يابوي ليتك حيّ وتشوف حالي!
تشوف وش هو صار من بعد فرقاك ؟
صار الوطن بعدك من الناس خالي
صار.. [ الوطن غربه ] بعد مافقدناك
يابوي أنا بعدّك سهيرالليالي
مقهور من دنيّاي منّا.. ومنّاك !
حدتني الدنيا وأنا راس مالي
إني .. عزيز النفس .. مثلك وشرواك
مافيه شيٍ في حياتي صفالي
حتى . الورود . إن جيتها صآرت أشواك
أطيح وآحمولي عليّا ثقالي
وأتخيلك مديت لي كف .. يمناك
بعدّك .. ولآ مره ترى إرتاح بالي
أصفّق على كفي ندم وآتحراك
ومن ضيقتي يا كّم أصّدق خيالي
وأقوم أدوّر عنّك وآقول بـ ..ألقاك
أضيع بالعالم وهمي سؤالي
هو أنت ؟ وينك ؟ ليه ماعاد شفناك ؟
أدري لو إنك حي يا أعز غالي
يمديك.. تفزع قبل..ماجيك وانخاك !
ويلآه ..ياحالي وماهو جرالي
ويلآه ..ياقلبٍ تعذب في طرياك
ويلآه .. يابويّه من أول وتالي
لا والله.. أول.. كان.. ينجيني دعاك
واليوم من بعدك وش اللي بقالي ؟
غير إني أدعي ربي يغفر خطاياك
يالله حطّه وسط منزآل عالي
في جنة الفردوس يارب الأفلاك
واغفر ذنوبه ياعزيزالجلآلي
واشرح لي صدرٍ ضاق من جّور دنياك
*
*
*
*
*
*
[والله يرحم ابوي .. ويرحم جمييع موتى المسلمين
دمتم بود ...~}
العرض العادي
