ًً[روحي بحايل]ًً

[تائهة المشاعر]

بسم الله الرحمن الرحيم

صباحكم /مسائكم ...خير وبركه
حبيت اضع بين ايديكم اجمل قصيدهـ في نظري قيلت عن مدينتي الغاليه (حائل)

وهي للشاعر أحمد بن فهد العريفي..



روحي بحايـل مـا تفـارق جبلهـا
.حبي لها عيّا علـى كـل الأوصـاف

افـرش حصاهـا واتوسّـد سهلهـا
. وارقد بحضن جبال سلمى ولا اخاف

اسمـح واراضيهـا واداري زعلهـا
. واشتاق له شوق الطنايـا للأضيـاف

او شوق سمر جبال حايـل لاهلهـا
. جاوزت من حبي لها حد الإسـراف

عيني بإجاء ماتسمـع اللـي عذلهـا
. وخشوم سلمى مثل شذرات الأسياف

قصـة غـرام تـراب حايـل نقلهـا
. تحكي على التالين من ماض الأسلاف

اجـاء تهضّـم عبرتـه وإحتملـهـا
. ولا هي بعادة عبرت الحـر تنشـاف

وحوّل على سمـر الجبـال ونزلهـا
. عن دار ذلٍ عقب ما شاف ما عـاف

سلمـى تغنـي لـه قصايـد غزلهـا
. على الوفاء والود وسلوم الأشـراف

وحاتم زرع عود الصخى في جبلهـا
. واوقد بشامخ ضلعهـا نارالأضيـاف

وعنتر علـى عبلـه كتابـه عقلهـا
. شحوا عليه عيال سلمـى بالإنكـاف

داربهـا الشلقـان صاغـوا مثلـهـا
. خويهم شالوه مـن فـوق الأكتـاف

وقصة معشي الذيـب محـد جهلهـا
. يا من يعد الذيب من عرض الأضياف

وراع اللبـون اللـي علينـا نزلهـا
. ترعـى لبونـه بالقريـه والأريـاف

ما لوم مـن روحـه لحايـل بذلهـا
. وارخص لها قلب من الـود ينـلاف

صح لسان شاعرها

..اتمنى انها تنال اعجابكم ..

[عبيــــرالــــورد]

روحي بحايل

الله الله عليك تائهه
على ابداعك
دومي متألقه


لكي شكري

عبير الورد

[تائهة المشاعر]

هلا وغلا فيك (عبير الورد)

نورت صفحتي المتواضعه بوجودك يالغلا

اشكرك من كل قلبي على الحضور المتميز

دمتي بــــــــــــــــــــــــود..

[الساااهر]

روحي بحايـل مـا تفـارق جبلهـا
.حبي لها عيّا علـى كـل الأوصـاف

افـرش حصاهـا واتوسّـد سهلهـا
. وارقد بحضن جبال سلمى ولا اخاف

اسمـح واراضيهـا واداري زعلهـا
. واشتاق له شوق الطنايـا للأضيـاف

صح لسانك يااحمد
يالبى حايل بس000
ديرتى وديره اجدادى وابائى فديتها وفديت كل مافيها000
تائهه المشاعر
ابدعتى بالنقل00كأبداع شاعرنا الغالي ابو فهد
سلمت اناملك وعافاك ربي عالمشاركه00
لكـ00اجمل تحيه بهالكون
لاهنتى,,,

[تائهة المشاعر]

كل الشكر والتقدير اخوي الساهر على مرورك الرائع

تسلم....دمت بخير

[؟ فلسفة شاعر ؟]

تستاااااهل حائل

ديرة اهل الجود والكرم

انشاء الله لها زياره خاصه في القريب العاجل

صح السان الشاعر ولاقصر

تائهة المشاعر / لاهنتي على النقل الرائع والجميل

دمتي بصحه

[تائهة المشاعر]

كل الشكر والتقدير لك استاذي طع شوري لاهنت على المرور

وحائل تزدان بحضوركم وتشريفكم لها

دمــــــــــــــت بخيــــــــــــر