبل شوي
لملا بدى الخوف يدب في قلبها:انا نسيت نظارته في البيت من دون نظارته ما يشوف شي
ام فهد: طيب لا تخافين تلقينه عند ابوه اتصلي عليه اول
لمى ما صدقت مسكت جوالها واتصلت على فهد:الو فهد
فهد: هلا
لمى: فهد راكان عندك
فهد: لا انا حسبته عندك
لمى ووقف قلبها: ياويلي ولدي ما ادري وينه
فهد: لا تخافين الحين نلقاه بروح ادوره وخالد بروح من جهه لا تخافين بنلقاه بنلقاه
لمى والدمعه على طرف عينها:: طيب انا بقوم ادوره معاك
فهد:لا انتي اجلسي وخلي البنات يقومون يدورنه
لمي : لا ما قدر ما اقدر
فهد: طيب لا تبعدين تلقينه قريب انتي عارفه ولدك ما يبعد كثير بس وشلون نسينا نظارته
لمى: مع العجله مع العجله يله قوم دوره بموت في مكاني
فهد كان خايف اكثر منها عارف ولده ممكن ينخطف او يروح مكان ما يعرف يرجع منه بسبب نظره الضعيف وكان صغير عمره 5 سنين بس ماسك نفسه عشان زوجته:طيب يله مع السلامه
لمي وقلبها متقطع: اول ما تلقونه قولولي
فهد: انشاء الله>>وسكر السماعه
÷÷÷÷÷÷÷÷÷÷÷÷÷÷÷÷÷÷÷÷÷÷
ابو فهد: وش فيكم خوفتونا؟
فهد واهو يقوم من مكانه: راكان ضايع مدري وينه
ابو فهد : انشاء الله ما ابعد كل واحد يروح لمكان يدوره
فهد: خالد يله قوم روح هناك دوره
خالد: يله
يتبع>>

[عاشقة الحرف]

تابع>>
احمد كان جالس مع زياد اتصل عليه خالد يقوم يدور في جهه ثانيه من البحر يمكن يكون راح هناك
زياد شافه مستعجل: على وين
احمد: راكان ولد فهد ضاع وبروح ادوره
زياد: طيب اجي معاك
احمد: لا خلك هنا احتمال انه جا هنا
زياد: طيب اذا لقيتوه علموني
احمد واهو رايح : انشاء الله


&&في كانت جالسه على صخره قريبه من البحر قررت تنزل تتشمى على البحر وتبلل رجليها بمويه البحر نزلت وتمشي بخطوات بطيئه وصلت وشافته جالسه قريب من امواج البحر مو مهتم اذا تبللت ملابسه او لا كان لابس تي شيرت اصفر وتحت بلوزه لونها زيتي مع بنطلون زيتي وكاب لونه زيته كان منزله على عيونه
في وقفت قريبه منه: عسى ما قاطعت افكارك
زياد استغرب من الصوت لانه عارفه رفع راسه: لا ما قاطعتي شي
في لازالت واقفه:طيب
جت بتمشي وبتعدي من وراه سمعته يقولها: مره ثانيه اذا لحقك احد قولي لي
في وقفت منصدمه :؛ ايش
زياد ابتسم: قولي لي يمكن اقولك انه كان انا
في عصبت عليه: كنت انت طول الوقت ليش ما تكلمت
زياد رفع لها حاجبه: حبيت اجننك
في حطت يدها على خصرها: لاعاد ما اصدق وليش تجنني بيني وبينك شي
زياد: ايه
في تفاجات من جوابه لها:ايش اللي بيننا
زياد عارف انها خافت من كلامه: بيننا صداقه والا كيف
في ارتاحت شوي: ايه اكيد وابيك تعرف شي واحد انك اذا احتجت تفضفض لاحد فأنا موجوده
زياد: مشكوره والكلام مثله لك
في: مشكور يله عن اذنك بروح اشوف البنات تأخرو والوقت تأخر وامي من الصبح تبنيني اروح لهم
زياد: تبين اوصلك لهم
في: لا افاا عليك ما يحتاج بأذن
زياد: اذنك معاك وانتبهي بنفسك
في: اوكي باي
****كان البحث مستمر عن راكان اللي له فتره مو موجود خالد مشى له مسافه وكانت مها وراه تدور عليه
لمحت طفل واقف عند عمود الاناره راحت تركض وحضنته
مها: وينك راكان يا قلبي خوفتنا
راكان: انا مشيت بعدين ما شفتكم
مها: ياحياتي تعال يله نروح ماما تبي تشوفك
نادت خالد اللي شافها لما لقته
خالد: اخيراااا
مها: ايه الحمد الله اتصل على ابوه طمنه قله الحين جايين لهم
خالد اتصل على فهد وطمنه اللي طمن لمى اللي كانت منجنه بس الحين ارتاحت
خالد مسك يد راكان وراح جلس على كرسي قدام البحر مباشره راكان نزل قريب من البحر
مها تأجرت وجلس على نفس الكرسي بعد هدوء لفتره
خالد: مها
مها من دون ما تلتفت عليه لانها حفظت شكله من اول ما شافته نازل من السياره لابس بنطلون اسود وبلوزه صوف لونها اسود وعليها صوره جمجمه صغيره من جمب وفيها بخه من اللون الاحمر ولابس قبعه صوف مغطيه كل شعره وعطيته شكل ولوك مرره خطير: هلا
خالد: وليد رجع كلمك مره ثانيه
مها :لا
خالد التفت وحط عينه بعينها: اكيد اذا سوى لك شي مره ثانيه بس تكلمي وشوفي وش بسوي فيه
مها : خالد ممكن سؤال وتجاوبني بصراحه
خالد صلح جلسته ورجع يناظر انعكاسات اضواء الشارع على مويه البحر : تفضلي
مها لفت واجهت البحر مثله: انت ليش ما قلت لاحد عن اللي صار معاي؟؟

خالد: انا اقولك ليش لن كل شخص يغلط في حياته وانتي بنت عمتي ولازم استر عليك وما اطلع اغلاطك لاحد وانتي تعلمتي من الدرس صح
مها : صح
خالد: خلاص ليش اقول لاي مخلوق
مها: مشكور مره ثانيه بس
خالد لف لها وابنسم: بس ايش
مها: ليش احسك اهتميت بزياده فيني
خالد توتر من كلامها حاول يدور جواب مقنع: لو أي وحده منكم كان اهتميت نفس الاهتمام..
مها ما اعجبها جوابه يعني ما فكر فيني بطريقه ثانيه مثل ما فكرت فيه: ايه اوكي يله وش رايك نرجع اكيد لمى ميته تبي تشوف ولدها
قام واهو ما وده يتحرك من الكرسي: يله راااااكان تعال بنروح
كانت ماشيه حست المكان بدى يصير موحش خافت ومافي ناس بالمره كأن الارض انشقت وبلعتهم
تكلم نفسها: وين راحو ذولي يالله
قربت من طرف الشارع كان مظلم شوي سمعت صوت سياره قربت ما اهتمت مشت تناظر طريقها بدت تسمع اصوات تطلع من السياره
كان في السياره شابين وباين عليهم انهم شاربين او متعاطين واشكالهم مره تخوف
الاول: ياحلووو عطني وجه تكفى الله يخليك
الثاني: مو لازم اهو انا اكفى
كانت اعصابها على نار وخايفه الموضوع يتعدى مجرد كلام حاولت تتصل بأحد أي احد يدها ترتجف من الخوف والسياره قربت منها لحد ما وصلت للرصيف
اللي خايفه منه صار وقفت السياره ونزلو منها الاثنين
في حاولت تركض بس كانو اسرع منها حست انها في مكان مهجور ما في من يسمع صراخها سودت الدنيا في وجهها مر عليها شريط حياتها حاولت تقاوم وتقاوم
الاول: يله اركبي اقوووووووول
والثاني يسحبها من عبايتها يبي يركبها السياره واهي تقاوم وتقاوم تفأجأت من نفسها تملك كل هالقوه اللي قاومت فيها لحد الحين
الثاني: يا الله يلللللللللللله ادخلي لاذبحك ادخلي
الاول: ياخي شلها شيل وانطلها في الشنطه الناس بدت تسمع صراخها
في لحظه غمضت عينها وانهارت وطاحت على الارض
وش راح يكون مصير في وهل هذي نهايتها وكيف تطور علاقه خالد ومها وجواب مشاعل لفهد ايش راح تختار؟؟

كل هذا بتلاقونه في الجزء الثااااااااااامن ....... انتظروني ..

[!!! الرومـ ^_* ـانسي !!!]

هههههههههههههههههههههههههههههههههههههههههههههههههه هههههههههههه
هههههههههههههههههههههههههههههههههههههههههههههههههه ههههههههههه
هههههههههههههههههههههههههههههههههههههههههههههههههه ههههههههههه


<<<<<<<<<<<<< حقد على عاشقه لانها رفعه ضغطه
يبي يعرف ايش بيصير بـ في

انتظر الجزء الثامن

لاتصدقي ماني حاقد <<<<<<< عشان تنزل الجزء الثامن

[عاشقة الحرف]

اقتباس المشاركة الأصلية كتبت بواسطة الفارس الرومنسي هههههههههههههههههههههههههههههههههههههههههههههههههه هههههههههههه هههههههههههههههههههههههههههههههههههههههههههههههههه ههههههههههه هههههههههههههههههههههههههههههههههههههههههههههههههه ههههههههههه <<<<<<<<<<<<< حقد على عاشقه لانها رفعه ضغطه يبي يعرف ايش بيصير بـ في انتظر الجزء الثامن لاتصدقي ماني حاقد <<<<<<< عشان تنزل الجزء الثامن

يعطيك العاااااااااااااافية ..

أخوي : الفاااااااااارس الرومنسي ..

يسلمووووو على تواصلك .. ومرورك ..

قريباً سوف أنزل الجزء الثاااااااااامن ..

أنتظروووووووووووووووني ..

[عاشقة الحرف]

آآآآآآآآآآآآآآآآآآآسفه على التأخير ..

بس التعليـــــــــــــق ما خلى أحد ..

ولكم الجزء الثاااااااااامن .. والتاااااااااااااسع ..

وآآآآآآآآآآسفه على التأخير مرة ثاااااااااااااانية ..

[عاشقة الحرف]

الجــــــــزءالثامن&&

شخص مسك واحد منهم وضربه ضربه خلته يفقد توازنه ومسك الثاني وضربه لحد ما بدى ينزف ركبهم سيارتهم وانطلقو ينفذون بجلدهم او الباقي منه
اسرع لها لقاها مغمى عليها حاول يصحيها: في في
في بدت تفتح عيونها بتثاقل : مين زياد
زياد: ايه زياد يله قومي معاي
في شالت نفسها بصعوبه كانت مسافه بينها وبين أي عائله قريبه مشت مسافه لاقرب كرسي راح شرى لها علبه مويه من سياره ايس كريم واقفه على الشارع
شربت المويه وحاولت تصلح شكلها وعبايتها اللي انشق كمها كتمت صيحتها بصعوبه: انت وش جابك
زياد : يالله منك عنيده بدال ما تشكريني
في بدت تفقد اعصابها: ايه مشكوور مشكور ولاتزعل
زياد خاف لا تنهار مره ثانيه للي حصل لها مو هين لو أي وحده تخيلت نفسها مكانها ما عرفت وش تسوي: طيب ولا تزعلين امزح معاك انا ما لحقت من قصدك
في تهدى اعصابها: اجل ليش لحقتني
زياد طلع شي من جيبه: بعد ما مشيتي طاحت اسوارتك هذي
الاسواره كانت جلد اسود وفيها في النص حرف Fمن الفضه
كمل كلامه: ولحقتك ابي اعطيك ياها وشفت اللي صار
في نزلت منها دمعه تشكر فيها ربها اللي انقذها وارسل زياد بالوقت المناسب ولا كان اهي في حال ما يعلم فيه الا الله: مشكور يا زياد انت انقذتني
زياد لاحظ دموعها: امسحي دموعك يا في واحمدي ربك ان الموضوع ما كبر اكثر
في: الحمد الله
دق جوالها وردت عليه بصوت فيه من الرجفه كثير
نوف: هلا فيوو
في : هلا
نوف: وينك انتي امك تقول انها من زمان مرسلتك لنا
في ترددت انها تقول لوف شي: لا بس جلست على البحر وسرقني الوقت يله اطلعو لاننا بنروح الحين
نوف واصوات الازعاج حولها: ايه اوكي بناديهم وبنجي على طول
في: اوكي
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
زياد: في الموضوع راح يكون بيننا هذا الشي ابيك تعرفينه
في واهي تقوم وتحاول تبين على طبيعتها على قد ما تقدر: هذا اللي توقعته منك عن اذنك
زياد : اذنك معاك
في رجعت تاخذ شنطتها والاثنين تكلمو في نفس الوقت بعد ما تلاقت عيونهم:شنطتي
زياد: في
في وزياد ضحكو على انفسهم:هههههههههههههههههههههههههههه
زياد خذ شنطه في ومدها لها: تفضلي
في: كنت تبي مني شي
زياد تردد في طلبه: ممكن اخذ ايميلك عشان لما اسافر ممكن نتكلم مع بعض
في احتارت انها تعطيه او لا هل احمد ماراح يمانع لو عرف بس اهي قررت تقول لاحمد بعد ما تعطيه: مافي مشكله اكتب عندك
طلع جواله وسجل فيه لايميل (((magnonah@hotmail .com)))
زياد ضحك على اسم ايميلها: هههههههههههههههههههه
في استغربت: وش فيك تضحك
زياد: ايميلك اسمه حلو مثلك
انحرجت من كلامه ما لقت نفسها الا منحاشه لعند اهلها وصلت عندهم ونست ان عبايتها كمها مشقوق
ام احمد بخوف: يمه وش فيك
في تناظر كم العبايه: لا مافيني شي بس تعلقت العبايه بالشجره وسحبته بقوه وانشقت
ام احمد ما اقتنعت:طيب يله ناديتيهم
في: ايه ناديتهم والحين جايين
قامو الخدمات يجمعون الاغراض ويركبونها السيارات
فهد: ها يبه بكرا اجل البحر نخلي الشباب يتسبحون واحنا نشم جو حلو
ابو فهد: خلاص بس متى ناوين تطلعون الساعه كم
ابو سعد: بس نبي نطلع ما تكون الشمس فيه قويه
ابو احمد: نطلع العصر تكون الشمس نزلت وهدت والوقت يصلح للسباحه ما اتوقع المويه بتكون بارده مره هاليومين الجو دافي
ابو فهد: خلاص قبل ما تطلعون دقو علينا
ابو احمد : صار يله فمان الله

ٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍ
%%ركبو البنات السياره يستنون ابوهم
كانت سرحانه وطول الوقت خايفه مع انها مو اول مره تطلع وتقابل واحد وهالمره كان ولد عمها بس خافت من نظره خالد لها خافت بشكل مو طبيعي
مها كانت تكلمها من الصبح واهي منطشتها: طيب يا شعيل عمى اكلمك وش فيك ما تردين قولي ما ابي ارد مو تسفهيني
مشاعل كشرت في وجهها:وش تبين انتي ما سمعتك
مها: وين رحتي لمارحتي تمشين
مشاعل : بقولك في البيت
مها: طيب
رجعت تناظر شباكها ناظرته يركب سياره احمد حست يفرحه غرييبه لما سألها عن حالها واذا وليد رجع تعرض لها مره ثانيه اكيد سؤاله له معنى مو أي احد بيسأل عنه كذا حتى لو اهو يقول انا مو مصدقه بس ما ابي ارفع امالي وبعدين انصدم واتحطم انا اعرف انه يحب مي ومي مطنشته لانها ما حست فيه مثلي
اهو انسان حساس بس كيف مي مطنشته الا اذااا؟؟
يمكن ليش لا
$$$في سياره فهد كانو الصغار نايمين من التعب واللعب اللي ارهقهم$$
لمى كانت ساكته على غير عادتها معروفه انها كثيره سوالف وما تسكت الا فيها شي
فهد حب يكسر هدوئها: الا سمعت عنك شي اليوم
لمى بستغراب : عني انا
فهد: لا انا ايه انتي
لمى رجعت تناظر قدامها: طيب من مين
فهد: من امي
لمى : طيب وش قالت خالتي اشوفك تتكلم بالقطاره
فهد حاب يرفع ضغطها:هههههههههههههههههههههههههههه
لمى ماسكه اعصابها: في شي يضحك
فهد:هههههههههههههههههههههه لا سلامتك
لمى وصلت معاها:خلاص مو لازم تقول شي بس اجلس اضحك
فهد: لا يا حبيبتي امزح معاك
مسك يدها وقربها وباسها لمى انحرجت منه:طيب
فهد: ياقلبي انتي لسى تستحين طيب اقولك وش قالت امي
لمى رضت على طول :ايه فهود عاد قول
فهد يبيها تدوخ شكله: يا عيون وقلب فهود انتي
لمى :..............................
فهد: قالت لي وش قلتي لعمتي حصه
لمى اخيرا فهمت: اهااا طيب ما قلت شي
فهد مسك يدها مره ثانيه: انا اسف يا لمى انا ما ابيك تتركين مستقبلك ودراستك عشاني
لمى: يا فهد انا ما تركت دراستي الا وانا مقتنعه اني تركت شي يستاهل الا لشي يستاهل اكثر منه
فهد: يا عمري انتي
لمى استحت: فهد انا ما قلت شي
فهد: كل هذا وما قلتي شي انت عارفه ان شغلي شوي وراح ننقله للرياض واذا رجعنا لك الحريه الكامله انك تكملين دراستك انتي كنتي لي اعز صديقه وحبيبه وزوجه عمرك ما قصرتي معاي ولا اشتكيتي حتى وانتي عايشه بعيده عن اهلك
لمى: الله يخليك لي ولا يغير علينا
فهد ابتسم لها: امين يارب
^^^^^^^^^^^^^^^^^^^^^^^^^^
كان احمد وخالد جالسين يسولفون وضحك نوف كانت منصته لصوته يدفى في كل عرق نابض
في كانت غارقه وحست زياد انقذها من مصير اسود لو انها ركبت في السياره معاهم كان مصيرها مجهول او معلوم لانه خلاص كان راح يتدمر راح ينتهي
لاحظت هدوء اختها على غير عادتها: في
في رجعت للواقع المر: نعم
مي: وش فيك
في: سلامتك
مي اجلت كلامها معاها لما توصل للشاليه: طيب الله يسلمك
&&&وصلو الشاليهات والكل كان تعبان وفيه النوم الا اشخاص النوم جافاهم وطار لبعيد&&
لبست عبايتها وحطت طرحتها على راسها ما تبي احد يشوفها من دون عبايه تغير في نفسها اشياء كثيره
جلست تحمد ربها في الدقيقه مليون مره كان الجو حلو لحد ما قاطعتها مي : ها ماراح تقولين
في تحاول تمسك نفسها انها تبكي: لا ماراح اقول
مي حست بأختها متأكده فيها شي : يا في يا حبيبتي طول عمرك ما تخبين عني شي ليش هالمره اعرفي شي واحد ان مهما كان راح يكون سر بيني وبينك
قاطع كلمتها بدر اللي ما نام وكان مستني امه وابوه ينامون عشان بيوصل الكلام اللي سمعه منهم لفي ومي
بدر من ورا: بوووووووووووووووو
في ومي انخفض عندهم الضغط
مي: حسبي الله عليك من ولد
بدر: بعد بعد هذا جزاتي
مي: تروعنا وتقول هذا جزاتك
بدر قرب وسحب كرسي وسوى دائره صغيره:لا عندي لكم سر خطير
مي: انت ما عندك غير الخرابيط
بدر:ترا بتتحسفين
مي: لالا كان فيها حسايف يله قول
بدر: طيب شوفي الموضوع يخص وحده فيكم مدري نسيت لااسم
مي وفي : فينا
بدر: ايه فيكم
مي : واللي هو ايش
قرب بدر منهم وبدى يقولهم اللي سمعه بالحرف الواحد بس لمى وصل عند الاسم
مي من الحماس والمفاجأه بغى يوقف قلبها: مين يا الاثول
بدرقام من الكرسي بسرعه: انا اثول ماراح اقول
مي قامت ولحقته:ها لاوالله اسفه بس ياخي انت تحر القلب تكلم بسرعه
بدر يسوي نفسه زعلان وما يبي يرجع يجلس: لالالا ما ابي اكمل

[عاشقة الحرف]

تابع>>
في: خلاص عاد قول
بدر: ايه بس هالمره عشان فيويه
مي: فيويه والا بيوويه بس قول
بدر: ايه وسمعتهم يقولون ان اللي انخطبت في
في فتحت عيونها وقف الدم بعروقها وصعب التنفس عندها: انا
بدر تردد: لالا
مي ودها تكفخه بس ماسكه نفسها لحد ما تخلص السالفه: اجل ايييييييش
بدر: لا كنهم قالو مي
مي من جد بغى يوقف قلبها : انا
بدر: انتو وشفيكم قلنا خطبوكم مو راح يشنقونكم كل وحده انا وانا
مي وتضربه على راسه ضربه: احر ما عندنا ابرد ما عندك يا اخي اف
بدر قام من كرسيه: الشره مو عليكم الشره على اللي متحمس يقولكم
مشى وتركهم في حيره وكل واحده تناظر في الثانيه تتمنى ما تكون اهي اللي وقع عليها الاختيار
مي : تتوقعين مين فينا ذا الخبل هبل فينا وراح
في بحيره اكثر من اختها: والله مدري مدري
مي: طيب هالكلام ما راح ينسيني اللي انا سهرانه عشانه
في: ياربي وش تبين مني
مي: طيب يله قولي
خذت نفس ورجعت نظرها لامواج البحر: طيب بقولك السالفه كلها
مي بحماس: طيب
كانت في تقول لمي كل التفاصيل ومع كلمه تتفأجأ اكثر من اللي قبلها رحمت اختها وحمدت ربها انه ستر عليها وعطاها القوه والعزيمه انها تتحمل وتقاومهم لحد ما جا زياد وانقذها من فضيحه عمرها
حطت يدها على فمها: الحمد الله يارب الله ستر
في بحزن ممزوج بفرح: ايه والله الحمد الله

%%%%%%%%%%%%%%%%
كان في شخص سمع من الكلام اللي فيه نصيب سمع كفايه انه يقدر يخطط ويشبك شبكته ويجهز انه يهدد ويبتز كانت جدران الشاليهات ما يفصل بينها وبين بعض شي ابسط صوت ينسمع ويعرف
طلعت تشم هوا وتفكر في موضوع فهد درسته في بالها اهي من النوع اللي يحب يخطط ويحصل على الافضل فهد رجال والنعم فيه مستوى واخلاق واهم شي يحبني

بس اذا تزوجته اكيد راح يتحكم في حريتي ويصير يشك فيني لالا ما ابي بس اخاف اخسره اكيد لو قلته لا خلاص بيسحب نفسه من حياتي مثل ما قال
ليش انا متضايقه لهاالدرجه من كلمته عادي مثله مثل غيره مجرد صديق وتسليه

بدت تسمع اصواتهم وتسمع مي تحاول تعرف شي من في وفي رافضه انها تقول
الكلام كان يوصلها متقطع تسمع كلمه وعشر لا
سمعت سالفه الخطبه كلها لان بدر كان صوته عالي بس الموضوع كانت تسمع كلمه وعشره تألفها في مخها حست بأنها فخوره بنفسها لقت شي تمسك على مي وفي

قربت اذنها من بين الفتحه تبي تسمع شي دخلت رجلها في الصخور اللي قدام البحر وتعورت: ايييييييييييي
مي وفي جلسو يتلفتون حولايهم:مين هنا
مشاعل طلت عليهم تحاول ما تبين انها سامعه شي: هلا بنات
مي ودها تسألها وش كانت تسوي بس ما تبي تبين لها شي: هلا مشاعل كيفك
مشاعل تتألم من رجلها: شوي رجلي تعوريني
طلعت رجلها وانحاشت: باااي بنات
مي وفي: باايات

لما تأكدت ان مشاعل راحت: تتوقعين كانت تتسمع علينا
في: مدري والله توقعي من هالبنت أي شي الله يستر
مي: لله يستر طيب يله قومي لا تخلين هالسالفه تخرب سفرتنا قومي نامي لاني الصبح ناويه اصحي البنات ونطلع نركب جت سكي
في بستسلام: يله قومي

^^^^^^^^^^^^^^^^^^^^^^^^^^^^^^
كانت مها جالسه في الغرفه استغبت اختفاء اختها فجأه ولفتره
مرت مشاعل المطبخ وجاب لها كاس عصير عارفه مها ماراح تخليها في حالها من دون تحقيق دخلت الغرفه لقتها بتستلم للنوم
مشاعل: يله لسى ما نمتي
مها بنعس: وش شايفه الا وين كنتي
مشاعل " بديــــــــــــــــنا"
مشاعل: ما تشوفين الكاس كنت بالمطبخ
مها: كل هذا طيب يله نامي بكرا مي قالت لي انهم بيركبون جت سكي اذا تبين تجين
مشاعل: وش تبي داقه عليك
مها: وانتي ليش زعلانه انا علاقتي فيها متحسنه
مشاعل: ايه طيب تلقينها وراها شي والا تبي منك شي
مها: مي وفي مو هذا تفكيرهم ما اتوقع لانها مو مجبوره تصلح علاقتها معاي الحين
مشاعل : انتي ما تدرين عنهم انا اللي اعرفهم زين
مها: اقول بس لا تصيرين شر وتتدخلين نامي كانك تبين تصحين من الصبح
^^^^^^^^^^^^^^^^^^^^^في البحرين
كانت جالسه في غرفتها تذكر ذاك اليوم لما رجعت البيت اخوها الكبير صالح وش سوى فيها طقها بعد ما األف له يحيي قصه انها طالعه مع واحد حاولت تفهمه الموضوع واهو مو راضي يفهم ناظرت علامه لونها ازرق انتشرت على جسمها اللي تشوه مع الوقت من الضرب وسوء المعامله
امها ما تقدر تسوي شي ضعيفه مريضه يالله تقدر تهتم بها بنتها عيالها مو حاسبين لها أي حساب بعد ما توفى ابوهم كل واحد طلع مع زوجته وسكن في بيت لحاله وهذا ما منعهم من انهم يتحكمون فيها وبحياتها

كرهت عيشتها حست انه اهو الوحيد اللي بيمنحها السعاده اللي فقدتها من بعد ما خسرت ابوها كان لها كل دنيتها وكانت له الدلوعه بنته الوحيده بين اربع شباب

في لحظه سمعت جوالها يدق
ردت بصوتها الناعم: الو
علي لما سمع صوتها نسى وش بيقول: هلا فاطمه
فاطمه تفأجأت لما سمعته ردت من دون ما تشوف الرقم: هلا بغيت شي علي
على حس انه ضايقها بتصاله: انا اسف اذا ازعجتك
فاطمه" صوتك احلى شي سمعته من اسبوع وتقولي ازعجتك لو علي ماراح اسكر السماعه ابدا"
فاطمه: لا ابدا ابدا
علي حب يدخل في الموضوع على طول: فاطمه فكرتي انا مو حاب اضغط عليك بس ودي اعرف الجواب
فاطمه بعد تفكير ودراسه حطت المساؤي والمحاسن ما لقت نفسها الا تقول: انا موافقه
على فرح لدرجه: لحظه بس
جلس ينط على السرير ورفس الطاوله اللي قدامه وجلس يبوس الجوال: هلا
فاطمه استغربت منه وين راح: شكله جوابي ما عجبك
علي: ما عجبني ما عجبني وشلون لا بس سويت طقوس اذا كنت فرحان
فاطمه ابتسمت: اللي هي ايش
علي: اول شي انط على السرير بعدين ارفس أي شي قدامي
فاطمه: ايه
علي: واخر شي ابوس الجوال
فاطمه انحرجت: طيب علي تامر على شي
علي:ايه ابيك تحددين موعد متى نجيكم
فاطمه ما ودها تقول بكرا وتصير مطيوره: الله يحيكم أي وقت
علي: طيب وش رايك بكرا
فاطمه" يخوف كنه يقرى افكاري"
فااطمه: الله يحيكم مع السلامه
علي: مع السلامه انشاء الله بكرا بكحل عيوني بشوفتك
فاطمه ماسكها نفسها ما تضحك: ايه انشاء الله
علي: يختي ياواثق
فاطمه: انا فاطمه مو أي احد
علي: وانا مين دوخني غير فاطمه يله انشاء الله نجيكم بكرا مع السلامه
فاطمه: مع السلامه


6666666666666666666
مع شروق الشمس امواج البحر الهاديه تنذر بيوم صافي وجميل فتحت ستاره غرفتها عشان يتخللها نور الشمس
حطت يدها على عينها من قوه النور كانت الساعه تقريبا 7 او 8صباحا
مي غطت وجهها بالمفرش: انتي تبين تعميني سكريها
في واهي واقفه تناظر المنظر: هههههههههههههههههههههه وهذي اللي صاجتنا جت سكي وجت سكي قومي ترا نوف قطعت جوالي من اتصالاتها
مي تذكرت وقامت بسرعه:ايه صح يله ابي اركب
في: طيب يله روحي البسي عشان نفطر وبعدين نركب
مي: لا ابي اركب اول بعدين نفطر في المطعم
في: اوكي بس يله عشان يمدينا نرجع ننام شوي ناسيه ان في طلعه بحر اليوم
مي: لا مو ناسيه
مسكت جوالها واتصلت
ردت عليها بصوت كله نوم: هلا ميي
مي: هلا مهاوي نايمه يله قومي تبين تجين معانا
مها فرحت انها احد تذكرها: ايه يله عشردقايق واطلع لكم
مي: اوكي بااي
××××××××××××××××××××××
نوف كانت تستنى برا في الشمس بعد ما قالت لها مي انها دقيقه وطالعه شافت باب الشاليه ينفتح راحت تركض
نوف واهي تركض: وانتي وينك خست من الحر
:ماعاش اللي يخيلك تخيسين في الحر
يتبع>>

[عاشقة الحرف]

تابع >>
:ماعاش اللي يخيلك تخيسين في الحر
نوف اصلا كانت حرانه من الشمس تضاعف عندها الحر: هابااي
احمد:لالالا استنى يله مي طالعه وراي
نوف مو عارفه وين تروح: طيب بستناها هنا
احمد: تعالي اركبي معانا السياره لان الجت سكيس من الجهه الثانيه من الشاليهات بعيده شو
نوف: لالا بروح مع خالد الحين بيطلع
،،،،،،،،،،،،،،،،،،،،،،،،،،،،،،،،،،،
شافته طالع راحت تركض عنده وخلته يشغل لها مكيف السياره
طلعت مي وفي وركبو مع احمد ونوف مع خالد لفو لهم مسافه لحد ما وصلو
البنات كانو لابسين جينزات ومجهزين انفسهم
لقو زياد جالس على كرسي تحت مظله كان لابس شورت بيج وبلوزه كت لونها اصفر وتارك شعره يحركه نسمات الهوا
كانت نظراتها له تغيرت بعد اللي صار امس احساسها من ناحيته غيرته كل مشاعرها حست فيه الشخص اللي تلاقت افكارهم وتفاهمت معاه حست احاسيس مختلفه لما تلتقي نظراتهم
التفت عليهم لقى احمد وصل قبل خالد ونزلت من السياره في ومي
في انا لازم ابعد عنك انا مو قد اني احب مره ثانيه ما اقدر افارق شخص احبه بسهوله مثل ما راحت مني خلود ما اقدر

%الشخص الوحيد اللي ما توقع ان مشاعره تتغير من ناحيه زياد هو مي نفسها توقعت انها راح تحب زياد طول عمرها بنت عليه امال كالزوج وحبيب بس كل شي تغير الحين كل شي
نظراتها له بدت تتغير فرحت ان الشعور اللي كان مسيطر عليها بدى يختفي

احمد يسلم على زياد: اشوى انك جيت كنت بزعل لو ما طلعت معانا
زياد: وانا اقدر ازعلك يا حلو
احمد: لا ما تقدر خخخخخخخخ
زياد: والله اليوم حر انت ناوي تركب والا لا
احمد: ما اتوقع وانت
زياد: انا لا ودي افطر اول اذا خلصت اشوف
احمد: طيب كلم الهندي يحجز لنا كل الدبابات الموجوده كم واحد اهي
زياد: اتوقع بس هذي اللي قدامك سته
احمد: انت كلم الهندي وان بشوف خالد بيركب والا لا
÷÷÷خالد توه نازل من السياره
خالد: هلا صباح الخير
احمد: صباح الخيرات ها ناوي تركب والا نخلي البنات اول وبعدين احنا بعدهم
خالد: يكون احسن لازم واحد يجلس عندهم والباقي يفطورون
احمد: اوكي صار خلاص قل لنوف تروح عند البنات هناك تجهز نفسها
نوف سمعت وراحت من دون ما تستنى خالد يقولها:
خال:ههههههههه اتوقع سمعت
&&عند مي مها اتصلت عليها وقالت لها ما عندها احد يجيبهم صحت مشاعل اللي قالت انها بتجي بعد شوي مع متعب بس بتفطر اول ومها متحمسه وما تبي تستناها
نوف رجعت عند خالد:خلوود
خالد يلبس نظراته: ها نعم
نوف:مها ماعندها احد يجيبها
خالد: طيب بروح اجيبها استنوها لا تركبون قبل ما تجي
نوف: طيب انشاء الله
&&&&راح للشاليه عشان ياخذها كانت تستنى عند الباب سمعت السياره وتطلع بسرعه تضايقت او فرحت ما تدري لما شافت انه اهو اللي جاي ياخذها توقعت معاه نوف او أي احد
لقته في السياره كانت بتركب وهونت
شافها واقفه تناظر وتسوي نفسها مو شايفته طفش من الانتظار نزل وياليته ما نزل نزل قلبها معاه
كان لابس شورت جينز وتيشيرت كت ازرق نيلي وكاب مفتوح من فوق لونه احمر
كان شكله يدووخ حلووووووووووو مع النظارات كان شكله مسكت>>>انا دخت وشلون اهي

خالد كان حران وطفشان: يله وش رايك اشيلك عشان تركبين بعد
مها تناظره ومفهيه: لا وش تشيليني بس صعبه اركب معاك لحالك بالسياره
مها في نفسها" اكيد يقول عني اركب مع رجال غريب ومع ولد عمي اتغلى واستهبل بس انا تغيرت لازم يعرف اهو وغيره هالشي"
خالد " الحمد الله اظن انها تغيرت وكانت عند كلمتها بس بجننها بجننها"
خالد: يله عاد بتركبين والا بروح
مها بعدم مبالاه مصطنعه: بكيفك روح
خالد راح وركب وشغل سيارته وشغل المكيف وفتح الشباك يسوي حركات نذاله الولد
يهزيديه يبي يطلع الهوا البارد عندها
اهي حست ببروده من هنا داخت من هناك تسمعه يقولها:ها بتركبين والا اروح ترا البنات يستنونك ما ركبو
بدى يمشي شوي شوي واهي ميته ودها تركب
وقف فجأه وجت تركض فتحت الباب ودخلت
خالد كان كاتم ضحكته بصعوبه: سكري الباب زين طيب
وصلها عند البنات اللي لبسو جاكيتات النجاه عشان البحر كان مرتفع موجه شوي
مها الوحيده اللي تخاف من البحر والمويه حاولت تتغلب على خوفها وسكتت وما قالت لاحد انها ما تعرف تسبح ابدااا

666666666666666666666
ركبو البنات كل وحده على واحد مها ونوف ومي وفي
احمد وزياد راحو يفطرون وتركو خالد عند البنات لحد ما يخصلون ماكان مشتهي اكل
شوي وجت مشاعل ومعاها متعب اللي ساق سياره ابوه
مشاعل شافت خالد حاط النظاره ويناظر البنات اللي مره مستانسين بس لاحظ مها كانت تمشي شوي شوي لدرجه انها ما تمشي والموج اهو الي يحركها
مشاعل من طرف خشمها: خل الهندي يعطيني جاكيت يله بركب
متعب: وانا
خالد: انت خلك مع دور الشباب اوكي
متعب: اوكي
مشاعل جهزت نفسها وركبت كانت خبره سباحه على عكس اختها
البنات فالينها اخر فله مي واهي تنط مع الامواج والسرعه :هههههههااااااااااي اووووووووووه
في كان لابسه كاب وفاصخه طرحتها: ياهوووووووووووووووو والله فله
نوف: ايه والله من جد يله نتسابق
مي: اخاف انتي تنقلبين والاشي
نوف: لالالا ماعليكم مني بس لا تبعدون مره اوكي
مي وفي: اوكي
مي: لحظه خلو مها تجي معانا
مي بصووت عااالي من اصوات الموج اللي غطت على كل شي: مهاااااااااااااااااااااا
مها كانت تحس نفسها ضايعه والموج يجرها لداخل البحر اكثر واكثر خافت تبعد وما تقدر ترجع مسكت البنزين وضغطته وعلق الزر وكانت مسرعه سرعه جنونيه
شافوها الجايه بسرعه جنونيه
نوف: مو مها اول مره تركب دباب بحري

مي: ايه اهي قالت لي وش فيها طايره كذا
في حطت يدها على فمها عشان يوصل الصوت: مهاااااااااااااااااااااا شوي شوي
مها وين والبنات وين كانت منجنه وش تسوي كل شي حولها صار لون واحد من السرعه وكل مالها تقرب من البنات واهم يناظرونها ويضحكون
ما يدرون انها مو عارفه وش تسوي
نوف بنظره متوتره: مو كن وجهها فيه الصياح وجايه علينااااااا
مي بنفس النظره المرعبه سرعتها خطيره: ايه
ما امداهم حتى يمشون من قدامها الا صاير اكبر حادث صدمت في نوف من جمب لحد ما انقلب فيها طارت وطاحت في المويه نوف من جهه ومها اللي طاحتفي جهه ثانيه بعد ما انصاب راسها

مي وفي نجو بأعجوبه من الاصطدام والثنيتن ما لاحظو انهم بعيدين عن الشاطئ الا الحين والمويه كانت مره عميقه وصعب الواحد يغامر وينزل
بس نوف ومها محتاجينهم
مشاعل كانت جايه مسرعه بعد ما شافت الحادث شافت عبايه وحده منقلبه مسكت يدها وسحبتها شافت انها نوف سوت اقذر حركه ممكن الواحد يتوقعها
نوف والمويه غرقتها وجبهتها يصب منها دم سحبت يدها: مشاعل طلعيني
مشاعل شافت وجهه: وين مها وينهااااااااا
نوف تعبانه ما تدري وين لله حاطها فيه: ما ادري
مشاعل تركت يد نوف وراحت تدور اختها رجعت تصارع المويه وفي ومي يحاولون كانو بعيدين من قطع المكسره حولهم قربو منها وحاولو يسحبونها بصعوبه طلعوها
شافو قارب فيه هندي وثنين شباب اللي قربو منهم ومدو لهم المساعده بحسن نيه >>اظن خخخخخخخخخخخخ
مي : يا اخوي طلعها اهي اول اهي مصابه
الاول: هاتيها ارفعي يدها خليني اسحب يدها
سحبو نوف وركبت معاهم مي في لحقتهم بدبابها للشاطئ
مشاعل كانت مثل المجنونه تدور من كل جهه اختها مثل الابره اللي اختفت في كومه قش صارت مثل المجنونه

5555555555555555555555555
خالد كان في عالم ثاني جالس يسمع اغاني ومتعب جالس جمبه اللي لاحظ حوسه وصراخ من بعيد وحده من البنات ترفع يدها تناديه
متعب يهز خالد: خالد قوم شوف وش السالفه
خالد قام من مكانه مرتاع يدور مكان ومصدر الاصوات: شاف في تأشر له انه يجي
طار اخذ الدباب اللي كان راكب عليه الهندي وطار لعند في
خالد مرتاع من اللي شافه: وش السالفه
في واهي تلهث كنها راكضه ميه كيلو: مها يا خالد مها
خالد سمع اسمها حس ان وده يفقد حاسه سمعه: وش فيها
في: جت مسرعه وصدمت نوف واغمي عليها
خالد مصدوم: ايه
في: ايه نوف لقيناها وطلعناها بس مها يا خالد مدري وينها دبابها موجود واهي اختفت
خالد يصرخ: وشلون اختفت فهميني وشلون
في تحاول تمسك نفسها: مدري وشلون مشاعل تدورها ومالقتها وفي قارب صغير في كم شخص يدورونها بعد
خالد ما صدق سمع اخر كلمه الا اهو شق الريح يسابق الوقت البحر غدار ومو قادر يتحمل انه يخسر مها ابداا
متعب راح يركض للمطلعم لقى احمد وزياد يفطرون
متعب كان يتلفت حوله واهو يلهث من الخوف نسى ان معاه مفتاح السياره
زياد يناظر متعب: متعب شكله يدورنا
احمد يأشر بيده: هنا متعب تعاال
متعب ما صدق جا ركض:تعالو الحقو
احمد خاف: وش السالفه
متعب: البنات اتوقع صار لهم حادث ومها او نوف ما لقوهم في البحر
احمد ترك اللي في يده وطلع يركض بسرعه غريبه نوف حبيبته في خطر ومحتاجته
وزياد كان معاهم خاف انه في فيها شي بعد


*8وصل وكان يناظر مشاعل اللي تدور وبدت تيأس مره عليها فتره مفقوده
خالد: مها وينها يا مشاعل ما لقيتيها
مشاعل بقل حيله: وانا وش درااااني انا ادورها من زمان اختي غرقت يا خالد الحقني وينها وينها
خالد جلست يناظر لقى البحر قدامه كبير والسماء فوقه اكبر دعا من قلبه : يارب يا يااارب رجعها سالمه يارب
خالد بدى يدور ويدور
خالد: مشاعل ارجعي وقولي لزياد واهو بيتصرف بسرعه
مشاعل تحب العناد لو مو وقته: لا ابي ادور اختي
خالد كان مو رايق لعنادها: يله روحي انا بدورها بسرررعه
مشاعل راحت بسرعه
وخالد رجع يدور بين موجات البحر الغادر يمكن يلقى لها اثر لمح من بعيد شي اسود ما صدق على طول طب في المويه مع انها كانت بارده
يبحث عن بصيص امل كانت سباحته كلها مهاره وبسرعه وصل حركه لقاه جزء من عبايه مشقوقه
خابت ظنونه واماله تكسر كل شي كل شي كان كاتم في نفسه همه وخوفه عليها ما كان يسمح لنفسه انه يتجرأ ويقولها لها انه يحبها
خالد انصدم من نفسه كيف طلعت منه هالكلمه كيف بس صح اذا قالو الشي ما يغلى الا بعد ما تفقده
فكر انه بعد ما اعترف ولقاها البنت اللي تناسبه ويحبها ماراح يخليها تتركه بهالسهوله فكر في راسه ولف ودور
اذا كانت العبايه هنا اكيد انها قريبه
رجع غاص جو المويه كانت مالحه والملح يضر عيونه صعب عليه الرؤيه يحاول يفتح اكثر ويركز على الشي اللي قدامه مو قادر....