من يبشرني عن أريش العين وعلومه = من شهر ما شفته وأنا خاطري عمس
زاد رجف الخفوق والكبد مثلومه = ولاح في عارضي أول الشيب مندس
بان فيني الشيب والروح مهمومه = هم مديون من الدين بات في الحبس
وجدي عليها وجد الي منه الساق مقسومه= كسير خلاه خويه قبل ميلة الشمس
أوجد أم على الخد بالخمس ملطومه = من يد أبنها سطت على خدها الخمس
تهل عبرتها والعين من النوم محرومه= مفجوعه وتضرب على الخمس بالخمس
على مبرومة الساقين من الارداف مظلومه=أعزل الخصرعشر وربع ما كملت خمس
منصوبة النهدين مستديره باول الزم مزمومه= يضايقها ملبوس النهد ما تداني المس
وشقر الجديل فوق المتن مردومه=تميل القذله على نصف حاجبها بدر عشر وخمس
خشمها قمة جبل عليه نهرين مظمومه=في بحر عينها يسبح الشوق وصوتها همس
حبال صوتها من ثقيل الصوت معدومه= رنة وترعود بريشة فنان مرهف الحس
ورده لها يشتاق الندى شوق روح مظلومه= تسعى لنصافها ولا بها واحد حس
كنها تاج الماس في عقد لول منظومه=من شافها يختل عقله والله العالم يصيبه مس
العرض العادي
