استغرب أبوي من حركاتي الاخيره .... ماصرت اطلع واجد مع اصدقائي الكويسيين اللي ماكان
يرتاح لهم امثال : ابوجنزيرة وَ ظلمة الليل وَ مخاوي الذيابة
( اسماء رنانة ومشهورة بالحارة ) ...
وارتاح ابوي نفسياً ببرنامجي الجديد من تالي المسجد لغرفتي ومن غرفتي
للمسجد .... لا استقبل احد ولا احد يستقبلني ...
جلس ابوي يدعي ويدعي بعد ماكان يجلس
يدورني بالأسابيع غايب عن البيت ...
وكل همه ان افكاري ماتتلوث 
.... حبيبي يا بابا 
بعد ماتركت اصدقاء العمر أبوجنزيرة وبقية الشلة ...تغيرت حياتي ...
دخل على ابوي مرة ولاقيني مقابل الجهاز ... حس ابوي الدعوة مصخت كل ماخش علي لاقيني
مقابل الجاهز وفاقن حلقي بالجهاز ... ,,
صار ابوي يدخل علي كل ساعة ...
ولاحظ نفس الجلسه والوضعية ( ونفس البوهة ماتغيرت ) !!!
ماغير ترمس الشاي كل شوي ينقص ....
ماقدر يصبر ابوي ..
خربها الشايب ودخل علي بعنف للغرفة .. وقال وش سالفتك ؟
طبعا ماكنت حوله... كنت ملتحم فكرياً وجسدياً بالمنتدى ( منتدى الود ) ... ومنفصل عن العالم الكوني ...
مد ايده ابوي قدام وجهي .. وقام يحركها .. بس ماش منيب حوله
جالس اقرا موضوع .... واخطط على رد صهيوني .....
جاب ابوي طشت مويه باردة وكبها علي ....
وفجأه ,, وأقوم تقول مقروص
وانقز من مكاني !!! قال : هيه انت؟؟ وشبك؟
قلت: ابد الله يسلمك جالس مع اصدقائي بالمنتدى؟ قال: اصدقاء بالمنتدى؟
قلت: ايه اصدقائي ...
قال: عرفني عليهم يا ولدي!!... ..
قلت سم واجلس ابوي مكاني .... وعطيته نبذه مختصره عن المنتدى وعن الشات الموجود فيه وعن الاقسام الموجوده وما تحتويه من مواضيع وحركات و أنه أفضل منتدى ومن هالكلام ....
المهم .. قالي الشات هذا وشهو ..
قلت هذا سلمك الله مكان يتجمعون فيه أعضاء المنتدى عشان يسولفون مع بعض .. ويتناقشون في المواضيع المهمه .. او على الاقل يوسعون صدورهم شوي .. 
قال :: ايه والله تكفى .. ابي اسولف ياولدي .. عندي سوالفــ ن واجد ,,
قلت وهذا الشات قدامك ياطويل العمر .. اكتب اللي تبغاه .. ثم اضغط على (ُEnter)
جلس الوالد يكتب في الشات .. لكن ماااااااااش ..
طفش على طوول .. مافيه احد يسولف ..
مايشوف غير ( برب و باك و تيت و ولكمووووو )
ههههههههههههههههههههه
وكل ماكتب كلمتين تظهر له رساله مكتوب فيها (( Posting in progress )) .. زهق من هالتعليق ..
ناظر فيني ابوي .. وقالي .. بالله هذي هي السوالف حقتكم .. الواحد يرتفع ضغطه وهو لسى ماقال شيء ..
ههههههههههههههههه
قلت يارجال ماعليك من هشات البايخ ..
المهم
وافتح له الاقسام ودخلته على قسم الحوار العام ووريته بعض مواضيعي ,
وكان لي موضوع لاطشه من كتاب واقوله شف شف يبه ....
انبسط ابوي وقال : انشهد انك رفعت الراس ...الحين لايكثر وورني اصدقائك....
قلت: nowras و طلال التركي 
قال طيب خذ بي لفه على أرجاء المنتدى .
قلت : أبشر ... كني مرشد سياحي .
وادخل معاه قسم الفن .. و القا صور لهيفاء وهبي...وبعض اللي مهتمين بستار أكاديمي ..... وأشياء أخرى ... بلعت ريقي .....
وجلست أناظر في بوي واسنوني شاقه وجهي ... 
ويطلع ويدخل في قسم الضحك والفرفشة ... وقالي هذي بالله تسميها وناسه .. مواضيع متكرره وكلها نفس الفكره .. وكل واحد جايب له صورة هندي ويقول هذا فلان ..
هههههههههههههههههههه
وانا قمت أصب عرق من كل مكان....
وأمسك الفاره وغيرت مباشرة للقسم الديني بحكم ما يناسب تفكيره
وقلت أكيييييييييد راح يرتاح هنا.....وجلس أبوي يقرأ في المواضيع
شوي ناضر فيني. وقال: وين القسم الديني. قلت: هذا هو اللي أنت داخل فيه الان ,
عرفت أن المواضيع كنها أخبار سياسية مو مواضيع دينيه .
قلت طيب شوف عندنا في المنتدى قسم يهتم بالسياحة والسفر.أكيد راح يفيدك في سفرياتك الخارجية ...
يوم دخل وشاف .. قال : ياولدي قفل هالقسم لأمحطك بالعقال .. كل واحد فاشخ له صورتين ويقول هذي مناظر من المكان اللي رحت له في الاجازة ... المشكله الصور قديييمه ..
وبعض الصور مالها دخل في المدينه اللي يقول راح لها هههههههههههههههههههههه
المهم
بعدها قلب وجهي أحمر تقول طماط .......
قلت يابنسل مالك إلا قسم الأبداعات الأدبيه .. يمكن الوالد يرتاح مع الجو الرومنسي .
جلس ابوي يقراء في المواضيع شوي .. مافيه غير ( حبيبي .. عمري .. احبك .. حياتي .. بحبك )
قالي : وش ذا المصاخه ,, كأني اشوف فلم مصري على أوربت .. قلت : القلب وما يعشق 
ههههههههههههههههههههههه
جلست افكر مع نفسي ..
قلت ياولد غير بس ورح منتدى التصاميم والعروض وخله يشوف أبداعات الاعضاء وريح مخك......
شفت المواضيع السنعة .. قلت ايييه هذولي اصدقائي يبه.. ..شفهم ...
حط ابوي ايده على صدري ودفني بقوة لبعيد وقال اطلع برا...
خلني بشوف كل اصدقائك ... واتعرف على من تماشي !!
صرت كل شوي اطل من الباب .. وأشوف أبوي انسجم مع المنتدى...
.وماغير احوم واحوم..اقول يارب مايقرا مواضيع (........) ولا ينتبه لتوصيات (.......) ولا يشوف صور ال (....) ولا التعليقات اللي ( ...)
طلع ابوي من غرفتي ... بعد ساعات قضاها بالمنتدى ....
وانا استقبله منزل راسي ... ناظر يمين ثمن يسار ...
وانا حاط ايدي على راسي واحكه....
.مسكني من طرف اذني وقال تعال معاي وانا اقول : آي آي آي ...
دخلت مكتب ابوي وقال شف ياولدي .... ألزم ماعلي اخلاقك
وماتماشي الناس المش كويسين ... بس فيه كم اسم لك عليهم شوي وذولي تلقاهم بكل مكان
مو بس بالمنتديات .... بس ان شفتك تماشيهم ... فانا اشوف تتصل بابوجنزيرة وَ مخاوي الذيابة وتطلع معهم ابرك .... على الاقل هم راعين صلاة واللي مايخاف من الله بكل صغيره وكبيره ماهمه خلقه !! و لا اشوفك تماشي الناس المنشقين واللي مواضيعهم سخيفه .. وخلك من طولة اللسان ... ويكون لك هدف واضح وبين ... يوم القيامة راح تسأل عن شبابك وش سويت فيه . فأنتبه لنفسك فأنت تعطي وقت من عمرك للمنتديات وراح تُسأل عن كل كلمة وحرف فيه.....
ورووح الآن وكلم إدارة شبكة الـوٍٍد وخلهم يعطوني نك نيم معكم في المنتدى . 
PENC!L
.. الله يطول بعمر الوالد ويعطيه العافيه ويبارك فيك ويبعدك عن ابوجنزيرة وَ ظلمة الليل وَ مخاوي الذيابة هههههههههه لا وحاط حركات بعد 
العرض العادي
