(مواقف مضحكه)------> كل واحد لازم يشارك يالله تحركوا ليه جالسين

الفـــــارس · 23-09-2002, 08:50 AM

يالله يا شباب وبنات
صراحه انا واحد احب القصص والمواقف المضحكه
واتوقع كل واحد هنا يحب هذي الاشياء

عشان كذا وللتسليه ابي كل عضو (سمعتوا ترى قلت كل عضو ) يقول موقف او حادثه محرجه بالنسبه له

يالله انا بابدا

قبل اسبوع كنت مايت جووووووع
طلعت انا و اثنين معي نتعشى
المهم رحنا (كنتاكي) وكل واحد طلب وبدى ياكل وينهش لحم الفريسه (تراه هامبرغر)

انا كالعاده اخر واحد اخلص اكلي
<<< حنين على الهامبرغر

وطبعا في بريطانيا من الادب انك تاكل وتشيل كل شئ وترميه في الزباله

المهم انا على نياتي قلت يالفارس
خذ الشئ الزين منهم

واقوم مثل الفارس المغوار الذي لا يقهر (اصلح كاتب مسلسلات الكواسر واخوانها)
فتحت الزباله ورميت كل شئ فيها
المهم الا شوي واسمع صوت

طخ طخ طخ طخ

انا قلت ايش هذا!!!!

تذكرت

مفتاحي رميته في الزباله
يوووووووووووووووه انا الحين كيف اطلعه :(
ورحت قلت لصاحبي وقعد يضحك
انا وجهي صار طماطم من الاحراج :o
راح صاحبي قال للعامل
العامل التفت على وضحك
راح قال لاصحابه وقعدوا يضحكون على
جاء العامل ولبس القفازات وطلع المفتاح من الزباله
بس دوروا للفارس
ههههههههه من حراره وجهه ذاب :o

:D :D :D :D

يالله اللي بعدي

مع تحيات
الفارس

(حقوق الطبع محفوظه)

اميـ الاحلام ـر · 23-09-2002, 09:09 AM

بسمه جامع القلوووووب

السلام عليكم ورحمة الله وبركاته

هلا والله الفـــــــــارس

موقف حلو بجد :D

انا صار لي موقف بس مو حلو :(

اسمع اللي صار
قبل ثلاث اسابيع

كنت رايح مكتبة جرير بالراشد
المهم

وانا امر بين الصفوف وابي اعبر من اليسار عند الووحات الكبار ابي اروح ناحية كتب الشعر

وتعترضني وحده انا طقيت فرامل ورحت يمين الا هي بنفس الوقت راحت يمين
رحت يسار الا هي بنفس الوقت راحت يسار
يمين يمين
يسار يسار

المهم انا وجهي صار طماطم على شوية فراوله

وقفت وهي وقفت سبحان الله بنفس الوقت

عاد انا مثلج

جت منها هي قالت لي حياك ( يعني تفضل اعبر )د

هي قالت كذا واحط انا على الريوس (للخلف ) وارجع اعبر من الطريق الثاني

عاد بعدها ما قدرت اشوف لا كتب ولا غيره من الاحراج

وبس وخلاص وخلاص وبس

تحياتي

اميـــــــ احراج ـــــــر

بااااااياتو

الفـــــارس · 23-09-2002, 09:16 AM

هههههههههههه

يوووووووووووه ما كثر المواقف اللي صارت لي كذا

بس والله طحت من عيني
افاااااا عليك المفروض انه انت اللي تقول تفضلي
على قولت الانجليز (ليديز فرست)(النساء اولا)
ههههههههههه :D

بس والله موقف محرج من جد
الله يكثرلك منها يا رب
:D :D
ههههههههههه

يالله اللي بعده
ابي اجمع مواقفكم واحطها في مجلد الود

هههههههه

مع تحيات
الفارس

بدوري · 23-09-2002, 09:18 AM

سلام لاحلي فارس .........

با النسبة للموقف الي صار معي موقف بس ايش اكثر من الف نسمة ضحكوا علي ههههههههههه

هذا يابوي العام في حرم المدينة بعد صلاة العصر طلعنا من الحرم ولا ذاك المطر الي يحط والناس واقفة تستتني المطر يوقف ويجيك اخوك بدوري ابوا الهبقات بينفلت جري يم المواقف بيروح السيارة جري وهاة ما قلنا بسم اللة ومع خامس خطوة تعرف ارض الحرم برة رخام ما حطيت رجلي الي اسوي دبلكية فوق وطب تحت وما تسمع غير تسطيح وراك طبعن كملت وما التفت وراي :D :D :D :D [COLOR=orange]

bad206@maktoob.com

نبــ الحــب ــض · 23-09-2002, 09:30 AM

هههههههههههههههههههههههههه
طيب اسمعوووووو وش قصتى
رايح الكورنيش ابى اتمشى ومسرع على الخط <==مجنون زحمه وسررعه
المهم طلع لى واحد الله يغربله وصدمته والخطا على
نزلت من السياره ابى اتصل على واحد من الشباب وكنت مندمج في المكالمه والناس يطالعونى ولا ان طررررررررخ بالماصوره
شيييييينه وربى صدمتين في وقت
<===
تشااااااااو

الفـــــارس · 23-09-2002, 09:48 AM

هههههههههههههه
يا مسكين
يا ليتني حاضر الموقف
كنت باجي اتبطح جنبك من كثر الضحك

المهم
طبعا مع الفشيله ما حسيت باي شئ يعورك

انا صار لي كذا في الراشد
كنت اتسابق انا وواحد
المهم
وصلنا الدرج وانا ارككض واطيح طيحه قويه
المصيبه خويي ما ساعدني
قعد يضحك علي بصوت عالي وسمع الي ماشاف الموقف
انا قلت في نفسي (اشوى ماحد شاف)

وما التفت الا القى هنديه حاطه يدها على فمها وقاعده ضحك وابوها يسكت فيها يحسبني باسوي شئ
المهم كملت الجلسه على طرف الدرج وخويي لسه قاعد يضحك

هلا والله بنبض الحب
الحمدالله على السلامه
زين انك لقيت شئ يضحكك كل ما تذكرت الحادث
انا صدمت بسيارتي اللي مالها شهر وحاقد لحد الحين على نفسي

مع تحيات
الفارس

الفـــــارس · 23-09-2002, 10:32 PM

افاااااا والله

كل ذولا الاعضاء والزحمه اللي مسوينها هنا ومافي الا 5 مواقف طريفه

اقول حركوا نفسكم وتعبوا ايديكم وعطوني موقف طريف

لاني باجمعها كلها في مجلد

ودي كل ما اقراها اضحك على اعضاء الود

ههههههههههههه :D :D

بس يالله ورينا فضايحكم

مع تحيات
الفارس

][MALAK][ · 23-09-2002, 11:34 PM

هلا وغلا الفارس

انا اذكر صارلي موقف وحنا في الشرقية..موقف محرج
كنت انا واهلي في منتزه وبعد ماتعشينا ونبي نطلع سبقوني اهلي
وانا ماسكة يد جدتي اساعدها........................................... .........ومرينا قرب طاولة واقف عندها رجال على اعصابه

وكان يناظر فيني انا وجدتي وانا منزلة راسي واقول وش فيه ذا الملقوف وش يبي لا ومعصب بعد
ولا يقول توك توصلين اخرتينا وليش جاية من ذا الطريق؟؟؟؟؟؟؟؟؟؟؟؟؟؟؟؟؟؟؟
طبعا انا

وانا مبحلقة فيه من هول المفاجاة=======>>تحب تهول الموضوع
وجدتي مسيكينة يالله تسمع
شوي استوعب الرجال الموضوع ولا اشوف واحدة من وراه بنفس هيئتي وماسكة بيد حرمة عجيز
خخخخخخخخخخخخخ
تخيلو شكل الرجال بعد مادرى الموضوع والحرمة ذي تناظر فيني وش يبي اخوها مدري زوجها بذي البنت

الفـــــارس · 23-09-2002, 11:41 PM

هههههههههه
مشكوره ملاك على تفاعلك معنا

بس والله موقف محرج بس ما قلتيلي ايش كان بيكون شعورك لو جاء وطقك
ههههههههههه :D
<<<< يحب المصايب

مشكوره اقين

مع تحيات
الفارس

بدون زعل · 24-09-2002, 12:02 AM

هلالالالالالالالالالالالالالالالالالالالالالالا

المواقف المحرجه والله مع عضو حذفت مشاركه له مكرره اكثر من مره وقديمه

وزعل وما صار يدخل المنتدىة ( الله يرده )

مشكوووووووووووووووووووووووووور

باااااااااااااااااااااااااااااااااااااااااااي